Ka Nupepa Kuokoa, Volume XXXVIII, Number 41, 13 ʻOkakopa 1899 — Page 6

6                                                                                                                                                Ka Nupepa Kuokoa Okatoba 13, 1899

KE KILOHANA POOKELA NO KA LAHUI HAWAII.

 

Hoolaha Mana Hooko

 

I keia la i hookohuia aku ai o M. P. Waiwaiole, Esq., i Komisina no na Ala Liilii ame Pono Wai no ka Apana o Wailuku, Mokupuni o Maui, ma kahi o S. Kapu i haalele mai.

J. A. King,

Kuhina Kalaiaina.

Keena Kalaiaina, Oct. 11 1899. 2775-3t

 

KEENA O KO NA AINA E.

 

Malalo o ke kauoha a ke Keena Kuhina, Wasinetona, D. C., i kakauia ma ka la 13 o Sepatemaba, 1899, ke hoolahaia aku nei ke Kauoha Mana Hookomahope ae nei no ka poe apau i kuleana ma ia mea.

E. A. MOTT_SMITH.

Kuhina o ko na Aina E.

Keena o na Aina E, Sepatemaba 28, 1899

 

Na Ka Peresidena O Amerika Huipuia.

KAUOHA MANA HOOKO.

 

Ma keia ke kauoha aku nei ka Peresidena o Amerika Huipuia e hoopauia na hana apau e lawelaweia nei, a e hookaukaukooia aku nei no ke kuai a hoolilo ana aku i na Aina Aupuni maloko o ko Hawaii Pae Aina; a in a he mau kuai kekahi, a he mau ealike paha kekahi no e kuai ana i hanaia mahope mai o ke aponoia ana o ka Olelo Hooholo Hoohui Aupuni, e haawiia aku ka lohe i ka poe i kuai mai, ua lilo ia mau mea i mea ole a paa ole hoi; a o kela ame keia kumukuai i ukuia aku i na luna Aupuni kuloko no ua mau aina la, e hoihoi hou ia aku no ia mau dala.

I HOIKE NO KEIA, ua kauoha (Sila) au e kauia ke Sila o Amerika ma keia.

Wasinetona, Sepatemaba 11, 1899.

WILLIAM McKINLEY.

Na ka Peresidena:

ALVEY A. ADEE,

Hope Kuhina Nui.

 

HOOLAHA AINA AUPUNI.  OLAA, PUNA, HAWAII.

 

Ma ka Poaono, Sepatemaba 2, ma ka hor 10 A. M., ma ka Hale Hookolokolo, Hilo, Hawaii, e kuaiia aku ai ma ke Kudal Akea, malalo o na kumu aelikje, no na hale noho ame ka hoomaemae ana, a he oluolu hoi ka hookaa ana iloko o ka manawa o umi makahiki.

Aneane 360 mau Apana, he 50 eka no ka Apana hookahi, ma ka Apana Aina Hou o Olaa, i ana ia iho nei.

Ua hiki no i ka mea e lilo ai kekahi apana ke koho no ka apana elua e pili pu ana me ka apana mua, koe nae ma na apana ma ke alanui nui.

O ka mea e kuai ana i apana ma ke alani nui, ua hiki no ke koho i apana kaawale aku, mai ke alanui aku.

E kuaiia aku ana na Apana no ke kumukuai oi aku maluna o $1.00 ame $2.00 no ka eka, elike me ke ano o ka aina ame kahi i waiho`ai.

O na hookaa ipha no na kumu aelike apau no ke kuai ana, e loaa no ma ke noi kino ana ae, a ma ka palapala paha i ke Keena Aina Aupuni, a i ole, i kekahi Keena Aina ma ia wahi.

J. F. BROWN.

Agena o na Aina Aupuni.

Iulai 3, 1899

 

O ke kuai maluna ae, ma keia ua hoopaneeia a ka Poaono, Novemaba 4, 1899, ma ia wahi, a ma ia manawa hookahi no.

Ma ke kauoha a na Komisina o na Aina Aupuni.

E. S. BOYD,

Augate 26, 1899       Kakauolelo.

2770-9t

 

NA NUHOU HOPE LOA.

 

Ua loaa ae he lono i Bloemfontein, ma ka la 3 o Okatoba, ua a'e aku la na koa Pelekane mai Kimberley aku ma kela aoao o ke Aupuni Alani.  Aole @ae i manaoio ia keia lono ma Ladana.

Ua manao wale ia ma Ladana e kapaeia ae ana ka poha ana o ke kaua.

Ke hoounaia la na baluna no ka oihana kaua mai Ladana aku a i Aferika Hema.

Ua hoouna aku o M. Arnaud, ka Peresidena o ka Aha Uwai Lahui o ke Ao nei he noi ia Haku Salisebure e kohoia on a Mana Aupuni e ia, e kukakuka pu me ka Mana Aupuni e kohoia ana e ke Aupuni Transvaal, i mea e kapaeia ae ai ke kaua.

