Ka Nupepa Kuokoa, Volume XXXVIII, Number 41, 13 October 1899 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA. O KATOBA 13, 1899

 

HE MOOLELO WALOHIA

NO NA

MEA HUNA POHIHIHI EKOLU

 

Ke Kanaka uhai holoholona opio, owai ia?

Ka Wahine opulepule, i aha in a?

O Hurama koʻu inoa, Owai ia?

 

He Nanea keia @ Kakauia e Sylvanu@ Cobb, Jr. kekahi na Kanaka Kakau Moolelo Kaulana loa o ke ao nei: a unuhiia mai hoi e HOOULUMAHIEHIE, mai ka olelo Berilania mai a i ka Olelo Hawaii, no ke Kilohana Pookela no ka Lahui Hawaii.

Mokuna IV.

"KA PUNAWAI O SILO SIA NEE MALIE I KE ALO PALI @ KE ALOHA"

 

            He mau wahi mile kakaikai mauka mai o kai kulanakauhale o jamestown, loaa mai kahi kanu paka o Sir Olivia Wimple.

            Iʻa aui ka ia i keia wa, a e kiola ikaika iho ana ia i kona mau kukuna oli@ maluna o ka onua. I ole ke @aniani makani huihui e pa mai ana @ ke kaikuono mai o Chesapeake, loaa iho la ka oluolu ia wa, aohe hoi @okonoko loa o ka ikaika ana o ka @ela a ka la.

            A@a maloko o ke kihapai pua e kokoke ana i ka hala o Sir Olivia Wimple, e ku ana he wahi hale hooluolu.  A ma kahi kokoke hoi i keia wahi hale, kahi i ku ai o Adelia Mineta.  O kona ku ana ae no ia iluna, mai kona hukihuki ana i kekahi mau pua mauu, ma kekeahi ponaha e uluia ana e kekaki mau pua makamae, a oiai oia e nanea ana i ka nana ana i ua mau pua la, aia hoi, lohe ae la ia i ka nehe ana @ o kekahi mau kapuai mahope mai on a.

            I kona huli ana ae i hope ike ae la ia i ke kanaka opio o ke ululaau, ka mea hoi nana i hoopakele iaia.  Me ka hauoli, huli ae la ia a haawi aku la i kona lima aloha i ua kanaka opio nei.  Lalau mai la nohoi ke kanaka opio i ka lima o ua Ui nei, me ka pane ana mai:

            "E nonoi aku au ia oe, e kala mai oe iaʻu no keia komohewa ana mai la.  I koʻu hoi ana ae nei maluna o kuu wahi waa, a kupono mawaho ae nei, aole hiki iau ke holo hou aku no mua.  Elike me ka hoolohe ana iho a kekahi kekake poo paakiki, pela iho ka hoolohe ana iho a kuu wahi waa, a hiki ole ke nee hou aku i mua.  Manao au na keia wahi paha au i kahea ae nei, nolaila, hoao wale mai nei no au e hele mai e nana i koʻu mea nana i kahea ae nei."

            Ua mino aka iho la ua kanaka opio nei no keia mau huaolelo ana i pane mai ai imua o ka Pua Lilia o Jamestown.

            Me ke ano hookolohe nohoi pane aku la o Adelila Mineta imua o ke kanaka opio:

            "Ae.  Ua kauohaia e aʻu keia poe pua apau au e ike nei iloko o kuu kihapai pua nei, e hoao lakou me ko lakou ikaika apau e kaohi i kou waa, in a lakou e ike ana ia oe e holo ae ana mawaho nei; a in a hoi makua nei oe o ka aina e hele ae ai, alaila, e hopu pio no lakou ia oe a paa, a halihali mai ia oe imua oʻu nei.  Pehea no la e hiki ai ia oe ka maalo ae mawaho nei o keia wahi, me kou hoomanao ole ana hoi, he makamaka pilikokoke loa kou eia ia nei kahi i noho ai?  A in a nohoi i hoi loa aku nei oe, aole hoi oe i kipa mai nei e ike iaʻu, he keu nohoi kou lokoino iaʻu.  A laila, aohe kou he puuwai no ke aloha."

