Ka Nupepa Kuokoa, Volume XXXVIII, Number 44, 3 November 1899 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, NOVEMABA 3, 1899.

HE MOOLELO WALOHIA

NO NA

MEA HUNA POHIHIHI EKOLU

 

@ ai holoholona opio, owai ia?

 @ W@ opulepule, i aha ina?

@ena kolu inoa, Owai ia?

 

@ i Kakauia e Sylvanus Cobb, Jr. ke @ Kauaka Kakau Moolelo Kaulana loa @ a i unuhiia mai hoi e HOOULU@HIEHIE, mai ka olelo Beritania mai a i @ Hawaii, no ke Kilohana Pookela no ka @ Hawaii.

 

MOKUNA VII.

KA  HOPUIA ANA.

@ lua o ka la mahope iho o ko ke @ opio kanu ana i kahi Ilikini i @ ai iaia, a o ka ia hoi i halawai @ oia me na kiu elua, elike me ka @hoikeia ma ka mokuna i hala ae @ hoi, lalau aku la ia i kana pu @ a hele aku la ia no ke ki holo@ ana, elike me ka mea mau iaia. @ ho a puka aku mawaho o ka pa, @ aku la i kana mau ilio, ia wa @ hoopaiwaia ae ai, mamuli o kona @na aku i kekahi poe kanaka he @ paha ko lakou nui e hele mai ana @, mailoko mai o ka ululaau. @a nohoi ike aku la ia, e hele @ mamua pono o ua puulu kana@ ka makai nui o Jamestown.

 

@ lakou hoea ana mai ma kahi ana @ aku ana, ia wa keia i haawi aku kona aloha i ka makai nui ame ko@ mau hoa. Ua aloha mai la nohoi ka @kai nui aiai nei, me ka ninau ana a hoi:

 

O oe anei ke kanaka opio nona ka kuahine o Moregiana ka inoa?

 

O ka inoa ia o ko'u luaui makuahia owau io no kana keiki."

 

Owai la kou inoa?"

 

Aole maopopo ia'u ko'u inoa i ka@ ai au e ko'u mau makua; aka, @ hewa oe ke kahea mai ia'u, o Ke@ Ulalaau (John Forest.") wahi a ke kanaka opio.

 

Alaila, nou ka'u huakai i hoea mai ia nei, a ua makemake au e hele pu me a'u i ke kulanakauhale o Jamestown." wahi a ka makai nui.

 

"E oluolu anei oe, e hai mai ia'u i ke umu ou i makemake ai ia'u e hele aku @ila?"

 

"Ua makemakeia oe e hoea ilaila, a @pa@e hoi oe i kekahi hoopii Karaima hoopilia ai oe imua o ka Aha."

 

"Heaha la ke ano o ke Karaima i hoopilia ai au?"

 

Me na maka ooi o ka makai nui, pane mai la ia:

 

"E John Forest, wahi au i hoike mai ai o kau inoa ia a'u e kahea aku ai ia @ pane mai ai ka makai nui, "ua ke anei oe i kahi mea e pili ana i kekahi Hikini nona ka inoa o Lolowa?"

 

"Ua ike au i kekahi kanaka ili-ula-@a ma ia inoa; a oia ke kanaka i ku ai ulu i ka pu aneane ekolu la i kaa hope @ nei." i pane aku ai ke kanaka opio me ka maka'u ole ame ka wiwo ole nohoi.

 

"O keia iho la ke Karaima i hoopiiia @ ne h@ o ka Aha, e Mr. Roswell Berkley, a ka haku hana o ua Kanaka @ii-ulaula @a, au ponoi i hoike mai la @. A no kou ae ana mai nei ia'u me ka pololei, nolaila, ke hopu nei au ia @ no ia hewa."

 

"E hai aku au ia oe me ka pololei, ua kaumaha loa au no ka make ana o @ela Ilikiai ia'u; aka, ua hanaia nae kela hana e a'u no ke pale ana i ko'u @a iho. Oia kai kau mua mai i kana pu imua o'u, a ina i loihi iho au i hapalua sekona ke kowa o ka manawa mahope iho o ke kani ana mai o kana pu, alaila, owau o maua ke make ana. Aole au i ike i ke kumu o kona makemake ana e lawe i ko'u ola. Nolaila, manao au me keia kumu maopopo loa a'u i hoike aku la ia oe, aole hiki ia oe ke hopu mai ia'u."

