Ka Nupepa Kuokoa, Volume XXXVIII, Number 42, 20 ʻOkakopa 1899 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA

Nupepa Kuokoa

No ka Makahiki - - $2.00

No Eono Mahina - - - 1.00

Kuike ka Rula.

PUKA ANA.} 1 Pule 2 Pule 3 Pule 1 Mal. 2 Mal. 3 Mal. 1 Mak.

Iniha . . $1.50 $2.00 $2.50 $3.00 $5.00 $6.75 $12.00

2 Iniha . . 2.00 2.75 3.50 4.00 7.00 9.00 15.00

3 Iniha . . 2.50 3.50 4.50 5.00 9.00 12.00 18.00

4 Iniha . . 3.00 4.00 5.00 6.00 11.00 13.50 21.00

5 Iniha . . 3.50 4.75 6.00 7.00 12.00 15.00 24.00

6 Iniha . . 4.00 @0 7.00 8.00 13.00 16.50 27.00

            O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.

HOOPUKAIA E KA

HAWAIIAN GAZETTE CO

A. W. PEARSON, Luna Nui.

JOSEPH M. POEPOE, Lunahooponopono.

            Honolulu, Oahu

POALIMA - - OKAKOPA - - 20, 1899

 

            Ma ko makou pepa o keia pule i hoea aku ai kakou i ka hopena o na "Pane no na Ninau Pili Aupuni" a ka Nupepa "Call," elike me ia i hoikeia e ka ko keia puka ana. O ke kumu nui o ko makou haawi ana he wahi mahuahua o ka makou pepa no keia mau pane (e koe ana hoi na pane a kekahi poe o makou i ike ai he lahilahi a he mama loa ko lakou kamaaina ana mawaena o ka lahui Hawaii nei) i mea no ia e iki lea ai, me ka maopopo pono, na kanaka Hawaii i na manao hoike a kekahi mau keiki "Mikanele no ka mea e pili ana i ka pono koho balota no na kanaka Hawaii.

            Ua ikeia o na pane apau a keia poe i oleloia he poe "Mikanele," elike me Lunakanawai Frear, W. O. Kamika, P. C. Jones, Rev. Sereno E. Bishop, W. R. Kakela, W. N. Limaikaika, W. H. Wini, Kauka Emekona ame Alani (W. F. Allen), aia no ia ma ka auwaha hookahi, e aeia no e loaa ka Pono Koho Balota i na Kanaka Hawaii. Aia nae ma ke ano e haawiia ai keia Pono Makamae i ke Kanaka Hawaii, ua mahaehae iki ko lakou noonoo ana ma ia mea. Ua manao kekahi poe o lakou, he mea pono ke loaa keia "Pomaikai Kivila" i na kanaka Hawaii, mamuli wale no o ka loaa ana ia lakou o ka ike ame ke akamai ma ke kamailio ame ke kakau ana i ka Olelo Beritania; a o kekahi poe hoi, aia ma ke ana waiwai e pono ai ke loaa; aka, ma ka manao nui, ua ae lokahi keia poe "Mikanele" apau e loaa no ka Pono Koho Balota i na kanaka Hawaii.

            E hoolohe ia Lunakanawai Frear, ina nae hoi, e oleloia ana ia he "Mikanele," ma ka mea e pili ana i keia Pono Koho Balota. Eia kana pane:

            "E hookuponoia ka loaa ana o ka pono koho balota, mamuli o ka Ike ame ka Naauao."

            Eia hoi ka ia keiki Mikanele o W. O. Kamika:

            "Manao au, malalo o na kulana maoli e ku nei i keia wa, ma keia mau mokupuni, o ka hoolilo ana i ka Waiwai ame ka Naauao i mau ana hookupono e loaa ai ke kuleana koho balota, ua pono ia. * * * E haawi like ia no ia Pono i na makaainana Hawaii i keia wa, ame na makaainana Amerika."

            Eia iho ka ia "Mikanele," o P. C. Jones ka inoa:

            "Apono au i ka haawi ana i kela ame keia kanaka Hawaii maoli i ka Pono Koho Balota. E pono e loaa ia lakou na Pono apau i haawiia i na poe e ae."

            A mai poina hoi i ka Rev. S. E. Bihopa mau olelo, kekahi o na "welo Mikanele" i hoino nui ia:

            "O na kane apau i hanauia ma Hawaii nei, mai loko mai o kela ame keia lahui, e pono no e loaa ka Pono Koho Balota, mamuli nohoi o na kumu alakai i loaa ai ia Pono i na ilikeokeo."

            Ua like no ko Kakela manao me ko keia poe ae la; pela nohoi ko Limaikaika e noho nei i Lunahooponopono no ka nupepa P. C. Advertiser. Ua kakoo ia nohoi keia mau manao o na keiki a welo a na "Mikanele" e na manao o kekahi poe e ae, elike me Paul Neumann, J. M. Horner, Henry Smith, ame kekahi poe e ae.

