Ka Nupepa Kuokoa, Volume XXXVIII, Number 41, 13 October 1899 — Page 2
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, OKATOBA 13, 1899.
KA
Nupepa Kuokoa
No ka Makahiki $2.00
No Eono Mahina 1.00
Kuike ka Rula.
PUKA 1 2 3 1 2 3 4
ANA Pule Pule Pule Mal. Mal. Mal. Mak.
Iniha $ 1.50 $ 2.00 $ 2.50 $ 3.00 $ 5.00 $ 6.75 $12.00
2 Iniha 2.00 2.75 3.50 4.00 7.00 9.00 15.00
3 Iniha 2.50 @.50 4.50 5.00 9.00 12.00 18.00
4 Iniha 3.00 4.00 5.00 6.00 11.00 13.50 21.00
5 Iniha 3.50 4.75 6.00 7.00 12.00 15.00 24.00
Iniha 4.00 @.50 7.00 8.00 13.00 16.50 27.00
O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
HOOPUKAIA E KA
HAWAIIAN GAZETTE CO
A. W. PEARSON, Luna Nui.
JOSEPH M. POEPOE, Lunahooponopono.
Honolulu, Oahu
POALIMA – OKAKOPA -- 13, 1899
KA HOPENA I IKEIA.
Ua haiia mai ia makou ka lohe, ma ka halawai ana a ka Hui Hooulu a Hoola Lahui a "Kapiolani," ma ka Poakolu nei, ua ae na wahine luna nui o koko o ka Home Hoohanau Kapiolani e waiho i ko lakou noho poo nui ana no na hana o loko oia home, ma ka pau ana o ko lakou makahiki hookahi i hoonohoia ai ma ia hana, me he mea la o ka malama paha ia o Feberuari ae nei, o keia makahiki ae.
Ua haiia mai ia makou ka lohe i ka hooneeia ana o na iliili o ka papa konane ninaninau a hoohuahualau no kahi o ka hewa i ikeia ai, ua huikau aku la "kalo i ka nawao," hapala ae la ke kea no ka ele ka ai," a kuhikuhi ke ala ma Puuloa, oiai no nae, eia iho no i ke kaha o Kaupea kahi i waiho ai. Pau ae la keia.
UA PAA KA RULA ALAKAI.
Ke hoomanao nei makou, ma ka wa @ ukali pili kokoke ana i ka hoea mua loa ana mai o ka Olelo Hooholo Hui a Newland i Hawaii nei, a ma ka wa no hoi mahope mai o ka lawe ana o na Luna Aupuni Hawaii i ka hoohiki e lilo lakou i poe kanaka Amerika, e noho mana mai ai ka Peresidena ame ke Aupuni o Amerika maluna o lakou, ma ka mana hookohu a lawelawe oihana ma Hawaii nei, a pela nohoi me kahi wa i hala koke iho la, ua homaikeike e aku no makou imua o ke akea, he poe kauwa lawelawe hana na luna Aupuni o Hawaii nei malalo o ka mana o Peresidena MaKinile. Aia iloko o ka poho lima o kela kanaka hookahi ke ola ame ka make ana o ke ola oihana Aupuni e paaia ana e kekahi luna Aupuni Hawaii. Ai ia Peresidena MaKinile, na Ki no ka wehe ana ame ke pani ana i na ipuka o na oihana Aupuni o Hawaii nei. Nana no e wehe aohe mea nana e pani: a nana nohoi e pani, aohe mea nana e wehe, oiai e mau ana ka paa ame ka mana @ ka Olelo Hooholo Hoohui Aupuni a Newland. Elike hoi me ka makou i hoakaka e aku ai, he "mana nui" ko keia kanaka e ulaa a e huhuki ae ai i ke kumulaau holookoa, mai ke aa, ke kumu, na lala a hoea i na lau, pela no e hiki ai iaia ke o mai i kona "manamana lima iki," mai Wasinetona mai, a hekau ana maiuna o Hawaii nei, a olelo mai: "Ua oki kela hana! Ua oki ae keia! Mai mea ae oukou i kela ame keia! Pau!" O na hana oia ano i hoakaka mua ia aku e makou, ma ke ano he mau mea ia e hoea mai ana mailoko mai o Peresidena MaKinile, he oiaio, ua ikeia io ia keia, ma ke kaohi koho balota ma Hawaii nei—ma ke kakau inoa hoopaa ana i na moku—na aina aupuni, aole e kuai hou ia aku.
