Ka Nupepa Kuokoa, Volume XXXVIII, Number 40, 6 ʻOkakopa 1899 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Hoolaha Mana Hooko

 

KEENA O KO NA AINA E

 

Malalo o ke kauoha a ke Keena Kuhina, Wasinetona, D C, i kakauia ma ka la 13 o Sepatemaba, 1899, ke hoolahaia aku nei ke Kauoha Mana Hooko mahope ae nei no ka poe apau i kuleana ma ia mea

            E A MOTT-SMITH

            Kuhina o ko na Aina E

Keena o na Aina E, Sepatemaba 28, 1899

 

 

Na ka Peresidena o Amerika Huipuia

KAUOHA MANA HOOKO

Ma keia ke kauoha aku nei ka Peresidena o Amerika Huipuia e hoopauia na· hana apau e lawelaweia nei, a e hookaukaukooia aku nei no ke kuai a hoolilo ana aku i na Aina Aupuni maloko o ko Hawaii Pae Aina; a ina he mau kuai kekahi; a he mau aelike paha kekahi no ke kuai ana i hanaia mahope mai o ke aponoia anao ka Olelo Hooholo Hoohui Aupuni, e haawiia aku ka lohe i ka poe i kuai mai, ua lilo ia mau mea i mea ole a paa ole hoi; a o kela ame keia kumukuai i ukuia aku i na luna Aupuni kuloko no ua mau aina la, e hoihoi hou ia aku no ia mau dala.

I HOIKE NO KEIA, ua kauoha (Sita) au e kauia ke Sila o Amerika ma keia.

Wasinetona, Sepatemaba 11, 1899

            WILLIAM McKINLEY.

Na ka Peresidena:

            ALVEY A ADEE,

            Hope Kuhina Nui.

 

Ma keia, ua hoopau loa ia ka Rula 24 o na Rula Hooponopono no na Kaa Lawe Ohua, i hoolahaia malalo o na olelo o ka Pauku 102 o ke Kanawai 64 o na Kanawai o 1896.

            J. A. KING,

            Kuhina Lalaiaina.

Keena Kalaiaina, Sept. 27, 1899.

            2744-3t.

 

I keia la i hookohuia aku ai o H. Blake, Esq., i Luna Nui no ka Oihana Wai o Koloa, ma kahi o George Goodacre i waiho mai.

            J. A. KING,

            Kuhina Kalaiaina.

Keena Kalaiaina, Sept. 15, 1899.

            2773-3t.

 

I keia la i hookohuia aku ai o E. E. Conant, Esq., i Lunahoomalu no ka Papa Alanui o Koloa, Mokupuni o Kauai, ma kahi o George Goodacre i waiho mai.

            J. A. KING.

            Kuhina Kalaiaina.

Keena Kalaiaina, Sept 19, 1899.

            2773-3t.

 

HOOLAHA AINA AUPUNI. OLAA, PUNA, HAWAII

Ma ka Poaono, Sepatemaba, 2, ma ka hora 10 A. M., ma ka Hale Hookolokolo, Hilo, Hawaii, e kuaiia aku ai ma ke Kudala Akea, malalo o na kumu aelike no na hale noho ame ka hoomaemae ana, a he oluolu hoi ka hookaa ana iloko o ka manawa o umi makahiki.

Aneane 360 mau Apana, he 50 eka no ka Apana hookahi, ma ka Apana Aina Hou o Olaa, i ana ia iho nei. Ua hiki no i ka mea e lilo ai kekahi apana ke koho no ka apana elua e pili ou ana me ka apana mua, koe nae ma na apana ma ke alanui nui.

O ka mea e kuai ana i apana ma ke alanui nui, ua hiki no ke koho i apana kaawale aku, mai ke alanui aku.

E kuaiia aku ana na Apana no ke kumukuai oi aku maluna o $1.00 ame $2.00 no ka eka, elike me ke ano o ka aina ame kahi i waiho ai.

