Ka Nupepa Kuokoa, Volume XXXVIII, Number 46, 17 November 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE    XXXVIII.---HELU  46. HONOLULU, POALIMA, NOVEMABA  17, 1899.  NA HELU APAU 2781.

 

 

KUU ALOHA!     PEHEA AU!

 

-----------------

 

He

            Moolelo Walohia i unuhiia e  

            Hoolaleakauakukalahale ka

            mea nana i unuhi "KE ALOHA

            O KUU MAKUAHINE,"

            Ke Aloha o Ka'u i Aloha

            Ai."

 

            Ma ka wa a ke kauwa i hoea aku ai mua o ka Haku Opio Albans, ua hoike aku la ke kauwa iaia ua makemake ia oia e kona makuahine, a e hele aku oia iloko o kona keena malu.  I ka lohe ana o ua Haku Opio nei  i keia kauoha a kona makuahine, ua kau mai la ka weli makua maluna ona, oiai, ua hoomanao koke aae la ia he hana ano nui loa ka kena makuahine i kauoha mai ai iaia e hele aku iloko oia wahi keena. Ala mai la hoi na hoomanao ana iloko ona no ua wahi keena, la, oia no kahi keena e lohe mau ai oia i ka leo oolea o kona makuahine i keia ame keia wa @ kona makuahine e makemake ai e kamailio mai iaia ma ke ano e hooponopono mai iaia po kekahi mau hana kekee a kona luaui makuahine i manao ai he mea pono ke hooponoponoia a kulike e kike me kona makemake.

            I kela wa i ku ae ai ua Haku Opio nei i luna me ka maikai ole o kona noonoo, a ia wa oia i olelo iho ai iaia iho:

            "Heaha la hoi keia a ua luahine nei e makemake nei ia'u e hele aku-  Aole hoi a'u mea ano nui o ka hana ana iho nei i keia mau la e manaoia ai la, hoi he hana ia i ku i ka ahewaia e kela ame keia mea makemake i ka nohona elike me na aneia o ka lani.   Ua ike no au, aole loa au i puhi baka iki maloko o kakahi rumi i papaia ai ia hana iloko nei o ka hale.  Ke hoomanao poina ole nei nohoi au, aohe a'u wa i hoopuka ai i na huaolelo i ku ole i ke ano keonimana.  Heaha la hoi keia?  Aka, ke hoike mai nei nae kekahi mea anui e hoea aku ai au inua o ka noho hookolokolo o kuu makuahine."

            Ua hele aku la ua Haku Opio nei i ka rumi i kauohaia mai ai oia e hele aku.  Aole nohoi me na kapuai awiwi loa, aka, me ka malie kupono nohoi e hoea aku ai imua o kona luaui makuahine, ka wa nae e oleloia ai, ua uluhua loa kona makuahine i ke kali iaia.

            I kona hoea ana aku ma ka puka o ka rumi i kauohaia mai ai ia e hele aku, ua ku iki iho la ia , a me he mea la ua lohe oia i kekahi mea e uwe ana me ka ehaeha.

            "Heaha la hoi keia?"   wahi ana i ninau iho ai iaia iho me ke pihoihoi nui. 

            Alaila, wehe aku la ia i ke pani puka, a i kona komo ana aku ilooko, ia wa ia i ike aku ai i kekahi hiohiona ano e loa, e o ai ka li maeele iloko o kona houpo.  Ike aku la ia i kona makuahine e ku mai ana me ka helehelena i uulupuniiaa o ka inaina ame ka huhu, aka, he hanohano kapukapu no nae kona kulana apau.

            Ike iho la ia ia Naomi Winta e kukuli ana maluna o ka papahele e kulou ana kona poo, a e uwe ana hoi.  Ia wa i ulu koke mai ai ka noonoo iloko ona ame ka weliweli nai, no ka mea e pili ana ia Miss Naomi Winta.

            I ko ia nei komo ana aku hoi iloko, ia wa i pane mai ai kona makuahine:

            "Ua hoouna aku nei au ia oe, e Bereterana, e hele mai oe, a e kaana pu me kou luaui makuahine nei ma kekahi hana maikai ole i ikeia e a'u ma na ia apau o ko'u ola ana ma keia ao."