            "Aole hiki iaʻu ke hai aku ia oe, na keia mau pua nani makamake paha au i hopu ae ne, a paa, a i ole, na ka nuha maoli no paha a kuu wahi waa i hoea mai la au ia nei, aole aʻu hoopaapaa me oe ma ia mea.  Aka, o ka mea oiaio mauoli no, pela koʻu manao, aole hiki iaʻu ke kipa olelo mai e ike ia oe, oiai ua makemake loa ia au e ike, pehea la oe.  A e hai aku au ia oe, ua hauoli loa au i ka ike ana, he maikai no kou ola; a me koʻu hoomaopopo, aole he wahi maawe hookaumaha noonoo ma luna ou, no kela wahi hana eleele a na @ikini i hana ai i kahi la aku nei, i aneane ai hoi oe e hoopilikia ia."

            "He oiaio no ia au i kamailio mai la.  Mai lilo io no keia powaia ana oʻu e kela poe ili-ulaula, no lakou hoi na kino i kanuia iloko o ka muliwai, i mea noʻu e aahau mau ai i aahu kanikau o ke kumakena, in a aole i poha mai ka la o ka hauoli i loko o kuu uhane, a hoomalamalama ae la hoi iaʻu me na manaolana maikai.  Aka, e hai aku au ia oe, e like me ka nani o keia mau pua mae e kulou mimino mai nei imua ou ame aʻu, i ka wa kakahiaka nei, pela ka nani o kekahi pua kamahao i loko o kuu uhane e lamalama nei i na wa apau.  No kau mau olelo hoomaikai no koʻu ola nei, I thank you.  Ea, e kuu Naita o ke pu-raifela, e ae ana no auanei oe e kipa mau mai nohoi oe ia nei i kela ante keia wa au e iho mai ai i kai nei?"

            Hooholo ae la he hiona ano e mau na helehelena o ke kanaka opio, a pane mai la ia:

            "E kalamai oe iaʻu.  Aole au e kipa @ mai ana maanei."

            "Auwe no ka hoi!  Heaha hoi keia?  Aole anei hoi oe e hele mai ana e ike i kuu mau makua?  I keia la, aole laua o ka hale nei, ua hala aku nei laua i kahi o Mr. Beke-le."

            "Heaha la ka waiwai o koʻu hele ana mai ia nei?"

            "I haawi aku ai hoi laua i ka laua mau hoomaikai ana ia oe, no kou hoopakele ana i ka laua keiki hookahi, oia hoi au nei."

            "Aole ka laua i haawi ae i na hoomaikai ana noʻu nei, ma ka wa a laua i lohe aku ai i na mea apau mai a oe aku?"

            "Ua nui ko laua mau hoomaikai ana nou.  O mama keia, ua kulu kona waimaka i ka lohe ana nau au i hoopakele.  A ka, ua makemake loa no nae laua e ike ia oe, a imua ponoi ou e haawi aku ai laua i ka laua mau hoomaikai ana ia oe."

            "Alaila," wahi a ke kanaka opio i pane mai ai, "ke apo aku nei au i ka laua mau hoomaikai i haawe mai ai noʻu nei imua ou; a ua hauoli hoi au, ua loaa mai iaʻu ko laua mau manao maikai.  Aka, e hai aku au ia oe, aole au i hana i kela hana no ka loaa ana mai iaʻu o na hoomaikaiia ana mai.  I nonoi aku hoi au, ma ka wa e hoi mai ai kou mau makua, e oluolu oe e hai aku ia laua, ua haawi iho nei ka mea nana i hoopakele i kou ola i kana mau mahalo, no kona ike ana ua loaa ia olua ka manao maikai nona.  A nou hoi, e kuu hoaloha maikai, aohe aʻu olelo e ae e hai aku ai ia oe, o keia wale iho no, e kiai mau ia na la o kou ola ana e ka lokomaikai o ke Akua, a nana no auanei e malama i ka maemae o kou uhane, ke kumu o makamae ai ke kino o ke kanaka."

            Ma ka wa i kamailio mai ai ke kanaka opio i keia mau huaolelo iua o Adelila Mineta, e halii paa ia ana kona mau helehelena e ka haikea ano e, me kona haawi pu ana mai hoi i kona lima ia Adelila Mineta.  Ua lalau akau la nohoi ua Ui opio nei i ka lima o ke kanaka opio, a pane aku la ia imua on a ma ka leo aloha:

            "Nokeaha oe i ae ole mai nei, e hele hou mai oe ia nei, elike me kaʻu i nonoi aku nei ia oe?  I ko kaua wa mua loa i halawai ai, ike aku au i kou mau maka a ike mai hoi oe i koʻu, helehelena, a pela nohoi me ka wa a kaua i hookaawale ai, hoi mai nohoi au maluna o na ale hakinua o ka muliwai, a hala aku la oe iloko o ka waokele i puia e ke ala ame ka onaona, kuhi au he oiaio ka leo e hea ana iloko oʻu, oia hoi, ua kipapaia ke aloha oiaio mawaena o kaua a ua paa la oe ame aʻu i ka puili lima ole a nei mea he aloha.  Ua kuhihewa kau au, a ua wahahee ka leo aloa i ne hone ae ai i loko oʻu.  Owau hookahi wale no ka paha kai upu aku ia oe, oiai oe i nana mai ai iaʻu me ka hoowahawaha ame ka hoihoi ol@?  Pela anei?  Aka, e hai aku au ia oe, iwaena o na kane opio apau o ke kalana aina au ame aʻu e noho nei, aohe mea hokahi o lakou i hiki ke hoohei i kaʻu mau hoohihi ana no kahi o lakou, elike me ka hiki maalahi ana i kau aloha ke hoohei iaʻu, a paa apu ia oe me ke koe koena ole.  Aka, ke ike nei au me ka hilahil, aole ka kaua elua i kau i ka manai pua hookahi.  O keia mau pua e mae mai nei, koʻu mau hoike no ka nui o koʻu hawanawana ana iho ia lakou, in a paha e ike hou ana au i ka mea nana i kaili i kuu puuwai a lilo, a i hoopiha i kuu houpo me ke aloha i kamaaina ole ia aʻu i na wa i hala ae.  A, ke pane mai nei nae lakou nei iaʻu.  Ea, o oe ka mua loa i lawe pio aku i kuu puuwai, a e kuhi ana a e paa iho ana oe ia mea i waiwai nui la nau, eia ka, ua hoowahawaha oe iaʻu; a e kiola mai nei oe i kuu aloha, a maau hele aku ia ma ka ili o ka honua me he kuewa la i nele i ke kamaaina nana e hea mai, a e hookipa?  Aloha wale no ka hoi au!"

            I kela wa i palulu ae ai o Adelia i kona mau maka me kona mau lima, a hiolo iho la na waimaka ma kona mau papalina, oiai me ka ehaeha nui o kona naau, uwe iho la ia.

            O ke kanaka opio hoi keia, ua ulupuni loa ia kona noonoo e ke kupikipikio, me ka ehaeha a walohia nohoi.  Me ka kuoo apau i hiki iaiai ke kakoo ae iaia iho ma ia wa, o kona manawa ia i pane mai ai ia Adelia.

            "Okau mau olelo i hoopuka mai nei iaʻu, aole hiki iaʻu ke hoole aku ia mau olelo.  Oiaia, ua hoike mai la oe imua oʻu i ka oiaio apau nou a me aʻu, aole no e hiki iaʻu ke huna iho i koʻu olelo ana aku ia oe, owau noho kekahii lilo i kauwa na kou aloha.  E hai aku au ia oe me ka oiaio, mamua aku o koʻu halawai ana me oe, a ike aku ai au ia oe, elike me kaʻu e ike nei i keiawa, hokahi wale no hihiona aloha i ku mau iloko o koʻu hoomanao ana, oia no na helehelena o koʻu wahi luaui makuahine; aka, mai ka la aku aʻu i ike ai ia oe, ua kukuni paa ia iho la kou mau ano apau iloko o koʻu mau hoomanao mau ana.  Ua haawi au i na noonoo nui ana no keia haawina i loaa iaʻu, a ike iho la au, aia he kowa nui mawaena ou ame aʻu, a na ia kowa i pale mai iaʻu, aole au e hookaukaa mai e hui mau me oe.  Ua lawa au i keia halawai ana iho la mea oe.  E ae mai oe, mai hookikina mai oe iaʻu, e like me kau e makemake nei.  Ua ike au, ua lilo kou mau hiohiona apau i lamalama no kuu uhane, a ma koʻu manao, ua lawa ia noʻu.  No laila, e hookuu mai oe iaʻu, e hoi aku au me ka luuluu ame ka ehaeha o kuu naau.  E hoi au e uwe hookahi no kuu kaawale ana mai a oe mai, mamuli o ka hookaawale ana a kekahi kowa nui.  Ae, na keia kowa i kukulu ia oe ma kela kae, a ku hoi au ma keia kae, aohe alahele e hiki ia iaʻu ke hele aku a hiki i kahi aʻu e hoailona iho ai i kekahi hoailona.  Ua lilo oe naʻu, a ua lilo hoi au nau.  Aole - aole - aole!  Nolaila, mamua o koʻu halele ana iho ia oe, a ae mai oe iaʻu, e hoomanao oe i keia wahi kauoha uuku mai aʻu aku: I kela ame keia wa au e hoomanao ae ai noʻu, alaila, e hoomanao pu iho oe, aole au he kanaka i nana ole aku i ka ihikapu o kau kulana kiekie a hanahano, kahi hoano loa i hiki ole iaʻu ke hookokoke aku.  E hoomanao hoi, e uumi no au i kou aloha iloko iho oʻu me ka hoomanawanui, a owau ame ia, na maua nohoi ia e hoonana i ko maua wahi e hiki ai ka hoomaalili ia ko maua mau kaukoko.  Nolaila, e aloha auanei oe, a na ke akua e hoomaikai mai ia oe, a malama hoi ia oe, a Nana no auanei e haawi mai i ka hauoli i na la apau o kou ola ana."