O na hookaa piha no na kumu aelike apau no ke kuai ana, e loaa no ma ke nei kino ana ae, a ma ka palapala paha i ke Keena Aina Aupuni, a i ole, i kekahi Keena Aina ma ia wahi.

            J. F. BROWN.

            Agena o na Aina Aupuni.

            Iulai 3, 1899.

O ke kuai maluna ae, ma keia ua hoopaneeia a ka Poaono, Novemaba 4, 1899, ma ia wahi a ma ia manawa hookahi no.

Ka ke kauoha a na Komisina o na Aina Aupuni.

            E. S. BOYD,

            Augate 26, 1899.        Kakauolelo

            2770-9t.

 

REV. S. A. DONAHOE

Ke Hoike nei Oia i ka Maikai o ka Laau Kunu a Kamalena.

Ma ka la 19 o Dekemaba, 1897, loohia iho la o Rev. S. A. Donahoe, ke Kahu Ekalesia o ka Ekalesia Metodita, South Pt. Pleasant, W. Va., i kekahi ame nui, a ua hele pu mai keia anu me kekahi kumu@ nui ana. Olelo mai la ia: "Mahope iho o ka hou poo ana i na laau lapaau he lehulehu wale, i malamaia ai nohoi iloko o ka hale, aohe wahi mea a Ioaa ka pono ia'u, ua kuai aku la au i imole@ o ka Laau Kunu a Kamalena, a he lua@ ole ke kamahao o ka hana a keia laau. Ke hoomaikeike aku nei ai i keia laau imua o ka lehulehu me ka hauoli o ko'u noonoo. E kuaiia@ ana e na poe kawili laau lapaau apau. O Benson Smith & Co., na agena o ko Hawaii Pae Aina.

 

Ma ka Poalima o kela pule aku nei i ku mai ai ka moku lawe koa "Tacoma" me@ na koa he 727 no Manila.

 

 

Ke Aloha o kuu Makuahine

KE ALOHA O KA'U MEA I ALOHA AI.

Ka Mana o ke Aloha.

He Moolelo Walohia

 

I kekahi la ae ua ikeia aku ia ua Kauna nei e holoholo ana ma ka lanai o kona hale, a hala kekahi wa, iho mai la ia mai laila mai, a kau mai la iluna o kona kaa, a holo aku la ia no kahi o ka wahine kilokilo ana i makemake ai e ike, no ka mea e pili ana iaia iho.

He wa loihi ko ua Kauna nei holo ana, aia hoi, hoea aku la ia i kahi ana i makemake ai.

Komo aku la ia iloko o ka hale o ka wahine kilokilo Italia, a noho ihola la maluna o kekahi noho pulu nani. O ke keena ana e noho ·nei, he keena ia i hoonaniia me na mea hoohiwahiwa apau o Italia. O ke ano apau o loko oia keena, he Italia ma na mea apau.

Aole hoi i liuliu ka ia nei noho ana puka mai ana he wahine helehelena aoo, a peahi mai la iaia e komo aku iloko o kekahi rumi okoa aku.

Me ka manaolana maikai, ku ae la keia iluna a hahai aku la i ka wahine i peahi mai ai iaia. I ko ia nei komo ana aku iloko o ke keena i alakaiia aku ai ia, ua kauoha ia mai la ia e noiho maluna o kekahi noho pulu. I ko ia nei huli ana ae ma o a maanei o loko o ua rumi la, aole oia i ike i kekahi mea kino kanaka, a o ua rumi la hoi ana e noho ana, aole no ia i hoonaniia me ka maiau loa.

Aole i liuliu kana noho ana aia hoi lohe aku la ia i ke kani ana mai o kekahi melodia anoano o kona mele ana mai. Ike aku la ia i ka hemo ana ae o kekahi puka veleveta ma kekahi aoao o ke keena, a ia wa i komo mai ai kekahi wahine i aahuia me kekahi aahu eleele loihi. Hele mai la ia a ku mai la mamua o kahi a ua Kauna nei e noho ana. Ua hoopulouia hoi kona poo a paa, a hala ma kona mau kipoohiwi, me kekahi pulo'ulo'u eleele nani loa. He ku i ke anoano ame ka ilihia ka ia nei ike ana aku i ke kulana o ua wahine nei.

