Ka Nupepa Kuokoa, Volume XXXVIII, Number 41, 13 ʻOkakopa 1899 — Make o John Philips [ARTICLE]

Make o John Philips

Ma ka hora 11 me 45 minute o ke kakahiaka Poalua nei i haalele mai ai o John Phillips i keia ola ana, a newa aku la ma kela aoao, mahope iho o kona kaa ma'i ana no ekolu pule wale no. He kanaka keia i hilinai nui ia e ko Honolulu nei poe kuonoono, ame na Hawaii nohoi i kamaaina iaia. 0 kekahi lala koikoi loa keia o loko o ka Hui Ma}u o loko o keia kulanakauhale. Oia nei kekahi o na 'Lii Ahaolelo i kohoia ai e ka "Aoao Lahui" ma ka makahiki 1890. Ma ka makahiki 1895 kohoia oia e Peresidena Dole i hoa no ka | Aha Kuka o ke Aupuni, a koho hou ia no oia ma ia kulana me ka makahiki 1898. Ua hanauia oia ma ke kulanakauhale o Olasgow, ma Sekotia aneane 57 makatliki i kaa hope ae nei. Ma ka makahiki 1883 i hoea mai ai oia i Hawaii nei, mahope iho o kona noho ana ma Amerika Huipuia no kekahi manawa. He oihana tini piula kana i lawelawe nui ai ma Honolulu nei, i kona mau la e o)a ana. Ua oieloia, he kanaka piha lokomaikai keia. E kokua maa ana oia i ka poe pilikia i na wa apau e hoea ana imua ona. Ma keia la Sabati ae e hoolewaia aku ai ia, malalo o na lawelawe ana a ka Hui Malu.