            Ua puai ae ia ka ula ma na papalina o ka Haku Opio, huahuai ae la na manao pioo ahiu iloko ona, a me he mea ia e nu ana kekahi manao weliweli loa iloko ona.

            A hoomau mai la nohoi kona makuahine i ke kamailio ana mai iaia:

            "Aole wale no keia he hana maikai ole, aka, he hana keia e haehae ana i ka puuwai o kou makuahine."

            "Heaha keia, e Mama?  E hoike koke mai oe ia'u i ke ano o keia hana.  "Heaha ka pilikia?"

            "Eia ka pilikia, e kuu keiki,"  wahi a @a Duke-wahine Adeliza nei i pane mai ai i kana keiki, me ke kuhikuhi ana ae hoi o kona lima i ka hainaka ame ka @wili lipine e waiho ana maluna o ke pakaukau.  "O keia mau mea, no keia wahine opio ia, a, e kuu keiki, me ka @hane i mokumokuia e ka ehaeha, e hai aku au ia oe, ua loaa keia mau mea maloko o kou rumi huli palapala."

            He mea maopopo, he kanaka puuwai wiwo ole o Haku Sana Albans, aka, imua nae o kona makuahine i keia minute, he kanaka puuwai hohe wale oia.  Ua haikea pu ae la kona helehelena, me he mea la ua haukeke ae la kona mau lahelahe, a, o ke okooko ahi i ka wiwo ole ame ka makau ole e olino ana ma kona mau onohi maka, ua nalowale iho la.

            "Nolaila, e kuu keiki,"  wahi a Adeliza i hoomau mai al i ke kamailio ana i kana keiki, "pehea la i hoea aku ai kela mau mea maloko o kou rumi, a, aole hoi au i moeuhane mua e hoea mai ana ka wa e hoholo ae ai ka ula ohelohelo o ke koko ma ko'u mau papalina nei no ka ohila ana iho nou e kuu keiki."

            Me ka pioloke nui i loko ona, ua pane aku la ia imua o kona makuahine:

            "E kuu Mama aloha, alia oe e haawi mua mai ia'u nei i na ohila ana a kou mau papalina, e kali oe a hiki i ka wa e maopopo ai ia oe na hana io au, kau keiki nei i kekahi mea e aia io mai ai ia mea maluna ou."

            Ma keia wa naae a ua Haku Opio nei i pane aku ai ia kona makuahine, ua ku iho la no ia me ka hiehie nui a hanohano nohoi.

            "O  ka mea a'u i makemake ai e kamailio aku ai ia oe, e kuu keiki,"  wahi a ua Duke-wahine nei i pane mai ai, "he mea ia na'u i olelo iho ai iloko o'u, ua oi loa aku ka pono e make oe mamua, alaila, kamailio aku au ia oe, a i mea hoi kekahi no'u e ike ai o ka hewa i hanaia ai e oe, ua hele pu aku la ia me oe iloko o ka luakupapau.  Oiai nae au e kamailio aku ana ia oe ia mea, aia hoi, he mea hoakaaka wale mai la no ia ia oe.  Nolaila, e ninau hou aku ana au ia oe, a e pane mai hoi oe me ke kuio.  Pehea i hiki ai keia mau mea iloko o kou mau rumi?"

            Ma kahi nae o ka pane ana aku o ua Haku Opio nei i ka ninau a kona makuahine i nnau mai ai iaia, ua huli ae la ia a nana aku la i ka wahine opio.  Ike aku la ia ua hele kona helehelena a keokeo pu, a o ka hiohiona o ka mea i hele kona puuwai a piha i ka walohia, oia kona ano ia wa.  Alaila, kaikai mai la ia i kona mau maka mai ka wahineopio mai a nana aku la i kona makuahine, a pane aku la:

            "E Mama, aole a'u mea e hai aku ai ia oe.  Aole paha e ili maluna o'u ka hewa o na maau hele wale ana ae o kekahi mau mea iloko o ko'u rumi." 