 

"Aole au he lunakanawai, a i ole, he jure paha e hiki ai ke hookuu aku ia oe mamuli o kau mea i hoike mai nei. O ka hooko wale aku no ka'u i ka hana a ke kanawai i haawi mai ai ia'u e hana, a e hooko aku hoi. O kahi au e hooiaio ai i kau mea i hoike mai la aia no ia imua o ka Aha," wahi a ka makai nui.

 

"Aka, o ka mea pilikia, oia ka loaa ole ana ia'u o kekahi hoike e hooia mai ai i ka'u mea i hoike aku nei ia oe. Aole hoi he olelo ana, ina nohoi ua lawa ka'u olelo hoike ponoi iho?"

 

"Ua kaumaha loa au no ka ili ana mai o keia hana maluna o'u. No ko'u hewa, a hewa ole paha, aohe o'u kuleana ma ia ninau, aia ke kuleana oia ninau i ka mana i oi aku kona kiekie i ko'u nei. O ka'u wale no, o ka hopu aku ia @ a ke lana nei ko'u manao e ae oluolu mai ana oe ia'u ma ko'u hopu ana ku ia oe?"

 

Ua ike iho la ua kanaka opio nei i kona komohia ana iloko o ka pilikia, a ia wa i hu mai ai kona aloha no kona wahi @ makuahine. Me na waimaka e haloi ana ma kona mau maka, pa@ aku la ia i ka makai nui:

 

"Mamua hoi o ko'u hele ana aku me @ e ae mai oe e hoi ae au e ike i kuu wahi makuahine ko'u wahi makua hookahi e ola nei. Makamake au e honi aku iaia no ka wa hope loa, a, alakaiia aku au, elike me ke keikihipa, no kona wahi e mohaiia ai. I mea hoi kekahi e hoopioloke ole ia ai o kona noonoo. A no ka pono hoi o kuu wahi makuahine nawaliwa@, i nonoi aku au ia oe, e ae mai oe maanei no oukou e kali ai a hoea hou mai au. E hili@ai mai oe ia'u.

 

Ua ae mai la ka makai nui i ka la nei poi. Ia wa huli ae la keia a hoi aku la i ka hale. Me kona uumi ana i na pioo e lele pupuahulu ana iloko ona, ia wa i komo aku ai ia iloko o ka hale a ike aku la i kona wahi luaui makuahine e noho mai ana. He mea oiaio, aole i kana mai ka nui o kona ehaeha i kona ike ana aku iaia.

 

Ku iho la ia a liuliu pane aku la ia:

 

"E Mama," wahi ana, me ka lalau ana iho i ka lima wiwi o kona wahi makuahine, a honi iho la ia ma kona lae, alaila, hoomau aku la ia i ka olelo ana, "E hele ana au i Jamestown, ame he mea la, aole au e hoi mai ana i keia po; aka nae, e Mama, mai hoopilikia oe i kou noonoo no'u. Aole e liuliu loa ko'u wa e kaawale aku ai mai a oe aku a huli hoi mai no au, me ka hoolei ana aku maluna ou i ko'u aloha nou e Mama."

 

"Alaila, nana ae la o Moregiana i kana keiki, a ninau ae la:

 

"Alaila, aole oe e haalele mai ana ia'u?"

 

"E Mama, aole-aole au e haalelo ia oe."

 

"Aka, a kuu lei aloha-e kuu keiki-he haloi waimaka aha keia ou, a'u e ike aku nei? Ea-ea-e kuu lei-e kulou mai oe, a na'u e holoi aku i ko waimaka-aole no i pau kou ano bebe. na'u-o oe ka'u mea nui-ae-o oe wa-le no. Aole o'u makemake iki e hoehaehaia kou uhane. Mai hoopii mai ka waipuna o kou puuwai i na kulu waimaka o ka ehaeha. No-no-my dear boy."

 

Lalau ae la no ia i ka a-i o kina keiki, a olelo ae la:

 

"Oi hoi paha, e kuu lei-kulou mai kou poo. Aia la! Pau ae la ko waimaka i ka holoiia e Mama. Pau-pau no. Aha, i aha ai keia waimaka? O oe no ka kekahi e haalele mai ana ia'u? Peneia iho la no ka hana a papa i kona haalelel ana mai ia'u."

