Ka Nupepa Kuokoa, Volume XXXVIII, Number 46, 17 November 1899 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha mana hooko.

Poalime, novemaba 28, 1899, he la kuilaia aupuni ia, a e paniia ana na keena aupuni apau o ka Rupubalika ma ia la.

Alex, Young,

Kuhina Kalaiaina

Keena Kalaiaina, Novemaba 10, 1899.

2781-3t.

 

I keia la I hookohuia aku ai o E. W. Eatep, Esq., I Notare no ka Lehulehu no ka Mahele Kaapuni Eha o Ko Hawaii Pae Aina.

ALEX. YOUNG,

Kuhina Kalaiaina.

Keena Kalaiaina, Nov. 14, 1899.

2781-3t.

 

HOOLAHA I NA HUI I HOOHUIIA.

 

I kulike ai me ka Pauku 2024 o ke Kanawai Kivila, ma keia ke hoolahaia aku nei na Hui apau i Hoohuiia e hana I hoike piha a poiolei hoi n ke kulana o ka lakou mau hana n ka makahiki e pau ana i Dekemaba 31, 1899, a e waihoia mai hoi ia hoike ma ke Keena Kalaiaina ma ka la 31 o Ianuari. a mamua ae poaha, 1900.

 

E haawaiia aku no na pepe pa’i hakahaka no keia hana ma ke noi ana mai i ke Keena Kalaiaina nei.

 

Ma ka wa e hooko ole ai kekai Hui i Hoohuiia i ka waiho ana mai i ka hoike maloko o ka wa i  na ke hoikeia, alaila, na ke Kuhina Kalaiaina ponoi iho auanei, a i ole, na hookahi a oi aku paha Komisima e hookohuia aku ana e ia, e kouoha aku e laweia mai na buke ame na pepa o ka Hui i Hoohuila a e ninaninau aku hoi i kona poe luna malalo o ka hoohiki, no kana mau hana.

ALEX YOUNG,

Kuhina Kalaiaina.

Keena Kalaiaina, Novemaba 11, 1899.

2781-7t.

 

KUAI KUDALA O NA LAIKINI AWA.

 

I kulike ai me na olelo o ka Pauku 18, Mokuna 64 o na Kanawai o 1896, hookahi laikini awa n kela ame keia Apana o na Mokupuni lehulehu e Kauai Kudala Akea ia aku ana mawaena o ka la 1 ame 7 o Dekemaba, 1899.

 

O kela ame keia laikini no ka manawa ia o Hookahi Makahiki mai ka la 1 aku o Ianuari, 1900.  O na kumukuai maluna aku o keia malalo iho nei, penei:

 

No ka Apana o Honolulu...$1000.00

No ka Apana o Hilo...500.00

No ka Apana oWailuku...500.00

No ka Apana o Lahaina...250.00

No keia ame keia Apana e ae...100.00

 

O na Laikini no na Apana o Honolulu, Koolaupoko, Koolauloa, Waialua, ame Ewa ame Waianae ma ka Mokupuni o Oahu, e kuaiia aku no ma ke alo iho o ka Hale Oihana Hooko, ma ka Poakolu, la 6 o Dekemaba, 1899, ma ka hora 12 awakea.

 

O na Laikini hoi no na Mokupuni o Hawaii, Maui, ame Kauai, ma ka la ame ka manawa maloko o ka manawa i kaupalenaia e ke Kanawai, elike me ka mea e hoikeia aku ana e kela ame keia Maikai Nui, a e ko lakou poe hope paha.  E hoikeia aku ana ka la ame kahi e kauiia aku ai maloko o na Palapala Hoolaha maloko o keia ame keia o ua mau apana la.

 

Ua makemakeia e waiho mai ka mea koho i lilo ai ka laikini i dala i like ka huina me iwakalua-kumamalima hapa-haneri o ka huina i lilo ai ka laikini, ma ka wa i haule ai ke hamare, a e lilo loa ia dala i waihoia mai ai i ke Aupuni ina e hookaa ole ia mai ka huina i kohoia iloko o elima la mai ka la aku o ke kuaiia ana.

ALEXANDER YOUNG,

Kuhina Kalaiaina.

Keena Kalaiaina, Nov. 10, 1899.

2781-3t.