E hoike ana kekahi lono mai Milana aku a i ka nupepa La o Nu Ioka, ua olelo ae o Kauna Muravieff, ko Rusia Kuhina o ko na Aina E, e noho nei i keia wa ma Helevitia, ua ae oia e lilo i lunakanawai kuikawa no ka Aha Uwao e aelikeia ana mawanena o Beritania Nui ame Transvaal.

E hauwalaau ana kekani lono mai Ladana mai, aole ka i makaukau o Enelani no ka lawe ana ae i ke kulana lele kaua aku a hokoko pu me Transvaal, aka, ua lawa nae kona mau koa ma Aferika i keia wa no ke kiai ana i knoa mau pono.

Hahana ke kaua ma Manila i hooukaia ai e na koa Amerika ame ka poe Pilipino ma ka la 3 o Okatoba nei.  Ua @@@@hee nui ia na Pilipino e na Amerika.

 

Manuunuu nohoi na koa Amerika e hoea mai nei.  Manaka i ka helu i ke ku ana mai o na mokuahi lawe koa no Manila.  O ka hana pono wale no, e olelo ae elike me ka ka Pake "Melican Soljer!  Nuinui pi mai.  Ia laki nuinui tautau."

 

ENELANI IA TRANSVAAL.

 

Ka Pane Hope Loa a Enelani i ka Poe Bua.

 

Ua oleloia eia iho na kumu ano nui a Enelani i manao ai e waiho aku imua o ke Aupuni Repubalika o ka poe Bua, i mea e kapaeia ea ai ke kaua, in a e ae ana ua wahi Repubalika uuku nei.

Akahi--Ka aeia ana o ke kuikahi o Pretoria i hanaia ai ma ka makahiki, 1881, ma kahi o ke kuikahi i hanaia ma Ladana ma ka makhiki 1884, no ka mea e pili ana i, na launa kuwaho ana o k Repubalika me na mana aupuni o na aina e.

Mamuli auanei o keia hoololi, e koi ia ai kahi Repubalika, e hoopau i kona mau pono apau ma ka launa ana me na mana Aupuni kuwaho, a he mea hoi ia e konoia ai ka Repubalika e kahea i kona komisina e noho nei ma Europa e hoi aku i ka home.

Elua--E hoopau loa ia na kanawai apau e pili ana i na poe mai waho aku nei, i hele aku ilaila, i kauia ma ka makahiki 1881, a nee mai i hope nei. 

Ekolu--E haawiia ka pono hooponopono kuloko i ka poe Rand (oia ka poe e noho ana ma Johannesburg.--L. H.)

He mea keia e lilo ai ka hooponoponoia ana o na hana aupuni kuloko apau o keia wahi ma na lima o ka poe Uitlander.  He hoala hou ana mai keia i ke kulana hooponopono Aupuni kuloko no ka poe Rand, elike me ka mea a Chamberlain i waiho aku ai ia Kruger, a i hoole loa ia mai ai e ia.

Eha--E hoopau ia na kumu akeakea pili hoomana.

I keia wa, ua kaupaleia na Katolika ame na Hebera mai ka noho ana ma na oihana Aupuni he nui.  Ua hele keia kaupale a hoea i na oihana liilii loa.

Elima--E laweia aku na mea kaua apau miloko aku o na papu nui elua e kiai nei ia Johannesburg.

Eono--Ua kauohaia aku ka Repubalika e haalele loa i kana kuikahi i hana ai me Potugala, oia hoi ke kuikahi i aeia ai oia e Potugala e hookomo aku a e lawe aku i na lako kaua ma ke kaikuono aku o Delagoa, a a`e aku ma ke kalana aina Potugala.

Ehiku--E ukuia mai na poho o ko Enelani hoouna ana aku nei i na koa i Aferika Hema ame na hoomakaukau e ae i hanaia e ia.

 

NA BERITANIA AME NA BUA.

 

Ua manaoia o ka nui o ka lahui kanaka Olelo E. i kapaia he Dutch, e noho nei ma Transvaal, aia mawaena o ke 80,000 ame 85,000.  Mailoko mai o keia poe he 22,000 poe Bua kupa a makaainana maoli no ka aina.  O keia poe kai makaukau loa e nee aku no ke kahua kaua iloko o hookahi hora e haawiia mai ai ka lohe.  O ka nui hoi o ka lahui Pelekane, me he mea la ma Johannesburg ko lakou wahi e noho nui nei, aole no e oi aku mamua o ke 90,000. na kane, na wahine ame na keiki.  Mailoko mai o keia huina, aole paha e oi akua ka nui o na poe kupono mamua o ka 3,000 no ka nee ana aku ma ke kahua kaua.  Eia iho ka papa hoike o na poe kupono e nee aku iloko o ke kahua kaua mai na wahi mai apau inoho ai na kanaka mawaena o Beritania Nui ame na Bua:

                                                Pelekane.                     Olelo E.