 

Aka, ua haalele koke aku la ke kanaka opio i kona iuaui makuahine, a puka aku la ia mahope o ka hale, a halawai aku la me kahi wahine paele. Kamailio aku la oia iaia:

 

"E hele ana au i Jamestown, a e hala ana paha kekahi wa okoa ia'u ma keia hele ana, nolaila, ma ko'u wa e kaawale aku ai, e malama a e kiai loa oe ia mama. A ina oia e ninau ia oe no'u alaila, e hai aku oe iaia, aole au e liuliu loa ma keia hele ana, a hoi mai no au. E olelo pu aku nohoi oa iaia, aohe o'u pilikia. E hoike mau aku oe imua ona i kou ano maikai a hauoli, a e hana hoi oe i na hana apau e oluolu ai oia."

 

"A e hoi koke mai ana no anei oe?" wahi a kahi wahine paele i ninau mai ai i kona haku opio me ka nana pono ana mai o kona mau maka me ka piha hoohuoi, a olelo hou mai la ia: "E oluolu oe e kuu haku opio, e hai mai oe ia'u i na mea apau?"

 

Ua nana aku la ke kanaka opio i ua wahi wahine paele nei, a ike aku la ia he mau  helehelena aloha kona e hoike mai ana, nolaila, ua hoakaka aku la oia i na mea apau imua ona, alaila, olelo aku la oia i ua wahi wahine paele nei, aole loa oia e hoike aku i ka mea ana i lohe ai inua o kona makuahine, a ua ae mai la nohoi ua wahi wahine paele nei.

 

Alaila, huli ae la oia a komo hou aku la iloko o ka hale, a hele aku la a honi iho la i kona luaui makuahine, alaila, huli ae la kona mau maka iluna a nonoi ae la i ke Akua, e kiai i kona luaui hookahi i koe me ia a hiki i kona hoi ana mai. Me ka naau kaumaha ame ka luuluu nohoi, haalele iho la ia i ka hale.

 

I kona hoea ana aku i waho, ua lele mai la kana mau ilio, kona mau hoahele o loko o ka waonahele i na la apau, aka, ua papa aku la oia ia laua me ke kauoha ana hoi e noho laua e kiai i ka hale.

 

Hele mai la ia a hui mai la me ka makai nui, a hele mai la lakou ma ke alahele e hoea mai ai i ka muliwai. I ka hoea ana mai ia wahi, ike aku ia keia i ka lana mai o ka waapa, alaila, kau aku la keia elike me ke kauoha a ka makai nui. He mau sekona wale nohoi ko lakou nei o ke kaulua iki ana, haalele aku la lakou nei ia wahi a no ke kulanakauhale o Jamestown ka pahu hopu o ka lakou nei huakai.

 

I ko lakou nei kaalo ana ae mawaho o ka hale nani o Sir Oliva Wimple, ka luaui hoi o kana mea i aloha ai, aia hoi, ku e wale mai la no kona alona no ua mea nei a kona naau i kau nui ai. He oiaio, ua punohu mai la ka ikiiki iloko o kona houpo, a o maeele iho la ka ehaeha iloko o kona puuwai no Adelia Mineta, malie o ko laua halawai ana he mau la mamua aku, oia paha kona halawai hope loa ana me ia.

 

Hala hope ae la kahi a ke aloha i noho ai, kau aku la ka ihu o ka waa no ke kulanakauhale o Jamestown, a oiai lakou e noho ana, hu ae la na hoomanao ana iloko ona no Hurama, ke kanaka hahai holoholona pahaohao. Ninau iho la ia iloko ona, ua ike anei kuu hoaloha no keia pilikia o'u? Ina ua ike oia, nokeaha la oia i hoea ole mai ai ma ka wa pono no ka hoopakele ana ia'u? Ua olelo mai oia iaiu, ma kala ame keia wa e komohia ai au iloko o ka pilikia, alaila, e hoea mai no oia no ka hoopakele ana ia'n. Aka, i keia wa, auhea ia oia?

