Ka Nupepa Kuokoa, Volume XXXVIII, Number 42, 20 October 1899 — Hoalohaloha i ka Wahinekanemake. [ARTICLE]

Hoalohaloha i ka Wahinekanemake.

I ka wahinekanemake, Mrs. Lilia M. Kahoohiki.

Aloha oe: —0 makou o na wahine o ka Halawai Wahine Kumau o ka Ekalesia Hoolepope o Kalaupapa nei, ma ka Luakini o Kanaana Hou, oiai. mamuli o ka lawe ana aku o ke Akua mana Loa i ka hanu makamae o kau kane aloha Mr. K. M. Kahoohiki, ma ke ahiahi o ka la 24 o Sepatemaba, 1899, nolaila, ua ili iho maluna ou ka haawe kaumaha a koikoi o ka noho u ana no kau mea aloha he kane, he makua, a he hoa hooikaika pu hoi ma na hana Kristiano, "ua lawe ke Koolau-wahine i ke hoa la lilo," nolaila e Hooholoia; ke kalokalo nei makou i ka Makua lani e hoomama mai oia i kou mau luuluu, a Nana no hoi e pahola mai i na hooluolu maluna o kakou apau. "Nana no i haawi mai, a Nana no i lawe aku, e hoomaikaiia Kona Inoa." Hooholoia; e hoounaia i kope o keia Palapala Hoalohaioha i na Nupepa Ke Aloha Aina ame ke Kuokoa. 0 makou iho no ma o ko makou mau Komite la, MRS. KEOLA NAEOLE, MRS. LALE KAINUWAI, MRS. LEPEKA KAANAANA. Kalaupapa, Molokai, Oct. 21, 1899.