Ka Nupepa Kuokoa, Volume XXXVIII, Number 49, 8 December 1899 — Page 5

This text was transcribed by:	Toni Ka'a'a
This work is dedicated to:	Makuahine, Esther Kalino (Kauaulalena) Campbell

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, DEKEMABA 8, 1899.

Na Elele Hawaii No Bosetona

(Mai ka aoao eha mai.)

@@ no na wili, a o na paele no na paa@@@ o waena, a o ka inoa o keia wahi Louisiana. Ohaoha ae la na maka, a hoomanao ae la i ka aina-hanau i k@@ ku a ke ko, i hakalia no aku iki ko makou kaa, o ka lele aku la no ia o kekahi mau ohua haole e uhai ko. Eia @@nea hilu, aohe maopopo i kahi poe @@no ia mea a pehea la e ai ai, a o @@ ano ko nohoi he kohu ko ulaula @@aka, he oolea paakiki ka iwi o wa@@. A na makou i kuhikuhi aku i kahi makou i ke ano e ai ai a hoao nui @ la a ike i ka ono.

Ma kahi mau wahi o keia aina, he @@a ma@a laiki ua oo, a he mau kula waiho wale nohoi kekahi e ulu ia ana na laau loloa i hele a lupea i ka ulu @ ka limu. A o keia ka limu e hana@ nei i na pela moe e kuai ia la ma Honolulu. Ma keia kula no makou a @@leele. Mai keia po a ao, ke hele nei makou i ka ili aina o Taxes. He aina @@la keia, nui na hale, a hoomanao ae @ wau i kau wahi mele a'u i lohe wale @i ko'u wa kamalii. "The Yellow rose of Taxes that I'm going to."

O ke kaona nui o keia wahi, oia no o Spofford, aka, he nui wale na kulanakauhale liilii ma na hale hoolulu kaahi. @@ ku maoli no i ka mahalo ke nana aku i ka waiho laula ana o ka aina @@pono i ka hanai holoholona.

Ma keia alahele a makou e hele malihini nei, he kupono na ka makaala, a pela e hiki ai ke loaa na mea ai o ke alahele. Ke holo nei makou ma kauwahi, aole he kaa ai o luna a ma na @ale hoolulu e loaa ai ka ai. Me ka @@u e pono ai no ka mea, he hapaha hora wale no ka manawa e ae ia ai no ka lele ana e paina. Ma kauwahi loaa @@ mea ai i ka hapaha dala, a o ka hapa nui he hapalua a maluna aku.

KA IKE ANA IA EL PASO, KULANAKAUHALE NUI O NEW MEXICO.

Ua hiki makou i Mexico, ka aina hoi o na Paniolo i ka wanaao Sabati, a ku loihi ko makou kaa maanei a hiki i ke @o loa ana ke kakahiaka Poakahi. He nui keia kulanakauhale, aka, o ka waiho ana o ka aina, he palahalaha ma kauwahi a he apuupuu ma kau wahi, a he one wale no. E ulu ia ana e na wahi kumulaau kanulima. He mau hale pohaku a me na laau, a he mau hale kekahi i wili ia me ka lepo a hamoia aku i ka puna e like me na luakini Hawaii. He nui na Paniolo o na kane a me na wahine, a he mahuahua pu no na lahui e ae. Ma ka hora 8 o ke kakahiaka, ua haalele makou i ke kulanakauhale o El Paso, a holo loa mai la no Arizona. Ma ka loa a me ka laula o keia huakai hele, he panoa maoli ka aina mai o a o. E ku ana na hale i kekua@@a, a o ka home noho maoli o na Paniolo, he ano e no ko lakou mau home, aia hoi, ua hoomoe loloa ia no na pauku laau, e kau ana kekahi maluna o kekahi a hiki iluna a pela na aoao a pau eha, me kahi puka ua haliiia o luna me ka lepo puna ame ka iliili a he kulana ilihune maoli ke nana aku. E kipu ana na wahine me na kihei a he palaka me kahi lolewawae ko na kane me na papale ipu loloa. A he hoomanawanui maoli no ka noho ana i ka ka wela o keia aina. He ano like maoli keia wahi me Mana o Kauai, o ka haiki hoi o laila a laula ae keia. Ua like no ke ano o Arizona me New Mexico. Mai ka Poakahi a ao ae Poalua, ke hele nei makou no Kaleponi lalo (Lower California). He mau puuone nunui a he mau oawa ame ke kula ano panoa wale mai no keia wahi a makou e holo nei a he wela nohoi, aka, ua holo mai makou me ka hoomanawanui a hiki i ka ike ana i na mala kanu mea kanu.