 

I ke ku ana aku o ka waaqa i ke awa pae o ke kulanakauhale o Jamestown, ua lawe loa ia aku ia keia i ke keena o ka lunakanawai.  I ko ia nei hoea ana aku ilaila, ike aku la keia i na kanaka elua i halawai pu ai me ia maloko o ka ululaau ma ka wa a ia nei i kanu ai i kahi Ilikini. Maopopo iho la iaia nei ia wa, o laua na hoike kue iaia ma ka mea e pili ana i ka hewa i hopuia ai oia.

 

Ike aku ia nohoi ia ma ia wa i kekahi kanaka e ae, a hoomaopopo aku la keia ma kona ano he kanaka kuonoono ia noloko o ke kulanakauhale. Ma ka wa i hoea mai ai ka lunakanawai, ua hoikeia mai la iaia nei ka palapala hoopii no ka hewa i hanaia ai e ia, oia hoi ka pepehi kanaka, a hoakaka mai la ka lunakanawai imua ona, o ka mea nana oia i hoopii mai, oia o Mr. Roswell Berkley, me ka kuhikuhi ana ae hoi o ua lunakanawai la i ke kanaka a ia nei i hoomaopopo aku ai he kanaka kuonoono ia no loko o ke kulanakauhale.

 

Me ke kuoo ame ka wiwo ole nohoi ua hoole aku la keia i kona hewa, me ka hoakaka ana aku i na mea e pili ana i ke ano i make ai ke kanaka ili-ulaula iaia, oia hoi, ua make oia mamuli o ko ia nei pale ana i kona ola iho, aka, ua olelo mai la ka lunakanawai iaia, aole e hiki iaia ke hookuu mai iaia, oiai he mea pono ke hookolokoloia ka hihia imua o kekahi poe kiure o ka aina.

 

He hapalua hora paha mahope iho o la wa, ua komo aku la keia iloko o ka halepaahao, a mamuli hoi o ke kauoha i haawiia aku i ka lunapaahao, he mea pono ke kiai makaaia loa ia ka paahao, o holo mahuka aku auanei ia, nolaila, ua hoopaa ia aku la keia iloko o kekahi keena pouli loa. Ma ka wa hoi, i hala aku ai ka lunapaahao, ua haule iho la keia maluna o ka pela mauu e waiho ana ma ka papahele o ua keena la, a uwe iho la keia no kona wahi luaui makuahine. Aole i kana mai kona aloha i kona makuahine ia wa, hoomaopopo iho la ia aohe mea nana e imi i wahi ai e pono ai kona ola ana. Ua ike no ia he wahi pono ipuka hale wale iho no ka hiki i kahi kauwa wahine a laua. Hu mai la nohoi kona aloha no Adelia Mineta.

 

O keia wa ana e noho nei iloko o ka pouli o loko o ka halepaahao, he wa ia i hoopiliaikuia ai ka uhane o ua kanaka opio nei me ke kaumaha ame ka ehaeha.

 

MOKUNA.

E KE KIAI, HEAHA KO KA PO!

Hookahi paha hora mahope iho o ko ia nei hahaoia ana ku iloko o ka halepaahao, aia hoi lohe aku la keia i ka nakeke ana mai o ka laka o ka puka o ke keena oia nei i hoopaaia ai, haloke mai la hoi na hao, a ike aku la keia i ka hemo ana aku o ke pani, a komo mai la o Mr. Roswell Berkley iloko, ke kanaka hoi nana keia i hoopii imua o ka Aha.

 

I ke komo ana mai o ua kanaka nei, ua pani hou ia mai la ke pani o ka puka. Ia wa no i pane mai ai ua kanaka la iaia nei:

 

"E ke kanaka opio, he karaima koikoi loa keia i hoopiiia ai oe imua o ka Aha; aka ke manaolana nei nae au e hookuuia aku ana no oe. Ma ko'u manao maoli, aole io no oe i hewa no ka pepehikanaka, oiai he kanaka opio loa oe i keia wa, a, aole hoi keia o ka wa e ulu mai ai o na manao puuwai eleele iloko o na kanaka opio e like me oe ke ano.

 

"Ina pela; nokeaha la oukou i hoopaa ai ia'u iloko nei o keia wahi?" i ninau aku ai ke kanaka opio ia Roswell Berkley.

