Ka Nupepa Kuokoa, Volume XXXVIII, Number 8, 23 February 1900 — KE KINOWAILUA I KE KULU AUMOE [ARTICLE]

KE KINOWAILUA I KE KULU AUMOE

He mau minute pokole wale no mahope iho o ke komo ana aku o Silivia Moneka iloko o ka rumi hookipa, ia wa i halulu mai ai ke kaa mawaho pono o ka. puka o ka hale, iwaena hoi o na leo huro o na kanaka. He manawa pioloke loa keia no Silivia. Lohe aku la oia i ka halulu ana mai o na kapuai wawae ma ke alapii pohaku, a owe mai la iluna o ka papahele o ka lanai. I keia wa i hooikaika ae.ai oia e ku ae iluna, me ka hoomahiehie ana ae i kona mau helehelena, oiai nae ka pono ole e hana mao ole ana iloko o kona naau. E moole hoi, hemo aku la ke pani puka, a komo aku la ka Haku 0pio me Bernice, kana wahine. Me ka hookamani apau e punohu ana iloko o kona houpo, aia hoi holo mai la o Siiiyia, a hopu mai la i ka Haku Opio, me ka olelo ana mai: "E kuu Haku kaikunane, aloha oe— me ka puuwai hauoli au e hookipa mai aei ia oe." Ua lalau aku la hoi ka Makuisa iaia, a honi aku la hoi iaia, elike no me ka honi ana a ke kaikunane i ke kaikuahine; alaila, olelo aku la oia iaia: "E Silivia, ua hoihoi mai la au i ka hale nei i kaikuaana nou. He mea auanei no'u e hauoli nui loa ai, ke ike aku au e aloha ana olua i kahi ame kahi." Alaila, huli iho la ua Haku Opio nei, a kamallio iho la i kana wahine, i ka i ana: "E kuu aloha, e Bernice, o Silivia keia, ka lede opio au i makemake loa ai e ike a noho pu hoi me ia me ka oluolu ame ka maikai. O Silivia keia, kuu kaikuahine." I kela wa i wehe ae ai o Bernice i ka uhi-maka ana ma kona mau maka; a e like me ka poha ana aku a kekahi malamalama nui imua o na onohi maka o Silivia, pela ka ui lamalama o Bernice i puai aku ai imua oaa. Ike mai la ia i ka ui launa ole mai o keia mau helehelena opiopio e mohala aku ana imua ona. He ui hoi ia ana i ike ole ai mamua. Hoomaopopo n}aoli iho la nohoi oia ma ia wa, ua lilo kona ui ame kona nani i haaiieo ai oia i na la, na hora, ame na sekona maimua iho, he halii wawae no ka Ui o Sana Kilidea. Nana aku la hoi o Bernice iaia me na onohi maka 0 ke aloha oiaio, a pane aku la me ka leo nanahe a piha oluolu: "E Bilivia, e aloha mai ana anei oe ia'u? Ua ake loa au e loaa ona hoahanau no'u, a o keia paha auanei ka wa e hookoia ai kela upu ana a'u i upu nui ai? Silivia, no'u kahi aloha ou." Aole hiki ia Silivia ke aua iaia iho me kona lalau ole ana mai ia Bernice, a honi mal ia iaia. Na ka ui ame ka oani o Bemice i huki mai ia Silivia, a pili me ia ma ia sekona. Aka, a hala ae la ke kuakoko ikiiki o ko Silivia hooniia ana e ka ui o Bernice, ua hoi hou ae la no ka inaina ame ka huhu iloko ona; aka, kaomi iho la no ae ia ia mea me ka holke ole ana mai. He mea oiaio, ua honi iho la laua. 0 Bernice e honi ana i ka wahine ana i nonoi aku ai i hoahanau nona, <me ke aloha oiaio; a o Silivia hoi ia Bernice, me ka honi a luda Isakariota. "E ae imai oe ia'u, e Bernice," wahi