Ka Nupepa Kuokoa, Volume XXXVIII, Number 50, 15 December 1899 — Moolelo o ak Halawai Kahunapule i malamaia ma Kaumapili [ARTICLE]

Moolelo o ak Halawai Kahunapule i malamaia ma Kaumapili

Ma ke ahiahi Poakahi. Novemaba 27, 1899, ua akoakoa ae la he mau hoa Kahunapule ame na hoaloha e ae ma ke keena malalo o ka luakini i hai ia ae le. Na ka makua Rev. E. S. Timoteo i hoakaka pono mai imua o na hoa i ka manao ano nui o ke kahea ia ana e maiama i halawai, oia hoi. e pono e noonoo keia aha no ka hoala ana i mea e hanaia ai i kiahoomanao no ka makua Rev. C. M. Hyde i hala. Olai ua ike pono ia kona hooikaika ana no ka pomaikal o "ke aupuni o Kristo i waena o keia lahui a hiki wale i kona moe ana aku la. Mahope o ka pau ana ae o na hoakaka ana, ua waiho mai la o Rev. S. Kapu i ka inoa o Rev. E. S. Timoteo i lunahoomalu no ka halawai a aponoia. A nana mai no ia Rev. J. M. Ezera i kakauolelo a aponoia. I ke ku ana o ka aha, ua noi mai o Rev. S. Kapu e hooholo keia aha e kukuluia ona kia hoomanao no ka makua Hyde, a apono lokahiia ke noi, a hooholoia e kukulu i kia hoomanao. Na Rev. S. Kapu i noi mai e kohoia i komite nana e hapai i keia hana ano nui a hooholola e like me ke noi. Nana mal no i waiho mai i ka inoa o na komite, a oia iho keia malalo nei. Na komite. —H. Waterhouse, E. S. Timoteo, J. M. Ezera, D. L. Naone, O. P. Emerson. Kumuhana elua. —Na Rev. S. Kapu he noi e haku keia aha i olelo hoalohaloha no ka makua Hyde & hoouna aku i ka makuahine kane make i hookahi kope a e hoolaha aku ma na Nupepa ika lua o ke kope. Apono loa la. A nana pu mai no 1 waiko mai i ka inoa o na komite nana e haku i olelo hoalohaloha. Na koimte.—Rev. E. S. Timoteo, Rev. J. M. Waiamau, Rev. J. Waiamau. Na D. L. Naone he noi e haawi pu keia aha >i olelo hooholo hoalohaloha no Miss Lizzie Binamu, kaikuahine hoi o Binamu opio, a e waiho ia ma ka lima o ke komite hoalohaloha a keia halawai, a nana e hoouna i hookahi kope i kona kaikunane a e hoolahaia ma na Nupepa ka lua o ke kope, a hooholoia e like me ke nol. Noi mai o S. Kapu e hoopanee keia halawai, a hoopaneeie me ka pule a ka lunahoomalu. J. M. EZERA, Kakauolelo.

Ua laulaha ae ka lono i keia mau la iho la, e huli hoi mai ana no Hawaii nei, ma ka la 20 ae nei, ke "Alii LiUuo ka lani, Kelklalii David Kawananakoa, Kuhina Damon ame "Kiaāina Samuela Parker o Hawaii." Maluna mai lakou o ka mokuahi Coptie. Ea mai paha auanei, e "Bubonika" ana o Honolulu nei?