            Ina e nele ana na Hawaii i ka pono koho balota ma keia mua aku, alaila, ua hanaia kela hoonele ana mai i na Hawaii maoli i keia Pono Koho Balota, ma ke ano kue loa i ka makemake o na "welo mikanele" i hoikeia ae la. A he ahewa kuhihewa auanei ke lele kamoko wale aku ka poe ahewa "Mikanele a kuhikuhi ae na ua poe "Milkanele" nei ke kumu o ka loaa ole ana mai o keia Pono i na Hawaii.

            Ma keia mau mea a makou i hoike aku nei, e maopopo ai, owai la ka poe i ku ma ka aoao o ka haawi ana i ka Pono Koho Balota i na Kanaka Hawaii; a owai hoi ka poe i kokua ole ia lakou no ia Pono?

 

KA MAKUA KAUKA HAI.

            Aole paha hookahi hoahanau iloko o na Ekalesia Hawaii, mai ka mokupuni mai o Hawaii a hoea i ka mokupuni o Kauai, i nele ole ka ike, a i ole ia, o ka lohe ana i ka inoa o "Kauka Hai," Kumuao o ke Kula Kahunapule o ka Pakipika Akau. Ua piha na Kula Sabati o Hawaii nei i kona inoa; a ua lilo kona inoa i mea pulama nui ia e na Kula Sabati, oiai, oia no ke kumuwai e hoopiha mau ana i na kiaha aapu huihui o ka wai o ke ola, mailoko mai o ka Olelo a ke Akua, a e halihaliia ana hoi e kahi Kauwa hoomanawanui nona ka inoa o "Hoahana." He oiaio, ua la kona Hoahana a paaua pu ma kela aoao o keia ola ana, ua hoomaha oia, aka, o kona mau hua i lulu ai no ka Pono o Iesu, ma na kieke o Hoahana leo ole, ka mea i maalo aku iwaena o na Kahu Ekalesia, na hoahanau, na kumu ame na haumana o na Kula Sabati Hawaii ke mau loa nei ia mau mea.

            O na hana ana i na haawina Kula Sabati, oia no ka hana i paauaia ai e ka Makua Laiana a hiki i kona hina ana iloko o ka palupalu o kona kino. Pela no o Kauka Hai i ukali aku ai ma kona meheu, ma ia kihapai hookahi no, a hoea mai la kona hopena, a kuu aku la ka luhi. "Aole oia i hooki iki i kona kakau ana i na haawina o Ka Hoahana," wahi a kana wahine i pane mai ai imua o na Rev. Timoteo, Ezera ame Kivini, ia lakou i halawai pu ai me laua ma Ware. He wa no ia e nawaliwali ana kona kino. A ke hoomanao iho i na olelo a Rev. Ezera i hoike mai ai ma ka hapa hope o kana palapala, ma ka pepa o keia la, e ike ia ana keia leo uwe o ka uhane aloha makua:

            "Ke manao nei no wau, aole oukou (na Kahu Ekalesia Hawaii. L. H.) i poina nona, aka, ke hele aku nei kona mau la e komo i ka malu o ka po, oiai, ua ikaika loa ka ma'i maloko o kona kino; aole nae oia i poina ia Hawaii, a ke noi nei au e haawi i ko oukou leo pule i ka Mea Kiekie Loa."

            O kekahi wahi hana lokomaikai ana i hana ai no ka pono o ka olelo makuahine o ka aina i lilo i makuahine hookama nona, oia ka "Buke Piliolelo" ana i hana ai, a i paiia ai hoi ma ko makou nei keena pai. He buke keia e hoakaka ana i na loina alakai no ke kamailio ame ke kakau ana i ka Olelo Hawaii me ka pololei.

            He kanaka oia i piha me na haawina oiaio o ka haipule, a he kauwa kupaa hoi na ka Haku Iesu. Ua lilo ke Kula Kahunapule e ku nei i keia wa, i Kia Hoomanao poina ole no ka ikaika o kana hapai a hooholomua ana i ka ike "Tiologia" mawaena o keia lahui. O na kahunapule Hawaii e hoopiha mai nei i ka hapanui o na Ekalesia Hawaii, he mau lamaku lakou e hoike ana ma keia Pae Aina i ka malamalama i loaa i lakou, mai na hooponopono ana aku a Kauka Hai, mailoko aku o ka olelo a ke Akua, i malamalama ai o Hawaii Hou a o Hawaii Opio hoi. O ka poe opio apau e ike ana ia mau malamalama, a hahai ma ke alahele a lakou e alkai aku ai, aole auanei e ili ko lakou mau auwaa uhane ma na pukoa ame na lae-aa o ka poino ma na hana pepehi uhane o ko keia ao. Aole hoi e miloia lakou iloko o na lua mimilo o ka poino mau loa.

            Ua kamaaina makou ia Kauka. He makua oluolu, a he keonimana oiaio ma na ano apau. He kanaka naauao, he kumu alakai akahele, ame ka hoomnawanui. Ae—ua kuu kona luhi, ua pau kona Hoahana ana me na Hoahana Karistiano apau o Hawaii ma ke Aupuni o Iesu.