a ua Silivia nei i pane mai ai i ka Ha-ku-wahine Opio o Ketawina Hale, "e lawe aku au ia oe i kou mau rumi. He mea pono ia oe ke hoomaha iki mamua o kou ai ana i mau wahi mea ai mama. Ma ka hora ehiku o keia |/o Jto kakou paina nui a o kou wa auanei ia e Ike ai ia Ketawina Pa nei iloko o kona nani apau." Ua pii aku la laua no ka hale maluna. I ko laua hoea ana aku i na rumi 1 hoomakaukauia ai no ua Haku-wahi-ne Opio nei, ua huli mai la o Silivia a olelo mal la: "Eia leou mau rumi. Eia ke keena hooluolu; a, aia nohoi ke keena moe." Nana ae la o Bernlce ma na wahl apau o loko o ke keena hookipa, ua piha kona mau aoao apau i ka nani ame ka maemae. Hele aku la ia a nana aku la iloko o ka rumi moe, ola ui okoe aku nohoi ia. He nani na mea apau i hanaia; mea a kona naau e hoohalahala ai. Huli mai la ia a kamallk) mai la ia Silivia: "Nani maoll kela mau keena. He oiaio, he wahi nani o Ketawina Hale nel. E Silivia, o ko kaua home keia e noho pu ai, me he mea la he mau keiki kaua mailoko mai o ka puhaka hookahl mai ko kaua makuahine anai. NoJaila, e hea aku no au ia oe o Silivia; a e hea mai oe ia'u, o Bernice." Me ka leo oluolu maoli ua wahi kaikamahine nei o Sana Kilidea Ailana e kamailio aku nei ia Silivia; aka, aia iloko o kela wahine ka inaina, ka huhu, lill ame ka manao maikai ole kahM hoopunana ai. Ame ia ano, paue mai la o Silivia: "He wahi inoa kamehai nae kena o Bernice. 0 kahi i laulaha loa ai o kena ano inoa, aia no ia ma ka aina o Wale; a nolaila, ke ole au e kuhihewa, he kanaka paha no ia aina kou luaul makuakane?" Eia o Silivia ke hoomaka koke nei i ka hooulu ana i ka manao maikai ole iloko o Bernice. Ua ike no ia, mamuli o ka mea I hoikela mftl ai maloko o ka palapala a ka Haku Ketawlna mai Edeneboro mai, aole.ia i ike i kahi i hoep mai ai o ka makUakan'e o Bernice, a

ua hu wale ae la no keia manao iloko ona no kona makemake loa e hooulu i ka manao maikai ole iloko o Bernice, ka mea ana e nana ana he punalua ia nana, a o ka mea hoi nana'i kaili aku i ka waiWai ame ka hanohano mai iaia aku. 0 ka oielo ana no Wale mai ka makuakane a o ka makuahine paha o kekahi mea, ua like ia me ka olelo ana, he kane a he wahine haahaa loa ia, a he kuaaina nohoi kona ano. No nei mau oleio a Silivia, ua puai ae la ka ula tma na papalina o Bernice, i kona ike ana iho, aole i maopopo iaia ka aina o kona luaui makuakane, a, aole nohoi oia i ike i kahi mea e pili ana iaia. "Aole i maopopo 1« u ka aina o ko'u makuakane. Ke ole nae au e kuhihewa he kanaka Pelekane oia. Manao au e Silivia, e hiki mai ana no ka la e hiki ai ia'u ke hoike aku ia oe i na mea apau e pili ana ia'u nei. E hai aku no nae au ia oe, oiai hoi, ua lawe mai au ia oe i hoahanau no'u, o ka mea oiaio, he keiki makua ole au.! A°he maopopo ia'u ko'u makuakane! a pela nohoi ko'u makuahine. Hookahi wa le no mea maopopo ia'u, he mokupuni lewa i ke kai, e ku-kohana ana h°i iwaena o ka Moana