Ka Nupepa Kuokoa, Volume XXXVIII, Number 45, 10 November 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA.

 

Ke Kilohana Pookela no ka Lahui Hawaii.

 

XXXVIII.—HELU 45.       HONOLULU, POALIMA, NOVEMABA 10, 1899.      NA HELU APAU 2780.

 

Ke Aloha o kuu Makuahine

 

HE ALOHA O KA’U MEA I ALOHA AI.

 

Ka Mana o ke Aloha.

 

He Moolelo Walohia

 

MOKUNA XXVII.

 

@ahi la ae, ua hai aku la o Alice @ mau makua e hele ana oia i ke@ wahi no ka hooponopono ana i @ mau hana ana i makemake ai @ i ka hanaia mamua o kona hooponopono loa ana iho me laua, a ua @@ la nohoi kona mau i ka@.

          Nolaila, o kana hana mua i hana ai, kona hele ana i kekahi pa Virigine o ke Aloha, a mahope iho o kona hoa@ pono ana i kona makemake imua @@poo oia hale, ua haawiia mai la he aahu Virigine o ke Aloha.  Me @ aahu ana i komo iho ai, ua hele hoi aku la ia i ka hale o Loio Durana.  I kona hoea ana aku ilaila, ua @@wai aku la ia me ua Loio la, a no@ aku la ia i kona oluolu e ae ia mai e ike ia George Lamabereta.  Ua @@ mai la nohoi o Durana i keia noi, a ua manaoio loa mai la no ia he Virigine io no keia no ke Aloha.

          Ua laweia aku la keia e ua Loio Durana nei a hoea ma ka rumi i malamaia @@ o George.  Ike aku ia keia iaia e @iho mai ana maluna o ka moe, a ia @@ i hu mai ai kona aloha nona, eia @@ua uumi iho la keia i kona aloha @@o iho ona.  Hele aku la keia me ka @@e loa, a kukuli iho la ma ka aoao ka moe a George e moe ana, ia wa @he ae la ia i ka uhi maka e palulu @a i kona mau maka, a nana aku la ia George me na waimaka e hiolo ana i kona mau papalina.  Aole hoi i ka@ mai ka puiwa o George i kona ike @ mai i kana mea i aloha ai.  I kela @@ia i lalau mai ai ia Alice a paa mai me na lima e hooniia ana e ka haa@@, oiai na hele mai la o loko ona, a @i i ka hana a ke aloha.  Ua puili @ ko laua mau lima, a hoohanini li@@ la nohoi laua i na waimaka o ke @@.

          “Mice, pehea o’?” wahi a George i @@ mai ai ia Alice.

          George, no’u ino, aole o’u pilikia, @nou, ua pilikia oe no’u nei.  Ua @@ ia oe i kou ola no’u nei.  Aole a’u @ nui i hana aku ai nou i kuleana nohoi oe, e manna i kou kino no’u @@.  Owau, ae, owau nei kai aie ia oe.  @@@ aku au ia oe, aohe a’u wa hou @ e kali ai nou ame a’u.  I hele mai ai e ike ia oe, a e hai aku hoi ia oe, @ookuu mai oe ia’u, e hana wahine @@ i mea nou ame a’u e pono ai.  No@@, oiai oe e hoomanawanui ana i ke@ehaeha ia oe, e hoomanao iho oe, aia @ o kau Alice nei, ma ke alahele no @ imi ana i mea e hoopauia ai ko kaua @au pilikia.  Ua ike no oe, e kuu aloha, he elua o’u mau pilikia nui loa e hiki @ ai ia’u ke kali hou aku i manawa e @@ ana ai.  O kuu keiki makua ole, a o @@ nohoi, e kuu aloha.  E pule oe no’u @@ George, a ke ole au e kuhihewa, aole @apoo ka la o keia la a hoi mai au @nei me ka @ono hauoli nou ame [sentence unreadable] @ keia wa i ku ae ai o Alice iluna, a @ aku la ia George, alaila, huli ae la @@ hemo mai la mailoko mai o ka @i.  Halawai mai la ia me Loio Durana, a hele loa mai la ia a puka i ke @@@i.  A hele aku la ia ma ke Alanui Richard.