Ku mai la ua wahine nei, a o ae la i kona lima i paa pono i ka mikilima eleele iluna, a pane mai la:

"Ke ike nei au he koko ma kahi a kou mau kapuai i hehi mai nei

Ke kiheahea nei ke koko ma na paia o kou hale.

O kau mea i makemake nui ai, aole ia e hookoia ana i keia wa.

E ke keiki a ke kanaka, heaha kau i hele mai nei i ka heiau o na mea huna pohihihi?"

Ma kela wa, kamailio aku la ua Kauna nei imua o ka wahine aahu eleele, nei ka mea ana i manaoio loa ai, oia no ka wahine kilokilo Italia.

"E ka lede maikai, aole au i ike i ke ano o kau mea i olelo mai nei, ua piha ko'u alahele i ke koko, a o ka'u mea hoi i makemake ai, aole ia e loaa ana ia'u. Aole au i hoike aku nei ia oe i ka'u mea i makemake ai, eia nae, hai e mai nei nae oe ia'u, aole ka ia e loaa ana ia'u. Aole nohoi au e hewa ke hai aku ia oe i ka'u mea o ka hoea ana mai la imua ou."

Ia wa hoike aku la ia na tneu apau ana i makemake ai imua o ua wahine· nei, oia hoi, kona makemake e ike, ina paha·e hoi hou ana kana wahine me ia; ame kona makemake e ike, ina paha he wahi kekahi e hiki ai ke loaa ona dala· e pau ai kona pilikia.

I keia wa, pane mai la ua aahu eleele nei:

"E hoolohe mai i ka leo o na hoku ame ka olelo a na anela. Ua hooluu aku oe i kau wahine iloko o ka make, aka, ua ala mai ka make i ke oia hou ana, a ke oia nei oia, a oia kau i kau aku ai i kou lima, me ke aloha ole ame ka menemene ole nohoi, nolaila, hai mai nei na anela ame ka leo hoike o na hoku --- He Koko! He Koko! Aia hoi, ke ku mai nei imua o ko'u ike ana aku, he kanaka i hapalaia me ke koko, a o ua kanaka la, oia ka anela hoola a hoopakele o ka wahine i lumai aloha ole ia ai e oe iloko o ka luakupapau puanuanu. Ke ike nei au i ka auwai koko e moe ana mai a oe aku a i ua kanaka opio la, He Koko! He Koko! Aka, aia na lima o na anela ke pulama la iaia, a o ka malamalama hoi o i na hoku ke hoopuni la i kona kino. Ke makemake nei oe e ike, ina paha e hoi hou ana ka mea au i aloha ole ai me oe, ke hai mai nei ka leo o na hoku, Aole! Aole! Aole! He Koko! He Koko! Ke makemake nei oe e ike, ina paha e loaa ana ia oe he wahi e loaa ai he dala no ka hoopau ana i kou pilikia, ke hoike mai nei na anela hemolele@ o ke Akua, e loaa ana no ia mea ia oe, ina nae oe e hoihoi ana i ka hua o ka puhaka o ka wahine au i aloha ole ai. O keia na hoike ana a na hoku ame na aneia ia oe."

Me keia mau huaolelo, huli ae la ua wahine nei i hope, a hoi aku la no ma ke alahele ana i hele mai ai. O ke Kauna hoi keia, ua ike ole iho la ia i kana mea e hana aku ai. Hooholo iho la @ ia iloko o kona noonoo, aole loa ia e haawi aku i kana keiki ia Alice. Mamuli hoi o na olelo he nui a ka wahine kilokilo i hoike mai ai iaia, he mau mea hoi i ike laulaha ole ia ma Parisa apau ua manaoio loa iho la no ia, hewahine kilokilo io no keia ana i halawai pu ai.