He ano maikai maila keia wahi, he ano oawa a he nui na laau hua ai e laa na kumu alani, ka piki, pea ame na apala, waina, a pela ko makou nee ana a hiki i ke komo ana i ke kulanakauhale nui Los Angeles ka inoa. Hoomaha makou maanei, a lele na mea apau e paina ma ka hale aina. O ka hora 1 keia me ka hapa o ke awakea. He hui maoli no keia kulanakauhale, a nui pu me ke kaona o na Pake. I ka pau ana o ka paina awakea, ua kau hou ae la makou iluna o na kaa a no Oakland ka pahu hopu.

HAALELE IA LOS ANGELES NO OAKLAND.

Hora 2 a oi o ka auwina la haalele makou ia Los Angeles, a maanei makou i nana hiaia ai nui mai ai i ka nani o na hale ma na puu ame na kualono, a o na mauna kuanea hoi e ulu kakaikahi ia ana e na laau e ku kiai ana lakou ma o a maanei me he liona ala e hoohalua ana i kana mea e ale ai. I ka @oa no makoa o ke alahele a luhi ke kino, i hoihoi aku no ka hoi ka holo kaaahi i kahi holo ae a holo. Ke pii nei makou i na puu, ke iho nei i na oawa, ke komo nei malalo o ka lua a puka ma kahi aoao, ke owe nei maluna o na alahaka, a peia wale no makou mai keia po a ao, puka ana makou i ke oneanea, a he nani uliuli mai ka waiho ana o ka aina, a he aina kanu ai mai keia a ka holoholona e palau ana na kane i na kula laula a koliuliu ke ike aku oe i ka palena o kahi aoao. Aka nae, ke hookokoke loa nei makou i ka ili aina o Alameda a he nani a oluolu na maka, uliuli na mauna, a e ku ana na hale mai na puu a hiki i ka halii paa ana i ke kapakai o ke kaikuono o Kaleponi. Aole no i upu iho, pili ana makou me Oakland a kahi no a manao mai ke ku i ka pahu hopu o keia huakai hele.

I ke kani ana o ka hora 10 a oi o ke kakahiaka Poakolu, kohi ana ko makou holo i ka hale hoolulu kaaahi o Oakland, lele i lalo, kau ma ka Ferry Boat no kela aoao o ke kulanakauhale o Kaleponi ka ilina. Oiai makou i pili aku ai ma kahi aoao, ua lele like aku la makou no ka uapo e ku ana ilalo o ka hale hoolulu, kau ma ke kaa o ka Hotele Occidental, he mau ia holo kuku ana iluna o ka pohaku, ku ana mawaho o ka puka o ka hotele, lele ilalo, komo iloko hui me na kupakako loaa ka rumi a kahi no a kuu ka luhi a manao ae la ka pau ana o ka inea q ke alahele holo kaaahi. Nolaila, ua haalele makou ia Wasinetona i ka po Poakolu a ku nohoi i Kaleponi i kakahiaka Poakolu. Nolaila, e na Hawaii lahui, e hoomanao i ka loa o keia alahele. Aole i loaa i ko makou kaa he ulia poino a pela nohoi makou, aka, o na kaa mamua o makou, ua pau kekahi o na ohua i ka make a ua pau nohoi na kaaukana i ka nahanaha a puehu liilii ke alahao, aka, ua pakele mai no makou a pau i ka lokomaikai o ke Akua.

Aole he mau o ka poe kolohe a he oki loa no ma na ano apau aka, o ka hauoli me ka mahalo i ka nui o na mea i ike ia e makou. Ma keia auwina la Poakolu nohoi halawai ana makou me ke alakai Henry Waterhouse, me kona mama. Mai Chicago loa no hoi laua. A lehulehu no na kamaaina haole o ka Hotele mai Hawaii mai a o John Wise pu kekahi i loko o keia aluka.

Ma ka Poakahi ae hoi la 13, hiki ana ka makua Kakauleta Rev. O. P. Emerson mai Bosetona loa mai nohoi ia a koe aku no kona mama e hanu i na ea huihui o keia kau hooilo a hui hoi mai ma ka malama o Feberuari o keia makahiki ae.