          @ kuu makamaka heluhelu, maanei @@alele kaua i ka nana ana ia Alice @@le nei me ka aahu Virigine o ke Aloha, a e huli ae kaua a nana ae ma@@o ka rumi hookipa o loko o ka @@ o Kauna de Berene.

          @@ hookahi paha hora mahope iho e haalele ana aku o Alice i ka hale @@@o Durana, kahi hoi e waiho ana @ mea i aloha ai maluna o kahi moe @ poino, aia hoi e noho ana maloko @@@ o Kauna de Berene he wahine @@@@a me kekahi kapa nani loa, o ke @@a hanohano loa.  E noho mai ana ma kekahi aoao mai o ke pakaukau ua wahine nei e noho ana, o Kauna de Berene me na helehelena @@maha.  He uhi maka ko keia wahine e luhe iho ana mamua pono o kona mau maka, a e hoike ana hoi kona mau ano apau he wahine ia no kekahi oihana ano nui loa o loko o ka aina.

          I ka hoea ana aku o keia wahine imua o ua Kauna nei, ua hoike koke aku la no ia i ke kumu o kona hiki ana aku ilaila.  Ua hoike aku la ua wahine la imua o ke Kauna, ua hoea aku oia ilaila mamuli o ke kauoha a Mademoasela Clara no ka mea e pili ana i ka hoomaopopo ana i kona aie, a pela pu hoi me ke kudalaia ana o na waiwai apau i mea e hookaaia ai kela aie.  I ka lohe ana o ua Kauna nei i keia mau olelo mai keia wahine malihini aku, aole i kana mai ka nui o kona kaumaha.  Ua nana mai la ia me na maka i piha i ke kaumaha ame ka luuluu.  O kana wahi mea o ka pane ana mai, oia keia:

          “Aohe a’u mea hiki ke hana i keia wa ano.  Ua maopopo nae ia’u ua ae mai no o Mademoasela Clara, elua ona la e kali ai ia’u no ko’u hookaa aku i ko’u aie.  Aole nae au i ike i kahi e loaa ai ia’u keia mau dala.

          “Aole anei ou manao,” wahi a ua wahine malihini nei i kamailio aku ai i ua Kauna nei, me ka hoomau ana aku hoi i kana olelo ana.  “he mea nou e hauoli ai ke loaa ia oe keia huina dala apau, a hiki hoi ia oe ke hookaa aku i kou mau aie apau, a hoopauia hoi kou mau pilikia apau ma e loaa ana kekahi mea nana e kokua mai ia oe?”

          “Owai la ka mea nana au e kokua mai i keia wa o ko u pilikia?  Ua hoao iho nei au ma na ano apau e loaa ona mea nana au e kokua mai, aole nae he loaa.  I keia wa o kuu pilikia ua kaawale aku la ka poe a’u i manao ai he poe hoaloha oiaio lakou no’u.  Eia ka, o keia poe apau i olelo ia lakou iho he poe hoaloha lakou no’u, he poe hoaloha lakou no kuu la waiwai, a i ka la o kuu nele ame kuu pilikia, aole lakou me a’u.  A no ia mea, aole au i ike i kahi e loaa mai ai ia u ke dala e pau ai ko’u pilikia.

          “Aole anei au mea hookah i ike i keia wa, oia ka mea e loaa mai ai na kokua ana ia oe ina oia e ae ana e haawi mai i na kokua ana ia oe?”

          “Hookahi wale no mea a’u e manao nei, oia wale no ka mea kupono a’u e hoao aku ai i ke noi ana i kona lokomaikai, a ma ia wa hookah nohoi e haawi aku iaia i kuu mihi ana no ka’u mau hana hewa apau i hana aku ai imua ona?”

          “Owai la ia mea au i olelo mai la?”