Lae Koloni………….             17,000                         50,000

Aupuni Alani Kuokoa             1,000                          18,000

Transvaal……..                       3,000                          22,000

Natal……..                             6,000                          1,500

Bechuanland                              500                              500

Rhodesia                                 2,000                              300

Nui o na Koa Pelekane

            i keia wa ma

            Aferika…..                  10,000                          …….

                        Huina              39,000                         92,300

 

MANAOIO LOA O PERESIDENA KRUGER E KAUA ANA NO.

 

Ladana, Sept. 29.--E hoike ana kekahi lono i ka nupepa Times mai Pretoria mai, penei:

Ua manao loa ia he wa wale no e haawiia ana no ka leo kukala kaua.  Ua launa kamailio aku au me Peresidena Kruger i keia la iho la, a ua hai mai oia ia`u, ua hana oia i na hana apau e mau ai ka maluhia, eia nae, aohe hiki.  Ua ae aku oia i ke kumuhana a Mr. Chamberlain i waiho mai ai imua on a, no ka noho ana o kekahi aha ninaninau, eia nae ua mo-ku wale ae la no ia i ka lopi e hoopaa ana i keia aelike, a ikea ia aku la ka haluku ana mai o na koa Pelekane ma kona mau aoao apau, a no ia mea, ua onou maoli ia mai ke kaua maluna on a.  He mea hiki ole ke ae aku i na olelo o ka palapala i hoounaia mai ma ka la 12.

O ka ae ana aku ia koi, oia ka haawi ana i ka aina ame ka lahui iloko o na lima o na malihini.  Ua haawi nohoi oia i ka pono koho balota i kela ame keia malihini e komo ana iloko o ka aina, a noho a piha na makahiki he ehiku, eia nae, ua hoole ia iho la ia mea, oiai nae, ma ia ano, e loaa ana no he 50,000 poe kanaka i hiki ke loaa ka pono koho balota i makemakeia.  Me he mea la no, aole nbo i makemake io maoli ka poe Uitlanders ia mea he koho balota.  Mai kinohi loa mai, aole lakou ae iki e hele lakou i ke kaana oihana aupuni e hoopaa ai i ko lakou mau inoa, ma ke ano he poe lakou mai na aina e mai.  Mahope mai, mamuli o na hooikaika ana a Haku Loch, ua loaa aku la ia lakou na hookuuia ana, elike me ka mea i loaa aku i na Pukiki. 

Ua hoole mai oia me ka piha inaina loa, no ka olelo ana o Mr. Chamberlain, ua uhaki ka oia i kana aelike i hana ai mamua aku o ka noho ana o ka Aha Kuka i noho ai ma Pretoria ma ka makahiki 1881, oia hoi, kona ae ana ma ia wa, e haawi aku no ia i na pono makaainana o kona aupuni i ka poe komo hou aku ilaila, elike me na pono i loaa i ka poe kahiko.  Ua ninau aku au iaia, in a paha he wahi manaolana kekahi no ka maluhia. 

"Aole," wahi ana i pane mai ai. mahope iho o kona ka`ulua iki ana no kekahi manawa, a hoomau mai la, "aia wale no a hana mai kela aoao i na mea apau e loaa ai ka maluhia.

AOA NA ILIO KAUA O EUROPA.

NU IOKA, Sept. 30.--E hoike ana he lono telegarapa mai Ladana mai i ka nupepa "World," penei: E hoea io mai ana ke kaua.  Ua malaelae ke alahele i keia wa, ua pau na ninau hoohihia i ke kapaeia ae, na mea hoi na lakou i hookauula i ka poha ana o ke kaua.  Aohe noonoo hou i koe na ka pono koho balota no na poe Uitlanders.  O ka hana i keia wa, oia ka hoopio ana aku a lilo i poe kauwa kuapaa na Bua, a i ole, e anaiia aku lakou mai ka ili aku o ka honua.  O ka pane a Kruger i loaa mai nei no ka palapala a Mr. Chamberlain o ka Poalima i hala, aia no ia (Kruger) ke hoopaakiki la ma ka aelike kuikahi i hanaia ma ka makahiki 1884, ka mea hoi a Chamberlain i makemake ai e hoopauia.

Ua lohe ka mea kakau o ka nupepa World, ke hooikaika loa nei na Elele Kuhina o Geremania, Rusia ame Potugala e hoakaka aku imua o Haku Salisebure, ma ka aoao kue aku i ka manao ana o Chamberlain, ko Beritania Nui Kuhina no na Panalaau, e hoopau i ka noho Apuni Kuokoa ana o Transvaal, ma ke koi ana aku i ua wahi Repubalika la, e hopaaia ka aelike kuikahi o 1881.  Ua manaoia mamuli o keia mau koi a keia mau Aupuni, e hoololi hou ia ai keia koi a Enelani, a i ole, e kapae loa ia ai nohoi, aka nae, e  hana aku ana no nae o Enelani ia hana ma ka wa e pau ai ke kaua.