 

"E ha'i aku au ia oe," wahi a ua kanaka la i pane mai ai, "aohe no a'u mea e ae e hana ai me oe i keia wa, oiai he hihia ano e loa kou i hoopiiia ai. O Lolo-wa ka a Ilikini i make ai ia oe, aole paha mamuli o kou manao ino maoli, he kanaka ia i punahele loa i na ilikeokeo o loko nei o ke kulanakauhale; aole hoi ia lakou wale no, aka, he kanaka ia i pauleleia a i hilinai nui ia e na Ilikini i noho hoaloha me na ilikeokeo. O keia iho la no ka lima akau o ke Aupuni ma na hana a pau e pili ana i na ili-ulaula; nolaila, ina makou e hookuu wale aku ana no ia oe, me ko makou hana ole ana i kekahi hana e ikeaia ai kou hewa a hew, ole paha, alaila, e lilo ana ia i mea e hoouluia ai he manao maikai ole mawaena o na Ilikini i noho hoaloha mai me na ilikeokeo, a ma ia ano e ulu mai no auanei he mau hana mainoino loa ma keia mau mua aku mai ka lima mai o na ili-ulaula. I keia wa, ua laulaha loa aku nei ka make ana o Lolowa iwaena o ko ke kulanakauhele nei, a ua pioo maoli na mea apau no keia karaima i hanaia maluna o ke kauwa hoopono a ke Aupuni. O ko'u hoopaa ana ia oe iloko nei, oia ko'u hana ana i mea nou e pakele ai mai na lima mai o keia poe kanaka, aka, he manaolana no nae ko'u e hoea mai ana no ka wa e puka aku ai oe mailoko aku nei o keia wahi paa me ka hewa ole maluna ou."

 

"Aole o'u kanalua no ia hopena, ina nae aia io ia mea he pono iloko nei o ke kulanakauhale," wahi a ke kanaka opio i pane aku ai imua o Roswell Berkley, "oiai ua make kela Ilikini ia'u, mamuli o ko na manao ana e lawe powa i ko'u ola."

 

"He manaolana ko'u e hiki ana ia oe ke hooiaio ia mea, "wahi a Berkley i pane mai ai.

 

No keia olelo a Berkley i pane mai ai ua pii mai la ka inaina iloko o ke kanaka opio, a pane aku la ia:

 

"O kou olelo ana mai ia'u, he manaolana kou e hiki ana ia'u ke hooiaio ia mea, e hai aku au ia oe, aohe hoike e ae nana e hooiaio mai i ka oiaio o na olelo a'u i hoike aku la ia oe, a pela nohoi imua o ka lunakanawai, aia, o wau wale iho no ame ke Akua i ka lani."

 

"E ke kanaka opio, ua hai mai o Gilimana ame Colton, ua kamailio aku ka kela kanaka Ilikini mamua o kona make ana i kekahi mau olelo ia oe?"

 

"He oiaio, ua hai mai no oia i kekahi mau huaolelo iau, a ua pololei kau mea i lohe ai mai kela mau kanaka mai."

 

"Heaha la na olelo a ua Iilikini nei i hai mai ai ia oe?" wahi a Mr. Berkley i ninau mai ai me ka hoao ikaika ana ana e huna iho i ko pihoihoi o kona houpo no ke ake e lohe i ua mau huaolelo la a Lolowa i hoike mai ai imua o ke kanaka opio mamua o kona make ana.

 

"Ua olelo mai oia ia'u, e make ana ia, a ua oi aku ka hikiwawe o ka ike ana a ko'u mau maka mamua o kona, a e ae aku hoi au i kana noi e kanu au iaia."

 

"Aole nae paha ana mau huaolelo e ae o ka hai ana mai ia oe?"

 

"Aohe ana mau olelo e ae o ka hai ana mai ia'u. Aole oia i hai i kekahi mau olelo, a kauoha mai hoi ia'u e malama au ia mau mea a hoike mai i kekahi poe e ae, aka, o na mea ana i hai mai ai ia'u, no ko'u mau pepeiao ponoi iho no ia."

 

"I mai nei oe, e hoomakaukau ana ka Ilikini e ki mai i kana pu ia oe?"

 

"O ia ka'u i hoike aku nei ia oukou."

 

"Aole anei hoi oe i ninau aku iaia i ke kumu o kona makemake ana e lawe i kou ola?"