Ma ka wa hoi i hoea mua mai ai ke kanoha papa koho balota i Hawaii nei, ua hoopuka aku makou i ka manao alakai ma ko makou helu o ka la 9 o Iune aku nei, malalo o ke poo "Kela Kauoha Papa Koho Balota a MaKinile," ua hoomahui aku makou i keia manao": "Mamuli o keia mana oikelakela i loaa i ka Peresidena o na Aupuni Huiia o Amerika ame Hawaii, no ka hoonoho ame ka hoopau ana i ko kakou mau luna Aupuni kuloko nei, ua loaa iaia ka mana haawi hooponopono Aupuni ia Hawaii nei i ka poe ana i makemake ai, ina paha he kamaaina a he malihini paha ia, he Roiliti paha, a he Repubalika paha. Owai la ka mea ike i kahi e kaapa ae ai keia Mana? Aole kakou i ike: aole na luna Aupuni o kakou nei i ike ia mea. Oia ame kona Aha Kuhina, ame na hoaloha pili paa paha iaia kai ike i kahi e hekau ae ai keia Mana Hookohu Oihana Aupuni i loaa iaia (MaKinile) oia hoi, ina makemake ia e hoonoho mai i Kiaaina Kuikawa no Hawaii nei i keia wa, a hiki i ka wa e hooholoia ai he kanawai kumu no Hawaii nei, e ka Ahaolelo Nui, aia no ia mana iaia. Penei ka olelo a ke "Kumukanawai Kuikawa no Hawaii nei," oia hoi ka Olelo Hooholo Hui a Newland, elike he ia i hoopukaia aku ai nohoi e makou mamua, a ma ko makou pepa no hoi o keia la:
"Aia hoi a hiki i ka wa e hoolala aku ai ka Ahaolelo Nui (Congress) i kanawai no ua Aupuni la, alaila, e lawelawe ia no na Oihana Kivila, hookolokolo ame mana koa e lawelaweia 'la i keia wa e na Luna Aupuni o ke Aupuni e ku nei i keia wa ma ua mau mokupuni nei, e ke kanaka, a poe kanaka paha e kauohaia aku ana e ka Peresidena o Amerika Huiia; a he Mana hoi ko ka Peresidena e Hoopau aku ai i ua mau Luna Aupuni la, a e Hoopiha i na Hakahaka i hoea mai ma ia ano."
Mamuli o ka mana o keia kanawai e hiki i ka Peresidena ke kaohi mai i na hana a ko kakou mau Luna Aupuni, aka, aia no he Mana Pookela i oi aku i ko ka Peresidena, oia hoi ka Mana Ahaolelo Nui, a oia ka Mana nana e kanana pono i ka aoao i hewa ma na mea i hookoia aku e ko Hawaii nei poe Poo Aupuni a i papaia mai la hoi e ke Poo o ka Papa Kahu Aupuni o Amerika Huipuia.
I ka ike ana o ka poe i hoomaamama pono ia ko lakou mau aoao apau i keia wahi o ke "Kumukanawai Kuikawa" i kauia mai maluna o Hawaii nei, aole e nele ana ko lakou ike iho i o la honua he mea pono ke "nihi ka helena i ka uka o Puna," aole hoi e "ak@ i ka lehua makanoe, o po auanei ke alahele," a pa pono iho la ka olelo kaena a na kini o ka aina, "haha poele ka papai o Honolulu."
I ko ke Kuokoa nee ana ma ke alahele no ke alakai ana, elike me ka hiki iaia, ma na kalai manao akea, pili i ke Aupuni, ka nohona holomua a pomaikai o ka lahui kanaka, ka pono o ka nohona home Hawaii, ka ohana Hawaii, na hana pili Karistiano mawaena o keia mau Pae Moku, ame na mea e ae he nui, aole loa ia i kaohi i kona leo kahoahoa e hoomaikeike e aku ana i "ola honua," i ka pukoa ku o ka moana kai hohonu, e pono ai i na hookele waa aupuni, waa ohana, waa Ekalesia, waa maauauwa, a waa e ae nohoi o kela ame keia ano, ke makaala o kuia auanei i ua pukoa la, a ili a nahaha ka waa. Ua hoike ke Kuokoa i kona kuokoa io ana ma kona mau manao alakai io ana ma kona mau manao alakai apau, e lilo ana ka Pono ame ka Holomua o ke Aupuni ame ka Lahui Oiwi o Hawaii i mau Hoku Alakai nona, a oia no kana mau kahua e paio aku ai ma keia mau mua aku.
Ke Kumukanawai Kuikawa no Hawaii Nei.
O keia mahope ae nei, oia no ka Olelo Hooholo Hoohui Aupuni a Ainahou (Newsland) i hooholoia ai e ka Ahaolelo Nui o Amerika Huipuia, no ka hoohui ana ia Hawaii nei me Amerika Huipuia, ka mea hoi a makou i olelo ae nei, oia ke "Kumukanawai Kuikawa" ia no Hawaii nei i keia wa, oiai malalo o keia Olelo Hooholo, a "Kanawai Ahaolelo" hoi, e pono ai ke hoopaaia na alakai hana aupuni ana a na "Kahu Aupuni Hawaii" e noho nei i keia wa, ame Peresidena MaKinile, ke Poo o ka Papa Kahu Aupuni (Mana Hooko) o ke Aupuni o Amerika Huipuia. Ua hoopuka hou aku makou i keia i loaa ai he kumu alakai no ko makou mau manao hoakaka e puka aku ana ma keia hope aku no ka mea e pili ana i ka ninau "Aina Aupuni Hawaii," ame kahi e ili ai o ka hewa no na hana hewa e hanaia ana e na "Kahu Aupuni Hawaaii," ma na mea Aina Aupuni la, elike me ka mea i pukaamaka ae nei i keia wa kokoke i hala iho la.