          “O Alice no, kuu wahine.  Oia hookahi ka mea a’u e manao nei e hele aku imua ona, a ma ko’u mau kuli e nonoi aku no au i kana mau kokua ana mai ia’u.”

          “Ae. Ua laulaha loe ae nei i keia wa maloko nei o Parisa ke ola hou ana mai o keia wahine mailoko mai o ka luakupapau.  Aole ka oia me oe e noho pu nei?”

          “Aole.  Aole oia ae e hoi mai me a’u.”

          “Heaha la kau hana i manao ai oe e hoike aku imua ona i mea nona e ae mai ai i kau mea e noi aku i dala e pau ai kou pilikia?”

          “Ua maopopo loa ia’u, he mea makehewa ia’u ka olelo ana aku iaia e hoi hou mai oia me a’u i mea e hiki ai au ke noho mana hou aku maluna o kona waiwai elike me ke kanawai o ka aina nei.  O ka’u i manao ai e hana oia i ko’u hai ana aku iaia, ina oia e kokua mai ana ia’u, alaila, e hoihoi aku no au iaia i kana keiki, a ina oia e makemake e okiia ko maua mare, e ae aku no au.”

          “Ua pono.  Ina o kou manaoio keia, alaila, aohe wa pono e ae au e hana ai, aka, o keia wa wale no.  Ina oe e kuhikuhi mai i kahi e noho nei ua wahine nei au, alaila, na’u ponoi iho no e hele aku imua ona, a hoike aku imua ona i keia mau mea apau au i hoike mai nei imua o’u.  Manao au aole ia e hoole mai ana i ke kokua ana ia oe.  Aka, mamua nae o ko’u hele ana aku i ona la, manao au he mea maikai nou ka haawi ana mai i kekahi palapala e hoomana mai ana ia’u, ma ke ano he kuleana ko’u e kamailio mai me ia ma kou aoao no keia mau mea a kaua i kamailio iho la.  E hai aku nohoi au ia oe, o ke kumu nui o ko’u hana ana i keia hana i mea no ia e hoopakeleia ai kau keiki mai ka hilahila e kau aku ana maluna ona, mamuli o ke kudalaia ana o kou mau waiwai apau, a i hoopakeleia ai nohoi kou inoa hanohana.”

          Me na helehelena maikai ku ae la ua Kauna de Berene nei a hele aku la i kona pakaukau palapala, a kakau iho la i kekahi palapala elike me ka makemake o ka wahine malihini naau aloha i hoea aku imua ona.  I ka paa ana o ua palapala la, ua hoi mai la ia a haawi mai la i ua wahine nei, me ka olelo ana mai hoi:

          “Ke haawi aku nei au ia oe i keia palapala me ka manaolana ana e loaa ana no kau hooikaika malihini ana he mea no’u e pono ai.”

          Ua nana iho la ka wahine malihini i ka palapala a ua Kauna nei i haawi mai ai iaia, ike iho la ia i na olelo mai ka mua a ka hope.  A ia wa huli aku la ua wahine nei a kamailio aku la i ke Kauna:

          “Ua maikai no keia palapala, aka, hookahi nae mea nui a’u e manao nei oia kahi mea waiwai a kupono nohoi e komo ai iloko nei, oia ka mea e pili ana i kona manao ana e hookaawaleia ko olua berita mare.  Ina paha kela e olelo mai ana ia’u, aole oia e ae e haawi mai i ke dala no ke kokua ana ia oe, aia wale no oe a ae e okiia ko olua berita mare, pehea iho la au e hana aku ai oiai aole oe i haawi mai i ke kuleana e hiki ai ia’u ke kamailio pu me ia ma ia mea, alaila, e hoi hou mai ana paha au ia nei e ninau ai ia oe?  Ua maikai no nae kou hoike ana iho nei maloko nei, e hoihoi aku ana oe iaia i kana keiki, a e ae nohoi oe iaia e noho kaawale oia mai ia oe aku, me kou hoao hou ole ana e hoopilikia aku iaia, aka, malia aole ia o kona makemake.  O kona kaawale loa mai a oe aku, oia paha kana mea i makemake ai, oiai ua ike no oe, he mea hoomanaonao wale no paha no ka noonoo o kekahi wahine elike me ko Alice ke ano e hoi hou mai oia a pili pu me ke kino o ke kane i hookaawaleia aku ai oia iloko o ka luakupapau a hemo hou ai hoi oia mailoko mai oia wahi mamuli o ke kokua ana a kekahi mea okoa ae?”