            "E moe oe i ka moe o ka maluhia."

 

KAPEnA KINI I KA MOKU O HAWAII.

            O kekahi keia o na Pou-Hana o ka halau hale Aupuni o Hawaii. Ma ka wa i kahea ai ka ikaika o ka naauao o ke au holomua iloko o ka puhoho polikua o ka nohona halau hale kahiko, "I Aupuni," a ua Aupuni la; a i ke ku ana o kona mau Pou-Hana, o Kapena Kini kekahi i waeia e ku ma ia kulana, a lilo oia he kia a ke koo no Hawaii Aupuni Hou.

            Mai ka la i kukuluia ai oia e ka mana kukulu Aupuni Hou o Hawaii nei, a hoea i kona hina ana aku la ma kela aoao, ua ku mau oia ma ka pou kihi o ka Oihana Kalaiaina. Ua kupaa oia mmuli o ka "moto" alakai o ke Aupuni Hou, oia hoi, ka Hoohui Aupuni.

            Ma kana hana a lawelawe ana i na hana o kona keena, ua hooko aku no ia me ka wiwo ole ame ka hoopono. E alakaiia ana ia e na noonoo elike me na kuhikuhi ana a na kanawai no na hana o kona keena, a pela pu hoi me na loina o na kuka olelo ana me ka maikai ame ka oluolu, ma kela ame keia hana i haawiia aku iaia.

            He mea maopopo loa, aole ia he kanaka i hoonaauaoia ma na ike hookele a kalai Aupuni, ame na ike hoi o nei mea he Oihana Kalaiaina; aka, aia iloko ona ke koko Sekotia, kekahi o na koko holomua loa o ke ao nei ma nei mea he lawelawe hana ana; a i ka hui ana o kela koko, me kahi naauao iki i hoomaamaamaia e ka ipukukui o ka maa a ike lawelawe hana maoli, ua lawa iaia ka makaukau o ke alakai ana i ka Moku Aupuni o Hawaii, ma ka mea e pili ana i kana mahele hana i ku ai oia he Kia a he Pou-Hana no ke Aupuni.

            Oia kekahi i komo pu me kona mau hoa Kuhina iloko o na owiliia ana e na kai poi o na holapu kuloko ana, mawaena ponoi ae nei o kakou, a pela nohoi mai waho mai. Aole oia i hoeueu iki i na hana e loaa ai he mokuhana mawaena ona ame kona mau hoa Kuhina.

            Mamuli o ka nawaliwali o kona kino, ua hiki ole iaia ke lawelawe i na hana o kona keena no kekahi mau manawa he lehulehu wale. No ia kumu, ua au aku oia i ke kai loa no ka loaa ana o na ea hou a oluolu hoi. Aka, aole i kaawale aku ia mea he make. A me ka hoomanawanui, ua lawelawe no ia i kana hana, a hiki i kona hala ana aku la.

ka inoa o "Hoahana." He oiaio, ua ha-

            Ua hina he Kauwa hoopono na ka ohua noho hale o Hawaii Aupuni.

 

He Buke Haawi Wale!

            He 1120 mau aoao o keia buke hoikeike, a o kona nui he 9x12x2 iniha, a maloko o laila he 100,000 a oi na olelo i hoikeia, a he 10,000 poe kii hoikeike. E hoike ana i na kumukuai kukaa haahaa loa o Kikako ma na mea apau, me ke komo pu ana o na Mea-ai, na Laau Lapaau, na Lole aahu, na Paikini, Lole paa, na Wati, na Lole wahine, na Kamaa Buti amena Kamaa haahaa, na Lako Gula, na Lako Hao, na Oma, na Mea Paahana Mahiai, na Lako Hoonani Hale, na Ili Kaa, na Noho, na Kaa "Bagi," na Mikini Humuhumu, na Lako Pa, na Ogana, na Piano, na Mea Kani, na Pu Kaupoohiwi, na Pu Panapana, na Lako Lawaia, na Baisikala, na Lako Paikii Hooleleaka, a pela aku. E hoike ana keia i ke kumukuai maoli e kuaiia ana e na poe halekuai o kou wahi iho i noho ai, a he mea keia e hiki ole ai iaia ke "kaki kaulele wale mai ia oe, no kela ame keia mea au e kuai ai; e hoike ana i ke ano e kauoha ai i ka waiwai, i ka nui o ka uku moku, kaa a eke leta paha no kela ame keia mea a hoea i kou kulanakauhale i noho ai. O ko makou lilo no keia Buke nui, he aneane he $1.00, o ka uku poo leta hoi he 30 keneta.