Atelanika ko'u wahi i hanaiia ai a nui. Ama ia mau aekai aloha, a'u hoi i hoohihi loa ai i loaa af ia'u kahi hoonaauaoia ana. E Silivia, ke kali nei au o ka hoea mai o ka la e ike ai au i ko'u imoolelo iho, no ka hauoli paha, no ka ehaeha paha. Aka, i ikeia wa, aohe a'u mea nui e ae e hii poina ole nei iloko o kuu puuwai, 0 ke aloha wale no o kuu kane, kou' kaikunane hoi, oia o Roe." I keia wa i huai mai ai na waimaka ma na maka o Bernice, no kona aioha 1 kana kane, ame ;ka leo hoi i miloia e ka haawina oiaio o ke aloha, hoomau mai la ia i ke kamailio ana ia Silivia: 'Ma na ano apau e hoolilo ana au ia'u iho i wahine i make iloko o kona aloha. I wahine maikai, i wahine aioha iaia me ka oiaio loa a i hoa hoomanawanui pu me ia iloko o kona mau hora o ke kaumaha ame ka luuluu, biai aohe keia he ao malie wale no i na kau apau. He malie i kahi wa, a he ino i kahi wa. I ka wa e hoea mai ai ka ino owau no kona hoa pili iloko o ka hoomanawanui. Ke hekau mai hoi ka malie, owau ame ia i ke kaulana waa hookahi, me ko'u poina ole ana hoi ia oe, e Silivia. E h&i aku au ia oe, me ka oiaio apau o kuu uhane, aoIe loa oia e hilahila ana ma o'u nei, ma ke ano ua mare mai oia ia'u me ka maopopo mua ole ana hoi iaia o ke ano 0 ko'u mau makua. Aohe makuakane, aohe makuahine o Melekisedeka, aka, he alii hoopono nae oia no Salema. He mea oiaio, aole -au i komo iloko o na kulanui e loaa ai ia'u na hoonaauao kiekie ia ana, ela nae, ua hiki no ia'u ke malama me ka nene ihi kapu loa i ka hanohano o kuu aloha, oia hoi, kou kaikunane. E Silivia, he pua ko kuu aina i kapaia he nani mau loa. Aohe ona wa e mae ai, a e loli ae ai kona ano, pela no auanei kuu aloha no kou kaikunane, e mau loa ana -no ia a hoea 1 ka luakupapau; a ina no e "hiki ia'u ke ala hou mai mailoko mai oia wahi, alaila, e mau ana no kuu aloha poina ole nona." Ua lilo keia mau olelo a Bernice i pane aku ai, i mau mea hoehaeha loa aku i ko Silivia noonoo. O kana hana wale no i hana mai ai, oia ka pane ana mai: "Ae; i kekahi mau manawa mahope aku nei e kainailio ai kaua no .keia mau mea. E pono oe e hooluolu i keia wa. E hoouna mai ana au i kou wahine lawelawe." Ia wa i haalele aku ai o Silivia ia Bernice, a he mau sekona wale nohoi mahope iho o ko Silivia haalele ana aku ia Bernice, aia hoi, hoea mai la o Fafine, ka wahine lawelawe o ua Ha-ku-wahine Opio nei o Ketawina Hale. I ka hoea ana, mai o ua wahi wahine nei, a elike hoi me ka mea mau iaia, ua noke aku la ia i ke kamailio imua o Bernice i na mea ana i lohe ai i ke kamailioia ena kauwa. Ua hoike aku la. ia i kona Haku-wahine i kona lohe ana i ua poe kauwa la e kamailio ana no ka hoopalau mua ia ana o ka Haku Ketawina me Silivia, ame ko laua aneane ana hoi e mareia, koe wale no ko {3ilivia paukiki loa ana i ka hooulu ana i mea nona ame ka Haku Opio e kuee ai, eia nae, aole no i pau ko ka Haku Opio aloha no Silivia. Ua lohe pu nohoi oia i ke kamailio £,na o ua poe kauwa la no ke ano kuaaina o kona Ha-ku-wahine. E mahalo ana nohoi lakou i ka ui ame ka nani o Silivia. I ka lohe ana o Bernice no ka hoopalau mua ia ana o kana kane me Silivia, ua lilo ia i mea nona e kaumaha ai, oiai ua manaoio iho la ia, ua mare mai o Roe iaia mamuli o kona hoohuakeeo ana ia Silivia, oiai no nae e mau ana kona aloha iaia. O kekahi mea hoi i hoonaukiuki mai iaia, oia kona oleloia an-a e na leauwa he kuaaina, a no ka like ole hoi o 'kona ui ame ka maikai me ko Silivia. Aole nae o Bernice i hoike mai i kona huhu a imanao maikai ole paha imua o ua wahi kauwa nei ana, eia nae, ua olelo mai la oia iaia, he mea makehewa wale no iaia ke hoolohe i na olelo ano ole a na kauwa o loko o ka hale, oiai he mea mau no ia ia lakou. Ua hai mai la hoi o Bernice i ua wahi Fafine nei, e hookuu aku oia iaia ia wa, a hiki i fca hora eono oia ahiahi pii hou aku oia no kona rumi no ke kokua ana iaia i ke komo an-a i kona mau kapa.

"Aka, mamua o kou haalele ana mai ia'u, e Faflne," wahi a Bernic e i pane mai tai i kana kauwa wahine, "e ilio aku oe a hana mai i wahi hola ti no'u ame ona mau wahi mea ai mama; a i ole ia, e kokua pu aku oe i ka hanaia ana mai oia mau mea. Mahope iho o ka hala ana aku o Fafine, ia wa i hoea mai ai kana kane a hoike mai la iaia, he ahaaina nui launa ole ke haawiia ana ma ka hora ehiku oia ahiahi, a he mea pono iaia ke hoomakaukau iaia iho no ua ahaaina Ma keia * Bernice e kamailio pu ana me kana kane, aole no ia i hoike aku imua ona no na mea ana i 10. . ai mai kah i kauwa mai, a ua kaomi iho la no la ia mea iloko iho ona Aole hoi i iiuiiu haaieie iho la kana kane laia, a noho hookahi iho ] a ia O.'ai oia ' noho Ho ai, ua haawi ih o la oia i kana noonoo nui ana no kana hana e ha „ a al ma ka aiJta ahaaina e haawiia ana ma ia ahihe : mca la. ua ike iho la ia ma ia wa, he ahaaina ia e haawiia ana i mea hoao i kona ma na mea apau e Dok^ aa 'ka Paa ruia ' ema ka ole 'o pokoie ana ae hoi, he ahaaina ia i haawiia i mea nona e hoohiiahilaia ai a f pahenehe ne ia ai paha, ina eku ole kana mau hana ma ka wa e noho ana ka paa ru,a o,e; a ° k ° na liaulehla ana auanei ma ia wa, oia kona kau ana aku i ka hilahiia nui mai aioha i na - kane ' ka mea hol ana , aioha ioa ai me kona naau apau ame! ona puuwai nohoi apau. Noiaila, hoo- . Ia ola 'loko iHo ona, e hana ana o.a i kona ike paa rul a apau elike me ka mea i aoia iaia e koia waiii iua,u makuahine hanai, oiai kona mau la noho ana ma Sana Kilid©a Ailana a paa iho la no ka manaoio iloko ona Enela n n° } """? 