          Ia wa i lalau hou mai ai ua Kauna la i ka palapala a kakau iho la i mau lalani huaolelo hou, e hoike ana i kona ae ana e oki a e hookaawaleia ka berita mare mawaena ona ke Kauna de Berene a me Kauna-wahine de Berene, oia nohoi o Alice.  I ka loaa ana mai o keia palapala i hooponopono hou ia, ua ku ae la ua wahine nei iluna, a ia wa oia i pane aku ai imua o ua Kauna de Berene nei:

          “Eia au ke hele nei, a ke manaolana loa nei au e hookoia ana kou makemake, a e pau ana hoi kou pilikia ma keia la no.”

          “Na ke Akua e hoopomaikai mai i kau huakai,” wahi a Kauna de Berene nei i kamailio mai ai.

          He hapalua hora paha mahope iho e noho ana kekahi wahine maloko o ka rumi o Loio Durana, a e kali ana hoi o ka hoi mai o na Loio la mai kana huakai i hele aku ai aneane he hapalua hora mamua aku o kona hoea ana aku ilaila.

          I ka hoi ana mai o ua Loio nei, ia wa i hui iho ai ia me ka wahine e kali ana iaia.  Ua hoike aku la ua wahine nei i na mea apau ana i makemake ai e loaa mai na ano ame na alakai ana a Loio Durana.  Ia wa i nana mai ai ua Loio la me na onohi maka hoohuoi, a olelo mai la oia imua o ua wahine nei:

          “E ka lede maikai, mamua o ko’u hoike ana aku i ko’u manao no kau mea i hoike mai nei imua o’u, makemake au e hai mai oe ia’u, heaha la kou pili, a i ole ia, heaha la kou kuleana ma keia ninau i pili i ke Kauna wahine de Berene ame kana kane; a pela pu nohoi me George?”

          “Ae,” wahi a ka wahine i pane aku ai imua o ua loio nei, me ka hoomau ana aku nohoi i ke kamailio ana imua ona, “i mea e maopopo ai ia oe ko’u ano ame kahi hoi i pili ai au i keia ninau, e oluolu oe ame a’u e komo aku kaua iloko o ke keena o kekahi kanaka a‘u i ike ai i kona inoa o George Lamabereta, a e noho nei hoi maloko nei o kou hale.  Ua kamaaina loa au iaia, a oia auanei ka mea nana e hoike mai no’u.”

          Me ka piha pahaohao loa o ka noonoo o Durana, ua ku ae la ia iluna a alakai aku la i ka wahine malihini no loko o ka rumi a George e hiamoe ana.  I ko laua nei komo ana aku, ua huli mai la o George a nana mai la ia a ike mai la i ka loio ame kekahi wahine e ku pu aku ana me ia.  Ia wa i lele ae ai ka hauli iloko o George a puana wale ae la no ia i ka inoa makamae loa iaia:

          “Alice!”

          “Ae,” wahi a Alice i pane aku ai, “Owau no keia o Alice.  Ua kuhi au e hoohewahewa ana oe ia’u, oiai he aahu okoa keia o’u i hele mai la ia i keia wa.  Aka, i hoea hou mai la au ia nei e hui hou ai me oe ame ka huipu ana hoi me ka hoaloha o kaua nei, a e kamailio pu hoi kakou ma kekahi mea ano nui a’u i makemake loa ai e ike i kona mau ano apau, a he mea hoi ia i pili ia oe ame a’u nei.  Nolaila, e ae mai oe ia’u e Monasiu Durana,” wahi a Alice i huli ae ai a kamailio aku la ia Durana:  “e hoolauna aku au ia’u iho imua ou, me ke kali ole ana a na George au e hoolauna aku ia’u ia oe.”

