Ka Nupepa Kuokoa, Volume XXXVIII, Number 41, 13 October 1899 — Na Elele Hawaii no Bosetona. [ARTICLE]

Na Elele Hawaii no Bosetona.

Ma ke ku ana mai nei o ka mokuahi Mariposa ma ke kakahiaka o ka la inehinei i loaa mai ai ia makou, he palapala mai ke Kahu Ekalesia mai o ka Apana o.Ewa, a no ka pomaikai o na poe heluhelu o ke "Kilohana Pookela no ka Lahui Hawaii," ke hoopuka aku nei makou ma keia wahi o ka pepa o 1 keia la: A o ka Helu 3 keia o na puka | ana o keia mau hoike waiwai nui. HAALELE IA CHICAGO NO BOSETONA, POAKAHI, AUGATE 28, HORA 12 AWAKEA. I ka hookokoke ana ae i ka hora 12 awakea ua kau iho la makou ma na kaa o ka Hotele no ka hale hoolulu kaa-ahi. Ia makou no a hiki e oni mai ana na mea paahana o ke kaamahu, o ke kau aku la no ia iluna, i loa no a hiki pono ae ka manamana kuhikuhi hora o ka uwaki i ka hora 12, o ka oni palanehe aku la no ia o na huila a no Bosetona ka pahu hopu. Eia ko makou nui ma keia huakai, o ka mea kakau nei Rev. E. S. Timoteo, H. Waterhouse, Mrs. Waterhouse, Albert Waterhouse, Nora Waterhouse ame H. W. Rice. Mai keia auwina la a po eia no makou i'ke alahele kahi i mahalo ai i ka nani. Ma na wahi au apau e alawa ae ai e ike ana oe i na kualono, na puu, na oawa ame na muliwai, a o ka'u ia e puana ae nei, aole no hoi i kana mai ka nani uliuli a oluolu na maka ke nana'ku. Ma na kaona apau ma o a maanei o ke ala kaa-ahi, aole e nele kou ike i na puoa o na luakini. Me he la e i mai ana i kamahele, "E hai ia 'ku no ko'u aupuni ia hanauna aku a ia hanauna aku. Hoaumoe iho la makou ma na keena moe kaa-ahi o makou ia po, a i ke ao ana ae, aia hoi ua hala hope ae la kahi mau mile, aka, o ka nani aoleia i maalo ae, me ia mahalo no i ka nani a komo ana makou i iloko o kekahi lua i eli ia malalo o lia honua no 4 mile ka loa, wahi a kamaaina. Peniia mai la na puka makani, na puka komo, a kuniia ae la na kukui, i a eia makou ke holo nei me ke kuupau I ia o ka holo, a aole no i upu iho oili ana makou ma kahi aoao, a e ku ana nohoi he kaaahi ma kona alanui no ke komo mai iloko o nei lua po; a o keia wahi, aia no ia ma ka oawa i hele a uluwehi i na laau paina me na laau e ae. I ka hala hope ana aku la o kela lua pouli, halialia wale mai ia no i a'u ka olelo a ka mea haku Halelu, me he mea la e i mai ana, "Ina e hele au ma ke awawa malu o ka make aole loa wau e weliweli i ka poino, no ka mea. o oe pu kekahi me a'u. O kou mana, ame kou kookoo, o kou mau mea ia e oluolu ai." I ka ani ana ae o ka hora 5 1-2 o ke ahiahi, aia hoi e waiho papu mai ana ke kulanakauhale o Chavleston, me he opua hiki ahiahi 'la. E na hoa Hawaii 0 kuu ili hookahi, maanei e hoike ae wau, aia ma keia kulanakauhale ke ku kilakila nei ke kia pohaku hoomanao 1 kapaia Bunker Hill Monument, maluna o kekahi puu i kapaia Breed*s Hill. He 30 kapuai kuea kona kumu, a he 220 ke kiekie, a o kekahi keia o na kahua kaua poina ole a na Amerika me Pelekane, a me na mea no apau. E haalele ae kakou ia Bunker Hill, a e nee aku kakou no mua, oiai ke kau mai nei ke ano ahiahi,.a