Ka Nupepa Kuokoa, Volume XXXVIII, Number 41, 13 ʻOkakopa 1899 — HE MOOLELO NO KA LIONA O KA OHANA IUDA [ARTICLE]

HE MOOLELO NO KA LIONA O KA OHANA IUDA

• 0 ka halealii hea hoi keia e pa-pa pono ae la na kukuna o ka la e napoo aku nei, a e olino mai la hoi me ka nani nui?" wahi a Ailina i ninau mai ai i ka Rabi. -O kela ka halealii o lee Kiaaina Roma, oia hoi o Ponetio Pilato; a oia ke kanaka e noho nei i Alii ma lerusalema. Aka, e kuu keiki," wahi a ua Rabi nei i pane aku ai ia Adina, i kona ike ana aku i kona, oni ana ae ia wa, "heaha ke kumu o kou ano e ana ae la i kou lohe ana mai la i ka inoa o ke kanaka Roma e noho alii nei ma lerusalema?" Aka. aole nae i pane mai o Adina no keia uinau a ka Rabi i ninau aku ai iaia. Ike aku la nae ua Rabi la i ke kaulona ana aku o na maka o Adina maluna o kekahi puu, kahi hoi e wanao'a mai ana hc poe kea lehulehu loa, a ua kokoke mai hoi ia mau kea ma ka puka pa o ke kulanakauhale. He elua mau kea, e kau mai ana he elua mau kino kanaka, a e oni ana laua i o a ia nei, oiai hoi kekahi puulu kanaka e nana aku ana me ka menemene ole a manaonao ole nohoi. Me he mea la, ua hiki loa ia Adina ke lohe aku i ka leo uwe walohia o kekahi o laua. Hoomaopopo iho la ka Rabi, o keia ke kumu o ko Adina ano e. Ia wa pane mai la ia: •'E kuu kaikamahine, o ka inoa o kela puu e hea ia nei o a na ka poe Roma no ia inoa i kahea no ia wahi. O kahi ia a lakou e pepehi ai i na kanaka i ahewaia e laKou i ka make. Ke ike aku la au, he elua maiv kanaka i kaulia ma ke kea i keia la. 0 ke ano keia o ka hoopai make a ka poe Roma. Ma kou manao, he oi aku keia a ka hoopai lokoino, a ku i ka manaonao. mamua o ka hoopai hailuku ana i ka pohaku, elike me ka mea i maa mai kinohi loa mawaena o ka Isaraela." "Manao au," wahi a Adina i pane inai ai iniua o ka Rabi, "ua like no a like ka manaonao oia mau hoopai a i elua. Ua oi loa ka pono, ina e loaa kekahi mea e hiki ai ke laweia ae ke ola o ke kanaka i hoopaiia no ka make, me kona ike ole ana i ka ehaeha, elike me ke kau ana ma ke kea, a hoonouia ana paha me ka pohaku. Ea, heaha la ke kumu i kapaia ai kela puu o Gologota? Aole anei kela o kahi i oleloia ai ma ka moolelo kahiko, oia kahi i kanuia ai o na kino o Ad«n»u ani? iCvti ma ko laua wa i make ai? A o kekahi hoi. ma kela puu nohoi i kanuia ai o Melekisedeka. kela alii o ka pono. he kahuna kiekie hoi no ke Akua Mana Loa: a oia h'oi ke knmu i kapaia ai kela wahi o Gologota e ko kakou mau | kupuna?" j "He mea oinio. o ia.no na mea i ho- | ikeia mai ma ko kakou moolelo kahi- i ko: aka. aole nae hiki ia'u ke hai aku j ia oe i ka oiaio oia mau olelo a ka poo J kahiko:" Alaila. hoomau aku la no lakou i ka hele ana, a huli ae la ma kekahi pa pohaku e hoopuni ana i kekahi kihapai Aia ma kekahi mau wahi o ka pa. e hamama ana na pani puka. a ua hinee nohoi na pohaku o kekahi wahi. lke aku la o Adina i ka lioloholo mai o kek.ahi poe maloko o na pa la. a e noho ana hoi kekahi poe malalo o ka malumaln o na lau laau. Maanei, huii mai I la ka Rabi a kamailio mai la ia Adina: "O keia ka mahinaai, a i oie, o ke kihapai a Solomona, kahi ana i haku ai i kana mau mele he 1000 a oi. O ka inoa o keia wahi i keia wa o Gesetemane. A elike me kau e ike.aku la, i ke oneanea» a ano ole o keia kihapai i nei wa, pela no oe e hoomaopopo iho ai, na hala na la i uluwehi ai keia kihapai i kona nani apau. O keia iho la ke ano o na wahi kaulana apau o lerusalema nei." "Pela no," wahi a Adina i pane mai ai, "aka nae, aole no i pau ka hiehie o kona mau laau kedera e ku mai nei. He ku no i ke anoano ame ke eehia. He oiaio, ua ano kuanea no ka aina holookoa ma ka nana ana aku, aka, ke nana aku maiuna o ke kulanak&uhale hoano, aole i pau ka hiehie ame ka ihiihi o na paia o kona Luakini e oni la i ka lewa. Ea, owai hoi ka inoa o kela puu kilakila e uhi hapa ia mai la kekahi wahi o»a e ka ululaau?" "O Mauna 01iva kela, a oia no kalii hapa o ka mahinaai nei a ke. Alii. He puu kaulana loa keia ma na la e ku ana ka nani, ame ka hanohano o Isaraela. A o kela wahi kauhale au e ike aku la ma kela huli aku o kela puu, oia no ke kulanakauhale o Betelehema." I kela wa i pua-ai mai ai ka ula ohelohelo ma na papalina o Adina, a pane mai la ia imua o Rabi? "Auwe! O Betelehema anei kela o luda, kahi a na kaula i olelo mai ai, mailoko mai ona e puka mai ai ke Alii nana e hoomalu a e hooponopono o Isaraela?" t "Oia no. A ke kaulona aku nei ka maka o ka Isaraela, o ka oi aku nae, o namamo o ka ohana a luda, e hoeamai ana ka la ma keia mua aku e hookoia