"Oiai, ua hoike mai ke Aupuni o ka Repubalika o Hawaii i kona ae ana elike me ke ano i hoakakaia e kona Kumukanawai, e haawi mai ma ke ano kaokoa a koe koena ole ia Amerika Huiia i na mana apau o kela ame keia ano maluna o na Pae Aina o Hawaii ame ko lakou mau kalana aina, a e panai a e hoolilo mai nohoi ia Amerika Huiia i ke kuleana alodio ame ka noho ona ana maluna o na aina Aupuni, a mau aina leialii hoi, na hale Aupuni, na awa pae, na awa ku moku, na lako koa ame na waiwai Aupuni e ae o kela ame keia ano i onaia e ke Aupuni o ko Hawaii Pae Aina, a pela pu hoi me na pono ame na kuleana apau i pili ia lakou; nolaila.
"E hooholoia, ua apono ia aku ia haawi ana mai, a ua hooiaia hoi a ma keia ua hoohuiia mai ua mau Pae Aina la o Hawaii ame ko lakou mau kalana aina i hapa no ka aina o Amerika Huiia a ua kaa lakou malalo o kona mana, a o na waiwai ame na pono apau i hoikeia ae nei mamua ua haawiia iloko o Amerika Huiia.
"O na kanawai o Amerika Huiia e ku nei i keia w@ e pili ana i na aina Aupuni, aole no ia e pili aku i na aina ma ko Hawaii Pae Aina, aka, na ka Ahaolelo Nui o Amerika Huiia e kau i na kanawai no ka hooponopono ana ame ka mahelehele ana ia lakou, a o na loaa apau mailoko mai o ia mau aina, koe nae na aina i lawelaweia a i nohoia e na oihana kivila, koa a aumoku paha o Amerika Huiia, a i hookaawaleia paha no ka pomaikai o na hana aupuni kuokoa, e hooili kaokoa ia no, no ka pono o na kanaka o ko Hawaii Pae Aina, no na hana hoonanao ame na hana Aupuni e ae.
Aia hoi o hiki i ka wa e hoolako aku ai ka Ahaolelo Nui (Congress) i kanawai no ua Aupuni la, alaila, e lawelaweia no na oihana kivila, hookolokolo ame na oihana kivila, hookolokolo ame na mana koa e lawelaweia la i keia wa e na Iuna aupuni o ke Aupuni e ku nei i keia wa ma ua mau Mokupuni nei, e ke kanaka a poe kanaka paha e kauohaia aku ana e ka Peresidena o Amerika Huiia: a he mana hoi ko ka Peresidena e hoopau aku ai i ua mau luna aupuni la, a e hoopiha i na hakahaka i hoea mai ma ia ano.
"O na kuikahi e ku nei i keia wa mawaena o ko Hawaii Pae Aina ame na @ e ae, ma@ hoo@ a ua hookila lakou, @ komo ma ko lakou mau wahi na kuikahi e ku nei, a e hooholoia aku ana paha ma keia nope aku, mawaena o Amerika Huna nei ame ia mau la@ui e.
"O na kau kanawai kuloko ana ma ko Hawaii Pae Aina, i kama hoi no ka @ooko ana i na kuikani i hoopa@a ae nei, aole noi i kue i keia olelo hooholo nui, aole hoi i ke Kumukanawai o Amerika Huna, e mau no ko lakou mana a hiki i ka wa e hoono@o@a a@ e ka Ahaolelo o Amerika Huiia.
"Aia a hiki i ka wa e kauia ai he kanawai e pahola aku ana i ke kanawai ame na rula hooponopono dute o Amerika Huiia maluna o ko Hawaii Pae Aina, e mau no na kanawai hooponopono dute e paa nei i keia wa mawaena o ko Hawaii Pae Aina ame Amerika Huiia ame na aina e ae, aole e hoololiia.
"O ka aie Aupuni ku i ke kanawai o ka Repubalika o Hawaii e ku ana ma ka wa i hooholoia ai keia Olelo Hooholo Hui, e komo pu ana hoi na huina dala a na poe hoahu dala iloko o ka Banako Hale Leta o ko Hawaii Pae Aina, ma keia ke laweia ae nei e ke Aupuni o Amerika Huiia, aka nae, o keia huina koikoi a Amerika Huiia e auamo ai aole no ia e oi aku mamua o $4,000,000.
"Eilike hoi me ka loihi o ke ku ana aku o ke Aupuni o ko Hawaii Pae Aina e ku nei i keia wa, a pela hoi kona mau launa kalepa ana, elike me ia i hoikeia ae nei, pela no e mau aku ai ka uku ana o ua Aupuni la i ka ukupanee maluna o ua mau aie ia.
"Aole hoi e hoopanee hou ia mai na Pake iloko o ko Hawaii Pae Aina, koe wale no malalo o na kumu e ku nei i keia wa, a e aeia ana paha e na kanawai o Amerika Huiia; a, aole hoi e aeia kekahi Pake, ma o na mea la i hoikeia ma keia wahi, e komo mai iloko o Amerika Huiia nei mai ko Hawaii Pae Aina mai.