ke ui mai nei ke alakai Hanale ia maua me na leo oluolu o ke ano liawaii ponoi, a nona maua c poina ole nei i ka nui o kona malama maikai ia maua ma na mea ku i ka pono apau; a he hapa ka makua ponoi; a ua like no laua me kona mama, kohu wahine Hawaii; a ke noi ae nei wau i na mana mailuna mai, mai poina oe ia H. Waterhouse me kana leele e hoolilo ia laua i mau makua oiaio no ka pono Kristiano o na Hawaii ponoi. Oiai maua e nanea ana i na kuhikuhi ame na hoikeike a ko maua alakai, aia hoi he mea hikileleia o maua, i nana aku ka hana, aia makou ke hookokoke loa aku la e pili i ka hole hoolulu kaa-ahi o Bosetona, i kapaia Union Station. I alawa pono aku ka hana e lele mai ana na hale oihana o Bosetona he he ao naulu la ke kaalewa i ka maka o ka opua. A me he la he mau eheu no ka nene au moana ka waiho mikioi a ke kulanakauhale o Bosetona. i Makekukeka (Massachusetts). I ke kani pono ana ae o ka hora 6 me na minute keu, kohi ana ka holo o ke kaa o maleou, lele ilalo, kau ma na kaa o ka hotele, a no Park House ka pahu hopu. Ke noe mai nei na hora o ke ahiahi a ke hala ae la e nalo na hiona o ke kanaka, kohi ana na kaa lio o makou i ka puka o ka Hotele. I alawa ae ka hana molale i ka lewa nei hotele, kai nohoi o na hotele wale aku la no a maua i haalele hope aku la ka nani, eia hou no ka hoi ua nani; a o ka'u ia e i ae nei, o Hanale ka hoa hele, pau pono ka nani o Amerika. Ke ku nei ka Hotele Park House ma ke kihi ponoi o School Street me Fremont Street. Lele ilalo, komo i ke keena, paa na inoa i ke kakau, kau ma ka papa hoopii no ke kolu o ka hale o luna ka palena. Maanei, napoo ae la maua ma na keena i hoomstkaukauia no maua, a pela pu makou apau. I ka pau ana ae o na wahi aahu kaahele i ke kapae ma kuono, komo na wahi aahu hou, he keonimana ka olelo ana. He komi wale aku no kau i ke ki uwila ku ana na keiki haole lawelawe, ninau ka makemake, pakake aku pakake mai maua, e loa oe i ka hua kukui ka olokaahele o ka olelo haole iloko o ka waha a hu ae la ka aka. He alu aku ka a hoea mai ana na elele, i nana aku ka hana, ua laweia mai la ka mea a maua i makemake ai. Ia oe a hala iki aku o ke kakahiaka, i komo mai ka hana he wahine haole kauwa ko loko, e halii ana, e pulumi ana, a e hooponopono ana i na mea apau o ke keena. A nawai hoi e nele ka haule o ke kupaa Karistiano o ka mea manao kapekepeke. no ka mea he liona o waho, a he liona o loko; aka, no kuu hoahele Rev. E. S. Timoteo, he like ia liona me ka ole, a ke nana aku oe i ke kahu o Kauinakapili, aole mea ē pihoihoi ai, no ka mea, liopkahi ka manao a imua a lanakila. Oiai no maua e hamumumu ana me j ke aheahe malie e mahalo ana i ka ke j Akua kiai paa ana ia maua ma ke ala- j hele moana a aina a hiki i Bosetona