            "Alaila, e kuu keiki, e olelo mai ana anei oe, ua komo keia kaikamahine iloko o kou rumi ma kou  wa i  kaawale aku ai mai laila aku?"

            "E Mama, aohe o'u manao oia ano, aole.  He hiki maoli ole iho la no ia'u ke pane aku i haina no kau ninau.  Aohe a'u mea e olelo hou aku ai ia oe."

            "Alaila, e kuu keiki, na kaumaha loa au i ka hai ana aku ia oe, ua makolukolu maoli ko'u ike i na mea i pili ana i ka hoea ana o keia mau mea e pili ana i ka hoea ana o keia mau mea iloko o kou rumi.  Ina hoi he mea hiki ia'u ke waiho aku ia oe mai na hana hoohaahaa o kekahi ano ninaninau ana elike iho la me keia, ina la ua hana no au pela, eia nae, aole hiki ia'u, ia kou makauhine nei ke hana pela.  Ua noke iho nei hoi au i ke koi i keia kaikamahine e hoike mai nohoi oia ia'u i ka mea oiaio, i mea hoi e pau ai nei hana mawaena ona ame a'u nei, aole nae hoi he wahi mea a hoike iki mai kaikamaahine ia'u elike me ko'u makamake.     Nolaila, e kuu keiki, o oe no anei hoi kekahi e hoole mai ana i ka hoike ana mai i ke ano i hoea ai keia mau mea iloko o kou keena?" 

            Aole i pane aku ua Haku Sana Alabana nei imua o kona makuahine.  Ia wa nae ua maha iho la kona naau pioloke i kona hoomaopopo ana iho aole ka o Naomi Wintai hoike imua o kona luaui makuahine i kekahi mea e pili ana i ka hainaka ame ka owili lipine a kona makuahine i ninau mai ai iaia, a hooholo iho la oia iloko iho ona, aole no oia e hai aku ana i kona makuahine, a e paa loa ana no ia i ka ole a hiki i ka hope.  Nani ka maha  ana ae o na uluku o kona naau, aka, ua lilo nae ia maha ana ona i mea e no kekahi naau e ae e haawe ai i ka ehaeha.

            No ka pane ole ana aku o ua Haku Opio nei imua o kona makuahine ia wa i kamailio hou mai ai oia iaia:

            "He mea makehewa loa ia oe, e kuu keiki, ke hoao e uhi pu wale mai i keia hana a'u e ninau aku nei ia oe.  I mea e maopopo ai ia oe, e hai aku au ia oe, a e hoolohe mai hoi oe,  Ua ikeia keia kaikamahine hupo nui wale e hele ana mai kona rumi mai a iloko o kou keena huli palapala i ka wa aumoe loa o ka po.  Ua loheia oia e kamailio pu ana me oe a hala he elua hora a oi aku ma ia wa o ke aumoe, ke wa hoi i hiamoe ai na poe apau o loko nei o keia hale, koe nae ka mea i lohe ia olua ma ua po la.  Ua ikeia nohoi oia nei e haalele aku ana i kou rumi buke, a hoi mai la i kona keena ponoi iho.  Pehea la, e Beretarana, e hoole mai ana anei oe i keia?"

            "Aole aau e hoole aku, aole nohoi au e ae aku,"  wahi a na Haku Opio nei i pane aku ai i kona makuahine.

            "Hookahi mea maopopo loa  ia'u," wahi a ua Duke-wahine nei i pane mai ai,  "he mea oiaio ka'u i hoike aku la imua ou, a imua ponoi nohoi o keia kaikamahine.  Aole oe i hoole mai, aole nohoi keia kaikamahine i hoole mai, maopopo loa he mea oiaio keia.  Aka, hookahi a'u mea nui loa i makemake ai e hoike mai kekahi o olua ia'u,  a ina e hai mai kekahi o olua ia'u mea, alaila, e maha no ke kaumaha o ko'u naau nei.  Makaemake loa au e ike heaha la ka mea i hanaia mawaena o olua,  oia hoi mawaena o keia kaikamahine, ka mea i noho mai malalo o kuu' malu ame oe hoi e ka'u keiki, ka mea hoi nona na kipoohiwi i kau iho ai ke koikoi o ka ukana o ka halibali ana i ka hanohano ame ka haaheo o ko ka'ua koko alii maai ka o mai."