            I kela wa i huli ae ai ua kanaka opio la i kahi e, a huna ae la i ka hiolo ana iho o na waimaka ma kona mau papalina, a huli ae la ia a hele aku la.

            Aka, aole i hala he eono ana mau keehina wawae o ka hele ana aku, aia ho lohe ae la ia i kona kaheaia aku:

            "Auhea oe, e huli mai hoi oe, a mai haalele mai oe iaʻu e like me keia au e hana mai nei."

            Huli hou ae la ia i hope, a holo mai la ia a ma kahi a Adelia e ku ana, me ka uwe, a ia wa oia i ninau mai ai iaia:

            "Adelila - e Adelila - heaha kau i ka hea ae nei iaʻu?  E kamailio mai oe iaʻu."

            I kela wa, aea ae la ke poo o Adelia iluna a nana mai la ia i ke kanaka opio a ninau mai la oia:

            "Ua hoowahawaha anei oe iaʻu?"

            Ku iho la ke kanaka opio me ka pane ole ana no kekahi wa, a mahope pane mai la ia:

            "Aole.  Adelia aole au i hoowahawaha ia oe.  Aole ia mea he hoowahawaha iloko nei oʻu.  Ua hai aku nei no au ia oe ia mea."

            "Ina pela, e hai aku au ia oe, nou ame aʻu, aohe a kaua hoohewahewa hou ana i kahi ame kekahi.  Ua aloha au ia oe, a ua loha oe iaʻu, ua paa kaua i kahi ame kahi, i ka hipuuia e ke aloha.  Nau au, a naʻu hoe oe; aka, e kuu mea i aie ai no kuu ola, mai haalele mai oe iaʻu e auamo hookahi i ke aloha a kaua.  O oe ame aʻu ke kaikai like a ke hapai like hoi i keia ukana makemake!  Ua i mai nei oe iaʻu aia he kowa kaawale mawaena ou ame aʻu, aohe ka he holopapa e hiki ai ia oe ke hele mai a loaa au ma keia kapa no laila, e lawe aku oe i kuu lima i alanui nou e hoea mai ai i oʻu la.  Ano, eia mai kuu lima - take it!"

            Me ke ohohia lalau, mai la ke kanaka opio ka lima a Adelia i haawi aku ai iaia, a honi iho la ia, alaila, pane mai la ia:

            "Ano, e Adelia, mai auʻa hou mai oe iaʻu oiai ua loihi loa keia kaawale ana oʻu mai koʻu wahi luaui makuahine mai, a ke hoa-a la paha oia noʻu nei.  Ua malu hoi ka la i na pali, a he mea pono iaʻu ke hoi aku.  A ke lana nei koʻu manao, aole e loihi loa na la mai keia la aku, a u-haele pu no kaua i ko mana wahi home waolaau.  Ke manao nei au, ke hoea oe ilaila, e hauoli ana na pua a kuu wahi makuahine, a oi ae i ko keia wa e ikeia aku nei lakou.  O ko lakou mau ala e oi aku ana @ lakou onaona ma ia wa au e hoea ae ai, i ko keia wa.  Ae, he kihapai pua no ka maua o laila, a he mau manu nohoi e kani ana me ka maikai loa i oi ae i ko na kani ana a na manu o ko oukou kaiaulu nei.  Aia malaila ka o@e nanah@ ana a na wai o na kahawai liilii, a o na laau nunui hoi, e mele ana ko lakou mau lau me ka nani nui.  No laila, i kii mai au ia oe, e hele aku kaua ilaila, mai hoole mai oe?"