"Na ka Peresidena e koho i elima komisina, @e elua nae he mau kanaka noho maloko o ko Hawaii Pae Aina, na lakou e waiho aku imua o ka Ahaolelo Nui, elike me ka hikiwawe ia lakou ke hana pela i na kanawai kupono e pili ana i ko Hawaii Pae Aina, elike hoi me ka mea a lakou e manao ana he pono.
"Pauku 2. O na Komisina i hoikeia ae nei mamua, e kohoia no e ka Peresidena, me ka ae pu ana hoi ame ke ao ana a ke Senate.
"Pjuku 3. E hookaawaleia ka huina o $100,000, a o kahi hapa paha oia huina e lawa ana, mailoko ae o kekahi puu dala o loko o ka waihona i hookaawale ole ia, a i hiki ke hoohana koke ia, no ka hooliloia ana aku e ka Peresidena o Amerika Huiia, no ka hooko ana i keia Olelo Hooholo.
Moolelo o ka Ahahui Kula Sabati o ka Mokupuni o Oahu.
Kaumakapili, Oct. 5, 1899.
Halawai ka Ahahui Kula Sabati o ka Mokupuni o Oahu. D. L. Naone ma ka noho lunahoomalu. Weheia na hana me ka himeni ame ka pule.
Hoomaopopoia na hoa o ka Aha i hiki mai. Na Kaku Kula Sabati Nui: D. L. Naone no na Kona, E. P. Aikue, no na Koolau. Na Kahu Kula Sabati Apana ame na Hope: H. W. Kailimai, H. K. Meemano, S. Mapu, Sam. Kaamai ame James Davis. Na Elele: S. K. Nawaa, A. Kaulia, S. W. H. Kawelohelii, N. Mahi, D. Kauwa, J. Halemano, J. A. Awai, J. K. Paele ame J. N. Kaailua. Na Hoa mau: Rev. J. Kekahuna, Rev. S. Kaaia, Rev. Lono, Rev. O. H. Kulika, Rev. S. H. Oili ame Prof. Theo. Rikeke.
Hapai ia ke koho ana i lunahoomalu ame ke kakauolelo no ka Aha. Na J. Paele i waiho mai i ka inoa o D. L. Naone i lunahoomalu, S. K. Nawaa i kakauolelo; hooholoia.
Koho ka Lunahoomalu ia Rev. Jas. Davis, N. Mahia ame A. Kaulia i mau Komite Imi Kumuhana.
Na Kumuhana a na Komite: 1. Ha@aha hora haipule. 2. Hoike a na Elele. 3. Hoike Papa Helu. 4. Hoike a na Kahu Kula Sabati Nui. 5. Na Palapala Hoopii. 6. Ka Buke "Ka Hoahana." 7. Waihona Nui o ka Pae Aina. 8. Komite Hoeueu. 9. Koho ana i na Komite a ka Aha i ka Ahahui Pae Aina. Noi ia mai e aponoia ka Hoike Komite; hooholoia.
Hoike a na Elele: Na S. K. Nawaa, A. Kaulia, S. W. H. Kawelohelii, N. Mahi, D. Kamoa, J. Halemano, J. A. Awai, J. K. Paele ame J. N. Kaailua i heluhelu mai i ka lakou mau hoike a aponoia.
Na Hoike Papa Helu: Na D. L. Naone, H. W. Kailimai, H. K. Meemano, i heluhelu mai i ka lakou mau hoike a aponoia me na hooponopono. Na S. Mapu ame Sam. Kaamai i heluhelu mai i ka laua mau hoike a aponoia. Na ke Kakaulelo i heluhelu mai i ko Waialua a aponoia.
Hoike a na Kahu Kula Sabati Nui: Na D. L. Naone ame E. P. Aikue i heluhelu mai i ka laua mau hoike a aponoia.
Hapai ia ka noonoo ana no ka buke Ka Hoahana. Na O. H. Gulick i hoike mai, ua paiia he mau haawina a ua hoouna ia aku ma na apana. O na hooponopono ana o na haawina aia no i ka Makua Dr. C. M. Hyde, a e hoi mai ana ia, a e makaukau ana no ka hoopuka ia aku ma ka buke Ka Hoahana. Hooholo ka Aha e hoomau ia na haawina dala i maheleheleia ai no ka buke Ka Hoahana.
Hapaiia ka noonoo ana no ka waihona nui o ka Ahahui Pae Aina. Na ka Aha i kauoha i na apana ma o na Elele @la e hoomanao i keia hana a e uku ae i na dala i hookaawaleia no keia waihona.