            Ua pane mai la ua Duke-wahine nei i keia mau huaolelo me ke oolea, a ioloku iho la ka welenia oia mau huaolelo iloko o ka houpo o Sana Alabana.  Me ka nanaina piha i ka haaheo ame ka hoike ana mai hoi i ka inaina e lalapaana iloko o ka houpo, pane hou mai la ua Duke-wahine nei:

            "Aole au he wahine puuwai maua.  Aole.  Ina oe e aloha mai ana ia'u e kuu keiki, a hoike mai hoi ia'u i ka mea oiaio, alaila, e lilo no au i hoaloha oiaio no olua a i elua, a ua hiki no ia'u ke kokua i mea no olua e hemo laelae mai ai me ka maikai mailoko mai o   keia pilikia, aka hoi, ina e loaa ole ka mea oiaio mai a oe mai, e kuu keiki, alaila ua ike au, aole i aloha mai oe ia'u, i kou makuahine nei, a pela hoi  au kou makuahine nei e aloha ole aku ai ia oe, a i keia wahi kaikamahine nohoi.  Nolaila, e kuu keiki, ka Haku Opio hoi o Kakelamaina nei, he wahi hana paani hupo wale no anei keia i hanaia e olua, mmuli o ka hupo o ko olua mau noonoo, a i ole, he hana anei keia i oi aku i ka paani wale?  Ua lawe ae anei oe e kuu keiki i kou kulana haku, a kulana keonimana hoi ma ka inoa wale no, a lilo oe i mea alakai hewa aku i kekahi kaikamahine hupo, noonoo ole nohoi elike me nei wahi kaikamahine ma ke alahele i ahewa loa ia e na poe makee hanohano apau  o ka aina nei; a i ole, na komo anei iloko o ko olua manao naaupo ka manao hehena e hiki ana ia olua ke mare, me ko olua manao naaupo ana, e ae aku ana au ia maarae ana o olua?  E hai aku au ia e, e kuu keiki, ua oi loa aku ka pono e ike e au ia Ruka Kakela nei e pau e ia i ke ahi mamua o ko'u ike ana aku iaia e noho haaheoia ana ia kekahi kanaka a wahine paha i malama ole i ke kapu ame ka hanohano o kona kulana iho, oiai o kona mau paia e ku nei, kona kahua hoi e ku nei i keia wa, he mau mea ia i hapala ole ia e ka haumia e kona mau haaku alii lehulehu i hala aku i ka po.  Nolaila, e kuu keiki, e kamailio mai oe 'a'u, e hana mai oe i mea nou e kalaia ae ai mailoko ae o keia pilikia,a, aole hoi o oe wale no kau e imi ai i kalaia ana, aka, o keia kaikamahine kekahi.  Eia kela pono iloko o kou mau lima, e kuu keiki."

            I kela wa i aea ae ai ke poo o Naomi Winta i ka hohe ana ona i na huaolelo hope a ke Duke-wahine i pane mai ae, a huli ae la ia a nana mai la ia Sana Alabana, ka haku Opio o Kakeiamaina.

            Ua piha kela mau onohi maka i na haawina apau o ka kaumaha ame ka ehaeha, e haloi ana na waimaka o ka ehaeha ma kona mau maka, a he ku maoli no i ka walohia kona mau ano   apau.  O ka uhane o ke aloha iloko o ua kaikamahine opio nei, ke kahea mai la ia i ua Haku Opio nei, a me he mea la e lohe ana oia ia wa i keia mau huaolelo, "E Kuu Aloha, Pehea Au?"