          I keia wa i pane mai ai o Durana me ka piha pahaohao loa o kona noonoo i ka ike ana mai i ke Kauna-wahine de Berene:

          “Pehea la, he mea oiaio anei ka’u e ike nei i keia wa, o Kauna-wahine de Berene io no keia e ku mai nei imua o’u?’

          Ua ae aku la hoi o Alice imua o ua loio nei me ka olelo ana aku nona kana huakai o ka hoea ana aku ilaila, ia hoi ua makemake loa oia e loaa mai ona olelo ao e pono ai kekahi hana ano nui loa ana i makemake ai e hana aku, aka, aole nae ona makemake e hana aku i ua hana la ke ole e maopopo mua iaia kona holo pono ana.

          “Aole paha wahi kupono e ae e kamailio ai kaua no keia hana,” wahi a Alice i pane aku ai imua o ka loio elike la me keia wahi, i kamailio ai kaua me ka hoolohe ana mai hoi o George nei i ka kaua mea e kamailio ai, a malia hoi he manao kona, alaila ua hiki no iaia ke kamailio mai a hoike mai hoi i kona manao ma kekahi mea i like ole ai kona noonoo me ko kaua.”

          I keia wa i noho iho ai ka Loio Durana a pela nohoi o Alice ma kahi kokoke i ka moe o George e moe ana.  Ua unuhi ae la o Alice mai kona poli ae i kekahi palapala a haawi aku la ia Durana, me kona olelo pu ana aku hoi.

          “E ike iho ana oe maloko o kena palapala i kekahi mau mea ano nui loa e pili ana ia’u ame kou hoaloha nei.”

          Mahope iho o ka Durana heluhelu ana i na olelo apau o loko o ua palapala la, ia wa oia i huli ae ai a kamailio aku la ia George i ka olelo ana aku:

          “Eia ma keia palapala ka olelo hooia a ke Kauna de Berene no ka mea e pili ana nona am eke Kaunawahine nei.  Ua maopopo loa ia’u ua ae ke Kauna e okiia oia me kana wahine nei a e hoihoi mai hoi ia i ke keiki a ke Kaunawahine nei, ina nae e loaa aku ana iaia kekahi puu dala e hoopau ia ai kona pilikia.  Ma ko’u manao, aohe a kakou hana i koe e hana aku ai, aka, o ka haawi wale aku no iaia i kana mea i makemake ai.  O kekahi mea ano nui loa ka hoi ana i hoike mai nei maloko o keia palapala oia kona ae ana e haawi i keia mau waiwai apau i ke keiki a olua.  He hana maikai loa keia a ke Kauna i hana ai.  Mamuli hoi o ka loaa ana aku iaia o ke dala e hoopauia ai kona pilikia, ua holoiia ka inoa maikai ole e kau mai ana maluna o kana keiki, a pela pu hoi me ke Kauna-wahine nei, a ua maemae loa laua a i elua.  Nolaila, o ko’u manao maoli i keia wa, oia keia, owau maoli no ke hele aku ana e ike a e huipu me ke Kauna, a e kamailio pu hoi maua no ke ano e hooponoponoia ai ke oki.”