Hapai ia ke koho ana i na Komite. Na ka Lunahoomalu i waiho mai i ka inoa o S. K. Nawaa i Komite no ka Hoike Kihapai, a ia J. K. Paele i Komite no na hana o keia Aha; hoohooia. Na Prof. Theo. Richards i waiho mai i kumuhana: "E unuhiia ma ka Olelo Hawaii na himeni hou e puka mai nei ma na buke himeni Olelo Beritania, a e hoopukaia ma ka buke Ka Hoahana, a i ole, e pa'i buke ia." Noi mai o H. K. Meemano e lilo keia i kumuhana; hooholoia. Na Rev. J. Kekahuna i noi mai e apono loa ia keia kumuhana; hooholoia. Na E. P. Aikue i waiho mai he Olelo Hooholo: "Hooholoia, ke haawi aku nei ka Ahahui Kula Sabati o ka Mokupuni o Oahu i na hoomaikai ana i na hoahanau o ka Ekalesia o Kaumakapili no na hana aloha i waiho ia mai i na lala o keia Ahahui, ma ka hoomakaukau ana i na mea e pono ai ke ola kino." Aponoia.
Na H. K. Meemano i noi mai e hoopuka ia keia moolelo ma ka nupepa o ke @aona nei; hooholoia. Nana no i noi mai e hoopaneeia keia Aha a noho hou ma ka Poaha mua o Aperila, 1900, ma ka hora 10 a. m., a ma kahi e no@o ai ka Ahahui Euanelio; hooholoia.
Hookuuia na hana me ka himeni ame ka pule a Rev. O. H. Gulick.
S. K. NAWAA,
Kakauolelo.
Ahahui Kula Sabati o Maui, Molokai ame Lanai.
E halawai ana keia Aha, maloko o ka Halepule Kaahumanu, ma Wailuku, ma ka Poalima hope o ka la 27 o Okatoba, A. D. 1899, ma ka hora 10 a. m.
Nolaila, ke kauoha ia nei na Lala apau o keia Aha e akoakoa ae ma ka manawa i hoikeia maluna.
M. P. WAIWAIOLE,
Kakauolelo.
AHAHUI LUNAKAHIKO.
E noho ana ka Ahahui Lunakahiko o na Mokupuni o Maui, Molokai ame Lanai ma ka Luakini o Kaahumanu, Wailuku, Maui, ma ka Poakolu mua o Novemaba, A. D. 1899, ma ka hora 10 a. m.
O. NAWAHINE.
Waihee, Maui, Oct. 9th, 1899.
AA E PAIO NO KA INOA MOHO.
E Mr. Lunahooponopono e!
Anoai wale.
E ae mai ia'u e kakele aku maluna o na kolamu o ka kaua hiwahiwa no keia poomanao ae la ma ke ano e kalahea aku ana i na opio lima hei o Hawaii nei, a o na lahui e ae paha e noho ana ma Hawaii nei, no ka paio ana no kela inoa moho kinipopo elike me ka Hui Hoku i holo aku nei e paio me ko Hilo a lilo mai la ia lakou ka inoa moho, peia keia makapeni e kakale nei no kela mea he inoa moho. Ke hoike nei na nupepa ua lilo ia Hoku ka inoa moho. Pololei kela, ina nae oia i hookuku a pau na Hui kinipopo o Hawaii nei. Aole oia i hookuku a pau na hui, malia paha he mau hui ko Maui ame Kauai, aole au i ike ia; aka, o ka'u i ike oia ka Hui a'u e noho Peresidena nei, ka Hui Kinipopo o Kalaupapa nei, oia na keiki lima hei, lima hana ike, ame lima kani ma keia mea o ke kinipopo, a ua aa lakou e paio me Hoku, a me kahi mau hui e ae paha e aa mai ana e paio no ka inoa moho; a i mea e maopopo ai owai la ia mau keiki lima kani, eia iho ko lakou papa inoa ame ko lakou mau kulana pakahi:
Na Inoa. Kulana.
Mahi Pahau Hopu Popo
Hairama Pahau Nou Popoo
Jno. Wahineaea Pahu Ekahi
Silas Carter Pahu Elua
Joseph Kauhane Pahu Ekolu
Andrew Auld Hopu Pokole
George Kanoa Welau Akau
Alick Smith Welau Waena
Kaalomakani Welau Hema
Na Panihakahaka:--Jno. Forbes, Zakaio Mahi, Naihe, George Kaaepa.
Nolaila, o keia ae la ua mau kae'ae'a la o ka Panalaau nei, a owai mai ana e aa i keia?
Ma keia ke hooki nei au me ke aloha nui nou e Mr. Lunahooponopono ame kou keiki hoi ko'u adioso.
Owau iho no.
ADAM LONGPIG.
Kalaupapa, Oct. 5th, 1899.
Lawe Hawaii i ka Haahe@ Bosetona.
Ua hoouna mai nei o Rev. J. M. Ezera o ka Ekalesia o Ewa e noho mai la i na "Kaiulu" o Amerika Huipuia, i o makou nei, he buke nupepa o 48 aoao nona ka inoa "The Congregationalist," a maloko oia buke i ike iho ai makou i na manao hoakaka a ua nupepa la no ko kakou mau Elele Hawaii ma Bosetona, malalo o ke poo "The Hawaiian Delegation." Ike iho la nohoi makou i na kii o Rev. J. M. Ezera, ame Rev. E. S. Timoteo. He keu ka ui ame ka maemae. O Timoteo no o Timoteo; a o Ezera no o Ezera. E hoopuka aku ana makou i keia hoike a nei nupepa no ka mea e pili ana i ko kakou mau "Kahu Ekalesia."
