Ka Nupepa Kuokoa, Volume XXXVIII, Number 49, 8 December 1899 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA          DEKEMABA 8, 1899.

 

KA Nupepa Kuokoa

                                                                                                No ka Makahiki                                      $2.00

                                                                                                No Eono Mahina                                      1.00

Kuike ka Rula.

     PUKA ANA.                              1                      2                      3                      1                      2                      3                        1

                                                       PULE                 PULE              PULE               MAL          MAL                MAL               MAK

        Iniha                                   $1.50                  $2.00               $2.50                $3.00             $5.00                $6.75               $12.00

     2 Iniha                                      2.00                    2.75                 3.50                  4.00               7.00                  9.00                 15.00

     3 Iniha                                      2.50                    3.50                 4.50                  5.00               9.00                12.00                 18.00

     4 Iniha                                         3.00                    4.00                 5.00                  6.00             11.00                13.50                 21.00

     5 Iniha                                         3.50                    4.75                 6.00                  7.00             12.00                15.00                 24.00

     6 Iniha                                         4.00                    @.50               7.00                   8.00             13.00               16.50                 27.00

     O na Olelo Hoolaha a pau e noounaia mai ana no ka Hoolaha maioko o keia Nupepa, e hoouna pu mai me ka auhau, a ina aole, aoho hookomo ia.

HOOPUKAIA E KA

HAWAIIAN GAZETTE CO.

A. W. PEARSON, Luna Nui.

JOSEPH M. POEPOE, Lunahooponopono.

Honolulu, Oahu

POALIMA          DEKEMABA 8, 1899

 

     E ilo ana ke Kumuhana pili i ke Kanawai Hoonohonoho Aupuni o Hawaii nei i mea mua na keia Kau Ahaolelo Nui e noho mai nei o Amerika Huipuia.  Pela na lono i loaa mai ia nei.

     O ka ninau aina lei alii a ke Aupuni i lawelawe iho nei ma ke kuai ana aku i ka lehulehu, e komo aku ana ia iloko o ka noonooia ana e ka Ahaolelo Nui e noho mai nei.  A me he mea la, ma ia wa e holo aku ai o Peresidena Dole, a i ole o Lunakanawai Frear, no Wasinetona.

     Ma ka hoike o ke Keena Waiwai no ka mahina o Novemaba aku nei, ua ikeia he $1,600,973.43 ka huina dala ma ka Waihona.

     Mamuli o ka lilo ana o Senatoa Frye i Peresidena a Lunahoomalu nui no ka Hale o na Senatoa o Amerika Huipuia, ua loaa na manaolana maikai ia Hawaii Aupuni Hou, no ka hooholo koke ia ana o  ke kanawai kuloko o Hawaii nei.  He hoaloha o Senetoa Fry no Hawaii Aupuni Hou.

     Ke kali nei makou o ka loaa pono mai o na lono oiaio no na hana a ka Italia Hawaii i holo aku nei i Wasinetona.  Ma na hauwawa nupepa nae e loheia mai nei, e hooikaika ana ka ia e loaa mai ka oihana Ilamuku o Hawaii nei.  O ko makou manaoio - aole; he wahi mea okoa no, aia no a hoea mai.

KA WAHAOLOELO LAHUI ROBERTS O UTA.

     Maloko o ka nupepa P. C. Advertiser o ka Poakolu nei, i ike iho ai makou i kekahi manao alakai e pili ana ia Brigham H. Roberts, ka Wahaolelo Lahui mai ka Mokuaina mai o Uta aku.  Ua laweia mai ka hapanui o keia manao alakai mailoko mai o ka nupepa "Outlook" o ka la 18 aku nei o Novemaba.

     O ka manao nui o nei manao alakai, oia ka ae ole ia ana oia kanaka e noho maloko o ka Ahaolelo Nui (Congress) mamuli o kona lilo ana he kanaka "mare lehulehu," oia hoi, ua mare oia i ka wahine i oi aku mamua o hookahi.  Ke ole makou e kuhihewa, he ekolu paha ana mau wahine i mare ai.

     No makou  iho, he ninau ano nui loa keia.  O keia ka ninau a makou i manao ai, oia ka mea nana e hooia mai o Birigama Iana, ka Peresidena mua o ka Ekalesia Moramona o Uta, e ae nei i ka mare lehulehu, he Kaula oiaio ia.  a i ole, he kaula wahahee paha oia.

     Nolaila, ma keia pule ae, e kamailio aku ana makou ma keia kumuhana, ma ka mea e hiki ana ia makou ke hoakaka mamuli o na mea alakai a kuhikuhi e waiho nei me makou i keia wa, i loaa ai he moakaka i na mea apau ma keia ninau.