            Me ka ulumahiehie maikai o ko Adelia mau ano apo, pane aku la ia:

            "E alakai aku oe iaʻu ma kahi au i makemake a@, e hele aku no au.  I hookahi nae hoe aʻu wahi noi ia oe, oia keia: Ehele mai oe e ike ia papa ame mama."

            "E Adelia, eia hou no kela noi pohihihi au i noi mua mai ai iaʻu!"

            Alaila, nana aku la o Adelia i ke kanaka opio a pane aku la:

            "Ua ike no au i kau mea e noonoo nei; aka, aohe ou hopohopo ana no ia mea.  E hai aku au, ua oi ae ko laua aloha iaʻu nei, ka laua keiki hookahi, mamua ae o na mea apau.  Aole hoi o laua makemake e hoopilikia ia au, ka laua keiki.  No papa hoi, he oiaio ua kau iho maluna on a ka inoa Baroneta, aka, aole ia he mea nona e nana ole mai ai no ka pono, ka oluolu ame ka hauoli oʻu nei, kana kaikamahine.  Pehea la e hiki ai iaia ame mama ke apo ole mai i na lima o kuu aloha, e kanaka hoi a laua i aie nui ai no ke ola o ka laua kaikamahine?  Aole, aole.  Mi makau oe, a mai hopehopo no laua.  Come-come to see them!"

            "Once more, a

            Hoi ae au."

            A hoeai keia pule ae.

(Aole i pau.)

 

MAHALO NUI.

 

            "Makemake au e hoʻike aku i kaʻu man hoomaikai ana i ka poe na lakou i hana ka Laau Ola a Kamalena no ke Nahu Kolera a me ka Hi, no ka waiho ana mai ma ka makeke kuai o ka lehulehu i kekahi laau lapaau waiwai nui elike me keia ka ano," wahi a W. W. Massinghill o Beautmont, Texas.  He mau tausani makuahine i hoopakeleia ka lakou mau keiki mai na umii ana mai a ka Hi ame ke Kolera Infantum, a ua nui ko lakou mahalo.  E kuaiia ana e na poe kavil@ laau lapaau apau.  O Benson Smith & Co., na agenda no ko Hawaii Pae Aina.

 

HE MOOLELO

NO KA

LIONA O KA OHANA IUDA

            "O ka halealii hea hoi keia e pa-pa pono ae la na kukuna o ka la e napoo aku nei, a e olino mai la hoi me ka nani nui?" wahi a Adina i ninau mai ai  i ka Rabi.

            "O kela ka halealii o ke Kiaaina Roma, oia hoi o Ponetio Pilato; a oia ke kanaka e noho nei i Alii ma Ierusalem ma.  Aka, e kuu keiki," wahi a ua Rabi nei i pane aku ai ia Adina, i kona ike ana aku i kona, oni ana ae ia wa, "heaha ke kumu o kou ano e ana ae la i kou lohe ana mai la i ka inoa o ke kanaka roma e noho alii nei ma Iresalema?"

            Aka, aole nae i pane mai o Adina no keia ninau a ka Rabi i ninau aku ai iaia.  Ike aku la nae ua Rabi la i ke kaulona ana aku o na maka o Adina maluna o kekahi puu, kahi hoi e wanaoʻa mai ana he hoe kea lehulehu loa, a ua kokoke mai hoi ia mau kea ma ka puka pa o ke kulanakauhale.  He elua mau kea, e kau mai ana he elua mau kino kanaka a e oni ana laau i o a ia nei, oiai hoi kekahi puulu kanaka e nana aku ana me ka menemene ole a manaonao ole nohoi.  Me he mea la, ua hiki loa ia Adina ke lohe aku i ka leo uwe walohia o kekahi o laua.

            Hoomaopopo iho la ka Rabi, o keia ke kumu o ko Adina ano e.  Ia wa pane mai la ia:

            "E kuu kaikamahine, o ka inoa o kela puu e hea ia nei o Kalavari, a na ka poe roma no ia inoa i kahea no ia wahi.  O kahi ia a lakou e pepehi ai i na kanaka i ahewaia e lakou i ka make.  Ke ike aku la au, he elua mau kanaka i kaulia ma ke kea i keia la.  O ke ano keia o ka hoopai make a ka poe roma.  Ma koʻu manao, he oi aku keia a ka hoopai lokoino, a ku i ka manaonao, mamua o ka hoopai hailuku ana i ka pohaku, elike me ka mea i maa mai kinohi loa mawaena o ka Isaraela."