 

I keia la i hookohuia aku ai keia poe keonimana mahope ae nei i poe Agena Haawi Laikini Mare, oia hoi:

Mr. Bishop Pahia, no ka Apana o Koolaupoko, Mokupuni o Oahu.

Mr. Geo. Kamaka, no ka Apana o Koolauloa, Mokupuni o Oahu.

ALEX YOUNG,

Kuhina Kalaiaina.

Keena Kalaiaina, Okatoba 28, 1899.

2780-3t.

 

HOOKOHU HOPE.

 

Ua hookohu aku au ia Mr. David Kaapa o Honolulu, Oahu, i hope no‘u, a he mana piha kona.

MRS. LEPEKA ALAMA

Honolulu, Oahu, Nov. 14, 1899.

2781-2t.

 

Ua hoopaiia o H. M. Ayres imua o ka Aha Apana o Honolulu nei ma ka Poalua nei, no ka hewa imi loaa mamuli o ka hoopuka ana i kekahi nane maloko o kana nupepa e noho lunahooponopono nei. He $10 kona hoopai.  Ua manao no nae, ka lunakanawai e kapae i ka hoopai. aka, aole ae o ka aoao hoopii, a no ia mea, ua kauia keia wahi hoopai.

 

HE MOOLELO WALOHIA

 

Ke Aloha o Kou Makuakane

 

Ke Aloha o ka‘u Mea i Aihoa ole ai.

 

Ke koko Alii ame Koko Makaainana.

 

(@ e HOOULUMA@IEHIE)

 

O ka oiwi nona keia moolelo, oia kekahi o na kaikamahine ui loa o Pelekane, a oia hoi ka mea i kapaia ka “Manu Nunu Ahiu” o “Kurumabe Hale.”

 

Aia ka haaheo apau maluna ona, a e haawe uluwehiwehi ana ia i na haawina hihimanu apau o ka ui ame ka nani.  He alii oiama ka henau ana, a noloko mai ia o kekahi ohana alii kahiko loa o Pelekane.

 

He punahele oia na kona luaui makuahine, a he hiilani makahehi nui ia oia e kona poe kahu.

 

O ka inoa o keia ui, oia no o Ianatia Kariu.

 

He wahine ui opio oia i keia wa, a ua lilo hoi ia i pua hoohihi nui ia e na keikialii apau o Pelekane.  Ua lehau mai na hoohie he nui maluna ona, aka, aohe nae he mea hookahi mawaena oia poe i hei ai ka makahehi ana a kona naau.

 

E noho ana ia me ka hanohano nui, a , aia ma kona mau aoaoa apau eanapa ana ke silika me he wai-liu-la la, a o na lole nani a kumukuai kiekie e ae he nui, e muumokaki ana ia mau mea ma kona mau aoao apau me he mau lau laau helelei la i ua la o ke kau haule lau.

 

He kaena nana i kaena ai, ua aahu oia i ka nani o ka waiwai o kona luaui makuakane i hoolue ai maluna ona, a manaka.

 

I ke ahiahi o ka la manua iho o ke Karikimaka, ua komo iho la ia i kona aahu nani loa, a kiliwehe iho la hoi iaia me na mea daimana o kona mau kupuna alii.  I ka nana ana iaia e ku ana ma ia ano. me he mea ia, he wahine oia e anapa ia ana e na hoku alohilohi o ka lewa.  O ka paikini o kona lole e komo ana ia wa no ke an nou loa ia o ia kikina hoohiwahiwa o Ladana.

 

Aia iloki o ka houpo o keia “Manu Nunu Ahiu” au, e kuu makamaka heluhelu, e ike aie la, e lalapa mau ana ka haaheo o kona noonoo ma ka makee ana i kona kulana alii no ka aina, a he wahawaha loa oia i ka hoopili ana me ka poe o ke kulana makaainana.  E malama mau ana ia i ka ihi-kapu alii maluna ona, a he mea oiaio, ua kohu no.  I keia ahiahi e ku ana ua “Manu Nunu Ahiu” nei mamua pono o kekahi aniani nana, a e kilo pono ana ia i na alu ame ni mino o kona aahu, a e hooponopono ana hoi me ka maiau nui i na hemahema e ae o na hoohiwahiwa i kau iho maluna ona, elike me ka mea i ikeia aku e kona maka.