 

HE AUPUNI MAIKAI.

     O ke Aupuni maikai, he mea ia i iini nui ia e kela ame keia lahuikanaka, i hoopomaikai nui ia e ka malamalama o nei mea he naauao.  Ke makemake nei ke kanaka mahiai ia mea, ke makemake nei ke kanaka luina moku ia mea; ke makemake nei ke kanaka waiwai ia mea; a ua pau loa na mea apau i ka makemake ia mea, he Aupuni maikai.

     O ka iini no keia o ke kanaka hawaii o keia la, a, oia hookahi no ka iini o ke kanaka Hawaii i na la i hala ae, a i hala lilo loa aku nei.  O keia nohoi ka iini ame ka makemake o ke kanaka mai na aina e mai, a i noho a kupa ia nei.

     Aka, hookahi nae mea piikia nui iloko o keia iini i makemakeia, e ka kanaka Hawaii, no ia mea he Aupuni maikai, oia ke ano o kona hoohana ana i kahi e loaa ai ia mea iaia.

     I na la i hala lilo loa aku nei, aia ka mana o ke kukulu ana a hoopaa ana i keia mea he Aupuni maikai malama o kona aina hanau, iloko o kona poholima.  Oia ke alii, ka haku ame ke konohiki mana nui ma keia hana.  Mai hawaii a Niihau, e paa ana na kanaka Hawaii i keia mana ma ko lakou lima.  O ua mana la, oia ka mana hookohu Kuhina a luna Aupuni koikoi e ae iloko o ke Alii Hawaii, ma ka aoao o ka Noho Alii o Hawaii; a ma ka aoao hoi o na makaainana Hawaii, ka mana koho balota.  I ka hui ana o keia mau mahele elua, ua lilo i kino mana hookahi iloko o na hawaii.

     Aka, ma ka wa i hoohanaia ai keia mana e ke Alii Hawaii ame ka hapanui loa o ka lahui Hawaii e paa ana i ka mana koho balota, ma ka aoao o ka malihini hou i komo mai i Hawaii nei, kapae ae la i ka leo uwalo a kahea aku a na hawaii kuonoono maoli o Hawaii aina, a e hoowaiwai nui ana hoi ia Hawaii Aupuni me ko lakou mau kumuwaiwai nunui, ka leo hoi e uwalo ana e ku like na Hawaii maoli me na Hawaii ili-keokeo no ka pono o ka aina, ka pono o ka lahui, ka pono o ka waiwai, ame ka palekana o na pono ame na pomaikai e ae o ka aina, i mau ai he Aupuni maikai ma Hawaii nei, aia hoi, ua paleia mai ia leo, a ua hooloheia ka leo e alakai ana ia Hawaii laui (ka hapanui nae) no ka hoea ana aku i ka pahu hopu o ka laweia aku o ka mana hooponopono aupuni mai ka Hawaii aku.

     Aka, iloko nae o keia ninau, oia hoi, ke Aupuni Maikai, ua ikeia ke kulike ole o na noonoo ana o na aoao elua.  O ke Aupuni maikai, wahi a na Hawaii e alakaiia ana e ka aoao i kapaia, o Hawaii no na Hawaii, ua manaoio no lakou he Aupuni maikai ka lakou e hana ana. A o kekahi aoao hoi, ua manaoio lakou, o ke alahele e loaa ai he holomua i na oihana kuloko o ka aina, e hoomahuahuaia ai ka holomua ame ka maemae o na alanui, na uwapo ame na hana aupuni apau o loko nei o ka aina, mai Hawaii a Kauai, oia na hana e hoonee ana i ke aupuni e olelo ia he maikai.  Ua kue keia mau koi like ole a keia mau mahele o loko o ka lahui, i kahi ame kahi.  Ua oo keia kue ana mawaena o laua, a ua hua ae la ka hua, oia hoi, ua kailiia ka mana Aupuni i noho mana ia ai e ka Hawaii a lilo mai iaia aku.  I mea e loaa ai keia mana, oia hoi, ka mana koho balota i ke kanaka Hawaii, he mea pono iaia ke hookupono i kona noho ana ame kona mau ano apau me ke kulana noho Aupuni o ke au hou i okomoia aku nei o Hawaii.  E haalele ke kanaka Hawaii i kona makee hoopupu ana i kona nohona o na au o na Kamehameha, aka, o ke au Amerika - nohona Amerika - hana Amerika (ma ke ano Aupuni) oia kana e hoomaamaa a e hoonaauao iaia iho.  O ka mea nui o ka loaa iaia he kuleana  e paa ai oia he mana e komo pu ai oia ma na hana hooponopono kuloko o keia au nohona Aupuni o keia mua aku.