Hala ka Hoapili a Hoa Hoomanawanui he Wahine.
Ua loaa mai ka lono ehaeha i Honolulu nei, ma ke ku ana mai o ka mokuahi "Mauna Loa" mai kona mau awa mai Maui a mai Hawaii mai, ua hala aku la o Mrs. Lucy Keakealani Nowlei@, no ke ala hoi ole mai, ma ka La Sabati aku nei, Oct. 8, ma Lahaina, mahope iho o kona haawe hoomanawanui ana i na ehaeha a ka ma'i i umii iho laia, no kekahi wa loihi loa. Ua hala aku la keia "lede" Hawaii oiaio me ke aloha nui i@a e ka poe apau i kamaaina iaia.
Ua haalele iho oia ma keia ao he kane a he kaikamahine, a he hunona.
O kekahi mea kaumaha nohoi, oia ka haalele ana mai o Keakealani i kana kane, ma ka wa akahi nohoi a hoola ae oia mai kona kaualupela @a e ka ma'i. Ua hoolewaia kona "kinowailua" ma ke kakahiaka Poakahi nei.
O ko makou aloha me ka paumako, me ke kane i hooluuluuia, me ke kaikamahine i hooneleia i ka makuahine, ka hunona i kaumahaia ame na makamaka no apau o ka mea i hala aku ma ke ala hoi ole mai.
Nokeaha ai e Hoao i ka Lapaau ana a hai Maluna o Kou Ki o.
Nakeaha la oe i hoao ai e kaau ma ke ano hoao wale no, a i ole, e inu paha ma ke ano hoao wale no i na laau lapaau i ike oke ia ko lakou ola maluna ou, a komo hoi iloko ou, oiai nae e loaa ana no ia oe ka mea i makemake mai ia e oe ma ka inu ana i ka Laau Kunu o Kamalena, ka laau hoi i hoaoia a ikeia ka oiaio, ame kona puhili ole? He iwakalua makahiki i kuaila ai keia laau a i hoaoia ai nohoi, a ike ia he laau maikai loa ia no ke anu. E ola ke anu i ka la hookahi ina e inu koke ia ana ua laau la mahope koke iho o ka loaa ana i ke anu a mamua ae hoi o ke oni paa loa ana iloko o ke kino. E kuaiia ana e na poe kuai laau lapaau apau. O Benson, Smith & Co., na agena no ko Hawaii Pae Aina.
NA HAWAII MA NA AINA E
Ma ka palapala a Lunahooponopono Towse o ka nupepa Advertiser e noho mai la i ke anu o Omaha, ma Amerika Huipuia, ana hoi i hoouna mai nei i ka nupepa P. C. Advertiser o loko nei o keia halepa'i, i ike iho ai makou i kekahi mau mea ano nui e pili ana i kekahi mau Hawaii e noho mai la ma Amerika. E hoike pu mai ana nohoi ia i ka ike ana o Mr. John H. Wilson i ke "Alii" Liliuokalani ma Wasinetona. No ka pomaikai o ko makou poe heluhelu, ke hoopuka aku nei makou i na mea ano nui i waeia mai e makou mailoko mai o ua palapala 'la.
KA IKE ANA IA LILIUOKALANI—HE MAIKAI NO KONA OLA.
OMAHA, Neb., Sept. 25.—O ka huli hoi ana mai nei no ia o John H. Wilson, luna nui o ka hui hoikeike o na Hawaii maanei nei, mai Wasinetona mai, kahi ana i lilo ai he malihini kipa aku ma ka home o Liliuokalani, oiai ua kamaaina loa nohoi oia iaia. Hoike mai o Mr. Wilson, he maikai loa no ke ola o ka Moiwahine (i pau), a he home maikai o oluolu kona ma Wasinetona. Ma ka hoomaopopo aku, he maikai no kona mau ano apau, a me he mea la, aole paha ia e huli hoi koke aku ana i Hawaii. He oiaio, ua loaa oia i ka ma'i e pono ai ke hoohanaia ka pahi oki a ke kauka; aka, aole nae i lawelawe iki ia kela hana maluna ona. Ke ikeia aku la nae ka nalohia ana aku oia mea, malalo o na lawelawe lapaau ana a Dr. English, a ua manaolana loa ia e loaa ana ke ola ame ka palekana i ke "Alii." Ua hoea aku no hoi o Dr. English i Honolulu aneane hookahi makahiki i hala ae nei, a he kanaka keia i kaulana no kona akamai ame ka makaukau ma ka lapaau ana i na "ma'i aai" o ka ili, i kapaia he "cancer." Mawaena o na poe ana i lapaau ai no keia ano ma'i, he poe kiekie loa kekahi no Amerika nei. Ua hoohala no o Liliuokalani i kona la hanau—Sepatemaba 2—me ka malie a ulumahiehie ole. O kela ahaaina luau i kamailio nui ia ai, e malamaia ana ma Wasinetona, aole i hoea mai ia mea. Ua hala aku ke Keikialii David i Nu Ioka no ka ike ana i ko Akimarala Dewey huli hoi ana mai, a no ka nana ana hoi i ka heihei moku kaulana loa o ke ao nei, ka heihei a ka hapa nui e manao nei, e lilo ana ka lanakila i ka moku Pelekane, oia ke "Shamrock." O ka mea nona keia moku, (oia hoi o Sir Thos. Lipton), ua noho no oia ma Omaha nei i kahi wa i hala lilo ae nei mahope, a ma ia wa, e lawelawe ana ia ma ka oihana kalepa mea ai tini, maloko o kekahi hui.