6 aku kekani ** uni ' * ikeia mawaena o ka Lo a J Okaa,na ' iloaa0 ' e^a Ano, e kuu makamaka heiuhelu n 1 iioea mai la ka hora eono o ke ahiihi akehoomakamai la ka ho.a liilii ana , 1 ° na poe 1 ia mai na w?hi e akaha a ' Ketawina Haie aku no ka iuakaha pu ana me ka Haku Opio ame kana wahine maiihini, ma ka ahaaina ana ma ka hora ehiku oia ahlUa hoea aku ia hoi o Faiine iioko o a rl\ kona hakll " wah ine opio, a, aia oia ke hookomo ia i ke kapa o ua iaku-wahine nei ona. 0 ka aahu aua wahi kaikamahine 'nei «n iro i kPio ,• u i wne nei oka mokupuni kele i ke kai, i komo iho ai ma ia wa he aahu ailiko keokeo no ia e hoike ana hoi i kona kulana wahine no ke Toaib):h7 a, rr ai °- a ° - ahaa ' na a ah ahi, oia ka papa ahaaina materemonlo ana e noho aku ai me kana haku alil kane. Aia ma kona a-i kona niau puiima, kona umauma, kona mau pepelao, a ma na wahi he ,eh„°h" wale o kona iauoho e oaka ana na i>ohaku daimana o ka ohana aiii o Ketawjna Hale. rka paa ana o kona aahu, a pela pu hoi me kona mau mea honani apau, ua kaena iho la o Fafine ma ka hoopuka maoli ana aku imua o kona haku-wahine, i ka olelo ana: Aole loa e hiki i na kanaka o keia aina ke olelo mai imua ou, © kuu haku a i ole ia, e olelo aku paha lakou ma kahi malu, aol e ka anela nani loa mai ka lani mai, kou hoa e like ai, e Bermee, i keia po. E kuu haku, e ae mai oe īa'u e honi aku i kou lima i hooiaio no ka'u mau olelo kaena i kehakeha ae la nou."

Ua haawi mai ia o Bernice i kona lima i kana kauwa wahine me ka mino aka ana iho hoi. He mea oiaio e kuu makamaka heluhelu, aia ka nani hiwahiwa apau o ka ui maluna o Berniee kahi i hoopunana ai. He ui ia ma na ano apau. 0 ka oaoaka ana o na pohaku daimana ma na wahi he nui o kona kino, ua lilo ia x i mea e hoohiwahiwa loa ia aku ai ka maemae o ke kulana kilakila a ka ui, e hoohihi ana maluna ona. 0 .keia wa i makaukau iho la o Bernice, oia no ka hapaha hora i koe a kani ae ka hora ehiku. Ua kali iho la hoi oia no kana kane, o kona hoea mai, a iho pu aku laua ilalo no ka rumi aina. MOKUNA IV. Ka Ui o SanaKilidea Ailana— Paonioni ka La ame ka Mahina—Ka lili Punalua—Hookahi no oi oia po—Ka honi kumakaia—Kuu Pua e mae ana. Mahope iho o ka haalele ana mai o Fafine ia Bernice, ia wa i ulu ae ai kekahi noonoo iloko ona no ka mea e pili ana i kana kane. A eia kana mau mea o ka noonoo ana iho: "E kala no au i hai >mai ai ia oe, e kuu aloha, no kou kuhihewa loa ma kou mare ana mai ia'u, he wahi kaikamahine inoa ole, a kulana ole nolioi. Aole nohoi oe i hai mua mai ia'u, he aloha mua no kau. Eia ka, o ko kaikuahine no, au i olelo mai ai ia'u, he kaikuahine ia nou„ o kau wahine hoopalau mua no ia, a mamuli o ko olua hakaka ana, ua hoohuakeeo oe iaia, a mare mai la oe ia'u nei, ia Bernice, makua ole. E Roe, ua aloha au ia'oe, a o kuu aloha nou, aohe mea nana e | mawehe ae. E olelo ae hoi au, ua loaa oe ia'u i ka ehu a ke kai, a e paa ana no au ia, e kuu aloha, a na'u no oe. 0 keia mau mea a'u i lohe ai nou, e kuu aloha, mai ka poai mai no ia o na kauwa, a nolaila, aole no au e hoolohe 'i ka lakou olelo. 0 kuu paulele apau aia no ia imaluna ou. He hana hoohaahaa v/ale no ia i kou kulana, e kuu aloha, ke hoopuka aku au imua ou i na olelo ano ole a waiwai ole hoi a na kauwa i hoopuka ai me ka noonoo ole.