HAALELE IA KALEPONI NO KA AINA KULAIWI

Ma ka hora 2 a oi o ka auwina la Poakolu, ua haalele aku la makou no ke kulanakauhale a holo maila ma ka Austrailia. He auwina la koekoe keia o ke kulanakauhale e pehi ia ana e kaua a eha kanahele. O ko makou nui ma keia huakai no ka home, o makou eha me ko makou alakai Emesona a koe no o Waterhouse ma. He elua mau Hawaii opio no Wahiawa, Kauai mai. O Kahalelaukoa me na keiki ame pekahi poe lehulehu e ae. Ua hoohala ia ka moana e makou iloko o na la eono, he maikai ka makani a malie ka moana, e panai pu ia ana e na kulu pakaua lihau a lipolipo uliuli ka hohonu laula o ka moana kai akea o ka Pakipika. Ua holo ia ka wehena o kai ao o ka Poakolu, Nov. 22.

I ka hora 6 oia kakahiaka, kalewa ana makou mamua pono o ke awa o Mamala. I loa no i ke pailaka a kau o ko makou hookomo mai la noia a pili kakahiaka ana i ke kulanakauhale o Honolulu. Lele i lalo kau ma na kaapio a o ka nalo aku la no ia o kela ame keia. Ma ka Poaono ae la 25, ua akoakoa ae la ke kahu o Haili me ko Kaumakapili ame ka mea kakau nei ma ka home noho o Henry Waterhouse, ma Palea, Ewa. Oiai hoi ma ka Poalima iho ua ku mai ke Senate me kana lede a halawai iho la makou me ke aloha. Maanei ua paneeie mai he papaaina ono i hele a ohuohu i na ono Hawaii a he makana lokomaikai keia na na keiki oiwi, ka Lunahelu Keliinohopono ame ka Lunakanawai Hookano. A ua aie nui na Elele Hawaii i ka lokomaikai o nei mau puuwai Hawaii a no laua ka makou e noi ae nei i na Mana Lani e kokua pomaikai mai i ko laua noho ana. Ma ka auwina la Sabati, ua kono ia mai la ke kahu o Ewa e paina pu ma ka home o David Keliiokamoku, ma Kaohai, Ewa, a ma ka hiki ana aku, ua paneeie maila he papaaina ono i hele a kuhina i ka ono poina ole o ka aina kulaiwi. A ke haawi nei ke kahu i ka mahalo piha i ka hoomanao ana mai o keia opio i kana makana waiwai nui, a ke noi ae nei wau i ka oluolu o ka Makua Kahikolu e kiai pulama mai kona noho ana me kona ohana. Ma ke ahiahi Sabati ae ua malamaia ke anaina hope loa o na hana a na Elele a pau ma ka luakini o Kaumakapili, a he po piha loa keia i ike ia ke hele la a haalele ka hale i ke kanaka.

Nolaila e o'u mau hoa kahu e noho ana ma Hawaii a Kauai, ua pau ka hana a kou mau Elele a ua kuu na pea ke kau aku nei na maka o ke kau o Iune e hiki mai ana, alaila, e hui pu kakou he maka a he maka. A o ke aloha o ko kakou Haku me kakou pu apau.

A me ka lunahooponopono o ke Kuokoa ko'u welina aloha, i kona hoomanawanui ana e holaha ae i ke akea i na mea i ike ia e na Elele Hawaii.

J. M. EZERA,

Elele Hawaii..

Ua huli hou aku nei @o o Hon W. H. Rice no ka mokupuni o Kauai.

Ua manao wale ia e hoea mai ana ka mai Kapalakiko mai, ma ka la Karikimaka ae nei, a i ole, ma ka pule mua o keia makahiki ae.

NA LETA

Eia iho ka papa inoa o na Leta e waiho nei maloko o ka Hale Leta a hiki i ka la 30 o Novemaba, 1899.

Andrew Becky

Apia, Elden

Aea, S. Mrs.

Albe, Annie, Miss

Aumoana, Ana

Anepauelua, Ane, Mrs.

Apaki, (2)

Auld, P. K. (2)

Apana

Ahia, Mary

Ai, Amoe D.

Ahuena, Nake

Abraham A. W.

Aram, D. Mast.

Akuna J. Mrs.

Akina

Akau, L. Mr.

Aka Joseph

Aki, Palakiko

Akina Grace Miss

Akem Keikiaukai

Alice

Alexander Solomon Mrs.

Allen .

Aloipa Hana Miss

Aliona, Kiha

Alika Miliama

Alapaki, Annie (2)

Amoka, John

Epa Julia, Mrs. (2)

Ellena B. E.

Emma, Miss (2)

Emalia

Emalia Mrs.

Eliza

Enoka

Isaacs Rose Mrs.

Ilihune Kaniho (2)

Imasishu J. K.

Iokepa

Ohia K. A. J.