            Ia wa hoi huli aku la ka Haku Opio a nana aku la i ke kaikamahine opio o ka uhane ehaeha e nana mai ana iaia me na waimaka e pohina ana ma kona mau maka, a ia wa olapa ae ai ke ahi o ke aloha iloko ona, a anahe aku la ia e lele aku a hopu aku i ua wahine opio nei me ka manao ana e puili mai iaia iloko o kona polli, aka, i kona huli ana ae ma kahi a kona makuahine e  ku mai ana, aia hoi, ike aku la ia ia ka pupupuku inoino ana mai o na maka o ua lu aui makuahine nei, a ku iho la ia me he kia pohaku mabala la i kukukuia maluna o ka ili@o ka honua.  A ma ia wa nohoi poha maai la ka leo o kona makuahine:

            "Ma kou ano he keiki oe na'u ke koi nei au ia oe, e hai mai oe ia'u i ka mea oiaio?"

            Aia hoi, huli hou mai la no na maka aloha o Naomi, a nana hou mai la no i ua Haku Opio nei.  Me he mea la ua lohe hou no ua Haku Opio la i ka @ ana mai o kekahi eo hanehane, a hali mai la hoi i na huaolelo:  "E Kuu Aloha, Pehea Au?"  Aka, ua ike ole nae ua Haku Opio nei i kana mea e hana ai.

            I keia wa hoi i ikeia aku ai ka oni ana ae a Naomi, ka wahine o ka uhane ehaeha, a ku ae la oa iluna ma kona mau wawae, a me he mea la ua komo iho la kekahi uhane ikaika iloko o kona houpo, a ke ku la ia me ka maloeloe o kona oiwi kino apau, a ia wa i pua ae ai ka ui ma kona mau ano apau.  Aole hoi i ike iki o Sana Alabana i ke ano o nei hana a Naimi.He mau sekona paha ko ua  wahine opio nei ku ana me ka pane leo ole, a ia wa ia i hele aku ai a ma kahi a ke Duke-wahine e ku ana, ame ka leo aloha, me na waimaka nohoi e hiolo iho ana ma kona mau papalina, ia wa pane aku la imua o ke Duke-wahine.

            "E kuu haku, mai ahewa iki aku oe iaia.  Mai hoihaeha iki aku oe i kona naau  Aole.  O keia mau hewa apau, ke lawe mai nei au ia mau mea a haawe iho maluna ponoi o ko'u kua nei, aole maluna ona."

            Ma nei wa  hoi i oni ino ae ai ka Haku Opio, me ke ka ana ae hoi o kona lima, a me he mea la e hoomaka aku ana oia e kamailio aku, aia hoi, ke mau la no ke kamailio ana a Naomi imua o kona haku wahine.

            "Aole nona ka hewa, aka, no'u no, e kuu hakku.  Ae, owau kai hewa, aole oia i hewa."

            "Heaha kou hewa?"  wahi a ke Duke-wahine i ninau mai ai ia Naomi.

            "Na'u ponoi no i hele aku iloko o ka rumi o kuu haku opio, mamuli o ko'u manao hookahi wale iho no, a e hoike aku hoi au ia oe, e kuu haku, aole oia i kkona mai ia'u e hele aku au ilaila."

            "He oiaio anei kela e Bereterama?"

            Aole nae he wahi pane iki a ua haku opio nei, aka, ua oni iki wale ae la no kona mau kipoohiwi, a liuliu nae nana aku la ia ia Naomi, alaika, huli ae la ia a nana aku la i kona makuahine, a olelo aku la:

            "Nani ia, a Mama, ua hai akku la no ka lede opio nei, elike no me kana mea i hoike aku la imua ou, nolaila he makehewa loa paha ko'u kue ana aku i kana pane."

            I nei wa i puai ae ai ka ula ma ha helahelena apau o ke Duke-wahine a kuai mai la oia i kona inaina apau me na huaolelo e pukalaki ana me ka ikaika maluna o Naomi.

            He keu moli no oe a kahi kaikamahine hilahila ole.  He keu oe a ke kaikamahine ino a lapuwale.  Hilahila ole maoli no oe.  Manao anei oe no kou ui ana, oia kou mea e hoowalewale ai i kuu keiki, a i mea hoi nona ae haule aku ai iloko o ka poino.  Oia hoi, nau hoi, nau ponoi  mo i mahaoi aku iloko o ka rumi o kuu keiki.  Haaheo iho la paha oe ia hana au i hana ai?  Ke hoomaikai ae nei au  i ke Akua no kou hoike e ana mai ia'u i keia mea mamua ae o ka haule ana aku o kuu keiki iloko o ka poino.  He keu oe a kahi kaikamahine hilahila ole."