Ina no paha ua haawi oe i kou aloha ia Silivia i na la i hui ole ai oe me a'u, alaila, oi a wa wale aku la no ia; aka, i keia wa, na'u o oe, a na'u wale no. 0 ka maha o kuu naau, aia no ia maluna ou. E kuu aloha, mai hana mai oe i ka mea e wahine ole ai au nau. 0 ko aloha apau me a'u no ia." I kela wa i komo mai ai kana kane iloko o ka rumi, a.o kona wa nohoi ia i hele aku ai a honi aku la iaia me ke ohohia nui. Ma ia wa nohoi, pane mai la kana kane iaia: "He ahaaina nui maoli keia a Silivia i hoomakaukau ai no kaua a eia na poe apau i poloai ia ke hoea mai nei. Nou keia ahaaina i haawiia ai. Ua hana o Silivia me kona ikaika apau ma keia ahaaina i mea nou e hanohano ai. Pehea la kou inanao no Silivia?" "Aohe a'u olelo e ae e hoike aku ai nona, aka, o ko'u hai wale ana aku no ia oe, he wahine ui maoli kela. 0 kona ano, kona kulana apau la like loa oia me kekahi o na Moiwahine o 4ca Hikina a'u i heluhelu nui ai i ko lakou mau moolelo. E Roe, e kuu aloha, nokeaha la oe i mare ole ai iaia? Heaha la kou mea i mare mai ai ia'u, oiai he wahi kaikamahine au i helu ole ia kona ano i ko Silivia?" Ua akaaka wale mai la no nae kana! kane iaia. Aole i hoomaopopo ua Haku Opio nei o Ketawina, aia he ano iloko o keia mau ninau a kana wahine °Pio e hoomahui aku nei imua ona. A'laila, pane hou aku la o Silivia ma ka ninau ana ak uiaia: "E Roe, owau hookahi wale no anei kau mea i aloha ai me kou naau ame kou uhane apau; aole o kahi mea e ae?" "Aohe a'u mea e ae i aloha ai me kuu naau apau ame kuu ikaika hoi apau, o oe wale no," wahi a ka Haku Ketawina i pane mai ai i kana wahine. "0 oe hookahi wale no ka onohi a kuu maka e kau nui aku nei. Mai noho 1 oe a kanalua iki i kuu aloha nou. I kii mai la au ia oe, e iho kaua no ke keena ahaaina." Ia wa kuiee ae la ko laua mau lima, j a ma ko laua wa i hoomaka aku ai e hele, ia wa i kamailio ae ai ka Haku Opio i kana wahine i ka olelo ana: "Ua anoninoni loa kuu noonoo nou, e Bernice, no na hana o keia ahiahi. Manao au ua awiwi loa ko'u ae ana ia oe e komo koke aku oe iloko o na anaina o keia ano. Mai oi loa aku paha *ka pono © kali ia la e a'u a hiki i ko'u ike ana ua makaukau oe i na rula o na anaina elike me keia ke ano. Aka, e Bernice, ke ole au e kuhihewa, na kou ui auanei ame kou nani e hooulumahiehie i na mea apau o keia po. Ua ike oohoi au, aole loa he wa a'u i ike ai ia oe, e hoopilikiaia ana oe, ma na mea e pili ana i na rul a oka poe kiekie o Pelekane nei. 0 ka mea maopopo loa, o na kaikamahine ma Pelekane nei 'i like ka nui o ko lakou mau makahiki i me kou, aole ia he mau makahiki kupono no lakou e hookamaaina ai ma na loina o na poai hanohano o ka aina nei, aka, o oe nae, ma ka'u hoomaopopo aku ua kamaaina loa oe me keia mau rula." |