Ua maopopo loa i ke Kanikela Beritania ma Pretoria, oia o Conyngham Greene, aole hiki ke kaohiia na Bua.  Ua have loa ko lakou mau manao no ke kaua.  O ka mea nui hookahi wale ia no keia e kamailioia ai e na mea apau, i ke ao ame ka po.

PAIKAU HOOKAHAKAHA.

LADANA, Oct. 1.--I keia kakahiaka i hoike ae ai ka nupepa Times, ua haawiia aku nei ke kauoha i na koa kokua helu ekahi o Ladana nei e paikau hookahakaha ae loko ma ke awakea o keia la (La Pule) ma ka halekoa ma Wellington.  He 10,000 ka nui o keia poe koa.  Ua manao kekahi poe nupepa e ae, i hanaia keia hana, i mea e hoea aku ai ka huina nui o na koa i kauohaia no ka hele aku i Aferika, ma ke kulana puipui pono no ka hoonee ana aku i ke kaua.

HAALE KA WAI I KA LAU O KA HAU.

LADANA, Sept. 30--Ua loaa mai@ia nei, ma ke ahiai nei, he lono mai Johanannesburg mai, e hoike ana, ua kauoa aku nei na luna Aupuni o onei i 700 poe lio, na lako ai ame na mea apau e pono ai na kanaka.  Ua hoea mai keia huina lio ma na alanui, a ua piha pu kahi kulanakauhale.  I keia kakahiaka i nee aku ai he 600 kanaka o ka puali Rand Komohana, a e nee aku ana hoi na koa o Johannesburg, o ko lakou nui he 750.  Ke ku malie nei na hana o loko o ke kulanakauhale, a ke haalele nei hoi ka poe Uitlanders i ke kulanakauhale, he 200 o lakou i haalele iho ia  Johannesburg i keia la maluna o ke kaa-ahi.

Aneane he 1,800 poe koa pukaa o ka poe Bua, me na koa kuikawa, e hoomoana la ma Volksrust, a oia kahi i haawi aku ai ka alihikaua nui he 925 pu raifela ame 45,00 owili poka.

Ua laulaha ae ka lono, ua paa ia e ka poe Bua, ma Volksrust, kekahi kaa i manaoia e ku ana i Durban i ka la apopo, a o ke kumu no ka huli ana i ka poe Uitlanders.

Ua loaa mai he lono mai Urybergh mai, ua haawi ae la kekahi kanaka oiwi ponoi o ka aina, he olelo hoohiki imua o ka lunakanawai, ua ike oia he pualikoa o na Bua, he 12 a he 20 paha ko lakou nui, i loko pono me na mea kaua i hoea mai ia wahi mai Transvaal mai, a hele aku la i kahi o kekahi kanaka mahiai, o Hasbrouck kona inoa.  Ua loihi loa ka lakou noho ana iloko o ka hale, a mahope oili malu aku la lakou ma ke kua aku o ka hale, maloko aku o kekahi auwah wai maloo.

Ke nee mau la no na koa Pelekane no na palena kuwaho o ka aina.  Ke nee la na koa Hussar i Dannbranse, ma o aku o Glencoe, ma ke alahele e hoea aku ai i Laing's Nek, ma ke alahao nei.  O kahi hoomoana o na koa Pelekane ma Glencoe, aia ia maluna o kekahi puu paia pohaku, me na pakaua pohaku oolea a paa loa i hanaia maluna.  O na uwapo alahao keia mai Colenze mai a i Newcastle, e kiai ia ana i ka la ame ka po e kekahi puali makai a poe koa hele wawae hoi.  Elua a he aha poe kanaka na lakou e kiai i na uwao nunui.  Ona puali pukaa keia i haalele iho ia Glencoe, no ka hoea ana aku i Dundee, he mau wahi mile wale no ke kaawale mai ia wahi aku, ua kauoha koke ia aku la e nee aku no Newcastle, a o ka maka mua ia o ke kahua hoonee kaua a na Beritania.  O kahi ano pe'a ihu keia o Natala e komo lilo ana iloko o Transvaal.  A o na kanaka mahiai o keia wahi ke haalele nei ia wahi.

Ma Rhodesia, e waiho pono la imua o ka lele kaua ana mai a ka poe Bua, aia na kamaina Pelekane oia wahi ke hoomakaukau la no ke pale ana aku i na enemi.  Ua hai aku ka Kunhooko Nui ma Bullowayo i ka Hui Eli Gula, e palua ia aku ana ka nui o na koa ma ia wahi, e hoomahauhau loa ia aku ana ka ikaika kaua o loko o na papu, a e hookauia aku ana maluna o lakou na pu wili.  He mau puali koa kiai kekahi e hele mau ana mai kela a mai keia aoao o ka aina.

