Ka Nupepa Kuokoa, Volume XXXVIII, Number 43, 27 ʻOkakopa 1899 — AMERIKA AME NA PILIPINO. [ARTICLE]

AMERIKA AME NA PILIPINO.

ARAYAT, (via Manila), Okatoba 17. —Ua hoomaka o Kenerala Lawton i kana nee akau ana, ma ke alanui hao ma ka akau o Kenerala MacArthur. He 2,000 ka nui o kona poe koa kupono no ke kaua. Oia ka mahele koa 24, elua bataliona o ka mahele koa 22, hookahi puali o ka mahele koa 37, he 200 poe kiu Macablee, 600 poe kaua lio, mahele 4, a he 100 poe koa heie wawae. He mea pono ke loaa hou a komo hou mal ma ka mana o na Amerika o Sana Isitloro, a e lilo ia i wahi hoolako ai a mea kaua nohoi. Ua hoololiia o Rio Grande i kahua hoolaho ai a mea kaua mai Calumpit mai, aka nae, mamuli o ka emi ana o ka wai o loko o ka muliwai, aole paha auanei e laweia aku na hoolaho ai ana ame na mea kaua maloko aku o ka muliwai. Ua hoike mai kekahi pio Sepania i mahuka mai, aia na 'liikoa Filipino ke hoolaha la i ka olelo mawaena o ko lakou poe koa i hele a haule na manaolana, ina ka e lanakila ole na Amerika maluna o lakou iloko o hookahi mahina, alaila, e haawi mai ana o Peresidena MaKinile i ko lakou nohona Aupuni Kuokoa ana, a unuhi hou ia aku na koa Amerika mai Pilipine aku. 0 ke kahua hoomoana ma Bambang, he eha mile ma ka akau aku o ke kulana a Kenerala MacArthur, he wahi ia i eli ia a i hanaia me ke oolea loa. Me he mea la e hooukaia ana kekahi hoouka kaua oolea loa ma Tarlac, kahi i oleloia, aia malaila he 16,000 poe kipi.