• "E Roe, e kuu aloha," wahi a Berniee i huli ae ai a kamallio ae la i kana kane. "Mai hopohopo oe no ia mea. E hoomanao iho oe, ua haawi au ia'u iho no ike kakoo ana aku 1 kou kulana hanohano elike me ka hiki ke hana, mamuli hoi o ke alakal ana a na loina ī ao ia ai au ma kahi mokupuni i laweia imai ai au e oe. O o e hookahi ka'u mea nui. Nou hoi ka'u nana nui ana aku, nolaila, ua lilo kou mau hoaloha apau i poe na'u e hoike aku ai, he wahine kau i hoomaopopo no ko lakou pono ame ko lakou oluolu, aole hoi no'u iho. Ua ike no au e Roe, e kuu aloha, ma na anaina o keia ano, e haalele ana au ia Bernice kuaaina o na Kaha one o Sana Kilidea, a e hoike aku ana au ia Bernice, ke kauwa wahine a ka Haku Opio o Ketawina Hale. 0 ka Moiwahine io no auanei ia e haaheo ai o Ketawina hale, a haaheo pu hoi kuu aloha. Na keia po auanei e hoike mai ia oe, ina paha ua hiki ole ia'u ke paa ae i ,ka ihilhi ame ke kapukapu o kou kulana, a e hai aku au ia oe, e paonioni ana ka Da ame ka Mahina iloko o ko laua mau nani." Ma ke keena hoi malalo, oia ke keena hookipa, aia malaila kahi i akoakoa ai na wahine hanohano ame na kane o ka aina, i hoounaia aku ai na palapala kono no ka hele ana mai ma ka ahaaina oia po. 0 na mea hoi na laua e hookipa mai ana i keia poe maka hanohano, oia no o Silivia ame Gilibeta Moneka. Ma ia wa e aahu ana o Silivia i kekahi aahu silika hooluu ano ulaula ahiehie, a ua ku nohoi i ka nani kona mau ano apau. O na poe apau i hoea mai ilaila ia po, a imamua ae hoi o ko lakou ike ana ia Bernice, ua hooholo lokahi lakou he wahine ui maoli io no o Silivia, a o ka wahine kupono maoli no ia a ka Haku Ketawina e mare ai n A ua lilo hoi i mea na ko lakou mau naau e nune nui ai no ke ano o ka haku-wahin6 opio o Ketawina Hale. Heaha la kona oi aku imua o Silivia, ka ui hiehie a lakou e ike ana ma ia ahiahi? Aia iloko o Silivia ka manao haaheo ia wa e lilo ana ka ulumahiehie hihimanu oia po i mea e hoopioo nui ia ai ka noonoo o kahi kaikamahine kuaaina o Sana Kilidea. 0 Giiibeta Monk, hoi, aole loa oia i manao iki e hookupouliia ana ko Bernice noonoo ma ia po, oiai ( ua ike pono oia i kona kulana maoli ame kona ike paa rula, elike no me kana i ike ai me ke pahaohao loa

o kona noonoo ma ke kulanakauhale o Edeneboro. Oiai hoi e hele aku ana ka Haku Opio ine kana wahine a iho aku i ke ala--1 pii, ia wa i hoea mai ai imua o laua ka Puuku nui o ka hale, a hoike mai la imua o ka Haku Opio, ua kauohaia mai oia e Silivia, e hele mai e hai ia laua, ua lehulehu ka poe opio i hoea mai ma ia wa i makemake loa e haawiia ona aha hulahula no ka hanohano o ke aliikane ame ke aliiwahine o Ketawina Hale. I kela wa i huli ae ai ka Haku Opio a nana ae la i kana wahine, a o kana mea wale no o ka ike ana iho, oia kona mino aka ana iho, a kunou mai la nohoi kona poo, e hoike ana i kona ae no ka hulahula oia po. O kana kane hoi, ua.hoopioloke loa ia kona noonoo no kana wahine no kona loa no nei mea he hulahula, oiai aole loa oia i ike iki ua loaa ka makaukau ia Bernice ma ia liana, eia