E hoike ana he lono mai Pietermaritzburg mai, ua hoopuk ae ke Kiaaina o Natala, he olelo kuahaua, e kau no ka hoopai maluna o ka poe apau e huipu aku ana me ka poe Bua.  Ua haiia aku na koa pualu kau lio o Natala, a pela me na koa kokua, e ku me  ka makaukau no ka wa e loaa aku ai ke kauoha.  O na eke leta e hoounaia ana mai Durban aku a i Cape Town, ua hoounaia ma ke kai. aole ma Transvaal elike me ka mea mau.

Ua inaina loa na Uitlanders ma Cape Town no ke kanawai hao a kaili waiwai o Transvaal, a ma ia kanawai e lilo loa ai ko lakou mau waiwai apau i ke Aupuni.

E hoike ana ka mea kakau o ka nupepa Times mai Cape Town mai, ua lohe ia ua hoolakoia na kanaka mahiai Olelo E ma ka apana aina holookoa o Quenstown me na pu raifela mai Transvaal, ame na lako poka pu nohoi.  Ua haalele iho na koa helewawae o Durban, me ekolu pu ame an koa mai na aumoku kaua mai i keia auina la no Colenso.  Ua haawi aku na kanaka i na huro ana no lakou.

Ua loaa mai he lono mai Pretoria mai, e hoike ana i ka nui o ka pioo i ikeia malaila no ka mea e pili ana i ke kaua.  Aia na hooliuliu kaua ana ke holo la me ka hikiwawe loa.  Ke hoouna awiwi ia la na pu nunui, na telegarapa hahua kaua, na lako kaua ame na lako ai no Valksrust, ke kahua hoonee kaua a ka poe Bua.  Apopo hele aku o Kenerala Joubert i Volkrust.  Aia ke Keena Kaua o n Bua ke hana la i ka po ame ke ao, e ke nee mua la no na kululu pualikaua ana.

I mea e loaa ai na kokua ana mai ka poe Uitlanders mai i ka poe Bua, ua haawiia aku ke olelo ia lakou, o kela ame keia o lakou e kokua ana i na Bua, e loaa no ka pono koho balota ia kakou.  He lehulehu na keena Aupuni e panbikaia ana i ka la apopo, a o ka Aha Kiekie kekahi.

 

DUNDEE, Natal, Sept. 30--Ua hooia ia, ua houluulu ae la na Bua ma Utrecht, a ma ka uwapo hoi o ka muliwai Bufalo.  He hookahi tausani ma kela ame keia wahi.  Ua ooki aku la ka poe Bua he alahele ma ke kipapali kiekie, a ua makaukau lakou e nee aku i Natal.

 

Na Elele Hawaii no Bosetona

 

M ke ku ana mai nei o ka mokuahi Mariposa ma ke kakahiaka o ka la inehinei i loaa mai ai ia makou, he palapala mai ke Kahu Ekalesia mai o ka Apana o Ewa, a no ka pomaikai o na poe heluhelu o ke "Kilohana Pookela no ka Lahui Hawaii," ke hoopuka aku nei makou ma keia wahi o ka pepa o keia la: A o ka Helu 3 keia o na puka ana o keia mau hoike waiwai nui.

HAALELE IA CHICAGO NO BOSETONA, POAKAHI, AUGATE 28, HORA 12 AWAKEA.

 

I ka hookokoke ana ae i ka hora 12 awakea ua kau iho la makou ma na kaa o ka Hotele no ka hale hoolulu kaa-ahi.  Ia makou no a hiki e oni mai ana na mea paahana o ke kaamahu, o ke kau aku la no ia iluna, i loa no a hiki pono ae ka manamana kuhikuhi hora o ke ka uwaki i ka hora 12, o ka oni palanehe aku la no ia o na huila a no Bosetona ka pau hopu.  Eia ko makou nui ma keia huakai, o ka mea kakau nei Rev. E. S. Timoteo, H. Waterhouse, Mrs. Waterhouse, Albert Waterhouse, Nora Waterhouse ame H. W. Rice.

Mai keia auwina la a po eia no makou i`ke alahele kahi i mahalo ai i ka nani.  Mana wahi au apau e alawa ae ai e ike ana oe i na kualono, na puu, na oawa ame na muliwai, a o ka`u ia e puana ae nei, aole no hoi i kana mai ka nani uliuli a oluolu na maka ke nana`ku.  Ma na kaona apau ma o a maanei o ke ala kaa-ahi, aole e nele kou ike i na puoa o na luakini.  Me he la e i mai ana i kamahele, "E hai ia `ku no ko`u aupuni ia hanauna aku a ia hanauna aku.  Hoaumoe iho la makou ma na keena moe kaa-ahi o makou ia po, a i ke ao ana ae, aia hoi ua hala hope ae la kahi mau mile, aka, o ka nani aoleia i maalo ae, me ia mahalo no i ka nani a komo ana makou iloko o kekahi lua i eli ia malalo o ka honua no 4 mile ka loa, wahi a kamaaina.  Peniia mai la na puka makani, na puka komo, a kuniia ae la na kukui, a eia makou ke holo nei me ke kuupau ia o ka holo, a aole no i upu iho oili ana makou ma kahi aoao, a e ku ana nohi @he kaaahi ma kona alanui no ke komo mai iloko o nei lua po;  a o keia wahi, aia no ia ma ka oawa i hele a uluwehi i na laau paina me na laau e ae.  I ka hala hope ana aku la o keia lua pouli, halialia wale mai la no i a`u ka olelo a ka mea haku Halelu, me he mea la e i mai ana, "Ina e hele au ma ke awawa malu o ka make aole loa wau e weliweli i ka poino, no ka mea, o oe pu kekahi me a`u.  O kou mana, ame kou kookoo, o kou mau mea ia e oluolu ai."