Ohai Mrs. (3)

Ulunahele Moses

(Ukuula Mary Miss.

UUkulani, Kaniau Mrs.

Ua. J.

Hattie Miss

Haili Miss

Haalou Mrs.

Haili Miss.

Hanale Kela

Haole Mary Miss

Hanawelo, A.

Haole Mary Miss

Hana Hr.

Halemano C.

Halamanu

Haaheo Rebecca

Haleola P. .K. S.

Haleakala, Akoni

Hekekia Malia Miss

Henry Iizzie Mrs.

Hekekia Mr.

Helebibe Mrs.

Heeia and Manoano

Helewale

Hilu W.

Hipa Mele

Hookano Kealii Mrs.

Honuakau Esther Miss

Hoopii, Mrs.

Hoopai, Ilihune

Huihui Kaimihou

Hulupii Lepeka

KA.

Kaele A. C.

Kaeka

Kaono Likia Mrs (2)

Kaoiwi Billa

Kaona Mary Miss

Kaowao, Kahaulelio K.

Kao s. Miss

Kaohele Kaui Mrs.

Kaolulo

KAA

Kaaihue Mr. (2)

Kaai Jub. Mrs.

Kaanoiokalani K. C.

Kaahahui Kahinalua

Kaauamo Mr.

Kaahupuna Miss

Kaao W. S. Mr.

Kaapuiki Malia

Kaaipuaa Moss

Kaauaana

Kaane Hao (4)

Kaai K. K.

Kaalouahi Enoka

KAI

Kaike, Kaena

Kaioleaulani K.D.

Kaiminaauao

Kaili, Keliihaleole

Kaiehu Kaanana

Kainuwai Mr.

Kailihau, Hazirona Geo.

Kaia K. D.

Kailihune (4)

Kaili Robt.

Kailikuaiu Joseph

Kailiuli M. F.

Kaili George

Kailipahia

KAU

Kauwe, Kalanilehua

Kauai M.

Kauwahi K. A. Mast (2)

Kaunuhiaea Mrs.

Kaukini Ili

Kaui Mrs.

Kaumauku Mast

Kauihou Kahoaka

Kaulahea O D

Kaumai Eliza Miss

Kauanoano, Peke

Kauwe, Ku Miss

Kauiania Kapiha

Kauala Mrs. (3)

KAH

Kahuakailoa C

Kahinu Naiaui Miss

Kahunanui C. Miss

Kahaleili Miss

Kahoolulu Mary Miss

Kahanu Opio

Kahakuea

Kahilahila Kiekie Miss

Kohi, Alapai Mrs.

Kahakukaalani

Kahanaupuni Mrs.

Kahue Peke

Kakaleaipuni (w)

Kahaleluhi D. Mr.

Kahanamoku Julia

Kaheleua Mr.

Kahoohuliliilii

Kahikilauena Kelii Mrs.

Kahooia

Kahale

Kahue Keliaa

Kahalepauli Miss

Kahilahila

Kahoalii

Kahookano, Mary Mrs.

Kahiamoe Kukana Mrs.

Kahalewai Mr.

Kahaleluhi D.

Kahiena Mele

Kahalewai Mrs.

Kahinawe

Kahaolealii

Kahue K. Mrs.

Kahue Keliiaa

Kahale

Kahale K.

Kahalawai

Kahananui

Kahiona

Kaholoholo Lukia

Kahuanui Pipi Mast.

Kahiwai Kauhala

Kahaleaukai

Kahookiekie H.

Kahalekawaha

Kahalewai Ane Miss

Kahuhu Hana

Kahopeole Moke Malaea

Kaholua

Kahele H.

Kahalau Meleana

Kahoonuu K

Kahoakalani B. J.

Kahalau Maleka

Kaheihopu Annie Miss

Kahoolina Mrs.

Kahawaiola Iokepa

KAK

Kakalia Mrs.

Kakaio Mr. (2)

KAL

Kalolou J. Keoho Miss (2)

Kalanilehua

Kalina, Mast.

Kalehua Nakii (2)

Kalola K. Sam'l

Kalua Pika

Kalei (3) Miss

Kalehuawehe (w)

Kali Kahananui

Kaluna Mr.

Kalepo Mary Miss

Kalimapehu Kahale

Kaliko (w)

Kalehuamanu Mrs.

Kaleikini E. S.

KALA

Kalawela Sam

Kalauao Kakalina

Kalni O. Kaowaka

Kala Sam Hattie Mrs.

Kalaulipo Mrs.

Kalauao Kailieha K. P.