            O Sana Alabana keia, aia no ia ke lohe la i keia mau huaolelo awaawa a kona makkuahine i hoopuka mai ai imua o Naomi. a mahope pane hhoomailani wale aku la no ia i kona makuahine:

            "E Mama, e akanai iki mai nohoi kau mau olelo ana.  Aole i maopopo ia oe i keia wa he oiaio paha keia mau mea i hoikeia aku nei ia oe, aole paha, eia nae, ua puka e hoi kau mau olelo o keia ano.  Aole anei ou manao, he hana aloha maoli ka keia lede opio i hana aloha maoli ka keia lede opio i hana aku nei imua ou, ma ka lawe ana ae i na hewa apau maluna iho o kona hokua?"

            Aole i kana mai ka huhu o ua Duke-wahine nei i ka ike  ana aia kana keiki ua ku ae la ma ka aoao kokua aku i ka wahine opio a kona naau e hoino ana ia wa, a pane mai la ia me ka huhu:

            "He  lede anei na wahine e like me keia ke ano?  Hele pelaa.  Aole loa i like ko'u manao me kou.  O ko'u manao maoli no ke ano wahine elike me keia ke ano, he keu keia a kahi kaikamahine ne helahila ole, a e hai aku au ia oe, i keia la no e haalele iho ai keia wahi kaikamahine ia loko nei o kuu hale.  Aole loa oia e komo hhou mai loko nei o kuu hale.  E hai aku au ia oe, o oukou o nei mea he kane, he poe palupalu loa oukou iloko o na lima o na wahine ina e haulehia ana oukou iloko o ka lakou mau ahele ana.  Aole loa hookahi kane e pakele i ka hoowalewale a nei mea he wahine.  Ina hoi i ike iho nei au nau ponoi i hoolalelale a kokua i keia hana mahaoi a nei wahi kaikamahine, e imi no au i mea e hoopa'i pono ia ai oe no ka hewa au i hana ai.  E Berertarana, he kulana hou i oi loa aku ke kiekie mamaua o ke kulana   o nei wahi kaikamahine hookano a haakei nohoi, nokeaha la oe i hai mua ole mai ai ia'u i ka hana mahaoi a nei wahi kaikamahine?"

            Ua huli mai la o Naomi ame na onohi maka aloha a nana mai la ia ia ka Haku Opio.  Aole he mau maawe o ke ahewa ana i hoikeia mai e ia mau onohi maka, aka, me he mea la e ninau a e ui mai ana ia mau onohi maka i ua Haku Opio la:

            "E Kuu Aloha,  Pehea Au?"

            "Heaha kou kuleana e nana nei i kuu keiki?  Hilahila ole maoli no nei wahi kaikamahine.  Ea, e Beretarana, e hoomanao oe, ina e laulaha aku keia hana lapuwale a nei wahi kaikamahine, e ili ana ka hilahila maluna ou, a o kou hanohano ame ka maikai ame ka maemae o kou inoa ua lilo i mea hoowahawaha loa ia.  Ua lilo loa oe i mea lapuwale imua o ka poe maikai apau.  He keu nohoi ka mea manaonao i ka hoomanao ana ae na keia wahi kaikamahine haahaa loa o kona kulana e imi i mea e haule ai ka hano hano ka hoi o ka makou keiki.  He heu nohoi ka mahaoi ame ka wini ame ka piikoi nui wale o na manao haakei o nei wahi kaikamahine."

            I ka lohe ana ae o naomi i keia mau huaolelo a ke Duke-waahine i pane mai ai iaia, ua kiki iho la kona mau waimaka, a hala nae kekahi mau sekona, @a wa i puai mai ai ke kuoo apau maluna o kona mau ano apau, alaila, huli mai la ia me kona mau onohi maka we wehiwehi mau ia ana no e ke aloha, a nana mai la ia Sana Alabana.  A ma ia wa hoi pane mai la no ke Duke-wahine:

            "Ua ike no anei oe, e  Naomi Winta i ka'u mea i  noonoo ai nou?"