I ka ani ana ae o ka hora 5 1-2 o ke ahiahi, aia hoi e waiho papu mai ana ke kulanakauhale o Charleston, me he opua hiki ahiahi `la.  E na hoa Hawaii o kuu ili hookahi, maanei e hoike ae wau, aia ma keia kulanakuhale ke ku kilakila nei ke kia pohaku hoomanao i kapaia Bunker Hill Monument, maluna o kekahi puu i kapaia Breed's Hill.  He 30 kapuai kuea kona kumu, a he 220 ke kiekie, a o kekahi keia o na kahua kaua poina ole a na Amerika me Pelekane, a me na mea no apau.  E haalele ae kakou ia Bunker Hill, a e nee aku kakou no mua, oiai ke kau mai nei ke ano ahiahi, a ke ui mai nei ke alakai Hanale ia maua me na leo oluolu o ke ano Hawaii ponoi, a nona maua e poina ole nei i ka nui o kona malama maikai ia maua ma na mea ku i ka pono apau;  a he hapa ka makua ponoi;  a ua like no laua me kona mama, kohu wahine Hawaii;  a ke noi ae nei wau i na mana mailuna mai, mai poina oe ia H. Waterhouse me kana lede e hoolilo ia laua i mau makua oiaio no ka pono Kristiano o na Hawaii ponoi.

Oiai maua e nanea ana i na kuhikuhi ame na hoikeike a ko maua alakai, aia hoi he mea hikileleia o maua, i nana aku ka hana, aia makou ke hookokoke loa aku la e pili i ka hole hoolulu kaa-ahi o Bosetona, i kapaia Union Station.  I alawa pono aku ka hana e lele mai ana na hale oihana o Bosetona he he ao naulu la ke kaalewa i ka maka o ka opua.  A me he la he mau eheu no ka nene au moana ka waiho mikioi a ke kulanakauhale o Bosetona, i Makekukeka (Massachusetts).   I ke kani pono ana ae o ka hora 6 me na minute keu, kohi ana ka holo o ke kaa o makou, lele ilalo,m kau ma na kaa o ka hotele, a no Park House ka pahu hopu.  Ke noe mai nei na hora o ke ahiahi a ke hala ae la e nalo na hiona o ke kanaka, kohi ana na kaa lio o makou i ka puka o ka Hotele.  I alawa ae ka hana molale i ka lewa nei hotele, kai nohoi o na hotele, kai nohoi i haalele hope aku la ka nani, eia hou no ka hoi ua nani;  a o ka`u ia e i ae nei, o Hanale ka hoa hele, pau pono ka nani o Amerika.  Ke ku nei ka Hotele Park House ma ke kihi ponoi o School Sreet me Fremont Street.  Lele ilalo, komo i ke keena, paa na inoa i ke kakau, kau ma ka papa hoopii no ke kolu o ka hale o luna ka palena.  Maanei, napoo ae la maua ma na keena i hoomakaukauia no maua, a pela pu makou apau.  I ka pau ana ae o na wahi aahu kaahele i ke kapae ma kuono, komo na wahi aahu hou, he keonimana ka olelo ana.  He komi wae kau no kau i ki uwila ku ana na keiki haole lawelawe, ninau ka makemake, pakake aku pakake mai maua, e loa oe i ka hua kukui ka olokaahele o ka olelo haole iloko o ka waha a hu ae la ka aka.  He alu aku ka a hoea mai ana na elele, i nana aku ka hana, ua laweia mai la ka mea a maua i makemake ai.  Ia oe a hala iki aku o ke kakahiaka, i komo mai ka hana he wahine haole kauwa ko loko, e halii ana, e pulumi ana, a e hooponopono ana i na mea apau o ke keena.  A nawai hoi e nele ka haule o ke kupaa Karistiano o ka mea manao kapekepeke, no ka mea he liona o waho, a he liona o loko;  aka, no kuu hoahele Rev. E. S. Timoteo, he like ia liona me ka ole, a ka nana aku oe i ke kahu o Kaumakapili, aole mea e pihoihoi ai, no ka mea, hookahi ke manao a imua a lanakila.

