Ka Nupepa Kuokoa, Volume XXXVIII, Number 41, 13 ʻOkakopa 1899 — NA NUHOU HOPE LOA. [ARTICLE]

NA NUHOU HOPE LOA.

Ua loaa ae he lono i Bloemfontein, ma ka la 3 o Okatoba, ua a'e aku la na koa Pelekane mai Kimberley aku ma Vgela aoao o ke Aupuni Alani. Aole .■ae i manaoio ia keia lono ma Ladana. Ua manao wale ia ma Ladana e kapaeia ae ana ka poha ana o ke kaua. Ke hoounaia la na baluna no ka oihana kaua mai Ladana aku a i Aferika Hema. Ua hoouna aku o M. Arnaud, ka Peresidena o ka Aha Uwai Lahui o ke Ao nei he noi ia Haku Salisebure e kohoia ona Mana Aupuni e ia, e kukakuka pu me ka Mana Aupuni e kohoia ana e ke Aupuni Transvaal, i mea e kapaeia ae ai ke kaua. E hoike ana kekahi lono mai Milana aku a i ka nupepa La o Nu loka, ua olelo ae o Kauna Muravieff, ko Rusia Kuhina o ko na Aina E, e noho nei i keia wa ma Helevitia, ua ae oia e lilo 1 lunakanawai kuikawa no ka Aha Uwao e aelikeia ana mawaena o Beritania Nui ame Transvaal. E hauwalaau ana kekahi lono mai Ladana mai, aole ka i makaukau o Enelani no ka lawe ana ae i 'ke kulana lele kaua aku a hakoko pu me Transvaal. aka, ua lawa nae kona mau koa ma Aferika i keia wa no ke kiai ana i kona mau pono. Hahana ke kaua ma Manila i hooukala ai e na koa Amerika ame ka poe Pilipino ma ka la 3 o Okatoba nei. Ua lelahee nui ia na Pilipino e na Anler/K a. Manuunuu nohoi na koa Amerika e hoea mai nei. Manaka i ka helu i ke ka ana mai o na mokuahi lawe koa no Manila. 0 ka hana pono wale no. "e olelo ae elike me ka ka Pake "Meliean Soljer! Nuinui pi mai. Ia laki nuinui tautau."