     Ua maopopo ia makou, aole pono ke haawiia keia pono i na Hawaii i like ole ko lakou mau manao no ka nohona Aupuni hou ana, oiai e lilo ana no auanei kela mana ma ko l

akou mau manao no ka nohona Aupuni hou ana, oiai e lilo ana no auanei kela mana ma ko lakou lima i mea hoopilikia i na nee mua ana o na hana e loaa ai he Aupuni maikai.  Nolaila, he mea pono ke noonooia ke ano o ka haawi ana i keia mana iloko o ka lima o na kanaka Hawaii.

     Ke kamailio nei makou elike me keia, aole no ko makou makemake ole e loaa i na Hawaii apau keia kuleana hooponopono kuloko i na hana o ko lakou aina iho; aka, i mea e loaa ai ke kaana ame ke kanana pono ia ana o ka poe kupono mawaena o na Hawaii e komo ma ia kuleana.  O ko makou iini nui nae e loaa mai keia Pono i na Hawaii apau i hiki ai ia lakou ke komo koke iloko o na hana o ke Aupuni hou o Hawaii e ku a e loaa mai ana ma keia kau e noho mai la ka Ahaolelo Nui o Amerika Huipuia.

 

KA IINI A NA MAKUAHINE HE NUI

     He lehulehu loa na makuahine i loaa na keiki i onawaliwali ia ke ola i iini ni e loaa iaia ke kino ikaika a oolea elike me ka bebe Ilikini.  Ua hiki loa i kela ano makuahine ke hana i mea e loaa ai ka lakou poe keiki ke kino ikaika a maikai hoi, ina e pau ana ke koe iloko o ke kino  ka hoomaemaeia aku mailoko aku o ke kino, a oia nohoi ke kumu o ka eiwa hapaumi o na ma'i e loaa ai na kamaiki opio.  E pau ana keia pilikia i ka Laau Ilikini Hoomake koe.  No na makahiki he nui i lawelawe ai na Ilikini i keia laau lapaau i mea e ikaika ai a e oolea ai na kino o ka lakou poe keiki.  O ka mea i loaa ai ka pono i ke keiki a ka ululaau, he mea nohoi ia e loaa ai ka pono i ke keiki o ke au malamalama ma a e ola ai nohoi ia.  O keia ka hana a nei laau lapaau iloko o na makahiki i kaa hope ai nei.  E loaa ana no ia oe keia ano laau ma ka hale kuai laau lapaau no ka 25 kenet.  E makaala nae e loaa mai ka mea maikai a oiaio hoi.  He mea makamae loa ke ola o nei mea he keiki, e pono ole ai hoi ke pauaka wale ia.  HOBRON DRUG CO., na Agena no na Laau Kikapu Ilikini.

     Ua hoounaia aku mai ka Banako o Bihopa Ma, he huina dala o 75,000, no ka Waihona Aupuni, maluna o ke kaa kikane, ma ka Poalua nei.

    

NA NU HOU O NA AINA E.

Hoauheeia na Bua e na Pelekane.

Papalu Loa Ke Aupuni Pilipino.

HOOKUEMIAA NA BUA.

     Ladana,  Nov.  26 - I keia auina la i hoike ae ai ke keena kaua i keia lono i loaa mai no ke kaua ma Aferika Hema, mai Cape Town mai, hora 12:25 p.m. mai a Kenerala Forester-Walker mai:

     "Ua hoike mai o Haku Methuen, ma ka hora 3:30 a.m. o ka i nehinei ua nee aku la ia me ka maele koa helu eiwa, na koa kaua lio, he mahele o na koa mokukaua ame elua mau puali pukaa, a e ukali ana hoi na koa kiai i na kaa ukana.  I ke kokoke ana hoi i Gras Pan, aneane he 10 mile ma ka akau aku o Belmount, ma ke alanui hao e moe ana i Kimberley, i kueia mai ai ia e 2,500 poe Bua, me na pukuniahi 6 ame 2 mau pu mikini.  Hoomakaia ke kaua ma ka hora 6 o ke kakahiaka.  Eia na Bua mai luna mai o na kiekiena kahi i ki mai ai i ka lakou mau pu.  Ua noke aku la hoi ka kakou mau pukuniahi i ka hoolele i na poka pahu, a hiki wale i ka malaelae ana mai o luna o ua mau puu la Ua nee aku la ka mahele koa "manuwa" ame ka poe kaua lio no ka lele kaua kino ana aku maluna o na Bua.  Ua hahana na kipu ana o na aoao elua a hoea i ka hora 10, a oia ka wa i lilo mai ai na kiekiena i ko kakou mau koa.  Ua kuemi hope aku la hoi na Bua ma ke alahele e halawai aku ai lakou me na alahele e halawai aku ai lakou me na kou kaua lio mahele eiwa.  Aole i maopopo ka hopena ma keia wa e telegarapaia aku nei.  Ua kipu aku la hoi na koa pukaa ma keia wa a na Bua e kuei hope nei.  I kinohi loa hoi o a hoomaka ana o ke kaua, ua lele kaua mai la mahope pono mai o makou he 500 poe Bua.  Ua halawai aku la na koa "manuwa" a he lua ole ko lakou wiwo ole ma keia paio ana.  Ua nui no ka poino i loaa ia lakou, aole nae i maopopo i keia wa ka poino.