Kalama Annie Miss

Kalahikiola (k)

Kalaehao Wm.

Kalama Moses Mr. Mast.

Kalaukahili Mast.

Kalakapu, Henry

KAM

Kamakee Hookano Mrs.

Kamuela hana Mrs.

Kamali

Kamakaehukai Ros na Mrs.

Kamai, Kauhia Mrs.

Kamahiai Kole Mrs.

Kamila Miss (3)

Kamaka Jas.

Kamahi M. Joni

Kamanawa Binehas

Kamaka Lahapa Mrs.

Kamaile

Kamaka P. B. Mast

Kamaki Pehu Mrs.

Kamaka

Kamakaokalani P. Mrs.

Kamikana Kimo

Kamana, Hattie Miss

Kamaunu Mr.

Kamio Mary Miss

Kamai Kamuela (2)

Kamaka Kawaipuilani

KAN

Kanakahelelua Paahao

Kanealii Wm.

Kaninau Peka (2)

Kanae, Hugo

Kanoho, kalalike

Kaneakauhi Bill Mr.

Knoa Mary Mrs.

Kanui

Kanewalani

Kaninau Kauahi

Kaneai Mauna loa

KAP

Kapehi Kalani

Kapa John (2)

Kapu E Miss

Kapualahaole Mrs.

Kapu, Maka

Kapahua

Kapihe (w)

Kapele Elizbet

Kapolu

Kapualei

Kapalama

Kapule

KAW

Kawaa, Mealii Mrs.

Kawaihau

Kawaauhau Makia

Kawelo David

Kawelo

Kawaluna C. G.

Kawaimaka

Kepano Kanohala

Keoni A. H.

Kenala John (2)

Kelii David

Keliikahi

Keoni

Keoki Kaluna Mrs.

Keola

Keolaokalani

Keliinohopali

Kelekimokeo

Kelii Heleue

KEA

Keala S. M.

Kealiiolono

Keawe Pua

Keawe Mrs.

Keanu Melekana

Keanini

Keahi Kapalu

Keahookalani B J

Kealohapoinaole Mary

Keanu Kauhane

Keamalu Mrs.

Keahualii G. J.

Keahuna Mrs.

Kealoha Kahananui

Keala Mrs.

Keawe

Keapu Robert

Keanapuni

Kealaka

Keale Mrs.

Kea

Kealoha J.

Keaweaimoku

KEK

Kekumu Amelia

KeKoa M. W.

Kekua Mrs.

Kekuawela, Kamealoha

Keko D. K.

Kekahiolani Kawahalama.

Kekuia Kukana

Kipapa Lahapa

Kihikihi

Kimouea

Kipi, M. H.

Kinikake L. S.

Kiko, Lahela

Kinilau S. J. Mrs.

Kopana, Ane

Kopua Sam

Koloa Mary Miss (2)

Kolopapela Ed. Mr.

Kopa D. G. Mrs.

Koka Miss

Kolikoli, Mele Miss

Kolomoku, Mary Mrs.

Kopa I. G.

Kula Kamamaole

Kui Sang Mrs.

Kuaana J.

Kulikookalani

Kuaulu Pilipo

Kuhao Mr.

Kulia

Kuhao, Kaohele W. H.

Kukailanai Mrs.

Kupihei

Kumahoa Kaluna

Kulamanu, Kalani

Kuahiwi, Kanoho

Kuhia Kemalia

Kamakalei Chas.

Kuheana

Kuahike (2)

Kupau P. J.

Kumano Hilu

Lata Laita

Lahapa Mrs.

Lahilahi, Wahineaukai Mrs.

Lain Meck A. Mrs.

Lehuanui Mary Mrs

Lemon J.

Lima, Mr.

Liilii, Julia Miss

Loko (w)

Lonoinakaihonua

Lono W. George Mrs.

Lota, Mary Mrs.

Lumahai John Mr.

Luaehu, Mary

Lui, Apikana Mr. (2)

Luke, Ah W.

Luhilea Mr.

Maka Sam

Manini J. Miss

Malaea

Makainai

Manaole Est.

Mano, Kapika Mrs.

Mahiliana Mrs.

Mary Liiluii

Makia, Hattie

Maui, Kealoha

Mao, Kahalekai Sa@ Miss

Mokuaikai Mrs.

Maikewe, Bennie

Maleka

Malamalama

McKeague D. Mr.

Malaia Johny

Maihuo Victo Mas.

Maioli Hoolulu

Maila Maloa Mrs

Molowaina Daisy

Makee K. L.

