Ka Nupepa Kuokoa, Volume XXXVIII, Number 11, 16 March 1900 — KA LUNAKANAWAI HOU O KA AHA KAAPUNI O KA APANA KAAPUNI EKAHI. [ARTICLE+ILLUSTRATION]

KA LUNAKANAWAI HOU O KA AHA KAAPUNI O KA APANA KAAPUNI EKAHI.

Ma ka Poakahi neik i hoeimaka ai ka noho ana o Reuben D. Silliman i Lunakanawai Kokua no ka Aha Kaapuni o ka Apana Hookolokolo Kaapuni Ekahi o Ko Hawaii Pae Aina nei, a e I>aa ana oia ia oihana a hiki i ka wa e loaa ai ka oluolu pono loa ia Lunakanawai Stanley. i O keia kanaka opio i kau ae la ma j ia wahi, he kanaka ia i hoopihaia me ka ike kanawai nui, a mai ka mokuaina mai oia o Mikigana. Ua hookumuia kona ike kanawai maloko o ke

Kulanui o Mikigiana, a ma ka makahiki 1894 i hoopukaia ai oia mailoko mai o ia kula. Ua aeia oia e lawelawe i ka oihana loio ma ia mokuaina, a ua lawelawe hoi oia i ka oihana loio maloko o ka hui loioM> Draper, Davis ame Hollister me Duluth, Minnesota. Ua hoea mai oia i Hawaii nei, me he mea la ma ka makahiki 1897 aku nej, a hui iho la me Loio Magoon o Honolulu nei. He kanaka opio keia i piha makaukau i ka ike kanawai, a he kanaka kuoo o kona helehelen'a, eia nae, he piha oluolu. •