 

Mahope iho o ka pau ana o kana kilohi ana iaia iho, ua haalele iho la ia i kona keena komo kapa a iho aku la ilalo n ka rumi hookipa

 

I kona hoea ana aku maloko o ua keena la i hoomalamalamaia a e na ihoiho kukui lehulehu, ua halawai mai la me ia ke kauwa wahine kahiko o loko o ka hale.

 

“E kuu haku,” wahi a ua wahine nei i pane mai ai iaia, ‘e hiki an anei ia‘u ke ninau aku ia oe, ua ike anei oe i kuu haku, oia hoi kou makuakane?”

 

Me ka leo waipahe pane aku la o Ianata i ua wahie ia: “Aole au i ke ia Papa mahope mai o ka pau ana o ka aina awakea.”

 

“Ae,” wahi a ua kauwa-wahine nei i pane mai ai imua o kona haku opio, “hookahi hora i nala ae nei i ike ai au iaia, a e ae mai oe ia’u, e kuu haku, e hai aku au ia oe, aole o’u makemake iki i ke ano o kona helehele@a, Manao au ua ma’i ia oia.”

 

“Pehea!” i hoo@o ae ai ua lede opio nei, “ua mai ia anei o Papa?  Heaha hoi keia? Ea, heaha kou mea i hai mua ole mai ai ia’u i keia mea?”

 

Me ke kali ole ana iho o ua lede opio nei o ka pane aku o ke kauwa-wahine, ua pii koke hou aku la oia ma ke alapii ana i iho mai ai, a pii aku la a hoea i ka rumi o kona luaui makuakane.

 

I kona hoea ana aku ma ka puka o ka rumi o kona makuakane, ua kikeke malie aku la ia.

 

“Komo mai,” wahi a kekahi leo na waliwali i pane mai ai moloko.

 

Komo aku la ua lede opio ui nei me kona nani apau, a hele aku la ia ma kahi a kona luaui makuakane e noho ana me ke ano nawaliwali.  Ike aku la nae ia e puliki ana na lima o kona makuakane ma kona wa i komo aku ai; a i kona hoea ana aku ma kahi a kona makua e noho ana, ike iho la ia he mau moali o ka waimaka e kiheahea ana ma na papalima o kona luaui.

 

Malaila, houle iho la na kuli o ua lede opio nei, a apo aku la kona mau lima elua i ke kino o kona makuakane, a pane ae la:

 

“E Papa, hai mai nei ke kauwa ia’u, ua ma’i ia ka oe, e Papa.  Pela io anei hoi?”

 

Ua lilo ka leo oluolu melodia o ua lede opio nei i pane aku ai imua o kona makuakane i mea e maha ai ke kaumaha e lulumi ana iloko o kona houpo.  Huli iho la ua makuakane nei, a olelo iho la i kana kaikamahine:

 

"Aole--aole, e kuu lei.  Pehea hoi au e ma'i ai, oiai o ke ahiahi keia o ka La Karikimaka.  O ka po hoi keia e haawi ai oe e kuu lei i kau aha hulahula, manao auanei oe he mea makai no kou luaui nei ka haawi ana iaia iho e ma'i?  Aole, aole. Aole o u pilikia.  He maikai no au."

 

Nana ae la nae ua kaikamahine la i kona makuakane me ke ano anoninoni o kona noonoo, a mahope, pane aku la ia: "He oiaio aohe ou helehelena ma'i a'u e nana aku nei; aka, aia nae ma ke ano o kou leo, e Papa, e pane mai nei, Aohe hoihoi o ko'u noonoo no kela ano o kou leo.  Ea, e Papa, e hai mai oe ia'u i ka mea nui iloko o kou noonoo ana i keia wa, ka mea a'u e manao loa neii oia no ka mea nana i hoanoe i kou leo.  He lono kaumaha anei kau i lohe ai, e Papa?  E hai mai oe."

 

"E kuu keiki, he lono kaumaha anei hoi kekahi o ka la Karikimaka?  Aole, aole.  Nawai hoi i hoopuiwa aku nei ia oe, e kuu manu nunu maikai?  Nawai i hai aku nei ia oe, ua ma'i ia kou Papa nei?"