            "Manao au," wahi a Adina i pane mai ai imua o ka Rabi, "ua like no a like ka manaonao oia mau hoopai a i elua.  Ua oi loa ka pono, in a e loaa kekahi mea e hiki ai ka laweia ae ke ola o ke kanaka i hoopaiia no ka make, me kona ike ole ana i ka ehaeha, elike me ke kau ana ma ke kea, a hoonouia ana paha ma ka pohaku.  Ea, heaha la ke kumu i kapaia ai kela puu o Gologota?  Aole anei kela o kahi i oleloia ai ma ka moolelo kahiko, oia kahi i kanuia ai o na kino o Ad@ ame Eva ma ko laua wa i make ai?  A o kekahi hoi, ma kela puu nohoi i kanuia ai o Melekisedeka, keia alii o ka pono, he kahuna kiekie hoi no ke Akua Mana Loa: a oia hoi ke kumu i kapaia ai kela wahi o Gologota e ko kakou mau kupuna?"

            "He mea oiaio, o ia no na mea i hoikeia mai ma ko kakou moolelo kahiko: aka alole nae hiki iaʻu ke hai aku ia oe i ka oiaio oia mau olelo a ka poe kahiko."

            Alaila, hoomau aku la no lakou i ka hele ana, a huli ae la ma kekahi pa pohaku e hoopuni ana i kekahi kihapai.  Aia ma kekahi mau wahi o ka pa, e hamama ana na pani puka, a ua hinee nohoi ua pohaku o kekahi wahi.  Ike aku la o Adina i ka holoholo mai o kekahi poe maloko o ua pa la, a e noho ana hoi kekahi poe malalo o ka malumalu o na lau laau.  Maanei, huli mai la ka Rabi a kamailio mai la ia Adina:

            "O keia ka mahinaai, a i ole, o ke kihapai a Solomona, kahi ana i haku ai i kana mau mele he 1000 a oi.  O ka inoa o keia wahi keia wa o Gestemane.  A elike me kau e ike aku la, i ke oneanea, a ano ole o keia kihapai i nei wa, pela no oe e hoomaopopo iho ai, ua hala na la i uluwehi ai keia kihapai i kona nani apau.  O keia iho la ke ano o na wahi kaulana apau o Ierusalema nei."

            "Pela no," wahi a Adina i pane mai ai, "aka nae, aole no i pau ka hiehie o kona mau laau kedera e ku mai nei.  He ku no i ke anoano ame ke eehia.  He oiaio, ua ano kuanea no ka aina holookoa ma ka nana ana aku, aka, ke nana aku maluna o ke kulanakauhale hoano, aole i pau ka hiehie ame ka ihiihi o na paia o kona Luakini e oni la i ka lewa.  Ea, owai hoi ka inoa o kela puu kilakila e uhi hapa ia mai la kekahi wahi on a e ka ululaau?"

            "O Mauna Oliva kela, a oia no kahi hapa o ke mahinaai nei a ke Alii.  He puu kaulana loa keia ma na la e ku ana ka nani, ame ka hanohano o Isaraela.  A o kela wahi kauhale au e ike aku la ma kele huli aku o kela puu, oia no ke kulana kauhale o Betelehema."

            I kela wa i pua ai mai ai ka ula ohelohelo ma na papalina o Adina, a pane mai la ia imua o Rabi:

            "Auwe!  O Betelehema anei kela o Iuda, kahi a na kaula i olelo mai ai, mailoko mai on a e puka mai ai ke Alii nana e hoomalu a e hooponopono o Isaraela?"

            "Oia no.  A ke kaulona aku nei ka maka o ka Isaraela, o ka oi aku nae, o na mamo o ka ohana a Iuda, e hoea mai ana ka la ma keia mua aku e hookola ai keia olelo wanana.  O keia ka olelo wanana nana e kakoo nei i ko kakou manaolana, aole loa e hehi ia ana o Ierusalema a lilo i kulanakauhale neoneo, e na kapuaai wawae o ko na aina e.  Aole.  Aka, e hoea mai ana ka la, e hoea mai ai he Alii, he Haku o na Haku, a he hua ponoi hoi ia mai ka puhaka mai o Davida."