            O KO MAKOU MANAWALEA KEIA. E oki ae i keia hoolaha, a hoouna mai i o makou nei ia mea me 15 keneta ma ke poo leta i hiki ai ke lawa ke 30 keneta uku poo leta, a e hoounaia aku no keia Buke Nui ia oe me ke kumukuai ole, ame ka ukuia hoi o ka uku leta, a ina e olelo iho ana oe, aohe i hiki aku ka waiwai io o keia i ka pa 100 i oi aku i ka 15 keneta au i hoouna mai ai, ma ke ano he Ki kela no na kumukuai haahaa loa o na kumukuai kukaa, alaila, e hai mai oe ia mea, a e hoihoi koke aku no makou ia oe i kau 15 keneta.

            Eia na olelo a na nupepa no keia Buke Kuhikuhi:

            "He kia hoomanao keia no na hana pili kalepa." — Minneapolis (Minn.) Tribune.

            "He buke kupaianaha keia."—Washington National Tribune.

            "He lua ole ke kamahao o ka papa hoike."—Manchester (N. H.) Union.

            "Sears, Roebuck & Co., oia kekahi o na hale nui loa ma ia ano hana maloko o Kikako."—Chicago Inter Ocean.

            "O keia buke kuhikuhi nui, oia kekahi o na mea kokua maikai loa no ka hele ana ma na halekuai, i kupono hoi e hoounaia ma kekahi apana aina."—Boyce's Monthly, Chicago.

            "O ka lakou buke kuhikuhi, oia no ka halekuai nui holookoa i houluuluia a kahi hookahi."—Atlanta Constitution

            "He mea pono e hanaia i kanawai e hooliloia keia buke i mea heluheluia maloko o na halekuai." The Hon. G. A. Southtown.

            Ua hiki ia makou ke hoike aku he mau tausani o na olelo like me keia. E hoouna koke mai i 15 keneta, a e loaa aku no ia oe ka Buke, 4 paona ke kaumaha, ma ka hoi hou ana aku o ka moku.

            E kakau mai,

            SEARS, ROEBUCK & CO., (Inc.)

            CHICAGO, ILL., U. S. A.

 

PAUAKAIA KA ENEGINI O KINAU MOKU.

He Lapu Anei?

            Ua haawi ae nei ka Hui Mokuahi o Waila Ma he $500 uku makana, no ka mea nana e hoike aku i ka mea e hiki ai ke hopuia ke kanaka "hookalakupua" i pii ai iluna o ka mokuahi Kinau ma ka po Poakahi nei, a hoonee aku la i ka oni ana o na mea paahana o luna o ka moku.

            Ua oleloia, ua pii aku la kekahi kanaka iluna o ka mokuahi Kinau, a nakiikii iho la i ka piko o kekahi kaula ma ke ki hoopaa a hookuu mahu, a lawe mai la oia i kekahi piko o ke kaula ilalo nei, a me ia kaula, ua noke keia hookalakupua i ka hukihuki mai i ke kuau o ke ki hoopaa mahu, a oni ae la ka huila o Kinau-moku, a hooneeia mai la oia imua. Ina aole i hoopaaia ka moku me na kaula nunui mahope ina paha ua hookui pu ka ihu o ka moku i ka pili-pipa uwapo mamua nei.

            I ka lohe ana hoi o ka mea kiai moku i ka owe o ke kai e hua‘i ana i ka oniu a na epaepa o ka huila, ua hele koke aku la ia e nana i ke kumu o nei hana kamehai o ke aumoe, a ike iho la ia me ka hoohewahewa i ke 'kaula" i hoopaa ia ma ke ku-au o ke hoonee mahu. Nolaila, ua telepona koke aku la ia ia Kapena Clarke, a iho koke mai la ia, me ka wili-ki nui, a hoopau iho la i ke kumu i hoeepaia ai o Kinau moku, "Kahili Lehua o Hilo."

            Ke nu nei na ninau ana. Ke kanaka maoli anei? He lapu anei? Heaha keia?

 

MAU MOKU KAUA HOU NO PILIPINO.

            WASINETONA, Oct. 4.—I keia la i haawi aku ai ka Peresidena e hoouna koke ia aku na mokukaua Brooklyn, Marietta ame Machias, no na mokupuni Pilepine. Ua puka mai keia kauoha mamuli o ke kuka kamailio pu ana a Adimarala Due ma keia la iho la me ka Peresidena.

 

Na Elele Hawaii no Bosetona.

            Ma ka oluolu ame ka lokomaikai o Rev. J. M. Ezera o ka Ekalesia o "Ka i'a hamau leo," e noho mai la i Bosetona ua hoouna mai la ia ia makou i ka nupepa "The Congregationalist," Sept. 28, a malaila makou i ike iho ai i ka hoike a ua nupepa la no ka mea e pili ana i na Elele Kahu Ekalesia mai Hawaii aku nei, a pela pu hoi me ke kii o Rev. E. S. Timoteo ame ko makou mea kakau. Eia iho na mea a makou i unuhi mai ai, ame na kii o keia mau "Levi" kamaaina o Hawaii.