 

"Ua ninau aku no au."

 

"Heaha kana pane mai ia oe?"

 

"Ua hoao oia e hai mai iau i kekahi mea e kaikaiia ae ai ia hewa mai iaia aku; ka, ua hiki nae iau ke ike aku ma kona mau maka aia ke manao pepehikanaka iloko ona."

 

"Heaha ka ua Ilikini nei olelo ia oe ma kona imi ana i mea e ili ole iho ai ka hewa o kona hoao ana e lawe i kou oia maluna pono iho ona?"

 

"Aohe ana olelo ia'u ma ia mea."

 

"Ano mai nei nohoi oe i olelo mai nei ua olelo mai no ua Ilikini la i kekahi olelo oia ano?"

 

"Ua hai aku nei au ia oe, ua hoao oia e hana mai pela ke ano; aka, heaha la ko'u waiwai ina no au e hai aku ana ia oe i kana mau olelo i hai mai ai ia'u, aole paha ia he mea no'u e hookuuia ae ai mailoko ae o keia pilikia? O kekahi nohoi, heaha la kou pomaikai ma ia mau olelo?"

 

I keia wa i niu ae ai ka inaina iloko o Berkley, a kamailio mai la ia imua o ke kanaka opio me ka leo inaina ame ka huhu launa ole:

 

"Pehea kau olelo? Manao ana anei oe e kamailio pakike mai ia'u? E hoole mai ana anei oe i ka pane ana mai i na ninau a'u e ninau aku ai ia oe?"

 

"Manao au, aohe au ninau i waiho mai nei imua o'u i nele ole ai au i ka pane ana aku imua ou," wahi a ke kanaka opio i kamailio aku ai me ka makau ole ame ka wiwo ole.

 

"O kau mau pane apau i pane mai nei imua o'u, he mau pane ano hunahuna no ia, a ano maopopo ole nohoi. Ninau aku nei hoi au ia oe heaha la ka kela Ilikini mea i hoike mai ai ia oe, no ke kumu o kona manao ana e lawe i kou ola, eia nae aole ou hoike pono mai ia mea ia'u."

 

Ua piha loa iho la ko ke kanaka opio houpo i ka inaina ame ka huhu, a ia wa oia i pane aku ai imua o Berkley:

 

"Ano e pane aku ai au ia oe, a e hoolohe mai kou pepeiao. Aole o oe ke kanaka e hai aku ai au i kana mea i hoike mai ai ia'u. Lohe aku la oe?"

 

"Ua konoia au e hana aku i keia hana, no kou pono ame kou pomaikai, aka, mamuli o kou ae ole ana e hoike mai i ka mea a'u i makemake loa ai e ike mai a oe mai, nolaila, ua hoike maopopo loa mai oe he kanaka opio limakoko oe, a ua make kela Ilikini hala ole ma kou lima.

 

O oe ka mea nana i pepehi ia Lolowa me ka hala ole. Lana loa ko'u manao ma ko kaua wa e halawi hou ai, e hoohaahaaia iho ana kou naau kookiekie."

 

Ua huli ae la ua Berkley nei a haalele iho la ia loko o ke keena me ka piha i ka inaina no ke kanaka opio. I kona hiki ana ma ka puka, huli mai la ia a nana mai la i ke knaka opio, aiaila, puka loa aku la ia i waho, a pani hou mai la i ke pani puka.

 

I ka noho hookahi hou ana iho o ke kanaka opio, ua hoomaopopo iho la ia, he enemi o Berkley nona, a manaoio loa iho la ia oia no ke kanaka a Lolowa i hoike mai ai iaia, a hoomanao pu ae ia nohoi i na olelo a Hurama.

 

I ka hele ana hoi a kapoo ka la, ua ike aku la keia i ka weheia ana mai o ka puka, a panee ia mai la iloko, he wahi kiaha wai a he wahi hapalua popo palaoa. Mahope iho hoi o ke panila ana mai o ka puka, lalau aku la keia i kahi popo palaoa ame kahi kiaha wai a hoi aku la keia a noho iho la maluna o kahi noho laau.