     "Ua hoike mai na enemi i ko lakou kaua ana mai me ka oolea loa, a me he mea la, ua loaa nui ka poino ia lakou.  He 20 poe i kanu ia. Ua hoomaopopoia nae, he kanakolu kumamakahi poe i hoehaia.  Ua oi aku mamua o 50 io i loaa aku ua pau i ka make, a e muu mokaki ana ma kahi hookahi ua poe lio make la.  Hookai batari pukaa i ke aku he 500 poka.  E hookaulua iki ana makou i hookahi la ma Grag Pan no ka hoomaha ana ame ka hoopiha hou ana i ka makou mau lako po-ka.  Ua hana na pualikoa apau me ka wiwoole.

     "No ka mea e pili ana i ke kaua o ka Poaha nei, eia na mea i ikeia:  kanawalu poe Bua i make, kanaono kumamaha poe kaa i puhiia i ke ahi.  He nui ka pauda i loaa mai, he 50,000 poka owili, a 750 poka pahu i pau i ka hoopahuia.  O Alihikaua Albsecht, o ka Puali Pukaa o ke aupuni Alani Kuoka, ke alakai ana i na Bua; a o Kenerala Rodway ma ko kakou aoao.

 

KA POINO O NA PELEKANE.

     Ladana, Nov. 26 - Ua loaa mai i ke Keena Kaua Moana keia hoike mahope ae nei, mai a Ria Adimerala Harris mai, i kakauia ma ka la 26 o Novemaba, mai Cape Town mai:

     "Me ke kaumaha kuhohonu au e hoike aku nei i keia poe i poino ma ke kaua ma Gras Pan, ma ka la i nehihei: 

     "Ka poe i make:

     Aliikoa Kiekie Alfred P. Ethelston o ka mokukaua Powerful.

     Mekia John H. Plumbe, o na koa Marina Roiala o ke Doris.

     Kapena Guy Senior, Puali Pukaa Roiala o ka Monarch.

     "Na poe i hoehaia:

     Kapena Hae Reginald . Prothen o ke Doris, Kukonukonu.

     Lutanela Walter T. C. Jones o ke Doris.

     "Aole i ikeia na poino e ae i keia wa.  Ua hala aku nei o Aliikoa de Horsey, Kapena Morgan ame Lutanela Wilson o ka mokukaua Monarh no ka huipu ana me na koa no luna o na mokukaua, malalo o Haku Methuen."

 

KA HOIKE A METHUEN.

     Ladana, Nov. 29. - Ua loaa mai i ke Keena Kaua keia lono mahope ae nei, mai a Kenerala Buller mai:

     "Cape Town, Tuesday, Nov. 28 - Ka hoike a Kenerala Buller:

     "Muliwai Modder, Poalua, Nov. 28 - Hora 5 a.m. hele aku la e hakilo i ke kulana o ka enemi, a ikeia, aia oia maloko o kekahi auwaha eli.  Hoomaka ke kaua ma ka hora 5:30, ma ke kipu ana o na puali pukaa, pela hoi na koa helewawae, na kaua lio ame na koa kiai ma ka aoao akau.  O ka Puali Helu Eiwa ma ka aoao hema.  Ma ka hora 6:30 ia lakou i nee ai, hora 6:30, ua hoea pono mai la lakou ma ke alo o ka pualikoa Bua, he 8,000 ko lakou nui, me elua mau pu nunui, me eha (4) pu a Krupp, a pela aku.

     "Ua kokua mai la hioi ka mahele koa "manuwa," mai ke alahao mai.

     "Mahope iho o ka hakaka ikaika ana me ka hoomanawanui o ko kakou poe koa no na hora he 10, me ka ai ole ana i ka a-i, a nele nohoi i ka wai a iloko o ka wela kikiki a ka la, ua hoauheeia aku la na enemi mai ko lakou kulana aku."