Ua paa iho nei he buke mele hou na Liliuokalani, a eia oia ke hana aelike nei me ka poe hoolaha buke. E komo ana maloko o keia buke kana poe mele apau i hoolaha mua ia, a i pau pono hoi i ka hoonohonoho pono ia na mahele leo, a e huipu ana me keia he mau mele hou me na hua-mele, a he mele ana paha kekahi ma ka olelo Beritania. Ua ano kakanalua ia (Liliuokalani) i ka alana ana aku i keia mele ana i haku ai imua o ko ke ao nei, aka, ua oleloia nae he ku maoli i ka noeau na pauku olelo o ka hakuia ana o ua mele la. O na ohua o ke "Alii," he elua mau kanaka Hawaii he kane a he wahine (oia no paha o Joe Heleluhe ame ke kaikamahine a kana wahine—L. H.) ame na kauwa lawelawe. He hookipa no oia i na hoaloha, aole nohoi ona hele nui e ike i kekahi ope okoa aku.
Ma Nu Ioka halawai iho la o Mr. Wilson me Frank Nichols o ka Hui Kuai Buke o Wall. Nichols, a pela pu nohoi me A. A. Montano, o @ka o Manoa. Ua hele aku ia (Wilson) e makaikai i kekahi hoikeike, i malamaia ma ke kaupoku o kekahi hale, a o ka inoa o ua hoikeike la, "The Hawaiian Queens" (Na Moiwahine o Hawaii), aka, wahi ana i olelo mai @, he hana panaka lalau wale no ia, aohe oiaio. Ua kuai iho nei o Mr. Nichols i mau waiwai i "Karikimaka" a "Makahik@ Hou" no ko lakou halekuai. Ua hele aku hoi o Mr. Montano e makaikai @a Bogota, kahi ana i "pakika" mai ai i kona mau la opio, ma ka wa i puhili ai kona ike hoala kana huliamahi malaila, i kahi wa lilo loa i hala ae nei. I keia makahiki hoi ana i kei@ hou aku nei ilaila, ua "welawela loa kai o ka moa," i ka haunaele kuloko, a nolaila, ua haalele awiwi aku la ia, me kekahi kanaka Pelekane ia wahi, a holo mai la maluna o kekahi mo mokuahi i hoolimalima ponoi ia e laua, a hoea i kekahi awa okoa aku. Ua hala aku la ia i Amerika Hema.
Ua halawai hoi o J. J. Egan @o ka halekuai o Egau ma alanui Papu@ me "Jim Lynch" i noho luna nai mua ai no ka halekuai kamaa o Fairchild.
NA HAWAII HOIKEIKI.
I keia pule, ua hoikeike ae la kekahi hapa o na Hawaii i laweia mai nei ia nei, maloko o kekahi hale pe@a ma Hastings, Nebraska, kahi i malamala ai kekahi hoikeike "@ea' ma ke alanui. Ua uni ka ohohia ia o ka hoikeike. Aohe maikai loa o na hana o ka hoikeike maanei nei. Ua hele ua Hui Ho ikeike o Omaha nei, ka poe @a lakou @ lawe mai nei ia nei i @a Hawaii, Pilipino ame Cuba, a oma'ima'i, no ka laupai ole o ka lakou mau wahi kumu imi loaa. A@a iloko o ka halema'i o ke kahua hoikeike o Mrs. Kaeha Edwards, wahine a Mr. John Edwards, kekahi o na "Keiki" o ka Hui Kawaihau. Aole no nae i kukonukonu @ wali. O kana wahi @ make@ e loaa iaia na lawelaw @ maloko no ia o ka Ha@ nolulu (Queen's Hospital@
Ma ka la 18 aku @ Hoikeike a "Buffalo B@ iwa o ke Komohana. @ la, he 18,000 paha ka nui @ hele aku e makaikai, a @ ahiahi iho. Ma ka hoike @ ao, oia ka hoikeike "ma@ pau ana, ua hoolauna@a aku Konela Cody, e Isabela Perry@ lulu, oiai no nae, he hoa@ la no'u i ko maua mau @ elemakule maoli o "Buffalo @ ia wa, aka, oia mau no n@ lana hiehie. Ua hooki mao@ ana i na palapala komo @ launa ole mai o ka poe mak@ ike i keia hoikeike. Ma ka @ ke ao, a ma ka po iho noho no ka hookiia ana o ke kua@ o na palapala komo. O kahi keia hoikeike keia hoikeike, he wahi ia @ ka nui. O ka nui o na kanaka loko o keia hoikeike, he @ lio, 6 miula, 6 bufalo, he @ ohua o ke au