nei, kikeke ana. Senetoa Waterhouse, ina kakou no ke keena paina, ao ka hora 8 keia. Kau ma ke alaweika, ku ana i lalo, komo i ke keena paina. I nana aku ka hana ua lei Kohala i ka nuku na kanaka e hoopiha ana i ka lua oka inaina. Ia makou no a noho. hiki ana na kuene, ninau ka mea ai i hakalia no apau i ka hahai, aole ia i emo aku, kuku ana i ke pakaukau. Haule iho la nuu e lawe mikioi ana o kapeke ae mawaho o na lula keonimana o ka papaaina. Ake ole au e kuhihewa mai hoomanao o Hawaii no mavia ua ku ae inawaho o na lula, e hookomo iho, eia maua.ma ka papa like me na ili puakea o Maleka. Ua kiloiia mai maua ma ka Hotele o Kaleponi a hiki i Bosetona nei, a o ka'u e hai aku, o ka mea i loaa i ko maua Alakai Henry Waterhouse he mahalo mai na malihini mai. ) Pau ka paina, holoholo iki, ai ka ) hiki pono ana ae i na hora kupono no ka hiamoe, hoi aku la kela ame keia pakahi o makou ma na keena, a o maua i ko maua keena, paa ka puka i ke ki, pelu na kuli ilalo, waiho na hua pule i ke alo o ka Mea Mana loa. a haule aku la hiamoe. Maikai ka po, oluolu maikai ka moe ana, me ia i waiho malie iho ai maua maluna o ka moe a ao wale ia po, a e like me ka anapu ana a ka uwila kikeke ana ke Senatoa ma ke pani puka; e hoolale mai ana e liuliu no ka paina kakahiaka. I ka pau ana ae o na mea i ka hooko ia. haule aku la makou no ka lumi paina. I ke kuikahi pu ana ae o ka pololi me maona m-aikai, liuliu ae la makou e heie no ke keena kupakako o na hana pili i ka Misiona Kuwaho o ko kakou hoomana ma Bosetona nei. Hiki malaila, hui pu me na haipule kuka pokole, a mai laila mai hoikeia mai la ia makou ke nolio nei o Mrs. 0. P. Emerson ma kahi kokoke loa. Haalele iho la a hele aku la huli a loaa aku ia makou ma kona home oia wale no me kekalii kaikamahine kauwa. He mau la mamua i hala hope ae, ua kii mai ka anela o ka make a kaili aku la i ke aho hope o kona makuahine i aloha nui ia. Halawai pu iho la me ka hoike pu aku o Hanale e haalele pokole iho ana oia ia Bosetona nei no ke kulanakauhale o Nu loka. Maanei e na makamaka a hoa heluhelu o ke Kuokoa. e kamailio pokole akn wau no Henry Waterhouse. Ma ka oluolu o Hent*y Waterhouse ua noi aku oia ia 0. P. Emerson e hookuu mai ia Rev. E. S. Timoteo ame ka mea kakau nei e hele e mamua me ia. nolaila, ua hookuu ia mai maua me ka manao a hiki maua i Bosetona nei al->ila na Emekona e malama ia maua. oiai aole o Hanale e hoi pu ana me makou no Hawaii. Nolaila ma keia halawai pu ana o makou me' Mrs. O. P. Emerson ua maopopo ae la.ua hoike e ia aku iaia e huli i hale no makou e noho ai. Nolaila, ua loaa ia makou he wa e liele ai e imi pu i hale kupono. a ma fa liuli ana ua loaa ia makou he lumi e kupono loa ai ia maua no ka noho ana mabko <» kekalii hale hoolimalima i kapaia The Otis. Ke ku nei keia hale ma ke kihi o Alanui Joy ame Mt. Vernon, kokoke loa hoi i ka hale aupuni i kapaia State I-louse. Lako ina mea apau, a o ka oi loa oia ka maluhia. Nolaila i ka loaa ana he wahi no maua. ua hala koke o Hanale me ka ohana no Nu loka. e hoihoi i ke keikikane i ke kula. Ua hoolaunaia aku maua e Mrs. Eme»-son me ke Kanikela Hawaii, Mr. Gorham D. Gilman, a he kanaka oluolu maoli keia ma ka launa ana, a ma ia la no. na aua oia ia maua e paina pu me ia ma ka aina awakea, a malaila maua kahi i paina ai me na kuka oluolu ana.