Ka Nupepa Kuokoa, Volume XXXVIII, Number 9, 2 March 1900 — KA KENERALA CRONJE HOIKE NO KEIA KAUA. [ARTICLE]

KA KENERALA CRONJE HOIKE NO KEIA KAUA.

PRETORIA, Poakahi, (Auina la.)— Penei ka hoike a Kenerala Cronje o na Bua o loko o ka Repubalika Alani -no ka mea e pili ana i ka hoouka kaua o ka la Sabati nei mawaena o kona mau koa ame na koa Pelekane: "Ma ka hora 6 o ke kakahiaka o ka la o nehinei, oiai au e hoonee ana i ko makou pualikoa i hoonohoia ai ma kahi kokoke i Scholtz, Nek. ua lele kaua ia mai la makou e na Pelekaiie. Ua hoomauia ke kaua ana mawaena o na aoao elua a hoea i ka hora 7:39 o ke hiahi. Ua hookuemi hope pinepine ia aku na Pelekane e makou, aka, ua hoomau mai no nae lakou i ka lele kaua ana mai maluna o makou. Me he mea la, ua nui no ka poino i loaa i na Pelekane. 0 ka nui o ko makou poino he ewalu poe i make a he umikumamalua poe i hoehaia. I keia >kakahiaka nui, ua kipoka pahu mai la na Belekane maluna o mkou. Ua uuku loa na "wahi koa o Alihikaua errerairas o ko kakou aoao i hoonohoia ai no ke kiai ana i ke kulanakauhale o Kimberley, a no ia mea ua hiki ole iaia ke kue aku me ka holo lea i ke komo ana mai o na koa kaua lio Pelekane noloko o ke kulanakauhale. Ladana, Feb. 21.—Ua loaa mai he lono mai Pretoria mai, ma ka Poalua nei ua mafie o Alihikaua Ferreirairas o na Bua iloko o ka hoouka kaua ana ma Kimberley, ma ka Poakahi.