 

"Na Mrs. Charles nohoi."

 

"Alaila, ua kuhihewa ia oia mamuli o ko'u kauoha ana aku nei iaia, e kii aku ia i kekahi laau hooikaika no'u; aka, mai hopohopo oe no'u, aole au i ma'i.  Aka, e hinau aku au ia oe.  Pehea kou manao ho Haku Ravenakuta?"

 

"Aohe a'u olelo nona, he maikai no oia; aka, e Papa, aohe i loihi loa ko'u wahi wa o ka hoohala kamailio pu ana me ia."

 

"Ae.  A e hoolole mai oe, e kuu keiki, makemake loa au e kau aku kou manao maikai ana maluna ona.  He kanaka waiwai keia, a he alii nohoi ia no ka aina.  Elike nohoi me kou alii ana no ka aina nei, pela nohoi kona.  O kona ohana kekahi poe alii koikoi loa o Pelekane nei mai ka po mai.  O kuu manaolana-ae-o ka manaolana nei o kou makuakane aian ia maluna ou.  Makemake loa au e ike ia oe e mare ia oe me ia."

 

"E Papa, aole o'u manao e mare kane au i keia wa.  O ka mea oiaio, aohe mea a ko'u puuwai i aloha ai, aka, o oe wale no, e Papa.  O oe ka'u mea nui.  E noho no au me oe.  Aohe o'u hemahema ia oe, ua lako au i na mea apau, nolaila, i kane aha ia a'u e manao aku ai e mare?"

 

I kela wa kau @ho la ka lima o ua Ela nei o ka Hale o Karumabe ma ke poo o kana kaikamahine, aka, ua ike ae la kana kakamahine i ka haalulu ana iho o kona lima.

 

"Pela no paha, e kuu keiki, aka, he mea nae no'u, no kou makuakane e olioli ai, a e oluolu ai nohoi, ke ike iho au i keia wa, ua hooholo oe e loaa ona makua nou mahope iho o ka hala ana aku o kou luaui nei mai keia ao aku.  Ma ko'u ike ana i keia wa ua loaa kou kokoolua kupono o keia ola aku, alaila, e hele aku ana au me ka naau oluolu, no ka hoomaopopo ana iho, ua haalele iho au ia oe ma keia ao, iloko o na lima o kekahi kanaka a'u i paulele ai, e loaa ana ia oe ka palekana ame ka maikai o na la o kou ola ana.  Nolaila, mai kaohi mai oe i kau hoike ana aku i kou ohohia nui ia Haku Ravenakuta."

 

"Aka, e Papa e, aohe o'u makemake a mare koke i ke kane.  O ko'u wa keia e hoi aku ai no ka hoomakaukau ana i na mea e pono ai kuu aha hulahula o keia po.  Nolaila, e Papa, e hookuu mai oe ia'u."

 

Ku ae la ua Ui nei a honi iho la me ka lae o kona luaui makuakane.

 

Alaila, haalele iho la ia i kona makuakane, a i kona hiki ana mai ma ka puka, huli aku la ia i hope a nana hou aku la i kona luaui makuakane, a kunou aloha aku la, a, aloha mai la nohoi kona makuakane iaia:

 

I ka noho hookahi ana iho o ua Haku nei o Karumabe Hale, ua ulu ae la na noonoo pioloke he nui iloko ona. Puili hou ae la ia i kona mau lima ma kona alo, a pane ae la me ka leo ehaeha:

 

"Pehea la au e hoike aku ai i keia mea iaia?  Aole hiki ia'u ke hoomanawanui hou aku i ke ola ana oiai nei haawe weliweli o ka pilikia e kau nei maluna o'u.  O kuu lei ka hoi, he keiki, ka mea aloha.  O ka ilihune ana o'u nei, o kona makuakane, oia kona poino ana, a, aole hiki i kona alii ke hoopakele iaia.  Aole, aole."

 

Kulou iho la kona poo ilalo, a hala kekahi wa, aea nou ae la ia iluna, a pane ae la:

 

"Aole nae au e hoike aku ana iaia i keia pilikia weliweli i keia po.  Aka, i ka po o ka la apopo e lohe ai oia i na mea apau.  O!  He po weliweli kela nona ame a'u! Ae, he po ia nona ame a'u e kanikau ai.  E uwe aku ai au iaia, a oia mai hoi ia'u, i kona luaui poino nei."