Malie, Mama

Mainalulu

Makoho

Manuia

Maluia, Sela

Makakoa

Mahiki Sol.

Mary S. Thos. (3)

Maluhi

Malia t.

Makaalu

Malaia

Malaea

Mahaulu Kawika

Maila, haloa

Mahiai

Mersberg, Jummer

Melekule.

Melelota Mrs.

Mikolia Afona Kui

Mikakolo

Mose, Capt.

Mae Wm.

Moluhi S. D. (2)

Molohi Hattie

Molohi Mast.

Moluhi Keoni

Moke, Kauhane

Moore E. Mrs.

Moku

Muli Mr. (2)

Murry Mattie

Nalua

Naipo

Nawai John

Nakii Miss

Namania

Nakaina

Naai Mast

Nawahiae Jos.

Napoliana Pahuku

Nahau, John Mary

Nakua, John (2)

Naki Mele

Ninaawa

Nahaku Lewi

Nalua

Nawaa, Moke

Nopela, Ana (2)

Nahakuelua, Ane Miss

Naauao J.

Namaunu, Maraea

Naunua, Jos.

Naipo K. N. Mrs.

Nawelu, Mary Mrs.

Nahau, J. hana Mrs.

Namakaokeahi, B

Nakalea Kohanu

Niu Mary Mrs (2)

Nilo Bane

Paniolo Johnny

Pakaka Puu

Paahao Meleana

Paahao K. P. (2)

Pahia, Kaui

Palaualelo, E. Mrs.

Pauahi W D

Pana, Henry

Papaaula John

Palaualelo Sam'l

Pauahi

Panani, A Mr.

Pakekee, Mika

Paimea

Paia, Haalou

Paulou, Kini

Paahao, Kulia

Paa Abrh.

Paakea H

Pahunani

Palau Mrs.

Paiaina, Keawe

Pake (k)

Paniani J.

Palaika John

Paua, Henry

Paoakalani W. D.

Paakai, Peni Annie

Palealii Mrs.

Pauahi, Kaoaka

Pakana Keao

Peter Waiwaiole Mrs.

Pelekahala, Henry Mrs.

Peke Miss

Pinao, Lahela

Piko, Mrs.

Pilipo (k)

Pii, Mele Mrs.

Pikao, Haaipo

Pikake Puhilama, Miss

Pipi

Piikoi Mast.

Pihanui Kakalina

Pohupa, N. Mr.

Poepoe, John

Poohina

Polonia, Ane

Poiuhane

Poaha, Enoka

Punahoa, Mrs.

Puu, Pake Mrs.

Puleloa, Keala

Pununa, John

Puu, Kalani

Puuweuweu, K. D.

Pukahi, W. E.

Puakaua, Sol.

Purdy, B. J.

Waiau D. Mast.

Wahine, Miss

Wilson, T.

Willis, Liloa Mrs.

Wood, Harry

Walanika, Julia M@ (2)

Waihopu, P. S. (2)

Waiwaiole P. E. (2)

Wahine, Kakuakapu

Wagner Kaahanui

Welewele ,k) (2)

Vitoli

Brown, C. F. Mrs.

Brown Hattie Mrs

Crowell, Clement Mas.

Clark, Ellen Mrs.

Drew, A Mrs

Dawika, Kalai Mrs.

Dollway, Anna Miss

Davis, Sam'l Mrs (2)

David, Mr.

Daniel, Mr.

Job nalulani, Mrs.

Joy, Amalia, Mrs.

John Abigail P. Mrs.

Johnny, Annie Mrs.

Richard, J. Mr.

Reni, Mele Mrs.

Sniffen John

Solomon Kapuakekekau Mrs.

Smith, Susan Mrs

Sameson, Julia Miss

Shaw, Sarah Mrs

Sherman, John Mr.

Sam, Ohelo, Mrs.

Simon David Miss

Samaki, Pehu Mrs.

Sam Maraea Miss

J. M. OAT,

Luna Leta Nui, Honolulu.

Kela ame Keia.

NALOWALE.

Mawaena o na Alanui Kauka ame Liliha ame ka Hale Hana Lepo Hoomomona Pakipika (Pacific Fertilizer Works) ma Kalihi, he wati gula hamama o ke alo. O ka mea e loaa ai, e oluolu e hoihoi ae ia B. F. Ehlers a e loaa no he uku.

2784--2t

HOOLAHA I NA POE AIE.