Oiai no maua e hamumumu ana me ke aheahe malie e mahalo ana i ka ke Akua kiai paa ana ia maua ma ke alahele moana a aina a hiki i Bosetona nei, kikeke ana ke Senetoa Waterhouse, ina kakou no ke keena paina, a o ka hora 8 keia.  Kau ma ke alaweika, ku ana i lalo, komo i ke keena paina.  I nana aku ka hana ua lei Kohala i ka nuku na kanaka e hoopiha ana i ka lua o ka inaina.  Ia makou no a noho, hiki ana na kuene, ninau ka mea ai i hakalia no apau i ka hahai, aole ia i emo aku, kuku ana i ke pakaukau.  Haule iho la nuu e lawe mikioi ana o kapeke ae mawaho o na lulo keonimana o ka papaaina.  A ke ole au e kuhihewa mai hoomanao o Hawaii no maua ua ku ae mawaho o na lula, e hookomo iho, eia maua ma ka papa like me na ili puakea o Maleka.  Ua kiloiia mai maua ma ka Hotele o Kaleponi a hiki i Bosetona nei, a o ka`u e hai aku, o ka mea i loaa i ko maua Alakai Henry Waterhouse he mahalo mai na malihini mai.

Pau ka paina, holoholo iki, a i ka hiki pono ana ae i na hora kupono no ka hiamoe, hoi aku la kela ame keia pakahi o makou ma na keena, a o maua i ko maua keena, paa ka puka i ke ki, pelu na kuli ilalo, waiho na hua pule i ke alo o ka Mea Mana loa, a haule aku la hiamoe.  Maikai ka po, olulolu maikai ka moe ana, me ia i waiho malie iho ai maua maluan o ka moe a ao wale ia po, a e like me ka anapu ana a ka uwila kikeke ana ke Senatoa ma ke pani puka;  e hoolale mai ana e liuliu no ka paina kakahiaka.  I ka pau ana ae o na mea i ka hooko ia, haule aku la makou no ka lumi paina.  I ke kuikahi pu ana ae o ka pololi me maona maikai, liuliu ae la makou e hele no ke keena kupakako o na hana pili i ka Misiona Kuwaho o ko kakou hoomanama Bosetona nei.  Hiki malaila, hui pu me na haipule kuka pokele, a mai laila mai hoikeia mai la ia makou ke noho nei o Mrs. O. P. Emerson ma kahi kokoke loa.  Haalele iho la a hele aku la huli a loaa aku ia makou ma kaona home ola wale no me kekahi kaikamahine kauwa.  He mau la mamua i hala hope ae, ua kii mai ka anela o ka make a kaili aku la i ke aho hope o kona makuahine i aloha nui ia.  Halawai pu iho la me ka hoike pu aku o Hanale e haalele pokole iho ana oia ia Bosetona nei no ke kulanakauhale o Nu Ioka.  Maanei e na makamaka a hoa heluhelu o ke Kuokoa, e kamailio pokole aku wau no Henry Waterhouse.  Ma ka oluolu o Henry Waterhouse ua noi aku oia ia O. P. Emerson e hokuu mai ia Rev. E. S. Timoteo ame ka mea kakau nei e hele e mamua me ia, nolaila, ua hookuu ia mai maua me ka manao a hiki maua i Bosetona nei alaila na Emekona e malama ia maua, oiai aole o Hanale e hoi pu ana me makou no Hawaii.

Nolaila ma keia halawai pu ana o makou me Mrs. O. P. Emerson ua maopopo ae la ua hoike e iea kua iaia e huli i hale no makou e noho ai.  Nolaila, ua loaa ia makou he wa e hele ai e imi pu i hale kupono, a ma la huli ana ua loaa ia makou he lumi e kupono loa ai ia maua no ka noho ana maloko o kekahi hale hoolimalima i kapaia The Otis.  Ke ku nei keia hale ma ke kihi o Alanui Joy ame Mt. Vernon, kokoke loa hoi i ka hale aupuni i kapaia State House.  Lako i na mea apau, a o ka oi loa oia ka maluhi.  Nolaila i ka loaa ana he wahi no maua, ua hala koke o Hanale me ka ohana no Nu Ioka, e hoihoi i ke keikikane i ke kula.  Ua hoolaunaia aku maua e Mrs. Emerson me ke Kanikela Hawaii, Mr. Gorham D. Gilman, a he kanaka oluolu maoli keia ma ka launa ana, a ma ia la no, na aua oia ia maua e paina pu me ia ma ka aina awakea, a malaila maua kahi i paina ai me na kuka oluolu ana.

 

KA HOALOHA NO KA OHANA.

