Ka Nupepa Kuokoa, Volume XXXVIII, Number 9, 2 March 1900 — HALA HOU NO IA KEIKI OIWI O KOHALA MAKANI APAAPAA. [ARTICLE]

HALA HOU NO IA KEIKI OIWI O KOHALA MAKANI APAAPAA.

Ma ka la Sabati aku nei, Feberuari 25, i iele huila awiwi loa ae ai ka lono kaumaha ma Honolulu nei a puni no ka make ana, ame ka hookuu ana mal hoi o J. K. Kahookano i keia ola ana, ma Waikiki ae nei, mahope iho o kona kaa mai ana no kekahi wa, aole no i liuliu loa. O ke kaikaina no keia o D. iwohi Kahookano i hala e aku mamua iloko no nae o ka mahina aku la no o Feberuari. He hoa oia no ka Papa Loio o Hawaii nei. Ma ka apana no o Kohala Akau, Hawaii i loaa ai iaia na hoonaauao mua ia ana ma na keehina mua oka ike. A ma ka wa e lawelawe ana k lunahooponopono o keia pepa i keia wa i ka oihana kumukula Olelo Enelani ma ia apana, he haumana holomua a hoolohe oia nana. Oiai oia e hele ana e huli i ka naauao i kona mau la opiopio, ua ikeia kona kuiana hooikaika ma ka ike. j Mahope mai o kona hoonaauaoia ana ma na kula o kona apana i hanau ai, ua hoi mai oia i Oahu nei, a maanei oia i komo ai i ke Kula o Kapunahou no kekahi wa uuku, ke ole nae makou e kuiihewa. Ua aeia oia e lawelawe i ka oihana loio mai na Aha Haahaa a hoea i ka Aha Kiekie. Ua lilo oia 1 hoa no ka. Ahaolelo ma ke au e ku ana no ke Aupuni Moi. He kanaka opio makaukau oia ma ka haiolelo akea imua o ka lehulehu. Ma ka lawelawe ana i ka oihana loio, ua ikeia no kona makaukau ma ia hana. He hoa koikoi oia no loko o kekahi hui malu o loko nei o ke kulanakauhale. He hoa nohoi oia no loko o ka*Hui Hawaii Kuai Aina, e noho Peresidena ia nei, e Mr. W. C. Aehi, ia keiki no o laua o ka Makani Apaapaa o ua aina kaulana nei o Kohala, k aina hoi o Kamehameha I. Ua waiho iho oia i kana mau keiki he eha ka nui mahope nei, a o lakou na hua ohaha aloha i loaa iaia me kana aliiwahine i hala mua aku i ka make. He ekolu kaikamahine a he elua keikikane. O lakou nei kona mau hooilina, e huipu ana hoi me ko lakou makuahine hou, oia Mrs. Lizzie Kahookano. laia i hele kohana aku la, ua waiho ,iho no oia ma keia aoao o nei ola ana, hookahi apana aina ma Makapala, Kohala Akau, Hawaii, kahi i waiho ai kona ewe kulaiwi. He huina dala inisua kekahi maluna o kona ola, i hiki aku ka nui i ka $3,000, iloko o ka Hui New England Mutual Life Insurance Co., he 8 mahele kuleana mahiko iloko o ka mahiko o Olaa, he 25 mau mahele maWko iloko o ka Hui Mahiko q Kamalo, Molokai, he 30 mau mahele kuleana mahiko iloko o ka Hui Hawaii Kuai Aina, a he mau wahi dala maoli nohoi maloko o ka anako o Bihopa. He lala ikaika oia no ka Hui Aloha Aina o Hawaii nel, a ua kupaa oia ma ia kulana ona. Ma na ano apau, he kanaka oplo oia i piha I ka uhane oke akahai ame ka oluolu. He hoaloha oiaio oia no na mea apau, a he kanaka hoi i hilinaiia e na poe maikai 0 Honolulu nei. Aloha o Kohala loko me Kohala waho Aloha ka makani haulana o ka aina, j he apaapaa, Paa aku ka makemake ame ka hoohihi e kaohi iho, Aohe nae e paa, ua ko ia e ka mana oi ae. Aloha na puu haele lua o ka aina, 1 Ia oe e Kalahiklola Luakini i Kohala, Ua liala hou nei keiki au, ua hoi me ka Makua Lani. E uwe mai ana o Naue, i na hala oni i ke kai, Haohao ke awa o Mahukona, ua hala ia oiwi o ka aina Aloha na makua me na kini o ka aina i ka ike ole ia oe. 0 ka luai ka mea aloha, aole ka e ike, a hala wale oe, Aloha —aloha oe, « :— Eia ma ko makou nei keena pai kahi 1 pai ia ai o ka nupepa Hoaloha i noho lunahooponopono ia e ka Makua Rev. E. S. Bihopa.