 

He hora hookahi mamua ae o ka hoomaka ana o na hana o ka aha hula oia po, ua hoomaka mai la ka hiki ana mai o na poe i konoia no ua aha hulahula @'la.

 

He anaina o na maka hanohano kai hoea mai.  I ka hoea ana mai o ka manawa hula, ua hookoia na mea apua me ka hololea loa.  O ka oi no nae oia po, oia no ka Ui Opio o Karumabe Hale.  Ma ka ui ame ka nani, aohe ona lua e like ai.

 

Mahope iho hoi o ka pau ana o ka aha hula, ua hele aku la na mea apau no ka papa ahaaina, a malaila i kaanaia ai na mea maikai i hoomakaukau ia no ka ono a ka puu, a no ka hoopiha ana hoi i ka lua o ka inaina.

 

Ma ia po, ua lilo ua Ui opio nei i mea hoohihi loa ia e Haku Ravenakuta  A ma ka aoao nae o ua Ui opio nei, ka "Manu Nunu Ahiu" o Karumabe Hale, ua haawi mai la no ia i na manao maikai apau imua o ua haku la, aka, o kona puuwai nae, aohe ilaila, aia no ia i kona luaui makuakane.

 

Ma ka wa i noho ai na mea apau no ka papa ahaiana, ua hiki ke hoomaopopoia aku e na mea apau, he nanaiana ano e ko ka Ela o Karumabe Hale.  A ua lilo ia nanaiana ano e ana i hoike maiai i mea e hoohuoi nui ia ai e na mea apau ma ua po ahaaina la, a i kekahi wa, ua nu ae la na ninau ana mawaena o kekahi poe.

 

"Heaha la ka pilikia o ka haku hale o kakou?"

 

Ma ka wa i pau ae ai ka paina ana, a lualai wale ae la hoi na mea apau ma ka hoomaha ana, a nanea hooluolu ana hoi, ua hele holoholo ae la ka Lede Opio me Haku Ravenakuta.  A oiai hoi laua e hele ana, ua halawai mai ia wa oia i pane hoomakeaka ma@ ai i kana ke@ikamahine:

 

"Ea, ke ike nei au, ua hauoli loa ia oe i keia po."

 

Ia wa i nana aku ai kana kaikamahine iaia, a pane aku la:

 

"E Papa, o ka hauoli anei kau i ninau mai la ia'u?  Ae, e hai aku au ia oe, he mea i oi aku i ka hauoli ka mea a ko'u naau e haaheo nei.  he oiaio he lua ole ko'u hauoli.  E papahi iho i ka hauoli maluna o ka hauoli, aole no e pau kuu hauoli, e Papa.  No ia mea, aole loa au e ae e kuapo i ka hauoli o na hauoli a'u e haaheo nei i keia po no ke ao nei apau.  Aole, e Papa."

 

I ka lohe ana o Haku Ravenakuta i keia mau olelo oh@ohia Ianatia, aoie i kana mai ka ekeu lealea o kona naau, a puana iho la ia iloko ona:

 

"A-ha-ha-na, hei oe, e keia manu nunu ahiu i ka'u a hele!!"

 

Aka, pae mai ia nae kekahi leo me he mea la e hawanawana mai ana iaia:

 

"Alia oe e pulale iho.  Aole ia i komo i nei wa i kau kuuna."

 

Mahope iho o ka huli hoi ana aku o na mea apau, a haalele iho la ia Karumabe Hale, ua hui hou ae la ka makuakane ame ke kaikamahine, oiai hoi o Haku Revanakuta i kaawale aku ai ma kekahi wahi.  A ia wa i kamailio aku ai ka makuakane i kana kaikamahine:

 

"E hiki ana anei ia oe ka hai mai ia'u i ke kumu o kou hauoli ana?"

 

(Aole i pau.)

 

@OUNAELE@N I EWAIKA MO@E.

 

UA HEHIKUIA ANEI KE KAI LAI O KUHIA?