kahiko, he kaa @ Amerika, a he pukuniahi na ka e wili. O na hana helo-lio, kaula ili ana, holo ana malu@ kaula, ka paikau lio ana, ame @ e ae he nui, he ku no i ke aka@ pahaohao nohoi. Aia iloko o ka i kapaia, ka Hui Hololio o na @ ke ao nei, he umikumaamalua @ o na lahui like ole i komo. Maw@ o na kanaka Me3kiko, aohe l@ ai na keiki kipuka ili o Am@ ma ka makau ole, ke aka@ makaukau ma ke kau @ hoolei kipuka poepoe, a pe@ keiki Amerika kaua lio. H@ kini hana keaka kekahi m@ keia poe. O ka nee ana o na @ rika e lawe pio i ka pau ka@ Juan, ma Cuba, ma keia @ nei mawaena o Amerika am@ aole i kana mai ke ku ma@ weliweli, me he mea la no a @ kana i'o. O ka puali holook@ na ki-ki pu panapana ana @ hoikeikeia mai e Annie Oakley @ ny Baker amy Konela Cody. @ ke akamai. O ka uhai ana @ holona i kapaia he "B@alo @ aole i kana mai ka hihiu o @ li ai no ka i'o, i ka ua mea @ maoli no i ke ahi@. O na @ mai a na Ilikini i ke kaa ohua @ Ilikini lele kaua ana aka mal@ kahi wahi pupu hale o na ilik@ maikai maoli no. Ua hoikei@ nohoi he paikau pakaa, a @a @ noeau na hana. Ua p@ nee ia ana o na mea apau @ keia paikau.
O na Hawaii me ke@a @ Bill, oia o Hoapil@, he haumana ke kulanui o Sana L@ ma ka Hale Hana Ha@ o H@ mahope mai, ua noho @ Kiliona Nadea, he makai @ Makai o Honolulu, David @ hana mamua maloko o @ John L. Kulia, he @ no ka apana o Ewa@ G@ o Waialae, he keiki pa@ Perry ame Rebeka Nakea, o Isabela Perry ia'u, aole @ aku ana i Hawaii, e mare @ kahi o na haole hana keak@ Aia kahi noho o na Haw@ kokoke i ka hale lole o K@ Ua olelo mai keia poe Haw@ maikai ko lakou malamala @ kou mau haku, ma na mea @ oluolu no ko lakou manao @ lakou komo nui ma na hana @ Ma na huakai hoikeike h@ alanui o lakou kekahi, k@ lakou ma ka huakai hooka@ o ka hoikeike ana ma ke ka@ ike, a pela no me ka @ mo no lakou ma ka hoik@ pau o "San Juan" @ nei inoa oihana maa@ Hawaii Poe Holoho K@ "The Sandwich Island @ Ke hiki mai i ko @ ai, oia ka wa e holo @ ka @oke nui ana i ka @ Oe," a i ole, "Ahi Wela. He oleloia hoi paha ia @ei keia poe, oia no ke ano @ kahiko o Hawaii. He o@ pa-u ulaula ko na wahine kana," a i ole, he mau @ nui, e waiho wa@e ma@ hoea i na kipoohiwi, @ na la@oho, aohe wahi pa@ hoi ke@a, he ano o @ oiai he nui na kanaka @ a@a e nana aku ana @ pale puka-aniani @ pale @o o na kane @ mau lole @awae, a he @ aku @ ia lakou e komo @ ka hool@. O @ kuk@, a palaka ho@ papahele, a o na pa@ puniu la, i o @ ho a paa @ oleloia mai nae o Miss Isa@ aia i kela kiki@a hoikeike @ ahon@ iki ae ai ko lakou @ mo nui lakou iloko @ k3 "keiki-kane". Ua @ keia hoikeike i kana ma@ Nu @oka ma @a la 8 o M@ ana i ka la 14 o @ iho o ke kaahele ana @ Mokuaina Hikina@ loa i ke Kom@
Ma ke ke@ o ka @ hoea @ o Rev@ Mrs. Hyde ame M@ nei, a no @ hora mahope iho, haalele @ anei no Kapalakik@ i kahi mau m@ kauhale ame kahi H@ Rev @ Hyde hele ana @ ke kahua hoikeike nui, m@ hoho@ lima i hooh@ halo loa lakou i ka @ kapaia ke "Kula@ nui ko lakou mahalo @ ike o Hawaii
Ma ke ahiahi o ka @ o Joseph @ ame Al@ iki ma Will@, ka H@ Omaha nei, a ma ke kak@ haalele iho la lak@ ka @kina. Nui nohoi k@ lo i na mea hoikeike H@ ano o ko lakou hoo@ Ma ka la 22 @ kana wahine ame ka @ malihini ki@ ike, a ua nui ka pulama @ Hoik@ a lakou. Ua @ lakou i ke ku@a@ nohoi o ka@ a ua haawila nohoi @ maikai