          No keia manao a ka loio Durana i hoike mai ai imua o Alice ame George ua ae like hoi la lakou apau he mea pono io loa iaia ke hele aku e ike a e hui me ua Kauna de Berene la.  I ka holo ana o keia manao ia lakou apau, ia wa i hoomakaukau iho ai ua loio nei e hele, aka, mamua nae o kona hele ana aku, ua kamailio aku la o Alice iaia i ka i ana aku:

          “Mamua o kou haalele ana mai ia maua, he mea pono ia’u ke haawi aku ma kou lima i kekahi kikoo dala Banako no ka huina o elua miliona hapaha Farani, a e olelo pu aku hoi oe iaia ina aole i lawa kona mau makemake apau, alaila e hoike mai oia ia oe i ka nui o na mea ana i makemake ai a manao no au e hiki ana ia’u ke hoolawa aku ia huina dala ana i makemake ai.  E oluolu nohoi e Monesiu Durana e haawi hou mai oia i palapala ae like ma kona aoao, e ae ana oia e haalele iho ia Farani nei a holo aku oia i kekahi wahi o ke ao nei; aia nohoi i kana wahine e makemake ai e hele aku; i Kina paha a i Amerika paha.  Ma ka la ana e haalele iho ai ia Farani nei a kau aku oia iluna o ka moku, oia no ka la e loaa aku ai iaia ka huina dala ana i makemake ai.  Ua manao au e loaa aku ana no iaia e huina dala mahuahua e lawa ai kona ola ana ma ka aina_mlihini [malihini] ana e hele aku ai.”     

          Ma keia mau olelo hope a Alice i pane aku ai imua o ka Loio Durana, haalele iho la ua loio nei i ka hale a hele pololei aku la ia no ka hale o ke Duke Berene.  Aka, mamua nae o ka haalele ana iho o ua Loio Durana nei i ka hale, ua kii mua aku la ia i kana wahine ame ka laua kaikamahine a hoolauna mai la ia laua me Alice.  He mea oiaio ua hauoli loa o Alice i kona halawai pu ana me ka ohana oluolu a maikai hoi o ka loio.  Nolaila, ua noho iho la o Alice me ka wahine ame ke kaikamahine a ua loio nei, a hoohala iho la lakou i kekahi manawa okoa ma ke kamailio ana iloko o ka rumi hookipa.

          Maanei, e kuu makamaka heluhelu e hai aku ana au ia oe, aohe kela he wahine e ae au ame a’u i ike ai e noho ana ma ka hale o ke Kauna de Berene, aka, o Alice hoomanawanui no ia.  Ma keia hana ana i hana ai ua hoike mai la oia i kona manao nui loa e hana i na mea apau e hookoia ai kona makemake, oia hoi kona kaawale mai ke Kauna de Berene mai, a pela pu hoi me ka hoihoiia ana mai o ka hua o kona puhaka iaia.

          Ano e huli ae kaua a nana aku ia Durana ma kona wa i huipu ai me ke Kauna de Berene.  Ma ka wa i hoea aku ai ua loio Durana nei ma ka hale o ke Kauna, ua hoike mai la ua Kauna nei i kona hauoli i ka halawai ana me kona loio, oiai e noonoo ana nohoi ia me ke pihoihoi nui o kona noonoo no ka mea e pili ana i ka palapala ana i kakau ai, a ua puka ae hoi ka manao iloko ona i ka nui o kona hupo i kona ae wale ana e kakau i ua palapala la me kekahi hooia kupono ole i loaa mai iaia mai ka wahine i hele mai ai e halawai pu me ia, a nolaila ua mihi nui kona noonoo no keia hupo nui i hanaia e ia.  Aka, i kona lohe ana nae i na mea apau mai a Durana aku, akahi no a hoopauia kona kanalua, a olino mai la hoi na helehelena hauoli maluna ona.  Mahope iho o ka Durana hoakaka ana i na mea apau imua o ua Kauna de Berene nei, ua ae mai la ia e kakau i kekahi palapala hooia elike me ka Durana i hoike aku ai imua ona.  Ua kakau ia iho la keia palapapa a paa, a hooiaioia iho la nohoi e Durana i ka bila kikoo banako no elua miliona hapaha Farani.  I kekahi la ae, ua laulaha loa ae la maloko o ke kulanakauhale o Parisa ke kaa ana o ka aie o ua Kauna nei, a ua nui ka hauoli o ka poe i olelo he poe hoaloha lakou nona.