            O ka hope loa o na kahea inoa hanohanoia ana ma ka Poakolu nei, oia no na inoa o na Elele Hawaii, a, mamuli o ka ohohia i hoikeia ae e na mea apau, ma ka wa i kahea pakahi ia ai ko lakou mau inoa, ua ike maopopo ia, aole lakou i panaiki ma ka mahalo ulumahiehie ia ana e ka Aha. O na Elele apau eono, he poe Kahu Ekalesia wale no, he eha mai Oahu mai a he elua mai Hawaii. O ke alakai o keia poe Elele, oia no o Mr. O. P. Emekona, he Anglo-Saxon maoli ia, he elua he mau koko awili laua, a he ekolu he poe kanaka Hawaii holookoa. Aka, e haiolelo ana lakou apau imua o ko lakou mau anaina ma ka olelo Hawaii. Aole e hoomaopopo ana kekahi mea mawaena o kakou iho i ke ano apuupuu kalakala o ka kakou olelo, ma ke kamailio ana,

REV. E. S. TIMOTEO.

aia wale no a lohe oia i na Elele Hawaii e kamailio ana i kahi ame kahi ma ka olelo Hawaii, me ka leo maikai a he kohu kani oluolu ana na ka melodia.

            Ua hoonaauaoia keia poe Kahu Ekalesia maloko o ke Kula Kahunapule hookahi wale no ma ka Pae Aina—The North Pacific Missionary Institute, (Ke Kula Kahunapule o ka Pakipika Akau). Mamuli hoi o ke kulana ko'iko'i o ko lakou mau Ekalesia, ka loihi hoi o ko lakou wa o ka noho kahu ana, ame ko lakou ano he poe makaainana ko'iko'i nohoi, ua lilo lakou i poe kanaka e haaheo ai ka Pae Aina, ma ka hoouna ana mai ia lakou, i poe Elele Hoike no ka hana Karistiano ma Hawaii, ame ka nohona lahui maoli hoi. Ua hiki ke oleloia, he Karistiano ma ke kino (form) ame ka uhane (spirit) ,oiai, o ka Ekalesia Konegationale, ka hoomana maoli no o ka Pae Aina, a o keia poe eono, o lakou na Elele no ka kihapai Ekalesia he kanalima-kumamaha na Hawaii.

            O ka mea i hoonohoia e makou mawaena konu," wahi a kekahi hoa o lakou i pane hoomakeaka mai ai, oia no o Rev. J. Kauhane, he Kahu Ekalesia no kekahi kihapai ma Hawaii, aneane kanaono mile mai Hilo aku. O keia kanaka poohina, e lamalama mau ana kona mau maka me na mino aka ana, oia kahi alii o ka Pae Aina, ma ka lalani la o na'lii kahiko loa. E papahi pu ana maluna ona, ka hanohano o ka noho ana iloko o ka Ahaolelo Hawaii no na makahiki he kanakolu-kumamalima, no na makahiki hope mai nei nae

REV. J. M. EZERA.

he umi, ma ke ano Senatoa, a no ka hapanui o ka manawa, he hope Peresidena oia no ka Aha Senate. O kona kokoolua hoi, oia o Mr. Desha, he kahu oia no ka Ekalesia ma Hilo.

            O kekahi Elele, oia o Mr. Timoteo, (ka mea nona ke kii i hoikeia maluna ae nei) he Ekalesia Hawaii maoli kona ma Honolulu, a oia nohoi ka Ekalesia nui, he kahunapule ia no ka Ahaolelo. O Mr. Ezera, he kanaka ia i komohia ma na hana e mau ai ka nohona maluhia ma ka Pae Aina a he makaukau nohoi ma ke kamailio ana i ka Olelo Beritania, ke hoakaka mai oia i kona manao, he kihapai kona ma kahi he umikumamalua mile mai Honolulu aku. A o kekahi Senatoa nohoi, oia o Mr. Waterhouse, a mai Oahu mai nohoi ia.

            Ua hookaulua no na Elele ma na kulanakauhale he lehulehu loa me ke alahele a lakou i hele mai ai no Bosetona nei, e haiolelo ana ma na anaina Sabati ame na Ahahui Poakahi. A ma ko lakou alahele huli hoi aku, makemake lakou e hiki kino ma ka halawai a ka Papa Amerika a holo loa aku nohoi no Wasinetona, a e ike i ka Peresidena. Oiai hoi, aole ka lakou huakai pili kalai Aupuni (honua) eia nae, ua paa ka manao o na Elele e hoike aku i na mea io maoli e pono ai o Hawaii, oia hoi, e loaa iaia ka pono kaulike o ka nohona Aupuni huiia.

            Aole hookahi o keia poe Kahu Ekklesia i hoea mai i Amerika nei mamua. * * * * Ua piha mahalo loa lakou no ke ano o ko lakou hookipaia ana e kakou nei, ame ka nani o Bosetona nei, "kahi i oi aku ka oluolu o ka nohona maha i ko Kikako." Ua olelo mai lakou no Kauka Withrow, ma ke ano, oia ke kanaka Amerika haiolelo hiki ia lakou ke hoomaopopo me ka maalahi.