ai keia olelo wanana. 0 keia ka olelo wanana nana e kakoo nei i ko kakou manaolana, aole loa e hehi ia ana o ! lerusalema a lilo i kulanakauhale neo- ! neo, e na kapuaai wawae o ko na aina e. Aole. Aka, e hoea mai ana ka la. e hoea mai ai he Alii, he Haku o na Ha- I ku. a he hua ponoi hoi ia mai ka pu- : haka mai o Davida." "A pehea, ke ola nei no nae paha he poe i pili aku i ka lalani alii o Davida?" wahi a Adina i ninau mai ai i ka Rabi, me ka haka pono loa ana mai hoi o kona mau maka maluna ona. "Ae. Ina aole ke ola nei kekahi mea, a poe paha i pili iloko oia lalani alii. alaila, aole auanei e hookoia kela olelo wanana a na Jtaula i wanana e mai ai. Aka, o ka mea maopopo nae, he poe ilihune a haahaa loa i keia wa, ua poe Ja i pili i ka lalani alii o 'Davida. O kekahi manao o'u, aia no paha ma kekahi wahi o ka honua, kahi i noho ai he poe alii, elike me ka noho mana ana a Damila ame losepa ma Peresia ame Aigupita, a me he mea la, mailoko mai oia poe, e puka mai ai ka poe na lakou e noho alii maluna o ka Isaraela." "A ina pela; pehea hoi auanei e hookoia ai ka olelo wanana i hai e ia mai mamua, mailoko mai o Betelehema e puka mrfi ai kekahi alii nana e hoomaiu i ka Isaraela?" Ua hiki ole i ka IJabi ke pane koke aku no keia ninau a Adina i ui mai ai iaia; a hala nae kekahi wa o kona kali ana, anehe mai la ia e kamailio mai. aka, ua alahula koke ia mai la ko lakou alanui e hele aku ana e kekahi pu-a hipa nui, e ho-a ia ana i mau alana noloko o ka luakini. Nolaila, aohe hiki ia laua nei ke hoomau aku i ke kamailio ana ma ia wa, o ka laua nei hana kupono wale no e hana ai, oia ka | makaala loa ana i ko laua mau hoioholona, iwaena o ke aluka a ka pu-a > hipa e naholo ae ana ma kahi a lakou e hele ana. I Me ke,amneume no i hele hoomana- ! wanui ai lakou nei a hoea i ka puka komo i kapaia o Damaseko. Ma keia puka, kaohi ia mai la laua e ke kiai puka, a nonoi mai la i ko laua nei palapala ae noloko o ke kulanakauhale o lerusalema, a koi pu ia mai la hoi ka uku no kela ame keia kamelo, a pela nohoi me kela ame keia miula o loko, o ka huakai. Aole i liuliu. hoea aku la lakou nei i ka hale o ka hoaloha o ko ia nei luaui makuakane, a he wahi kokoke nohoi ia i ka puka pa a lakou nei i komo aku ai. I ko ia nei hoea ana aku ilaila, ua apo aloha ia mai la ia e na kamaaina o kauhale, a ua oluolu loa hoi ko ia nei noonoo. He hoomanaoia hoi, o ka umikumamahiku ponoi keia o ka nui o konu mau makahiki. j M|i ka wa i Imalele iho ai ka huakai nana keia i lawe mai a hoea i leru- j salema, i hoouna aku ai ia i kana palapala mua loa i kona makuakane, a me he mea la, o ka wa ia, he ekolu makahiki mamua ae o ke kaulia ia ana o ka Hoola o ke ao nei malunK o ka laau ken. Nolaila. ma keia pule ae e hoomaka ai ka ike ana o ko makou poe heluhelu i keia palapala a Adina, a pela me na palapala e e apau i pili i keia moolelo nani a maemae. (Aole i pau.)