          He mea oiaio hoi, ma ka wa i kamailio pu ai o Durana me ua Kauna nei no ka mea e pili ana i ka hana ana i hoea aku ai imua o ua Kauna la, ua hoike aku no oia imua ona, aohe mea e ae nana e kokua ana iaia, aka, o kana wahine no ia o Alice.  Ua hoike aku la nohoi ia imua ona, o ua wahine la no ia ana i ike ai oia ma ke kakahiaka o ia la.  I ka lohe ana o ua Kauna nei i keia mea ua kahe mai la kona mau waimaka ma kona mau papalina, a olelo ae la ia me ka walohia:

          “He mea oiaio, aohe hoaloha e ae o ke kane i ka la o kona popilikia, aka, o kana wahine wale no.  O na poe e ae apau i hoolilo ia lakou i poe hoaloha nona i na wa o kona popilikia ole ana, he poe hoaloha lakou na ka ai ame ka ia, ame ka hanohano.”

          I ka hoea ana mai o ka la e kau ai ke Kauna de Berene no ka holo aku i ka aina e, ua loaa aku la iaia ma ia la he 500,00 hapaha Farani.  A ua au aku la oia i ka aina o Amerika, a ma laila ua komo oia i ka oihana kahunapule Katolika Roma, a ua noho oia ma ia oihana a hili i ka hooluolu o kona kino ikoko o ka @pu o ka honua.

          Mahope koke iho no o ka hala ana o ke Kauna, ua waiho koke aku la o Loio Durana i ka palapala hoopii oki mare a ke Kauna-wahine de Berene.  Mahope iho o ka hooloheia ana o ka hooki no kekahi wa pokole loa, ua aeia ke oki mare, a ua kaawale ua Kauna-wahine de Berene nei mai ka berita mare mai kana kane mai.

          He mau la mahope mai ua mareia ae la o George me kana aloha, a o Robata hoi me kana ipo.

          Ua noho pu nohoi o Rikeke hoopono me laua a hiki i ka hooluolu ana o kona kino.

          E kuu makamaka heluhelu, ua hoea mai la kaua i ka hopena o ka kaua moolelo, a me ko’u hookaumaha hou ole ana aku ia oe ma na olelo he nui, ke haawi aku nei au i ko’u aloha ia oe, me na manaolana ana, e aloha oe i kau kane me kou naau apau, ina he wahine oe; a ina hoi oe he kane, mai noho oe a hana elike me kela Kauna de Berene i ke aloha ole i kana wahine.  A ina hoi oe he mea i mare ole ia, alaila, e malama i ka maemae apau o kou kino, elime ke George.

Pau ae la keia.

HOOLALEAKAUAKUKALAHALE.

 

Na Hua’e a Doan no ke kikala Haneenee me Puupaa.

 

O keaha la ka oi aku.  O ka hoao paha i ka mea maopopo ole, a i ole, o ka ohi ana i ka pomaikai o ka mea i ike maka ia e kekahi kamaaina o Honolulu?

 

O kekahi mea hou, he mea no ia akahi a hoea mai.

E pono e hooiaioia kona oiaio ana.

E pono e ikeia kona oiaio i ke alo ponoi iho, a i ole, e mau ana no kou kanalua no ia mea.

O ka olelo hooia a ka mea nana i hana, aole ia he mea hoike no kona oiaio.

Aka, o ka olelo hooia a na hoaloha, o na mea oiaio ia.

Ano, ina paha no kikala hanenee kou, a i ole, he kua eha.

E noke ana anei oe i ka hoopau manawa ma ka hoao ana i kela ame keia ano laau?

E heluhelu ana oe i na olelo hoolaha he nui no na laau ola.

Aka, he mau olelo hooia kela mai kahi e mai.

Aole ia i like me ka laau i hooiaia e ka poe i ke alo ponoi iho.

E hoomanao mau i keia.

O na hooia o loko ponoi iho nei o ka aina, oia na hooia e kakoo nei i kela ame keia Poho Huaale a Doan no ke Kikala Hanenee ame na Puupaa.