     E hoike ana kekahi lono kuikawa mai Windsow mai, e olelo ana ka hoike olelo a Kenerala Methun imua o ka Moiwahine, mahope iho o ka hoouka kaua ana ma ka muliwai Modder, penei:

     "O keia ka hoouka kaua a hookahe koko weliweli loa iloko o keia keneturia.  Ua kipoka pahu ia aku na enemi a lele mai ko lakou mau auwha eli aku.  He weliweli ka hopena i ikeia.

 

KEKAHI LONO OKOA.

     Ladana, Nov. 29. - E hoike ana kekahi lono mai ka muliwai Orange mai, i kakauia ma ka Poakolu, Novemaba 27, a e hoike ana hoi no ke kaua o Instin (Gras Pan):

     "Ua holo pono loa ke kuemi hope ana a na Bua.  Ua hoao na koa kaua lio (Lancers) e oki pu ia lakou me ka hoao ana e loaa lakou, ua kipu ia mai la lakou mai luna mai o ka puu, a kuemi hope aku la na pualikaua lio.  O Alihikaua Conje ke alakai ana i na Bua.  Mawaena o na poe pio o na Bua, o Aldermann Jeppe ame Alihikaua Ressik, na mea i alakai i na Bua.  He nui na poe Bua i haawi pio wale aku ia lakou iho.

     "Ua kipoka pah ia aku na bua ma ko lakou wa e kuemi hope ana, a me he mea la ua nui no ka poino i loaa ia lakou, eia nae, ua ahai pu aku no lakou i ka lakou mau pukuniahi nunui eono me ka maalahi no ka akau.

     "O ka hapanui o ka wa i hooukaia ai ke kaua ma ke Aupuni Kuokoa no ia.  He 30 poe bua i hoehaia, a eia maanei kahi i lapaauia ai."

 

NA KAUOHA I NA KENERALA.

     Berelina, Nov. 28. - Ua hoolaha ae ka nupepa Deutsch Zeitung i ka lono mahope ae nei, i loaa mai Pretoria mai, Novemver 27, ma o na poe la i pili i na Bua.

     Ua kauoha akp nei o Peresidena Karuga ame Peresidena Steyn ia Kenerala Joubert ame Kenerala Cronje, aole pono laua e wawahi liilii i ko laua mau pualikaua, aka, e lele laua me ka ikaika loa ma ka hoouka kaua ana.  He ekolu mau mahele koa o Kenerala Joubert.  Hookahi e kiai la ia Ladysmith, o ka lua aia ma Tugela; a o ke kolu ma ka hikina aku o Estcourt, i oki pu ia ai ko na Pelekane kuemi hope ana.  O ko Kenerala Cronje mau koa hoi, ua maheelia iloko o na mahele ekolu.  Hookahi ma Kimberley; hookahi ma Muliwai Modder, a o ke kolu ma ke kua aku o Kenerala Methuen."

 

KE KAUA MA PILIPINE.

     Wasinetona, Nov. 26. - Ua loaa mai nei i ke Kuhina Aumokukaua he lelegarama mai a Adimerala Watson mai, e hoike ana ia ua haawi pio mai la ka mahele aina holookoa o Zamboanga, mokuaina o Mimdanao i ka Alihikaua Very o ka Mokukaua Castine, ma ka la 18 o Novemaba.  E haawiia mai ana na lako kaua apau.  Ua hoike mai na alii o ka aina i ko lakou makemake e noho malalo o na Amerika.

 

KE HOLOKIKI LA O AGUINALDO.

     Nu Ioka, Nov. 26. - E hoike ana kekahi lono i loaa mai i ka nupepa La, mai Manila mai, penei:  Ua hoike ai o Kenerala Otis i ka mea kakau o ka nupepa La i keia po, o na poe kipi ma ka hema o Manila, aia lakou ke huli hoi la no ko lakou mau home.  Me he mea la, ua lohe lakou no ka nui o na poino i loaa i ko lakou mau hoa ma ka akau, a ua komohia ke kanalua nui iloko o ko lakou mau noonoo no Aguinaldo.  Ua hoike mai hoi o Wheaton, ua holo pono na hana hoopakele a kona poe kanaka i ka makuahine o Aguinaldo, mai na lima mai o ka poe Pilipino, a i keia wa ke noho la oia me ka palekana ma Sana Fabiano, me kana moopuna opio.  Ua makeia hoi ke keiki (bebe) a Aguinaldo ma Bayombong ma ga wa e hakaka ana ia ame kona ohana ma ka nee ana i k Akau.