 

Aohe laau i loaa ke kuleana, pono e lawe ae ai i kela inoa i hoikeia ae la, elike me ka Aila Ilikini Kikapu.  He laau maikai keia noloko o nowaho, a o ka laau hooluolu ikaika keia no na eha ame na hu`i.  Aohe mea hiki ke olelo mai, "Aohe o`u nuralagia, aohe rumatika, aohe pepeiao eha, a eha ikaika e ae paha, aka, o ka poe wale no i loaa ka omole Aila Ilikini Kikapu maloko o ka halem, a o keia ka poe hiki ke olelo mai me ke kanalua ole, aohe o`u nuralagia, a ano eha e ae.  He kupaianaha ka mana o keia hu`i.  O ka niho eha, pepeiao eha, nalulu, nuralagia ame ka eha rumatika, hi-koko hi, kolera morbus, nahu, umii ame na ma`i oolea e ae, e auhee koke ana i keia laau.  O ke kanaka e loaa ana he omole laau Aila o keia ano maloko o kona hale, ua lilo ia i mea ania wale no na ma`i i hoikeia ae la.  Hobron Drug Co., na Agena no na Laau Ilikini Kikapu.

 

HAUOLI IUBILE

 

(Mai ka Nupepa "Ka Elele Hawaii" mai.

 

Ua hoomanao ae na haku ame na paahana o ka Hui o Hakapila Ma, he paina luau Hawaii i ka Poakahi nei ma Waiakea, a i ka po ana iho hoi no na makamaka haole ma ka Holele Hilo, he hauoli piha Iukile o ke ku ana oia hui ma ka Pae Aina Hawaii nei.  Ua nui no na poe i konoia i hiki ae, a he maluhia na mea apau.  Ma ka Hotele ia po, malaila ae ka bana puhiohe Hilo kahi i hoonanea ai me ka lakou mau hokeo kani.

Mamuli o ka piha ana iho la o ke kanalima o na makahiki o ka hui, ua haawi makana aku la ka Hui o Hakapila Ma ma o ko lakou Luna Hoohana Nui Ia George Rodeik, he $500 i ka Hallema`i o Hilo nei, he $250  no hoi i ke Kula (Kindergarten) o na Keiki Liilii Ua apo lokahila mai kela mau makana hiwahiwa me na hoomaikai ana he nui i pahola ia mai.  E uhai ia keia hui e na pomaikai he nui o keia mua aku.

 

HOOLAHA KUMAU.

DR. I. MITAMURA

 

 

Keena Oihana, 427 Alanui N@@@@@ Pahu Leta 842;  Telepona 132 @@@@ noho 543 Alanui Nuuanu.  Hora @@@ 12a. m. ame hora 7 a 9 p. m. N@@ Sabati, 2 a 6 p. m.

 

DR I. MORI,

 

Keena Oihona, helu 427 Alanui Nuuanu, Pahu Leta 842. Telepona@@@@ Hale noho 524 Alanui Nuuanu Hale mai, 530 Alanui Nuuanu hora; 9 a 12a. m. mai ka@@@ 6 a 8 p. m. Na la Sabati hora  @@ 6 p. m.

 

@@@@@@

W. C. Aohi.                             Enoch Johnson@@@

 

ACHI & JOHNSON.

LOIO! LOIO! LOIO!

 

Keena Hana, Helu 10 aoao Kom@@@ Alanui Moi.

 

W. R. KAKELA

@io a he Kokua ma ke Kan@

HE LUNA HOOIAIO PLAAP@A

@87@

 

LYLE A. DICKEY

Loio a he Koukua ma ke Kanawai.

Notari no ka L@hulehu

 

@ hookola na hana pili kanawai apa @ai na Mokupuni mai.

@ihi o Alanui Betela me Moi.  Pahu Leta 786. Telepona 806

 

Papa! Papa!

 

* * Aia ma kahi o * *

 

LEWERS & COOKE

(Lua Ma.)

 

Ma ke Kahua Hema o na Alanui Papu me Moi.

 

E LOAA NO NA *  *

Papa Nouaiki

 

O kela a me keia ano.

 

Na Pani Puka….                     -------

Na Puka Aniani..                     -------

Na Olepelepe…                      -------

Na Pou………….                   -------

---------             Na O`a……….

---------             Na Papa Hele…         

----------                        Na Papa Ku….

---------             Na Papa Moe…..

 

*  Na Pili Hale

*  O na Ano apau.

A me na **

Wai Hoohinuhinu Nani

O Na Ame Apau

 

@@ Palakiona Ano he Nei Wal@

 

K@ haiia aku nei oukou o na m@h@maka a pau, ua makaukau keia @@@ makemake o @@@@@ o hoolawa aku ma na @@@ a pau o pili ana ma ka laua O@@@@@ no ka

 

Uku Haahaa Loa

 

@ @@@ @@ ka @@@ @ @ol@ @@@ m@@@@@ @ L@@@ a me ka M@@ K@@i.

 

E @@@@ @@i o W@@ no O@@@@ @@@

 

S. E. LUCAS, Ka Mea Lappau Maka mai Parisa mai.

 

Ke lawelawe nei au i na Maka Aniani kaulana i kapaia "Isometropes Lenses."

Mai Parisa pololei mai ka`u mau waiwai apau.

E nana wale ia ana na maka me ke Kaki ole ia.

 

                            ( 9-12 A. M.

Na Hora Hana--   ( 2- 5 P. M.                       La Pule-- 8 a 10.