Ka Nupepa Kuokoa, Volume XXXVIII, Number 10, 9 Malaki 1900 — Ua Hala o Kahikinaakalaikalani Aloha wale. [ARTICLE]

Ua Hala o Kahikinaakalaikalani Aloha wale.

Me ka manawa i hoopihaia me ka loloku eha a ke kaumaha ame ka minamina, e hoike aku nei makou imua o na kini makamaka ame na hoaloha, o Mrs. Priscilla Kahikinaakalaikalani Noa Kauhane, kaikamahine hookahi wale no a Hon. John Lota Kauiukou me kana wa'hine, Mrs. Anna Kaulukou, kona haaleie ana mai i keia ao, a nee aku la oia i ke "Ao Kai lilo a Kane." Ua hanauia oia ma Kikihale ae nei, keia ao inea aku iloko o kona, maikai ame, ka maemae pau. Ua hala, a ua nalowale aku oia mai ma ka la 25 o Augate, makahiki 1876, a no laila, ua piha iaia na makahiki he iwakaluakumamakolu wale no a oi iki ma keia honua, a kii mai la no ka anela o ka make i kana, oia ke ola iloko o ke kino, a hala aku la. Ma kona wa uuku loa, ua laweia oia a hanaiia e kona mau kahu hanai ma ka aina hanau o kona mau luaui, oia 0 "Kona Kai Opua i ka lai—Opua hinano ua malie." A i kona nui ana, ua hookomoia oia i ke kula Virigine Eneiani, Sana Anaru, ma Honolulu nei, A ke ole makou e kuhihewa, ma ka makahiki 1894 paha oia i puka mai ai mai laila mai. Ua mare oia i ke kane, oia o Mr. Noah Kauhane, keiki a Senatoa Kauhane o Kau, Hawaii. Ua hanau keiki laua, a hala wale aku la no ia. O ka poe apau i kamaaina iaia, ua hooia mai lakou, he wahine opio oia i piha me na haawina o ka oluolu ame ka lokomaikai. He heahea a he ike makamaka. 0 ka mea oi loa aku, oia kona kulana haipule, hoopono a nohona kuakahi. Minamina na makuahine opio hoopono o keia ano i ka hooki e ia « ka lakou mau hana waiwai nui ma keia aoao o ke ola ana. Ua haalele mai oia i keia ola ana, ma ka ia Sabati aku nei, Maraki 4. Ua waiho iho i kona makuakane ame kona makuahine e kanikau poina ole nona ma keia aoao aku o ka luakupapau puanuanu. Pela nohoi ia i waiho iho ai 1 kana kane i pili aloha hookahi ai me ka oiaio, me na keiki a laua, Haalele iho oia i kona kaikunane, e noho kaikuahine ole. A i kona ohana ame na hoaloha lie nui e kumakena aku nona. "Hala iluna ka huki a ke aloha, Kiekie pono iluna o Maunahia, Hina ke aloha, hina liko walo no, Imi aku ia oe, Aohe ou loaa, ua hala. Ke uwe mai nei o Honolulu Hale, • Auhea kuu lei, kuu luhi? Kiliouou ka hana a ka manewanewa, Haalipo i*ka houpo me ka ehaeha; Ua eha Kaukaopua i ka eha lima ole. Eia kumakena!" Ke komo pu aku nei makou iloko o na kumakena kaumaha ame na u pu an me ke kane i hooneleia i ka wahine 'hoopono, i na keiki i nele i ka makuahine aloha, i na makua i nele i ke eaikamahine aloha makua, ka ohana i ka lei i mamina nui ia, ame kona mau

hoaloha apau e uwe nei nona. Aohe no a makou makana e ae, o ke aloha paumako a lihaliha wale no ia oe—a! Ka mhiamina! Ka minamina!! IvA HOALOHA O KA OHANA. Aohe laau lapaau e ae i loaa ke kuleana pono e kapaia ai ma keia inoa elike me ka Aila Kikapu Ilikini. He laau maikai keia no ka inu maloko a kau nohoi mawaho. He laau ikaika loa keia 110 ka hoopau ana i ka eha. Aohe poe e ae e hiki ke olelo "Aohe o'u makemake" e loaa i ka nuraiagia, i ka rumatika, ka pepeiao eha, a i kekahi eha e ae paha, aka, o kela ame keia mea wale no i loaa ka omole o ka Aila Kikapu liikini, o lakou ke hiki ke olelo ae. "Aole o'u makemake" e loaa au i ka nuralagia, a eha kaa loihi e ae hoi. He kupaianaha ka ikaika o keia aila maluna oia mea he eha. Ka ni'ho eha, ka pepeiao eha, ka nalulu, ka nuralagia ame na hu'i rumatika, ka hi-koko, ka hi maoli, ke kolera morbus, ke nahu, ka umii, ame na eha welenia e ae apau, e ola hikiwawe ana i keia laau. E lilo mau ana oe i mea kahania i nei mea he eha, ina e loaa mau ana he omole laau o keia ano iloko o ka hale. HOBRON DRUG CO., na Agena no na Laau Kikapu Ilikini.