     O na lono hope loa mai nei, e hoike ana, aia o Young ke nee awiwi loa la no ka Akau, ma ke kapakai mai o Sana Ferenando a hoea i Vigan.  Ua hookolo aku la hoi kekahi poe Macabbees i ka meheu o Trinidad, i oleloia ai maFa, ?$cea To u ATI.  etaoi aoin aoinna laila i holo aku ai o Aguinaldo.  Ua moe aku keia maoli a hoea i ka mauna.  Ina ua holo aku o Aguinaldo i Bayombong, alaila, aole e liuliu a loaa mai ka lono no kona hopu pio ia ana.  Ua manao ia, ua hala oia i ka akau o Trinidad ma o aku o Cayan, me ka manaolana e aku ma kela aoao o ka mauna a hoea aku oia i Aparri.  Aia na mokukaua ke hana pu la me Young.  Aia nohoi laku ke kiai la ia Aparri.

 

KELA AME KEIA LONO.

     Ua piholo loa a nalowale ka mokukaua Kaletona i ke kai o Manila.  Ke manao la no na alakai Pilepino e hoomau aku i ke kaua kihakahaka.  i kapaia he kaua "keko gorila."

     E holo ana ka Moiwahie Vitoria me ka moopuna Emepera o Geremania i Italia.

     Aole i holo lea ka maheleheleia ana o ka Pae Aina o Samoa.

     Ua hoopioo nui ia ko Europa apau, no ka nui lanuna ole o na mokukaua Pelekane ma Gibaraleta ame ke Kaiwaenahonua.

     ua lonoia e hoohui mai ana ke Aupuni o Farani i ke awa kumoku o Centa, ma Aferika, mamuli o ka ae ana o Sepania.  O keia ke kumu i akoakoa nui ai na mokukaua Pelekane ma Gibaraleta.

     O ka huina waiwai io o na pa gula i ikeia ma ka papa ahaaina aupuni i haawiia ma ke kuinakauhale o Ladana i ka Emepera o Geremania ma ke ahiahi o ka la 21 o novemaba, ua hiki aku i ka $10,000,000.

     Ua laulaha ae ka lono, e holo aku ana ka Moiwahine Vitoria no Geremania ma keia mua kokoke iho.

     Ua kakauinoa o Corbett ame Jefferies ma ka aelike no ko laua hakaka kuikui puupuu ana ma keia mua aku.  Me he mea la ma ke kulanakauhale o Parisa e lawelawe ai laua i keia hana. 

     Ua manao wale ia e hookohu ia ana o Koneia Denby i Kiaaina Kivila no ka Pae Aina o Pilepine.

     Ke hooikaika nei ke Aupuni o Farani e loaa iaia ka pono mau loa o ka hoohana ana i ke kii alakai loaa mai nei ka moku-luu "Holland."

     Ua loheia, he poe aliikoa Amerika no kekahi e alakai nei i na koa o Aguinaldo.

     He elua mau alihikaua koikoi o Rukini i hele aku la i Aferika Hema no ke kokua ana ia Kenerala joubert.

     He nui na palapala hoopii e hele la imua o ka Ahaolelo Nui o Amerika Huipuia, e nonoi ana e kapaeia o B. H. Roberts mai loko mai o ka Ahaolelo no ka nui loa kana poe wahine i mare ai.

     shr shrd hrdlu rdlu rdlu dlu rdlu dll

     E hoike ana kekahi lono mai Iapana mai, e mare aku ana ka Hooilina Moi o aIpana me ke Kamaliiwahine Sada.

     E hooikaika ana na hoallha o Hawaii nei e loaa ka noonoo mua ia ana o ka Bila Kanawai i pili ia Hawaii nei, ma na la omaka mua o keia noho ana mai la o ka Ahaolelo.

     Ke laulaha la ka mai lele ma Iapana.

     Nui ka ua ma Kaleponi, a ola no ko laila mau kini make a ka wai.

     He omaimai ko Haku Salisebure.

     E Hoalakoia aku ana o Kenerala Otis me na pukuniahi maikai loa ma keia mua kokoke iho.

     Ua nana mai nei kekahi agena o ke Aupuni o Beritania i ka hoohanaia ana o ka moku luu Holland o Amerika a ua piha mahalo loa oia no ka lua oie o ke kamahao o na hana a keia moku a wahi ana, he pilikua weliweli loa ia noloko o ke kai.

     O kanui o na poho a na kanaka Amerika i kai ai no na poho i loaa ia lakou ma keia kaua ana iho nei he $25,000,000.

     Eia o Amerika ke kapili hou mai nei i mau mokukaua hou nona, ma ke ano hou loa.

 

E OLA ANA KEKAHI POE E AE I KA LAAU HOOLA EHA A KA MALENA,

NO KEAHA HOI KOU MEA E OLA MEA AI?