 

Ua laulaha ae nei ma Honolulu nei ka nuhou, ua hoea mai la i Honolulu nei he palapala ano nui loa mai a Senatoa Cullom mai, ka lunahoomalu o ke Komisina Hooponopono Kanawai Kuloko no Hawaii nei, a ke paa ia nei keia palapala an nui e Mr. Sewall, ko Amerika Agena Kuikawa ma ke "lo Aupuni" o Hawaii nei.  Ua hawanawanaia ae, ua loaa mai keia palapala ma ke ku ana mai o ka mokuahi "Gaelic" ma ka la 31 o Okatoba aku nei.

 

Ma na mea i laulaha mahuihui ae nei iloko o ke kulanakauhale, ua ikeia he palapala ka keia, e hoike mai ana o Mr. Cullom i kona "mainaina" a "kuhalahala" maoli i na hana e hanaia nei e na Kahu Aupuni o kakou nei;  a no ia "kuhalahala" o ua Senatoa la, ua hoike mai la ia i kona manao maoli, e hana ana oia i ka hana e hoihoi ia aku ai ko kaakou kulana hooponopono Aupuni kuloko ia ana i Wasinetona ponoi, a e hoonele loa mai hoi ia kakou ia ke kulana hooponopono Aupuni kuloko ma ke auo "Teritori".

 

Ua oleloia ae nohoi, aloe loa, i oluolu iki ua Senatoa nei i ka malama nene ihi kapu ole ia ana o ke kulana makee hooponopono Amerika a like me ke kulana e hiipolia @'la ma Amerika, a ua manao loa ia hoi, e hoea koke mai ana he hoopai ana maluna o ke kulana hooponopono Aupuni elike me ia e ka'ipuu ia nei i keia wa, ke ole hoi e loli ae ua mau hana @'la a ke ano Amerika maoli.

 

O kekahi kumu hewa loa, a lilo i pula-kaumaka no ua Senatoa la, wahi a ka oleloia mai, oia ka hoomau ana o ke Aupuni Hawaii i ka ae ana e hoopae mai i na limahana (na eemoku) mai Iapana mai.

 

O kekahi mea hoi i haiia mai ia makou, e loaa mau aku ana ka i ua Senatoa nei he poe palapala mai Hawaii kau nei, i kela ame keia eke-leta e haalele iho ana ia anei, a @na ia mau leta e hoikeike aku iaia i na hana a ka Aha Hooponopono Aupuni o Hawaii nei, a me he mea la e lilo aku ana ia i mea e ala mai ai he pohaku hoohihia no ka holo pono ana o ka Bila Kanawai a ke Komisina no ke Aupuni Teritori ma Hawaii nei, a, hoea pu mai hoi he koi ana iloko o ka Ahaoleolo e kauia ona dute maluna o ke kopaa Hawaii.

 

He mau hauwawa olelo wale no nae keia i oleloia ae mailoko mai o ka palapala a Senatoa Cullom i kakau mai ai ia Agena Kuikawa Sewall ma Hawaii nei.

 

O ka mea maopopo nae ma ka nana aku, oia kekahi manao i hoopukaia ae maloko o ka nupepa namu o Hilo, Hawaii, nona ka inoa, Hilo "Tribune." A penei ke ano nui o ua manao la:

 

"Me he mea la, aole loa i ike ia aku ke ano makolukolu o na ohohia ana o ka lahui Amerika ame na Wahaolelo Lahui no ke ano kulana Amerika oiaio o na kanaka maanei, elike me na onou hoomanawanui ana a ko kakou poe hoohui Aupuni i hoomaikeike ae ai mamua o ke ko ana o ka hoohui Aupuni.

 

Ua ikea mau ia no keia mau ano e makou, i kela ame keia wa i hala ae nei, a ma ka eke leta hope mai nei i loaa mai ai he palapala mai a Senatoa Cullom mai, e nema mai ana no ke ano Ameirka ole o na hana ma keia Pae Aina, a hana ole hoi elike me ka uhane Amerika maoli.