 

Puali ka Hau Nui i ka Hau Iki.

            Ma ka hora 1 o ka auwina la Poakahi nei, kahea aku la he elua mau kapena ame ekolu lutanela o na koa Amerika o luna o ka moku "Kulanakauhale o Para," ia Charles E. Dunwell, he kalaiwa kaa no ka hui kaa "Pantheon," e lawe mai i kona kaa a ma kahi a lakou e ku ana, oia hoi kahi ma ke alo iho o ka halekuai "The Kash." Ua hookele aku la ke kalaiwa i kona kaa a hoea ma kahi a ua poe alii-koa nei e ku ana. Kau mai la ua poe aliikoa nei. He eha ma ka noho mahope, a hookahi mamua me ke kalaiwa, a holo aku la i kai no ka moku. I ko lakou holo ana a ma ke alo iho o ka Hale Banako o Hawaii, ma Alanui Papu, ua ninau aku la ua poe aliikoa nei i ke kalaiwa kaa no ka uku. Ua hai mai la ke kalaiwa, he hookahi dala; alaila, olelo aku la ua poe nei, e lawe loa ia lakou a hoea i kai o ka uwapo, ma kahi e ku ana ko lakou moku.

            I ka hoea ana i kai, ua ninau hou mai la ua poe nei i ke kalaiwa no kana "kaki" e auhau ai ia lakou, ke lawe oia ia lakou i waho o "Sans Souci," a e hala ana paha he elua hora okoa ma ia huakai. Pane mua aku la ke kalaiwa, he $8, aka, i kona ike ana he 5 poe e kau ana maluna o ke kaa, ia wa oia i olelo ae ai, he $10. Olelo aku la hoi kekahi o ua poe la i $4 wale no ana e ae ai e uku aku, oiai o ke "kaki" no ia a kekahi kalaiwa kaa nona ka inoa o Frank Lillis. Pane mai la hoi ke kalaiwa kaa, aohe nona ponoi kona kaa e hana ana, aka, no ka Hui Pantheon, a he kanaka hana ia, oiai hoi o Frank Lillis, nona ponoi kona kaa, a ua hiki iaia ke kaki elike me kana i manao ai he pono. Ua hoole aku la ia i ka lawe ana ia lakou no ka uku i emi iho malalo o ka $10, a nonoi aku la i kona uku o ka lawe ana ia lakou a hoea i kai o ka moku. Ua kiola mai la kekahi o lakou he "hapalua" (kanalima keneta) me ka olelo ana mai ua lawa ia nona, aka, ua hoopaakiki aku la no o Dunwell e pono ia e ukuia mai i hookahi dala, a ina aole pela: aole ia e lawe i kahi mea malalo iho oia huina. E ku ana ua poe aliikoa nei ma na aoao elua o ke kaa. Iaia (Dunwell) i kulou iho ai e lalau iho i na kaula kaohi o kona lio, ia wa i lalau mai ai kekahi "aliikoa" kulana kapena i na kaula kaohi, a wili ae la ma na lima o Dunwell, a huki aku la iaia mamua o ke kaa. Alaila, lalau mai la ua "aliikoa" la i ka uwepa o ke kaa, a uhau iho la me ke kumu, ma ke poo o ke kalaiwa. Pii ae la hoi he elua o ua poe aliikoa nei mahope o ke kaa, a noke iho la i ke kui me ka laua mau puupuu ma kona poo, a ma kona mau maka. E hele pu ana me keia mau hana hoomainoino na huaolelo "kuea" o na ano apau.

            Ina aole i hoea mai kekahi aliikoa kiekie ia wa maluna o ka moku, ina ua make maoli ke kalaiwa kaa. Nana i kuhea mai i keia poe aliikoa e hoi aku no luna o ka moku, a nana hoi i uku mai ke dala hookahi a ke kalaiwa i koi ai.

            Ua hoi mai la ke kalaiwa kaa mai kai mai, a holo pololei loa aku la ia no ka "Halewai," a waiho aku la i kana hoopii imua o ka Ilamuku. Aka, ua oleloia mai oia, e hoao oia ina paha e hiki ana ke hooponoponoia keia pilikia mawaho, oiai hoi e holo koke ana ka moku. Ua hele oia e ninau i kona loio, oia o Charles Creighton: alaila, o ka loio hoi, hoea aku la ia i kahi o ka Hope Kanikela Pelekane.

            Ma kela wa no nae, ua hoouna aku la o Ilamuku Baraunu ia Hope Ilamuku Chillingworth ame Kapena Poo o na Makai Robert Parker, me ke kauoha e kuka pu me ke aliikoa nui o ka moku. Ua iho pu o Dunwell me keia mau luna Aupuni "Kivila" no kai o ka moku. I ka hoea ana aku i kai, ua ike aku la o Dunwell i kekahi o na 'liikoa i pepehi ai iaia. A mahope iho o ko lakou kali ana no kekahi manawa, aia hoi hai ia mai la ka lohe ia lakou nei, aohe ke aliikoa kiekie o ka moku e ike mai i kahi mea o uka nei; aole nohoi kekahi mea e aeia e pii aku iluna o ka moku.