nae i kona hoomanao ana ae i kona lohe ana ia Bernice e hookni ana i ke gita ma ka la i loaa aku ai oia ia\a iluna o ka pali ma Sana Kilidea mokupuni, ia wa i hoakakuuia mai ai ka pioloke o kona noonoo, a manao w ile iho la no ia ua maamaa iki no paha kana wahine ma ia mea he hulahula. Ke ike nei oe, e kuu makamaka heluhelu i na hana hoohihia a Silivia € imi mai nei i mea e hoohilahilaia ai kona punalua, ka mea hoi a kona naau i makawelawela loa ai. I ko laua hele ana mai a kokoke i ke poo o ke alapii, ia wa i huli ae ai ka Haku Opio a ninau iho la ia Berniee, no ka hiki iaia. ke hulahula, ua pane ae la hoi o Bernice: "No kou hanohano, e kuu aloha, e hana aku ana au i na mea apau e paa ia ai ia mea e kuu aloha elike me ka hiki ia'u ke hana. Aole au i poina i ka ike ana i na wawae mama o ulili holo kahakai o kuu aina. Aole hoi ina leo mele nani o na manu o na ulu laau aloha o kuu mokupuni kupolua i ka ehu a ke kai." He elua mau mea nui loa a Silivia e uhai nei ma kana papa hoonohonoho hana i mea e haulehia ai o Bernice iaia. Ka mua oia ka hulahula; a o ka lua, oia ka ike rula ma ka papa aina. I ko laua nei hoea ana.aku ilalo, ua komo ae la laua ma kekahi keena i hookaawaleia no laua e hoomaha iki ai mamua o ko laua komo ana aku iloko o ka rumi hookipa nui, kahi hoi e hoolaunaia mai ai na poe apau i hoea mai ma ia ahiahi no ka ike ana i ka Haku Opio me kana wahine. A hala kekahi mau sekona o ko laua ku ana mal&ila, ua komo aku la laua iloko o ka rumi hookipa nui kahi a na mea apau e kali mai ana me ka hialaai nui o ka ike mai i ka hakuwahine opio o Ketawina Hale. I keia komo ana aku o ua mau haku opio nei, ua huila aku la ka ui ame ka nani o Bernice imua o na mea apāu, a ua hiki ole i kela ame keia mea i ike mai iaia ma ia wa ke aua iho i ka leo mahalo no ka Ui o Sana Kilidea Ailana. Ua naholo koke ae la ka wawa ana a me na hawanawana leo ana mawaena o ke analna holookoa no ka Ui launa ole o ka haku-wahine opio o Ketawina Hale. Ia wa i hoolaunaia ai ua haku wahine opio nei me na poe i konoia e kana kane no na hana oia po. oka hulahula nae, he mea ia aole i noonoo mua ia eua Haku Opio nei. 0 kana mea wale no i manao ai o ka ahaaina, a, aole hoi oia i manao mua, he hulahula kekahi, ka mea hoi ana i makemake ole ai e komo aku kana wahine, aka, aole nae hiki iaia ke alo ae ia mea i keia wa. Aole nohoi oia i ike h6 hana imi apa wale no keia na Silivia, ma ke ano e hoohoka i kana wahine opio. , , A 'keia pule ae, hehiia ke kahua hulahula e ka Ulili holoholo kahakai o Sana Kilidea Ailana. (Aole i pau. Ua loaa mai nei he kauoha pili Aupuni mai Wasinetona mai, e hookohuia i elima poe kanaka kupono e Peresidena Dole, i poe na lakou e lawe i na olelo hoike no na poho pauahi iho nei; a e hoopuka hoi i olelo hooholo ma na kumuhana apau i waihoia mai imua o lakou; me ka ukuia ana o na paha mai lloko aku o ka Waihona Aupuni.