Ka Nupepa Kuokoa, Volume XXXVIII, Number 9, 2 March 1900 — ENELANI AME KONA MAU ENEMI. [ARTICLE]

ENELANI AME KONA MAU ENEMI.

0 na lono i loaa mai no ka mea <? pili ana i ke kaua ma Aferica Hema, aia no ke mau la ka nee ana o ke kaua malaila. Ua loaa i na Kenerala Roberts ame Kitchener na nee holomua ana, oiai hoi o Buller i ikeia a<i e nee ana no mua a hoi hou i hope. 0 na Kenerala mua i hoikeia ae la, o ko laua mau pualikaua kai komo mua aku la iloko o ka aina o ka poe Bua, a hoopakele aku la hoi 'i ke kulanakauhale o Kimberly. O Kenerala Cronje hoi, ka alihikaua o na koa Bua mai ke Aupuni Alani Kuokoa mal, aia ia ke holokiki Ia me kona mau koa he umi tausa*i paha ko lakou nui i Bloemfonteln, ke kulanakauhale poo o ua Repubalika la, kahi hoi i manaoia ai, oia kahi ana e ku mai ai me ke oolea a paio mai i na koa Pelekane. Ua mahae lua no na noonoo ana a na poe kilo kaua mai waho aku nei no ke kulana oka nee ana oke kaua. Ua manao kekahi poe, eia na Pelekane ke nee la no ke kahua lanakila, mamuli o ke komo ana aku 1& o ua poe koa la maloko o na palena aina o ke Aupuni Kuokoa Alani. 0 kekahi poe hoi, ke manao nei no lakou e halawia.aku ana rio ia poe koa Pelekane me nsi hookui 'ia nui ia ana mai e na po| Bua elike me ko na wa i hala ae nei. 0 ka mea maopopo nae i keia wa. ma ka aoao e pili ana i na Bua, o ka Repubalika o Transvaal, aole i kalikali aku na Pelekane i kaihi e komo aku ai iloko oko lakou aina. oka aina o ka poe Bua o ke Aupuni Repubalika Alani, oia kahi a na Pelekane e hoohahaiii aku la, He heluna lehulehu Joa o na koa Pelekane ke nee la ma Aferika Hema i keia wa no ke kaua ana i keia mau wahi Repubalika uuku. Ma ka nana ana aku me ka oiaio loa, he kulana kupilikii maoli ko Enelani, ina e hooulu hou ia ae ana kekahi kaua lele poipu mai maluna ona e kekahi mana nui o Europa. Aka, ma ia wa no ,nae, ua loaa no ia Enelani he hoaloha oiaio e kokua ana iala no ka hakoko ana me ka mana Europa e lele poipo mai ana maluna ona, a oia no o lapana. O ka enemi maopopo o lapana pela ka hoomaopopo aku ma na helehelena o na ouli e ikeia aku nei i keia wa, o Rusia no ia. Aole i 'hoonalonalo iho na lono i loaa mai nei ia makou i keia wa no ko Rusia nee ana ma na kaiaulu o Inla 'i keia wa, ma kahi kokoke aku hol i ke kulanakauhale o Herata. E hoomanaoia nae, ma keia ala hele a Rusia e hoohele aku nei ma Inia, aole loa e nele ana o Pelekane i ke kokua ole ma ka wa e ulu mai ai he hakoko ana mawaena o na aupuni elua. 1 keia wa hoi e hele nei ka nee ana o ke kaua ma Aferika Hema aole hiki ke hoomaopopo ia e lilo ana paha ia he kumu e ala mai ai he kaua mawaona o Rusia ame Enelani. Hookahi nae mea maopopo, eia o Enelani ma ke kulana makaala loa nona iho no na hana a Ru?ia e la ma ka Hlkina. Ke ake nei makou e kapaeia ae ka hoea ana mai o keia au hou o ka hookahe hou ia ana aku o ke koko o na kanaka maluna o ka honua, aka nae, ina oia ko ke Akua manaopaa, owai la e hoololi ae?