            Hoi mai la keia mau luna Aupuni a hoike aku la i ka laua hana imua o ka Ilamuku, a ua oleloia mai la o Dunwell e hele imua o Lunakanawai Wilikoki e hoohiki ai i palapala hopu, no ka hopu ana i na'liikoa Amerika, no ka hewa "hoeha." Ua hookoia keia hana e Dunwell. Puka ka palapala hopu, a hoouna hou ia aku la o Hope Ilamuku e iho i kai o ka moku no ka hooko ana aku i ka lima kikoo "kivila" o ka Aha Kivila. Ma keia huakai, o Kapena Makai Parker kekahi. Ua kauohaia aku nohoi laua, e nonoi aku e loaa mai ona kuka kamailio pu ana me ke Aliikoa Kiekie o luna o ka moku.

            Ia laua i hoea aku ai i kai o ka moku ua papaia mai la laua e na koa kiai, aole e pii aku iluna o ka moku. Ua nonoi hoopaakiki aku la hoi na luna Aupuni "Kivila," e aeia mai laua e hoouna aku i palapala i ke Aliikoa nui, a ua aeia mai la. Ua laweia aku la keia palapala e kekahi "kopala" (corporal) a i kona hoi ana mai, ua hai mai la ia i ke koa kiaia, aole loa e aeia kekahi mea e pii iluna o ka moku.

            I keia wa i ulu ae ai ka manao iloko o ka Hope Ilamuku Chillingworth e hoao oia e pii iluna o ka moku no ka hooko ana i ka mana kanawai o ke Aupuni i ku mai ai ka moku i loaa ai he poe kanaka haihai kanawai kivila; nolaila, me ka eleu hoao aku la oia e lele aku iluna o ke alapii e hoea aku ai iluna o ka moku, aka, ua oi aku nae ka eleu o na koa kiai, a ua kauke'a mai la laua i ka laua mau elau pu mamua ona. Aohe hana i koe e hana aku, ua oni paa mai la ka "Mana Koa" o luna o ka mokuahi lawe koa, a kaoihiia mai la ka "Mana Kivila" o ka aina nei.

            Ua hoakaka piha ia aku ke kulana ame ka hana a na Luna Aupuni o uka nei o ka aina imua o na koa kiai ame ke "kopala," aka, ua pane mai lakou aohe hiki ia lakou ke hana i kahi hana e ae, o ka hoolohe wale no i na kauoha a ko lakou mau alii.

            E hoomanaoia hoi, o keia kanaka kalaiwa kaa i "wawaluia" mai la ke kekahi mau manamana liilii o ka "Aeto Amerika," he wahi hulu (makaainana) hookahi ia no ka "Liona Pelekane." Oia nei kekahi i hoopokeokeoia iho nei e ke Aupuni me $2,500 no kona hoope'a wale ia ana ma ka hana hookahuli Aupuni hope loa iho nei.

            Ua loheia mai e hele loa aku ana keia wahi hana imua o na Luna Aupuni Pelekane maanei nei a ma Wasinetona nohoi.

            O na hua o keia mua aku he Liona a he Aeto.

 

Ma Maui No Na Wai Eha.

             Ma ka la 3 o Okatoba, 1899 @ ke kulanakauhale alii o Hon@ na Wai-Eha. Hora 5 p. m. @ ana me ka uwapo. Ma k@ ua lai malie ke kai, a ku i @ra 12. Aole au i ike aku i@ Malu Ulu o Lele no ka poel@ hora a. m. pii no Kahul@ haalele kela mea maikai i @ moku he o-wa. Komo i ke aw@ Kahului i ka hora 9 a. m. @ ana kau i ka uwapo, e ku ma @ lei aloha Hanale Iwa. Ka@ no ka ua hoeha ili o Wa@ makahi "kaahaaha lai o N@ kuu mama aloha me ka wa@ home aloha keia o kuu mama @ he mau kaikamahine kuonoo@ Wai-eha nei, a o ka mua k@ nei me a'u, a o ka hope, oia @ Honolulu.

            Hoea aku i kauhale ua maka@ mea apau; mai ka puaa mo@ bipi kelekele, mai ka poi ka@ ka opae mahiki o Wahikuli

            I ka Poalima ae piha k@ ua ulua mai na kupa o na W@ me ka Hon. S. K. Kaleikau. H@ hini au, akahi no a ike i ke @ o kuu mau makuahine me k@ aloha. He aina oluolu m@ Wai-eha nei, he mohala maik@ na aku ia Maui hikina, e wa@ laha mai ana ke Kula o K@ me kona mau mala ko nu@ mai ana hoi o Makawao i k@ kiu. Ke malu mai nei na p@ kolo iho la ka ohu, ke ko m@ anu, ke iniki mai nei ka @ Waiehu nei.