 

"Ua olelo mai o Senatoa Cullom, o kona iini nui, e loaa i ka Pae Aina nei ke Kulana Aupuni Teritori, me ka loaa ana o ka mana Aupuni kuloko ma ke kulana akea, aka, ua kanalua nae ia i ka haawiia ana mai oia ano hooponopono Aupuni ia kakou, ke ole e hoololi ia ae ko kakou kulana hooponopono Aupuni o keia wa.  Ua nema ikaika loa mai ia ia no ka hookuineki nui loa ia ana mai o na limahana kepaia mawaena o kakou nei, a he mea kue loa hoi ia i ke kulana hooponopono Aupuni Amerika maoli, a, ke hanaia nei hoi keia hana maanei mamua ae o ka hooholoia ana o na kanawai no Hawaii nei.

 

He mea maopopo, aole i kamaaina loa o Senatoa Cullom me ke kulana o ko kakou pono limahana kuloko maanei; aka, aole nae ia he mea hoohihia.  He mea oiaio nae, ua maopopo no iaia ko kakou mau makemake, a, he mau manao oluolu nohoi kona no ka kakou kanawai limahana, i oi ae i ko kona mau hoa iloko o ka Ahaolelo, a ua olelo ae o Senatoa Cullom, ina e nele ana kakou i ke kulana hooponopono Aupuni kuloko no kakou iho, alaila, o kakou ponoi no ke ahewaia no ia nele ana, a oia paha ko kakou nele ana i ka Mana Hooko ame ka Aha Kiekie, na mana hoi i hookaika loa ma ka aoao e hooiaio ana, aole i mana ke Kumukanawai o Amerika Hu'upuia maanei.

 

Ua manao o Senatoa Cullom, o ka huakai a Mr. Damon i Italia, he wahi hana imi paahana kepaia no ia, a ua hiki loa ke ikeia aku ke kumu o kona olelo ana ae, o kekahi kumu nui keia o na manao maikai ole o ka Mana Hookoma Wasinetona.

 

HOOHANOHANOIA MAI IA KEIKI HAWAII

 

Ua loaa mai nei ia Kauka W. T. Monsarrat (Maunakea) he hookohu ma ke ano he hoa oia no ka Hui Lapaau Amerika o na Holoholona, a na lilo pu hoi oia i kakauolelo no ia Hui ma keia Pae Aina.  O ke kumu i loaa mai ai iaia o keia hanohano mamuli ia o kona lilo ana i kauka @no na "hoki" o ka oihana koa Amerika i laweia aku ai mai Honolulu aku nei a i Manila i kahi wa i hala ae nei, a hoea maalahi ia mau kokua waiwai nui oia hana me ka maalahi mamuli o kana kiai makaala loa ana.

 

Ua lohe mai makou eia o Prof. David Nape ke hoomakaukau nei i buke o na himeni Hawaii pookela loa o ka ui ame ka nani.  Me he mea la, a weliia ana ua mau himeni la me ha hua mele.  He Hawaii makaukau loa keia ma ia hana, aole he mea e nele ai ka u@i mahiehie o na mea e hanaia ana e kona loea ike mele.

 

He lehulehu loa na poe i hoopololi hiamoe ma ka wanaao nei o ka Poalua, a ao ae Poakolu, me ka hoohaliu ana ko lakou mau maka iluna i ka ponahalani me ke ake e ike aku i ka hoku helelei a Kamalii.  Ua alaiia mai nae ko lakou ike ana aku i keia hiona kupaianaha o ka lani mamuli o ka paa loa o ka lewa i ke ao.

 

Eia na paahana ke pahonohono hou mai nei i ke alanui Kuakini.  O ka pohaku papaakea liilii kohu eleku, oia ka lakou e halii palaha @'la  O ke alanui Kuakini kena, kahi a ka lepo palolo ume kamaa, ke mimiki ka palolo o kena wahi holo olohelohe ka wawae, aohe kamaa.  No ia nei ka olelo ia ana, ke hone ae nei no i ke kumu o ka hana.

 

O ka huina waiwai io o ka Hui "Honolulu Stock Yards" (Limited) i noho Peresidena ia e William H. Rice, he $100,000.  Me ka auwina ia o ka la apopo e wehe akeaia ai no ka makaikaiia ana e ka lehulehu n@a hale o ua Hui la e ku nei ma na Alanui Moi me South. mawaho ae nei o Kawaihao.

