Ka Nupepa Kuokoa, Volume XXXVIII, Number 44, 3 Nowemapa 1899 — KE KUOKOA EWALU AOAO. [ARTICLE]

KE KUOKOA EWALU AOAO.

Ma keia la, oia hoi, ka la i puka aku ai ko makou helu mua no ka malama nei o Novemaba, i loaa ai ia makou ka hiki ana e hoomaikeike aku imua o ko makou poe helulielu i ka oiwi kino o ka makou pepa. e puka aku ana ma keia mau mua aku. Oka ewalu aoao keia. Me he mea la, o ka palena kiekie loa paha keia o ka pii ana aku a ke "Kilohana Pookela no ka Lahui Hawaii," ma keia mua aku. O keia helu a makou e hoopuka aku nei, he mea hoomaikeike wale no ia 110 ka oiwi hihimanu ulumahiehie a ke "Kuokoa" e nee aku ai mawaena o kona poe heluhelu ho ka wa, aole no i mamao loa aku mai keia wa aku.^. He kulana keia e manonia ole iho ai na hoohihi hoihoi ana a ko makou poe heluhelu, a he kumu hoike hoi keia imua o ka lehulehu makamaka apau o ke "Kuokoa" mai Hawaii a Nnhau, eia na haku ame na ona o keia pepa ke hooikaika nei ma na ano apau e loaa ai he makepono ma ka aoao o ka mea heluhelu i keia pepa no ke kumukuai e haawiia ana e ia, ina ka makahiki paha, a ma ka helu hookahi paha. He makana liiwahiwa keia a na Ona o ke Kuokoa e panee aku nei imua o ka poe e heluhelu ana iaia. Ua hiki ke oleloia ae me ka oiaio. o ke "Kilohana Pookela" io no keia "no ka Lahui Hawaii." E hoomanao, "Aole i liuliu a halawai hou oukou. e na makamaka, me ke Kuokoa o Ewalu Aoao." 0 ko ana keia e hoomaikeikeia aku nei imua o oukou.