Ka Nupepa Kuokoa, Volume XXXVIII, Number 46, 17 Nowemapa 1899 — HUNAHUNA O NA AINA E. [ARTICLE]

HUNAHUNA O NA AINA E.

He ma'i nawaliwali loa ko Hobart, ka Hope Peresidena o Amerika Huipuia. E holo ae ana kekahi wahine hanohano loa o Enelaui, oia o Lady Randolph Churchill i Aferika Hema no ka malama ana i na koa Pelekane i hoehaia. Ua olelo ae o Adimarala Dewey, ka "Olali o na kai o Manila/' ua puhalu iho ia ka papa honua oolea o ke kipi ma Tagal. E mareia ana o Dewey me Mrs Hazen, a o kahi e mareia ai ia mea maikai, ma ka hale noho no ia o ka makuahine o Mrs. Hazen. Pahee i ke kai o Manila! Ua okalakala ae o Wale Hema Hou, ua hiki iaia ke hoouna aku he 10,000 poe kanaka makaukau i ke kaua i Transvaal, ina e aeia ana e na poo Aupuni Beritania. Ua ae o Haku Charles Beresford e noho alii kiekie helu elua no na aumokukaua Pelekane ma ke Kaiwaenahonua. Ua manao o Kenerala Joubert, o ka hiki ana iaia ke lawe pio ae ia Kenerala White ame koaa pualikaua holookoa, oia ka mea e komo mai ai he uwao ana a na mana nui o Europa. Ua lauaheaia ae, aia ke aumeume ana o ka noho Hope Peresidena mawaena o Kuhina Root ame K;enerala F. D. Grant, ma ka paa balota o ka aoao Repuhalika. Ua hoopuka ae ka Ahakuka Kuloko o ke kulanakauhale o Parisa he mau olelo hooholo hoalohaloha no na Bua, a e hoike pu ana hoi i ka minamkia no ke komo ole ana o na mana o Europa e uwao kaua. Ke noonoo la ka Peresidena ame ka Aha Kuhina o ke Aupuni Makua no ka hoohana koke ana aku i ka hooponopono Aupuni Kivila ma Cuba. Ke kaena la na RepubaliKa o ka mokuaina o Ohio, aia ka hapa nui o ka poe koho balota ma ko lakou aoao, ua hiki

aku ko lakou poe koho i ka 950,000. E lilo ana ka Ahaolelo oia mokuaina ia lakou.