 

Ma ka haalele ana iho o ka mokuahi Australia ia Honolulu nei, ma ka la 28 o keia mahina, e holo aku ai o Hon. W. N. Armstrong, ka lunahooponpona mua iho o ka nupepa P. C. Advertiser. no Amerika Huipu@ia.  E holo loa aku ana ia i Nu Ioka ame Wasinetona.

 

Ua huli hoi mai nei o Kauka Sauton mai kana huakai aku nei i ke kahua Ma'i Lepera ma Molokai, aua loheia mai e waiho aku ana ia he hoike piha o na me ai ikeia e ia malaila imua o kona ahahui.

 

He elima mau kani pu panapana i ki la ae ma ka po Poakolu nei, a ao ae Poaha, ma kahi kokoke loa i ka hale o Peresidena Dole, a ua nui ka p@ioloke i ikeia ma ia mau wahi.

 

Ua loaa he ulia poino i kekahi paahana Geremania ma ka hai ana o kona lima, oiai ia e paahana ana ma kahi kokoke i ka Hale Leta ma ke kekahi aka Poaha nei.

 

Ua lilo o Cunha Opio o Honolulu nei i mea kaulana loa ma ke Kula Nui o Iale, Amerika Huipuia, ma ka paani popo pekupeku wawae. Kulana no Hawaii

 

Inuia e na Koa Pelekane @@ Agerica.

 

Ua kamaaina loa ia o Kapen@a @@

Dennison ma Aferika apau, ma ke @@

he alihikaua oia @o na koa i paa @@

keia kipi kaulana, oia o Galis@be @@

ko o ka palapala o ka la 4 o Nove@maba

1897, mai Vryburg mai.  @@@

ua kakau mai la ola:  "Mamua o @@

hele ana aku ma ka huakai kaua @@

ku nei, ua kuai iho la au i @@@

o ka LAAU OLA A KAMALENA

ke Nahu, Kolera  ame ka Hi, a @@

laau ia e inu ai m@a k@ opu, a ua @@

aku nohoi au i @ laau la i ko'u @@

kanaka, a ua ikeia ke ola ma @@

apau i inuia ai ua laau i@." E @

ana e na poe kuai laau apau. O @

SON SMITH & CO. Kaupal@

Agena no Ko Hawaii Pae Aina

 

HOOLAHA KUMAU

 

DR. T. MIT@MURA

 

Keena Oihana, 427 Alanui N@.

Pahu Leta 842; Telepona 132. @@

noho 542 Alanui Nuuanu.  Hora

12 a. m. ame hora 7 a 5 p. m.

Sabati, 2 a 6 p. m.

 

DR. I. MORI,

 

Keeena Oihona, helu 427 Alanui @@

anu, Pahu Leta 842.  Telepona @@

Hale Noho 524 Alanui Nuuanu

Halemai, 530 Alanui Nuuanu @@

hora: 9 a 12 a.m., a mai ka @@

6 a 8 p.m. Na ia Sabata hora

6 p.m. @@

 

W. C. Achi.   Enoch Joa@@

ACHI & JOHNSON

 

LOIO!  LOIO!  LOIO!

 

Keena Hana, Helu 10 aoao Komo@@

Alanui Moi.

 

W. R. KAKELA

 

oio a he Kokua ma ke @@:

 

HE LUNA KOOIAIO PALAL@P@@

@@

 

LYLE A. DICKEY

 

Loio a he Kokua ma ke Kanawai.

 

Notari n ka Lehulehu.

 

E hoo@oia na hana pili kanawai ap@@

mai na Mokupuni mai.

Kihi o Alanui Betela me Moi. @@

Leta 786.  Telepona 806.

 

Papa!  Papa!

 

Aia ma kahi o

 

LEWERS & COOKE

 

(Lui Ma.)

 

@a ke Kahua Hema o na Alan@

Papu me Moi.

 

E LOAA NO NA

 

Papa Nouaiki

 

O kela a me keia ano.

 

N@a Pani Puka...

N@a Puka Aniani...

N@a Olepelepe...

N@a Pou....

 

Na Pili Hale

O na Ano apau

 

A me na

 

Wai Hoohinuhinu Na@

 

O Na A@@ Apau.

 

@@ Palakio na Ano he N@i Wa@

 

Ke h@iia aku nei oukou @@ makemake @@@@@@

 

Uku Haahee Loa

 

@@@@@@@

 

@@@@@@@@