     Ua hamo iho nei kuu wahine i ka Laau Hoola Eha a Kamalena, me ka ikeia o na hopena maikai ma p kekahi eha 'la i loaa iaia ma ke kipoohiwi, a i hoehaeha mau hoi iaia no eiwa makahiki.  Ua hoaoia e maua na ano laau lapaau apau o na ano apau, a pela nohoi me na kauka he lehulehu, aole nae loaa mai he wahi oluolu.  I kekahi la, ike iho la maua he olelo hoolaha no keia laau, a manao iho la maua e hoao a ua hoao io iho la hoi maua me ka holo lea loa.  Hookahi wale no ana omole o ka hana ana, a ua aneane oa kona kipoohiwi e ola - ADOLPH L. MILLET, Manchester, N. H. E kuaiia BENSON SMITH & CO., Kaupalenaia, na Agena no Ko Hawaii Pae Aina.

 

MAKE I ALOHA NUI IA.

     I ks Nupepa Kuokoa, aloha oe.  E oluolu oe e hookomo iho i keia mau wahi hua olelo malalo iho:

     Ma ka la 1 nei o keia mahina, Dekemaba, 18899, ua kipa ae la ka anela o ka make ma ka home o M. Kahoopii, a lawe aku la i ke kukui (uhane) o kona hale (kino) ma Waimea, Kauai, a waiho iho la i ka lepo no ka lepo ma keia ao.

     Ua hanauia oia i ka malama o Feberuari la 1, makahiki 1818, ma Hana, maui Hikina, a malaila oia i noho ai, he heiki kupa oia no Hana; a malaila nohoi oia i mare ai ia Maniania (w) kana wahine a na laua mai o Kaluaikauai ame Manono.  A make a Maniania, mare hou oia me Kahoopau a ua noho nohoi laua me ka maikai a hiki i ka makahiki 1886, ma ka malama o Sepatemaba, la 5, ua make aku la o Kahoopau kana wahine aloha.

     Ua hiki mai nohoi oia ma Waimea Kauai nei i ka makahiki 1886, ma ka malama o Navemaba la 15 a he heahea oia i na poe apau i kamaaina iaia ame na malihini a he nui kona maloia.

     KA WAI ULA ME KA WAI KEA.  Dekemaba 1, 1899.

     He mau helu wale no koe a hoea aku kakou i ka la hope o keia makahiki.

     He nui ka hoohalahala o kekahi poe kumukula o kakou iho nei no kekahi mau olelo hoakaka a Mr. John M. Horner no ke ano o ke aoia ana o na haumana o keia mau la.

     Ke kukuluia nei ka Hui Hoohana Olelo Uwea Ole ma Honolulu nei i keia wa.  O ka huina kumuwaiwai hoomaka mua he $500,000.

 

NU HOU HAWAII

 

     Ke hooliuliu mai nei ko Honolulu nei mau halekuai i na hoohiwahiwa Karikimaka.

     Aia ma ka la 20 o keia mahina @ mai ai na mokuahi Australia am@ tic mai Kapalakiko mai.

     O ka nui o na kanaka Hawaii e @ nei maloko o ka Halema'i Moiwahine keia wa he 53: he 38 kane a he Moiwahine.

     Ua maau hei aku kekahi ma@ @ o ko makou hale pai nei no Ewa ame Waialua ma ka Poaono o keia @ aku nei.

     Ma ka pule hope paha o keia ma@ e hoi mai ai o A. S. Cleghorn ame @ Joseph Marsden i Honolulu nei ma @ kaiaulu mamao mai.

      Maluna aku o ka mokuahi "Ma@ni" (W. G. Hall) o ka Poalua nei, @ ia aku ai ke Keiki Alii Cupid Ka @ anaole no ka mokupuni o Kauai.

     ena o lakou oia ko lakou puuku @ na e haawi i na kenikeni i keia @ keia keiki i loaa ai ka ai ame @ @ Ma na aina e ua kapaia keia @ @ kamalii noho uwapo he poe "lole @"

     Ua loaa mai nei ka lohe ia @ loaa ka oluolu ame ka maha ia @ kanawai Alapaki.  Aia oia ame Mrs. Judd ma ka mokuaina o Nu Ioka @ ia wa.

     O ks loaa o ka Aha Mrlr i @ ai maloko o ka luakini o Kaumak@ ma ka po Poakolu nei, no ka pomaikai Karikimaka o na Ma'i Lepera o M@ kai, he $350.  Nui kela.

     Ua malamaia he halawai a ka @ Opio - The Young Hawaiians In@ - ma ke ahiahi Poaha nei, Dek. 7, maloko o ko lakou keena halawai ma@ kekahi hana ano nui.

     Ma ke ku ana mai a ka mokuahi @ meda ma ka Poakolu nei, mai K@ kiko mai, ua lawe mai la ia no @ awa he 57 ohua cabina, ame @ @ oneki.  He 128 tona ukana.