Oiai ua koho ia ka mea nona ka inoa malalo iho i Lupnahooponopono [Lunahooponopono] Waiwai no ka waiwai o S. R. Hapuku (k) o Niumalu, Lihue Kauai, i make kauola ole, nolaila, o ka poe a pau he mau koi ka lakou i ka waiwai o ka mea i make, e waiho mai lakou me na hooiaio i kupono i ka mea nona ka inoa malalo nei, a i ole ia S. K. Kaeo kona Loio, ma Nawiliwili, Kauai, iloko o na malama eono mai keia la aku o hoole ia. A o na poe apau i aie i ka mea i make, ke kauoha ia aku nei e hookaa koke mai.

MELE HAPUKU.

Lunahooponopono Waiwai o S. R. Hapuku, i make.

Lihue, Kauai, Dec. 8. 1899. 4t.

KUAI A KA LUNAHOOPONOPONO I KA WAIWAI PAA.

Ke hoolahaia aku nei ma keia, malalo a i kulike ai hoi me kekahi kauoha i hoopukaia e ka Aha Kaapuni o ka Mahele Kaapuni Ekahi, ma ka Waiwai o A. K. Sylva i make, ua kauohaia mai au e J. P. Mendonca, ka Lunahooponopono o ua Waiwai 'la, i kulike ai me ua Kauoha 'la, e kuai aku ma ke Kudala akea i ka mea koho kiekie loa no ke dala kulike, ma ka Poaono, la 2 o Dekemaba, 1899, ma ka hora 12 awakea o ua 'la ma kuu keena kudala ma Alanui Moiwahine, maloko o ke kulanakauhale o Honolulu, i na kuleana apau, na pono ame na pomaikai o ua A. K. Sylva nei i make, maloko a i pili ai hoi na aina i hoakakaia mahope ae nei:

Apana 1. E hoomaka ana ma ke kihi e pili ana i ka aina o Kekino me ke Koele o Kekoi, a moe aku i ka aoao mua; Hem. 23 30 Kom. 39 7-12 Kap. i ke Koele o Kekoi; Luli aku 62 30 Kom. 3 Kaul. 44 3-12 Kap. i ka loi poalima; Hema 46 15, 37 Kap. a huli i kahi i ana mua ia ai; Hema 52 30, 2 Kaul. 62 Kap. e pili ana i ka aina o Kekino.

1 Kaul., 16 Anana, 13. Kap.

Apana 3. E hoomaka ana ma ke kihi Hik. holo @a ka aoao mua 49 Kom. 46 2-12, Kap. o ka aina o Kakino [Kekino] a huli a holo ma ka Kuaauna o ka loi; Hem. 38 30. Kom. 44 3-12, Kap. a hiki i ka aina o Paeimuai holo mawaena oia aina Hema 72 Hik., 1 Kaul. huli hou kahi i hoomakaai.

59 Apana, 23 Kapuai.

A oia hoi na Apana 1 ame 3 o ka Aina i hoakakaia maloko o ka Palapala Sila Nui 5641, Kuleana Helu 608.

Aia he hale laau maluna o ka aina i hoikeia ae la, a he kuleana hapalua hoi kona mloko [maloko] o keia hale, e kuai pu ia aku nei me kela mau Apana aina ae la.

HE KUIKE KE DALA, MA KE DALA GULA O AMERIKA KUIPUIA.

O ka lilo no ka Palapala Kuai, aia ia i ka mea e lilo aku ai, a e aponoia hoi ke kuai ana e ka Aha Kaapuni o ka Mahele Kaapuni Ekahi.

No na mea i koe e ninau ia Cecil Brown, Loio o ka Lunahooponopono.

JAMES F. MORGAN

Luna Kudala.

Hanaia, Honolulu, Novemaba 4. 1899.

2780-4t.

Hoolaha Mana Hookolokolo.

AHA KAAPUNI, APANA KAAPUNI Elima, Ko Hawaii Pae Aina. Ma ka hana o ka Waiwai o Pake (w) o Anahola, Kauai, i make kauoha ole.

Ua waihoia mai ke noi a M. Makanui e olelo ana ua make kauola ole o Pake (w) ma Anahola i oleloia, Kauai, ma ka la 29 o Maraki, 1892, me ka waiho ana iho he Waiwai ma ko Hawaii Pae Aina i kupono e hooponoponoia, a e nonoi ana hoi i palapala luna hooponopono waiwai e hoopukaia aku ia Paikahawai, ua kauohaia o ka Poaha, la 4 o Ianuari, 1900, ma ka hora 10 a. m. a ma keia ua hoopaaia oia ka manawa no ka hoolohe ia ana o ua noi la ma ke Keena Hookolokolo o keia Aha ma Lihue, Mokupuni o Kauai, a oia ka manawa ame kahi e hele mai ai na poe apau i kuleana ma ia hana a e hoike mai i kumu, ina he kumu ka lakou nokeaha la e ae ole ia ai ua noi la.

