Ka Nupepa Kuokoa, Volume XXXVIII, Number 43, 27 ʻOkakopa 1899 — Pau He Kanaka Hawaii i ka ai ia e ka Poe ai Kanaka o Nu Hebaraidi. [ARTICLE]

Pau He Kanaka Hawaii i ka ai ia e ka Poe ai Kanaka o Nu Hebaraidi.

E hoike ana kekahi lono manaonao loa mai Vanakoua. Beritania Kolumehia. ma ka la 6 o keia mahīna, a ua oleloia ae, ua hoea aku keia lono I lalla mai Sidane, Auseteralia mai. maluna o ka mokuahi Aorangi. a na hoea ae hoi kela lono i Sidane mahma mai o ka mokuahi Jeanette. 0 keia lono, ua pili ui i ka pau ana o kekahi kanaka Hawaii, nona ka inoa o Afnaru, i ka ai ia >• ka poe ai-kanaka o na mokupuni Heliaraidi. 0 keia kanaka, he luna kiai ia no kahi houiuulu paahana ma Noumpa. ma keia pae aina. A penei ka inoolelo o keia make weliweli: Aneane eono mahina i hala ae nei, na mare aku la o Amani i kekahi wahine no Aoba, ma ka Pae Aina o Nu Hebaraidi, a i ke kaalo anā ae q ka rnoku Jeanette mawaho o ua mokupuni la ma ka lua o ka la o ka holo ana o ka moku ma ka moana, ua hooholo ihola o Amaru ame ka j*ahine e holo i uka o ka aina e ike ai laua i ka ohana o ka wahine. 0 laua nei kekahi o iuna oka moku. Ua hookauia iho la laua maluna o kekahi wahi waapa uuku, a holo aku la laua no uka o ka aina. He mau pule wale no i hala ae nei, ua hoea hou aku la ka moku Jeanette no ua wahi la, a ia wa i loheia mai ai ka make ana o ua kanaka la. Ua pae hewa aku la keia Amaru ame kana wahine, ma kekahi huli o ka mokupuni i pau ole ka ahiu o na kanāka, aua hopuia laua a paa. Ua nakiikiiia aku la o Amaru i kekahi apahu laau a paa me ke kaula; alaila, hooleiia aku la na moo niho awa ma kona mau wawae. Pau ia hana me na moo e noke ana i ke nahu ame ka wili ana i kona wawae, ua ho-a ia ae la ke ahi a puni kona wawae. Pau keia, ua noke ia aku la ia i ka hou ia me ka ihe, a ma keia hana ana, make iho la ia. Alaila, haehae liilii ia ae la kona kino. a koalaia :iku la iluna oke ahi me elua hipa. A ua oleloia, ua ai pu ia kona io me na io o na hlpa o keia poe kanaka. Ua pakele ke ola o ka wahine, a ua loaa kana kane hou. Ua hoikeia keia mea i kekahi "manuwa" Peiekane, eia nae, aole mea i hanaia.