            Ma keia ahaaina ua haule @ ka hope moku, a pela no k@ aloha; hiki mai, ua pau ka @

            Kaulana loa na Wai-eha @ mahi ko nunui, i keia mau m@ no ka ua ole, ua maloo ke @ uuku hoi kekahi o ka wai @ nei kau maka sila i ka l@ inika.

            Me ka mahalo,

            MRS. KAOHULEHUA

Nawai-eha, Okatoba 9, 1899

 

Make Hikiwawe

            Ma ka hora 2 paha o ka @ Poakahi nei i haluku mai ai @ Honolulu nei, mai uka mai @ ua make o Mrs. John Moses U@ ma ko laua home noho mauka o @ oiai no ia e kamailio ana me @ kai, ame ka ma'i ole nohoi @ mau hoaloha.

            He hoa paa mau keia no @ Himeni o Kaumakapili, a o@ wahine alakai ma ka leo "So@ maloko oia Papa Himeni. H@ nau inoa maemae ia noloko o @ lesia o Kaumakapili. Ua haule @ ia e hoomaha ma ka poli o ka @ ana i hoonani ai me kana mau @ ana.

            O na hana pono, ame ke ana@ o ka luakini o Kaumakapili @ mea haule ole ia iaia. He m@ kona i ike ole i ka ehaeha @ no iloko o Iesu ka Hoola

 

HE EHA NAE PAHA KO@

            O kahi hui a eha uuku @ mau ami, he hoailona @ Rumatika Alaila, hoea @ konikoni, na umii hoeh@ ame ka uluhua, a oia @ maopopo o keia ma'i.

            Ma ka wa mau au e ike a @ uuku, e pono oe e hoomaka @ ai ana i na Huaale Akala a @ liams no na Kanaka Nananak@ kaohiia auanei ka mahuahua @ o ka nee ana a ka ma'i ka wa@ ai oe no kou hana anana pela.

            O na Huaale Akala a D@ no aa Kanaka Nananak@ Hoola Oiaio a Mau Loa @ Rumatika. E kipaku aku an@ au i na mea inoino apau, m@ o ke koko, a e hoolako awiw@ i na mea e loaa hou ai ka @ aa-lolo i hoonawaliwaliia @ haneri ma'i Rumatika oolea @ laia me ke kupaianaha loa @ ma na manawa he lehulehu @ ai ka manaolana o na Kauka @ helu i keia olelo i hoohikiia

            "Iloko o 1890, ua loaa iho @ ma'i Rumatika, a ua hoomaka @ ia ma kuu mau papakole, a @ la a puni kuu kino. No elua @ ame ka hapa, ua waiho iho @ kuu wahi moe; lawelawe @ e eiwa poe Kauka akamai @ ny, ame elua mau Kauka @ ma'i Rumatika ma ke kulana@ Nu Ioka. Ua hoike mai la @ i ko lakou mau manao no @ aohe manolana i koe no k@ hope hai mai la lakou ia @ wale no o'u pule e ola ai. O @ au ia lakou, e lawe aku @ kou mau laau; a ina au @ alaila, e make hoi au me ka @ ka lakou mau laau.

            O kuu kaikamahine ohana @ kona lohe ana mai kona @ mai, no na hopena pomaikai @ ka ai ana la i na Huaale A@ Williams no na Kanaka @ nana au i koi ai e ae @ huaale la. Ua kuai aku @ huaale, a mamua o ka po@ huaale o ke poho mua i ka @ ua ike iho la ua i ka ono @ ko'u puu i ka ai. No kek@ i ike ole ai ko'u puu i ka @ nolaila, hoomaopopo iho la @ huaale ke hana mai nei @ Hoomau aku la au i ka ai @ Huaale nei, a mahope iho o @ i na huaale o na poho he @ hiki ia'u ke haalele iho i kuu @ a hele ae la ma o a maanei @ koo poaeae. He 139 wale n@ paona, oiai nae o ko'u ka@ mau he 240, a he hoike k@ komo ana iloko o keia m@ iho o kuu ai ana i na huaale @ mamakolu poho, a, ma ka @ i piha ka makahiki o ko@ mau huaale la, ua kaupao@ a o ko'u kaumaha he 207 @ mau aku la no au i ka ai @ ale, a mahope mai ua h@ lele holookoa i na kookoo @ keia wa, ua ola loa au."

            MOT T@

            231 Hamilton St., A@

            Hoohikiia a kakauinoa@ keia la 17 o Sepatemaba, 18@

            NEILE F. TOWN@

Albany Co., N. Y. No@

            E kuaiia ana na Huaale @ Williams no na Kanaka N@ na opeope, a, aia mawaho @ ka inoa piha. E loaa no @ kuai laau lapaau apau, a @ oha mai ia Dr. William's M@ Schenectady, N. Y. 50 @ poho.