Penei na olelo a Mr. H. S. Swinton (Hale Pinao):  “He eha kahiko loa ko’u ma ke kua, he 12 o’u mau makahiki i loaa ai i keia ma’i maloko nei o keia kulanakauhale.  Manao au he ouli no keia no ka ma’i ma na puupaa, a i ko’u ike ana i ka hoolahaia ana o na Huaale a Doan no ke Kikala Hanenee ame na Puupaa ma ke ano he laau ola ia no ia ano ma’i, ua kuai aku la au i kekahi oia mau laau ma ka Halekuai Laau o Hollister Drug Co.  Ike iho la au, ma ko’u wa i ai ai @a mau huaale, ua loaa ia’u ka pono, a nolaila, ua hoomau aku la au i ka ai ana i ua mau huaale la a hiki i ke ola loa ana o ko’u Kikala Hanenee.  Ua ikea maopopo maoli ia ka waiwai nui o keia mau Huaale ma ka mea e pili ana i ko’u ma’i, a ke hooiaio aku nei au i keia mau huaale no ka pono ame ka pomaikai o na poe pilikia e ae.”

Ma ka wa-hi o ke poho o na Huaale a Doan no ke Kikala Hanenee ame na Puupaa e ikeia ana he kii lau laau.  I ka ninau ana no na Huaale a Doan no ke Kikala Hanenee ame na Puupaa e pono e ninau no na Huaale i ola ai o Mr. Swinton (Hale Pinao) a e nana hoi i ka lau laau ma ka wa-hi ae o waho.

E kuaiia ana na Huaale a Doan no ke Kikala Hanenee ame na Puupaa e na poe kawili laau apau, ame na poe malama halekuai apau, no 50 keneta no ke poho, a he 6 poho no $2.50, a e hoounaia aku no ma ka Eke Leta, ina e loaa mai ke kumukuai ia HOLLISTER DRUG CO., ma Honolulu, na Agena kuai nui ma ko Hawaii Pae Aina.

 

LUNAHOOPONOPONO HOU.

 

          Ua hoea mai nei ma ka Poalua nei o Walter G. Smith o Kapalakiko, Kaleponi, no ka hoopiha ana i ka noho lunahooponopono o ka nupepa P. C. Advertiser.  He kanaka no keia i kamaaina mua ia Honolulu nei ma ia oihana.  Ua noho mua no oia ma nei hana ma Honolulu, ma ka nupepa Star ma na la mua o ke ku ana o ke Aupuni Repubalika o Hawaii nei.

          Ma ka wa i hooukaia ai ke kaua ma waena o Iapana ame Kina, ua holo ae oia mai Kpalakiko [Kapalakiko] ae, i mea kakau no ka nupepa Chronicle o Kapalakiko no na mea e pili ana i ke kaua.

          Ua oleloia, oia nei ka lunahooponopono nui o ka nupepa Chronicle, ma na mea pili manao pepa.

 

WAIHO MAI O SAM DAMON I KONA KULANA KUHINA WAIWAI.

 

          Ua loaa mai nei na lono ia nei mai na kaiaulu mai o na Aina Mamao, ua waiho mai la o Hon. Sam Damon i ke kulana Kuhina Waiwai, a nolaila, ua hakahaka ia oihana i keia wa.

          O ka lono nae i loaa mai, ua hoouna mai la oia i kona halele oihana ana i na Luna Aupuni ma Wasinetona a i na Luna Aupuni nohoi o Hawaii nei.

          Aole nae hiki ke hoike maopopo loa aku i keia wa, maiia he waiho oihana wale no paha keia no ka manawa, oiai kona wa e lawelawe ana i na hana o ka misiona ana i hala aku la no Europa, a ina paha e huli hoi mai ana ia no Hawaii nei, e kono hou ia aku ana oia e kona mau hoaloha lehulehu e lawelawe hou i ka oihana ana i hookele ai me ka holomua ame ka holopono loa.