            Ia wa i uili ae ai  na lima o ua wahine opio nei me ka huli pono ana ae o kona alo imua o ka haku opio, a kiei hou mai la kela uhane o ka aloha ma na onohi maka o ua wahine opio nei, a me he mea la no e hea mai ana i ua haku opio nei, E Kuu Aloha, Pehea Au?" A ma ia wa poha mai la ka leo o ua wahine opio nei imua o Sana Alabana:

            "E kuu haku, eia au i kuu ehaeha hope loa, a o kuu hilahila hope loa no hoi, nolaila, i nonoi aku au ia oe, Pehea au?"

            Me he mea la ua poai ae la na pohina waimaka ma na maka o ua haku opio nei, a ia wa i pane aku ai oia imua o kona luaui makkuaahine me na hiohiona ku i ke kaumaha:

            "E Mama, ua ikaika ino loa kau mau olelo i pane mai nei."

            Aka, pane mai la kona makuahine:

            "Mai kamailio mai oe no keia mea.  Aole o'u makemake ia oe e kamailio mai.  Ua oki.  He oiaio, ua oolea io paha ka'u mau olelo i hoopuka aku nei, aka, e hoomanao oe, e Beretarana, he  mau olelo ia i piha me ka oiaio, aole o'u hoihoi i na hana hooipoipo a kekahi kaikamahine hupo elike me keia.  He keu no paha oe, e kuu keiki, o keia wahi kaikamahine inoa ole, a he piha nae hoi i ka mahaoi, oia ka kau wahi kaikamahine e kuko ai, a lilo i hoapanai nou.  Hilahila ole nohoi oe.  Ina o keia iho la ke ano oia nei i keia wa he wahi kaikamahine wale no, alaila, heaha ko ia nei ano ma ko ia nei wa e kanakamakua ae ai a lilo i wahine maoli?"

            Alaila, pane hou aku la no nae kana keiki iaia, ma ka olelo ana aku i ka maikai ole o kana mau olelo i hoopuka mai ai iaia ame Miss Winta, a ua hooi hou i aku la ka inaina o ua Duke-wahine nei:

            "Aole loa au i ike, pehea la o Miss Graham i hoouna mai ai i kekahi kaikamahine elike me keia ke ano i o'u nei.  Aka, ee kakau aku ana no nae au iaia, a e hoike aku hoi iaia i na mea apau."

            Aka, aia no na maka i pohina i ka waimaka ke nana mai la no maluna o ka haku opio, e puili ana no na lima ma kona alo, a e haalulu ana hoi.  O kela mau onohi maka e nana mai ana me ka walohia iaia, he olelo ka ia mau onohi maka e nonoi mai ana iaia (Sana Alabana) oia io kai ike i ke anooia mau olelo e pono ai iaia ke hoike ae i maha ai na ehaeha o ka houpo nona na onohi maka aloha e hea mai ana iaia aka, elike me kekahi uwepa pipili loa i kapiliia iho ma kona mau lehelehe, pela iho la i paa loa iho ai kona mau lehelehe, a hiki ole iaia ke kamailio ae.

            Ia wa i pane mai ai ke Duke-wahine: 

            "E haalele mai oe i kuu hale nei i keia la--aole i keia hora no, e Miss Winta, a e hana aku oe elike me ka mea au i mamao ai he pono.  Mai manao hoi oe e loaa aku ana mai a'u aku kekahi olelo hoomaikai no kou ano, aole.  Ma kou wa e hana ai pela, alaila, e hoike aku ana au me ka huna ole i ka mea nana au i ninau mai he kaikamahine mahaoi oe a he hilahila ole nohoi me ka piha hoowalewale.  E hoike aku ana au i kou ano i kela ame keia makuahine mea keikikane elike me a'u nei, he mea pona loa ia lakou ke makaala loa nou i ole ai lakou i poino, elike me ka'u e ike nei no'u iho.  E hoike aku ana au i na mea apau ia Miss Graham, ka mea nana oe i hoouna mai i o'u nei."