     Ma ka Poakolu o keia pule iho la holo aku ai keia mau moku lawe K @ Amerika no Manila, oia hoi, Inidiana Sam Paulo ame ke Duke o Fife.

     He ekolu mau moku i haalele aku @ Nu Ioka me na piha ukana no ke Ala hao Rapid Transit o Honolulu nei.  M@ ke alahele ma ka Lae Hao e holo ma@ ai keia mau moku no Honolulu nei.  O na lako ae keia o ke kaa Uwila o Honolulu nei.

     Ma ka po Poalua nei, i ulu ae ai @hakaka kuikui puupuu mawaena o kekahi mau luina o luna o ka moku "Pathfinder" ma ka uwapo o Ba@ ua loaa na palapu i kekahi o laua.

     Eia ma ke alahele o ka lilo @ ia Hon. W. C. Achi kela aina o @ Wilikoki ma Kewalo ae nei @ @ hoi e noho ona ia nei e C. M. @. O ke kumukuai e manaoia @ @ wahi la, he $150,000.  E m@ @ aku aua keia ma na apana @ @ aiia aku i ka lehulehu.

     Ina ua loaa ia oe kela wahi wati gu la i haule ai mawaena o Alanui Kauka Liliha ame ka Hale Fertilizer ma Kalihi e hoihoi ae ia B. F. Ehlers a loaa no he uku.    

     He elua mau lua wai aniani e el@ aku ana e na Hoahanau McCandless ma uka ae nei o Kalihi.  A ua oleloia e loaa ana mai loko mai o keia mau lua-wai he 5,000,000 galani wal i keia ame keia la, a ke huiia ae keia me na galani wai e loaa nei ia Honolulu ma ka pauma wai mai ma ke alanui Alapa ua like me 7,500,000 galani wai i ka @ hookahi.

     DWIGHT - CUMMINGS.

     Ma ke ahiahi Poalua nei i mareia @ o Miss Elsie Dwight, me W. H. Cummings Opio, kekahi keiki a Mr W. H. Cummings, ma kahi noho o na makua o ka wahine.  Na Rev. H. H. Paleka laua i mare.  E mahalo nui ia na opio.

  Oiai kekahi poe ana aina o luna @ ka moku ana moana Pathfinder e paa hana ana i ka lakou panana malalo o kekahi kumu-laau i kapaia he banyan ma ke kua aku o ka Hale Hookolokolo ma Aliiolani Pa, ua ikeia iho la ke anoe o ke kui mageneti o ka panana, a i ka eiiia ana ma ke kumu o na kumulaau nei, loaa iho la he ipu hao nui.  O keia hao ke kumu o ke ano e ana o ke kui mageneti.

     Ma ke kakahiaka Poakolu nei, olu Miss Aoe Wongkong e hele ana ma kekihi o na alanui Papu me Moi, aia @ ua hookui ia mai la ia e kekahi kaa lawe ukana o ka halekuai hua-ai o Camarinos.  Hina oia ilalo, a pii na huila o ke kaa maluna ona.  Ua lawe koke ia oia i kahi o ke kauka.  Ua hopuia @ kalaiwa kaa.

     Ua manaoia e hoea mai ana ia nei Kuhina Damon ma ka la 20 o keia mahina.

     Ma ka po poakolu nei, ma ka huhoi ana aku o na haumana o ke kula Punahou, ma Kaumakapili aku ua @na iho la kekahi lio e kauo ana i @ lakou kaa ma ke poholo ana i ka @ waha eli o ke paipu hoomaemae kulanakauhale, ma kihi o na alanui Puowaina me Beritania.  Aole he oia i poina.

     Ua lilo ae nei ma ke kuai ka hale noho o Kale Kulika ma 'Alanui Moi @ Senatoa Northrop o Hilo, a e hooneia aku ana ia hale no kekahi kahuhou.

     No na lilo o na mea hoikeike o Amerika Huipuia e kukuluia ana ma Parisa, ua haawiia e ke Aupuni he $1,000,000: o Geremania hoi, he $5,000,000 @ bela; Bulegana, he $60,000; Roumania he $300,000; Gelegiuma, $125,000; Helevitria, $330,000; Sepania, 40,000 peseta Norewai, 300,000 Kronen; Italia, $200,000; Beritania Nui $375,000 ka huina hoomaka mua a ua hoopuipulia ke@ huina e $300,000,000 felorina; Hunegaria, 1,5000,000 felorina;  Aka, e oi aku ana nae na dala e haawi hou ia ana kekahi mau Aupuni ke lawa ole na huina dala mua.