Na ka Aha:

H. D. WISHARD.

Kakauolelo apana Kaapuni Elima.

Hanaia, Dekemaba 1, 1899. 3t.

AHA KAAPUNI, MAHELE KAAPUNI Elima, Ko Hawaii Pae Aina. Ma ka Hooponopono Waiwai. Ma ka Hana o ka Waiwai o Kekua Kani (k) o Waimea, Kauai, i make.

Ua waihoia mai keia Aha i oleloia ae nei he palapala i oleloia, he Palapala Kauoha a Hooilina Hope na ka mea i make i oleloia ae nei, me kekahi palapala noi no ka hooko ia ana o ua palapala kauoha 'la, a e hoopukaia hoi ona palapala luna hooko-kauoha ia C. H. Hofgaard i waiho pu ia mai, ke hoolahaia aku nei ma keia o ka Poaha, Dekemaba 28, A. D. 1899, ma ka hora 10 A. M. maloko o ka Hale Hookolokolo ma Nawiliwili, oia ka manawa ame kahi e hooiaioia ai ua palapala kauoha la, a e hooloheia ai hoi ua noi la, a ma ia wa a ma ia wahi e hele mai ai kela ame keia mea i kuleana ma ia hana, a hoike mai i kumu, ina he kumu kekahi, nokeaha la e ae ole ia ai ua noi la.

Lihue, Kauai, Novemaba 22, 1899.

Na ka Aha:

H.D. WISHARD.

2783-3ts Kakauolelo.

ILOKO O KA AHA KAAPUNI APANA HOOKOLOKOLO EKAHI O KO HAWAII PAE AINA.

Ma ka Hooponopono Waiwai. Ma ka Hana o ka Waiwai o James R. Holt, o Honolulu, Oahu, i make kauoha ole.

No ka mea, ua waihoia mai e Helen A. Holt, ka wahinekanemake, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia Palapala iaia, nolaila, ma keia, ke hoolahaia aku nei i na poe apau i kuleana ma ua waiwai la, o ka Poalima, Dekemaba 22, M. H. 2899, ma Aliiolani Hale, Honolulu, hora 10 o ke kakahiakai oia kah, ame ka manawa e hele mai ai lakou, a e hoike mai i na kumu, ina he mau ka lakou, e ae ole ia ai ke noi.

Na ka Aha:

GEORGE LUCAS,

Kakauolelo.

Honolulu, Novemaba 16, 1899.

2782-3t.

AHA HOOKOLOKOLO KAAPUNI O KA MAHELE KAAPUNI EKAHI O KO HAWAII PAE AINA.

Elizabeth K. Freeth vs. George D. Freeth.

Ka Repubalika o Hawaii.

I ka Ilamuku o Ko Hawaii Pae Aina, a i Kona Hope Aloha:

Ua kauohaia aku oe e kii aku la ia George D. Freeth, mea i hoopiiia ina ia e waiho mai ana i pane i kakauia iloko o iwakalua la mahope iho o ka hookoia ana aku o keia, e hele mai imua o ua Aha Kaapuni la ma ke Kau o Nonemaba [Novemaba] o ua Aha la, e noho ana ma Honolulu, Mokupuni o Oahu, ma ka Poakahi, la 6 o Novemaba ae nei, ma ka hora 10 a. m. e hoike mai i kumu nokeaha la ke koi a Elizabeth K. Freeth, ka mea hoopii e hooko ole ia ai no kona pono elike me ka manao o kana Palapala Noi i hoopili pu ia me keia.

A e hoihoi mai oe i keia Palapala me kau hoike piha no kau hana.

Ikea e Hon. A. Perry, Lunakanawai Mua o ka Aha Kaapuni o ka Mahele Ekahi, ma Honolulu, Oahu, ma keia la 17 o Okatoba, 1899.

(Kakauinoaia) GEORGE LUCAS,

Kakauolelo.

Ke hooia nei au o keia mamua ae nei, oia ke kope oiaio, piha a pololei o ka Palapala Kena Kumu, a ua kauohaia ua hoopii la e hoomauia aku a hoea i ke Kau o Feberuari, (1900) a ua Aha la.

J. A. THOMPSON,

Kakauolelo o ka Aha Kaapuni, Mahele Kaapuni Ekahi.

Honolulu, H. I., Novemaba 11, 1899.

2781-6t.