            Alaila, huli aku la ka nana ana  a ua wahine opio nei a kau aku la maluna o ke Duke-wahine, a pane aku la ia:

            "Ina paha owau ka lua ole o na wahine ino o ka ao nei, manao anei oe, e kuu haku, he hana aloha, a i ole, he hana ku anei i ke ano Karistiano ma hou aoao ke kipaku ana mai ia'u mai kou hale mai, a lawe aku hoi i kahi hana hookahi e loaa ai ka'u wahi ai ame ka pono o ko'u noho ana, a kuewa malihini aku au maluna o ka ili o ka honua me ka hoaloha ole hoi ame ka makamaka ole?  Hokahi wale no mea e hiki ai ia'u ke hana, oia ko'u hele ana aku me ka loaa ana ia'u he wahi inoa maikai a hiki hoi ke hilinaiia mai, aka, e lawe aku ana nae oe i keia mea mai   a'u  aku.  E oluolu oe, e haawi mai ia mea ia'u oia hoi, e haawi mai oe ia'u i wahi palapala hoomaikai no'u nei, alaila, haalele iho au i ko hale?"

            "Ke hoole aku nei au imua oe,"  wahi a ke Duke-wahine i pane mai ai me ka hoomau ana mai i ka olelo ana,  "aole oe he kaikamahine inoa maikai.  Ua maopopo no ia oe ka'u mea e hai aku nei ia oe.  Mahope iho o kou loaa pono ana aku i kuu wahine lawelawe iloko o ka rumi o Beretarana meo, ame kou hooia ana mai nei nohoi ia mea ia'u, aole o'u manao he wahi kuleana iki kekahi ou i koe maluna oia mea he inoa maikia ame ka maemae.  He kaikamahine inoa maikai ole oe."

            O ka welenia o kekahi pahi i o ia mai iloko o kona puuwai, aole i oi aku lpma eha i k keia mau huaolelo i pana ia mai ai e ua Duke-wahine nei. 

            "E hoolohe hou mai oe, mahope iho o kou hana maoli ana i ka hana i hilahila ole ai hoi oe e hoike mai imua o'u kaili aku ia ia mea mai a oe aku i kou inoa maikai, a o kou olelo ana mai na'u i lawe mai ia mea mai a oe mai, he mea loa ia na'u e pahaohao nei.  Na kau hana ponoi no i lawe aku ia mea mai a oe aku, aole na'u."

            Me ka uwe walohia ana huli ae la o Naomi a nana ae ia i la haku opio, a pane ae la oia iaia:  "I nonoi aku au ia oe, e kuu haku, e aloha ana anei oe ia'u?  E kuu haku e, pehea au?" 

(Aole i pau.)

 

-----------------------

 

E OLA ANA KEKAHI POE E AE I

 KA LAAU HOOLA EHA A KAMALENA,

NOKEAHA HOI LOU MEA E OLA OLE AI?

 

-------------------

 

            Ua hamo ihho nei kuu wahine i ka Laau Hoola Eha a Kamalena, me ka ikeia o na hopena maikai ma o kekahi eha 'la i loaa iaia ma ka kipoohiwi, a i hoehaeha mau hoi iaia no eiwa makahiki.  Ua hoaoia e maua na ano laau lapaau apau o na ano apau, a pela no hoi me na kauka he leuhlehu, aole nae loaa mai ha wahi oluolu.  I kekahi la, ike iho la maua ke olelo hoolaha no keia laau, a manao iho la maua e hoao, a ua hoao io iho la hoi maua me ka holo lea loa.  Hookahi wale no ana omole o ka hamo ana a ua aneane loa kona kipphiwi e ole.---ADOLPH L. MILLET,  Manchester, N. H.  E kuaiia ana e na poe kuai laau lapaau apau.  O BENSON SMITH & CO,  Kaupalinaia. an Agena no ko Hawaii Pae Aina.

--------------------------

 

            Ua  hala aku nei o Keoni Emeluka no na kaiaulu o Amerika Huipuia, no kekahi hana pili i kana oihana e lawelawe nei me ka holomua ma Hawaii nei.