 

Ike iho la keia a mau ana no ka mahanahana o kahi popo palaoa me he mea la o ka hemo ana mai no ia mailoko mai o ka oma; aka, mamuli o ko ia nei noonoo maikai ole no ko ia nei hoopaaia ana iloko o ka halepaahao, a huipuia mai hoi me ko ia nei hoonaukiuki loa ia Berkley, ua kanea pu mai la ko ia nei puu i ka ono a ka ai, nolaila, ua waiho iho la ia i ka popo palaoa ilalo, a o kahi kiaha wai ka ia nei o ka inu ana ae.

 

Ala aku la keia me ka noonoo kupilikii ana o kona manao, a hiki i kona hiamoe ana. Oiai hoi keia e hiamoe ana, lohe ae la keia i ka nakeke o kekahi mea ma kahi kokoke loa i kana wahi e hiamoe ana. Ia wa, hoolono ae la ia, a i kona huli ana mai hoi a nana mai ma kahi ana i lohe ai i ka nakeke, ia wa i ike koliuliu mai ai ia i kekahi mau mea liilii e mumulu ana ma kahi ana i waiho ai i ke pa palaoa, a hoomaopopo iho la ia he poe iole ka kana o ka lohe ana, a e ai ana lakou i kahi popo palaoa ana i waiho ai.

 

Manao iho la keia e hoemu aku i ua puulu iole nei e ahaaina ana maluna o ka ia nei wahi ai i laweia mai ai ma ke ahiahi, a i ai ole ia ai hoi, aka, manao iho la ia, malia o loaa hou mai nohoi ona popo palaoa i kakahiaka nui ae, ia wa haule iho la keia hiamoe.

            (Aole i pau.)

 

Hoehaia o James Deer.

Ua kuia ia ka wawae o James Reed iaia he eha inoino loa. Ua pii mai la ka pehu, a ua nui nohoi ka eha i loaa iaia, aole hiki iaia ke hele pono, ke ole i kekahi pauku hau paa a loaa iho la me na kookoo poaeae. Ua lapaauia iho la ia e na Kauka, a hana iho la nohoi ia i na laau hamo he nui, a e hoauau ana i kona wawae iloko o elua ame kahapalua galani wisike, eia nae, aole he wahi mea a loaa ke oia, a hiki wale i kona hamo ana i ka Laau Hamo a Kamalena. Iloko o ka pule hookahi, u loaa mai la iaia ke ola loa ana, a ua manaoio loa oia ina aole oia i kau i ka Laau Hamo a Kamalena ina ua oki maoli ia ka wawae ona. O Mr. Reed, oia kekahi o na kanaka kalepa koikoi o Clay Court house, W. Va. Aohe lua e loaa ai ka Laau Hamo a Kamalena no na maui ame ka rumatika. E kuaiia ana e na poe kawili laau apau. O Benson Smith & Co., na agena no ko Hawaii Pae Aina.

 

Eia kakou i ka mahina o Novemaba a hookahi no mahina okoa aku i koe a hehi kakou i ka paepae o ke Keneturia 19.

 

O ka hookuku kinipopo pekupeku wawae mawaena o kahi mau haumana o ke kulanui o Punahou ame kekahi poe wae o loko nei o ke kulanakauhale, i uleleia ai ma ka Poaono aku nei, ua lilo ka eo i ka poe hope. He 18 ka helu a na poe wae ia "ole" a na haumana Kula.

 

FANYS

SILV ER

E102

G. DIETZ.

HE MEA HANA WATI AKAMAI A PIHA NOEAU LOA.

Alanui Nuuanu, Helu 417.

Aia ma ke Alanui Nuuanu, mauka iho o ka Halekuai Pipi "Cnetral Meat Market."

 

KAKELA ME KUKE

(KAUPALENAIA.)

Pe Kalepa ma ke Komisina,

A HE

Poe Lawaelawel Kopaa.

AGENA.

2736-tf

 

Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i ikeia ma na wahi kuai kaa apau.

 

Kalivilana        Cleveland

HONOLULU BICYCLE COMPANY.

209 Alanui Hotele.                  Telepona 909.

2753-1m.

 

HOOLAHA KUMAU.

Ka Hu Al@hao me Aina o Oahu

MAI A MAHOPE AKU O IUNE 13, 1898

Manawa Holo

 

WAHI HOOLULU. Mai Honolulu aku.)

 

Waianae, kaa huikau, na le apau koe ke Sabati.

