Ka Nupepa Kuokoa, Volume XXXVIII, Number 43, 27 October 1899 — NA LONO HOPE LOA NO KE KAUA MA AFERIKA. [ARTICLE]

NA LONO HOPE LOA NO KE KAUA MA AFERIKA.

LADANA, Okatoba 18.—He lono kuikawa kai loaa mai Pretoria mai, e hoike ana ua hukiia ae Ja he hae keokeo ma Mafeking. , Aole nae i maopopo, he hae haawi pio paha ia, aole paha. Penei ka lioike o ua lono la: "Mahope iho o ke kipuia ana mai o Mafeking, ua hukiia ae la he hae keokeo. Ua hoounaia mai la he puali o na Eua me ka hae keokeo e ninau ai, ina paha ua haawi pio ke kulanakauhale. Aole nae i loaa mai ka pane maopopo. Ua paa ia k elele a na Bua no eono hora a hookuuia aku la." PRETORIA # , Okatoba 18.—MaUope iho o ka hai e ana aku o Kenerala Cronje i ka lohe, e haalele iho na wahine ame na keiki ia Mafeking, ua kipu mai la ia maluna o ke kulanakauhale ma ka auwina la Pokahi nei. Aole hoi i panaiia aku kana kipu ana mai. 0 ka lono i lauahea āe ma ke Kaikuono o Delagoa ua hoauheeia he 6000 poe Bua ma Newcastle, aole oiaio. Aia no na Bua ke nee mai la no Mafeking, a ke pau mai la ia lakou i ka ulupaia na alahao ma ka akau ame ka hema aku o ke kulanakauhale.