            "A pehea, ke ola nei no nae paha he poe i pili aku i ka lalani alii o Davida?" wahi a Adina i ninau mai ai i ka Rabi, me ka haka pono loa ana mai hoi o kona mau maka maluna on a.

            "Ae.  Ina aole ke ola nei kekahi mea, a poe paha i pili iloko oia lalani alii, alaila, aole auanei e hookoia kela olelo wanana a na kaula i wanana e mai ai.  Aka, o ka mea maopopo nae, he oe ilihune a haahaa loa i keia wa, ua poe la i pili i ka lalani alii o Davida.  O kekahi manao oʻu, aia no paha ma kekahi wahi o ka honua, kahi i noho ai he poe alii, elike me ka noho mana ana a Damila ame Iosepa ma Persia ame Aigupita, a me he mea la, mailoko mai oia poe, e puka mai ai ka poe na lakou e noho alii maluna o ka Isaraela."

            "A ina pela; pehea hoi auanei e hookoia ai ka olelo wanana i hai e ia mai mamua, mailoko mai o Betelehema e puka mai ai kekahi alii nana e hoomalu i ka Isaraela?"

            Ua hiki ole i ka Rabi ke pane koke aku no keia nina a Adina i ui mai ai iaia; a hala nae kekahi wa o kona kali ana, anehe mai la ia e kamailio mai, aka, ua alahula koke ia mai la ko lakou alanui e hele aku ana e kekahi pu-a hipa nui, e ho-a ia ana i mau alana noloko o ka luakini.  Nolaila, aohe hiki ia laua nei ke hoomau aku i ke kamailio ana ma ia wa, o ka laua nei hana kupono wale no e hana ai, oia ka makaala loa ana i ko laua mau holoholona, iwaena o ke aluka a ka pu-a hipa e naholo ae ana ma kahi a lakou e hele ana.

            Me ke aumeume no i hele hoomanawanui ai lakou nei a hoea i ka puka komo i kapaia o Damaseko.  Ma keia puka, kaohi ia mai la laua e ka kiai puka, a nonoi mai la i ko laua nei palapala ae noloko o ke kulanakauhale o Ierusalema, a koi pu ia mai la hoi ka uku no kela ame keia kamelo, a pela nohoi me kela ame keia miula o loko o ka huakai.

            Aole i liuliu, hoea aku la lakou nei i ka hale o ka hoaloha o ko ia nei luaui makuakane, a he wahi kokoke nohoi ia i ka puka pa a lakou nei i komo aku ai.  I ko ia nei hoea ana aku ilaila, ua apo aloha ia mai la ia e na kamaaina o kauhale, a ua oluolu loa hoi ko ia nei noonoo.

            He hoomanaoia hoi, o ka umikumamahiku ponoi keia o ka nui o kona mau makahiki.

            Ma ka wa i haalele iho ai ka huakai nana keia i lawe mai a hoea i Ierusalema, i hoouna aku ai ia i kana palapala mua loa i kona makuakane, a me he mea la, o ka wa ia, he ekolu makahiki mamua ae o ke kaulia ia ana o ka Hoola o ke ao nei maluna o ka laau kea.

            Nolaila, ma keia pule ae e hoomaka ai ka ike ana o ko makou poe heluhelu i keia palapala a Adina a pela me na palapala e e apau i pili i keia moolelo nani a maemae.

(Aole i pau.)

 

E 102

G. DIETZ.

HE MEA HANA WATA AKAMAI A MHA

NOEAU LOA.

Alanui N@, H@lu @17

            Aia ma ka Alanui Nuuanu, mauka iho o ka Halekuai Pipi "Central Meat market."

 

KAKELA ME KUKE

(KAUPALENAIA.)

Poe Kalepa ma ke Komisina.

A ME

Poe Lawelawe Kopaa

AGENDA

2736-tf

 

            Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i ikeia ma na wahi kuai kaa apau.

Kalivilana Cleveland.

HONOLULU BICYCLE COMPANY.

209 Alanui Hotele.      Telepona 909.

2753-1m.

 

HOOLAHA KUMAU.

Ka Hui Al@hao me Aina o Oahu

MAI A MAHOPE AKU O IUNE 13, 1898

Manawa Holo

AHI HOOLULU. Mai Honolulu aku@

Wala@ae, kaa hu@ka@, na la apau koe ke Saba@.