Waialua, kaa ohua, na la apau

Waianae, kaa ohua, na la apau

Wili o Ewa, kaa ohua na la apau

 

                        A.M.    A.M.    P.M.    P.M.

Honolulu         7:10     9:15     3:10     5:10

Manana           8:07     9:48     3:43     5:50

Wili o Ewa      8:37     10:08   4:08     6:10

Waaianae         9:27     10:53   4:43     ...

Waialua           ...         12:00   5:38     ...

 

WAHI HOOLULU. (Mai waho mai a i Honolulu.)

 

Wili o Ewa, kaa ohua, koe ke Sabati.

Waialua, kaa ohua, na la apau.

Waianae, kaa huikau na la apau, koe ke Sabati.

Waialua, kaa ohua, na la apau.

Wili o Ewa, kaa ohua, Sabati wale no.

 

                        A.M.    A.M.    A.M.    P.M.    P.M.

Waialua           ...         6:12     ...         2:39     ...

Waianae          ...         7:12     10;09   3:55     ...

Wili o Ewa      5:50     7:47     10:59   4:32     12:45

Manana           6:15     8:07     11:34   4:52     1:10

Honolulu         6:50     8:40     12:15   5:26     1:45

 

            G. P. DENISON, Luna

            F. C. SMITH,

            Luna Kuai Palapala Holo

 

Metropolitan Meat Co

(Hui Kuai Pipi Metropolitan.)

G. J. WALLER, (Waia) - Luna Nui

108 Alanui Moi.

 

Poe Kuai a Hoolako i na Moku

ME

Na Io Pipi, Hipa a pela'ku.

E loaa mau ana na Manu ame na Kamano i hoohu'ihu'iia iloko o ka Hau.

Makepono ke Kuai i na I'o Pipi maanei.

TELEPHONE HELU             45

 

Ola Nawaliwali

MAMULI O KE

KOKO INO.

E heluhelu iho i ka mea i hanaia e ka Ayer Laau Sarasaparila no ka Rev. Z. P. Wilds, he misionari kamaaina loa maloko o ke kulanakauhale o Nu Ioka a hoahanau nohoi o Lunakanawai Wilds i make, he kanaka kauiana:

 

"No na makahiki lehulehu he luahi au na ka ma'i pa-palahu ame na ma'i aai e ae, i puka noloko mai o ke koko ino. Ono ole mai ia ka'u ai, a nawaliwali mai ko'u kino apau. Mamuli o ko'u ike ana i ke ola ana o kekahi poe e ae no ko lakou inu ana i ka Laau Sarasaparila a Ayer, ua hoomaka iho la au e inu i ua laau la. A ua

ONO AE LA KA'U AI

mai ko'u inu mua loa ana mai no i ua laau la; alaila, hoomaka mai la ka maikai o ko'u ola. He haneri pa-keneta ka oi o ko'u ikaika ae i keia wa, a ua loa mai keia mai ka LAAU SARASAPARILA MAI A AYER, ka laau hoi a'u e hoike aku nei me ka oiaio, oia ke pookela loa o na laau hoomaemae koko i ikeia."

 

No na ma'i apau i loaa noloko mai o ke koko ino e lawe i

Ka Ayer Laau Sarsapailla.

KA AYER HUAALE                        Ka Laau Hooia no ka @'i Awaawahia o ka O@

 

Ke pookela o na laau no ka malama una, ka hooulu ana me ka hoonani ana i ka lauoho, oia ka

 

Ayer Laau Hooulu Lauoho.

 

Aole e kepia ke poo, ola na ma'i puupuu, aole hoi helelei ka lauoho. Ina maloohaha mai ka lauoho, hinaw@nawe a ano hina mai, alaila, na keia laau e ho'iho'i hou ae a kona ano mua, a hooulu lupalupa ae la i ka lauohe. Ma na wahi apau, o keia Laau Hoouia Lauoho a Ayer ke pookela, a ua lilo ia i punahele a i hoapili no na lede ame na keonimana.

 

Ayer's Hair Vigor

I homakaukauia e

DR. J. C. AYER, Lowell, Mass., U.S.A.

Na Medala Gula mai na Hoikeike Nui o ka Ao

Hollister Drug Co. Lt.

Na Agena ma ka Paeaina Hawaii.