Waialua, kaa ohua, @a la apau

Waianae, kaa ohua, na la apau

Wili o Ewa, kaa ohua na la apau

A.M     A.M.    P.M     P.M.

Honolulu         7:10     9:15     3:10     5:@

@anana           8:07     9:48     3:43     5:5@

Wili o Ewa      8:37     10:08   4:08     6:10

Waaianae         9:27     10:53   4:43

Waialua           12:00   5:33

WAHI HOOLULU

(Mai waho mai @ i Honolulu.)

Wili o Ewa, kaa ohua, koe ke Saba@i.

Waialua, kaa ohua, na la apau.

Waianae, kaa hikau na la apau, koe ke Sabati.

Waialua, kaa ohua na la apau.

Wili o Ewa kaa ohua, Sabiti wale no.

A.M.    A.M.    A.M.    P.M.    P.M.

Waialua           6:12     2:39

Waianae          6:12     10:09   3:5@

Wili o Ewa      5:50     7:47     10:59   4:32     12:45

Manana           6:15     8:07     11:34   4:52     1:14

Honolulu         6:50     8:40     12:15   @:36   @

G P. DENISON.

Luna    F. C. SMITH.

Luna Kuai Paianala Ho@

 

Metropolitan Meat Co

(Hui Kuai Pipi Metropolitan.)

G. W. Waller, (Waia) - Luna N@

108 Alanui Moi.

 

Poe Kuai a Hoolako i na Moku

ME

Na Io Pipi, Hipa a pelaʻku

 

E loaa mau ana na Manu ame na K@ mano I hoohuʻihuʻila iloko o ka Hau

Makepono ke Kuai i na Iʻo Pipi @nei

TELEPONA HELU   45

 

Ka Ayer Laau

Hoomaemae Koko.

SARSAPARILLA.

            E hoomaemae oe i kou koko me ka Ayer Laau Hoomaemae Koko @a@aprilla), o keia ka laau pahuʻa ole e kona ikaika heola.  Kupono maoli @ laau no ka maʻi Alaala, mai H@ Puha, mʻi Aai, maʻi Kuapuhi m@ PUupuu oolo@u, maʻi Kane pohaku ame na maʻi no apau e ulu mai ana mailoko mai o ke koko ino.  H@ kupono loa nohoi kela LAAU HOOMAEMAE KOKO A AYER ao ka a@ʻi @lulu (@arrh), ruwatika ame @ rumaʻika pehu.

            Ma ke ano he laau hooikaika ki@o la, aohe on a lua.  E kokua ana ia i na mea peah@na o ka opu ma ka hoowahi ana i ka ai, hooikaika i ka hana ana a ke ake-paa hawaliwali, hooikaika hoi i na aa-lolo a hooikaika pu hoi i ke kino i hele a uawaliwali mamuli e ka luhi ame ka hoomailo ana a @ maʻi Ua ike na kauka lapaau ma @ wahi apau, he Laau maikai loa keia Laau Hoomaemae Koko a Ayer.  He laau keia i loaa no loko mai o ka paʻipaʻi ame ke kawili a hoohu@ naauao la ana o na laau hoomaemae koko a hooikaika kiao ikaika loa.  Aohe laau hoomaemae koko elike me keia, a i makemake nui ia nohoi elike me keia.

Ka Ayer Sarsaparilla

Hoomakaukaula

DR. J. C. AYER & CO.

Lowell, Mass., U. S. A.

Ola ka Maʻi Awaawehia o ka Opu i aa           Huaale a Ayer

No Keaha        I NOOKAWELEWELE LOA AKU AI OE I KELA

AME   ANU, KUNU PUU EHA?

                        UA KAULANA LOA KA laau kunu & ayer (Ayer's Cherry Pectoral) U@e o na makahiki he aneane 60, ma ka hoola ana i na Maʻi o ka Puu ame ke Akemama, ke Anu, ke Kuanu, ka Maʻi La Grippe, ame ka Maʻi Mala o ka pale Akemama.  He ono keia laau ma ka inu ana, a he oiaio ke ola.

AYER'S CHERRY PECTORAL

Me Medals Gula mai na Hoikeike Mai o ke Au

 

Mai lawe i na Laau Emi i Hookalikeia me k@

Holister Drug Co. Lt.

Na Agena ma ka Paeaina Hawaii.