O kekahi mea ano nui loa hoi ana i noonoo nui ai la mea e pili ana i keia wahine oia kona olelo ana mai he alahele kona i piha i ke koko.

Ua ku ae la ia iluna a haalele iho la i ke keena ana i halawai pu ai me ka

 

wahine kilokilo, a hoea hou aku la ia maloko o ke keena ana i komo mua mai ai, a malaila, halawai pu iho la ia me ka wahine aoo nana oia i lawe aku iloko, a haawi mai la ia i kekahi bila kikoo o eha hapaha farani, ka uku o kona hooluhi ana i ka wahine kilokilo. Hookaa aku ia keia i ua bila la, a hoi mai la a kau iluna o kona kaa. Oiai oia maluna o kona kaa, ia wa oia i olelo iho ai iloko ona, he oiaio ka ike a ka wahine kilokilo i ike mai ai iaia, ma ke ano ua piha kona alahele i ke koko, oiai, ua paa kona manao he mea pono ke make o George.

Oiai ia e hoi ana no kona home, ua noonoo nui iho la ia no ka hana e make ai kona enemi iaia. No ka hakaka·lua ana me ia, aole hiki iaia ke aa aku e paio pu me ia, oiai ua ike oia i kona lanakila ana maluna o kekahi o na kanaka akamai loa o Parisa ia mea he kaka pahi. O kana hana ihooholo iho ai, oia ka hoouna hou ana i ka poe a kona wahi kahu kaa i hoolimalima mua ai.

Nolaila, i kona hiki ana i ka hale, ua haawi aku la oia i ke kauoha i kana kauwa e hooko koke aku ia i ka hana ana i makemake ai e hanaia maluna o George.

I ka hoomaopopo ana o ua wahi aipuupuu nei i ka makemake o kona haku, ua haawi koke mai la ia i na hooia i ana imua ona, no ka hiki loa iaia e hooko aku i ua hana la me ka holopono, me kona hoopahu'a hou ole ia ana elike me mamua.

Nolaila, ua hoouna aku la ua wahi ai-puupuu nei a ua Kauna ia i kela poe kanaka mua no ana i hoolimalima ai, e hele e hoohalua ia George, a e makaala loa hoi ma na wahi apau ana e hele ai. Elike me keia kauoha, pela no ua poe la i hooko aku ai. Ua makaala loa aku ia lakou ma na wahi apau a George e hele ai, a ua ike hoi o George i keia hoomakakiu ia ana ona.

I kekahi ahiahi, ua hele aku la o George me kona mau makua i ke keaka. A malaila nohoi i loaa aku ai o Robata iaia. Mamua nae o ka hoea ana aku o ke keaka i ka hapalua like o na hana, ia wa i haalele iho ai o George i ka hale-keaka, me kona olelo ana mai hoi i kona mau makua, aole liuliu a hoi hou mai no ia. O kana olelo hookahi nohoi ia i hai aku ai i kona hoaloha, oia o Robata.

Ua aneane piha ka pule okoa o kona (George) ike ole ana ia Alice, a ua aneane hiki ole hoi iaia ke hoomanawanui hou aku i ka ike ole ana iaia. Nolaila, i kona puka ana aku mailoko aku o ka hale keaka, me kona manao loa. ua "kaea" na wahi "kiu" puuwai eleele i hoounaia mai ai e kali iaia, a e hoohalua hoi iaia, no ko lakou manao ana, aole keia e oili hou aku ana mailoko aku o ka hale-keaka.

Aka. iaia nei nae i hele aku ai a o ka puka aku nohoi ia mawaho o ka pa o ka hale-keaka, ia wa keia i ike ae ai i ka hele ana mai o kekahi kanaka mahope mai ona. Hele aku la keia a hiki i kekahi kuea, kau aku la keia maluna o kekahi kaa. Alawa ae la keia i hope, ike aku la keia i ke kau ana ae o ua kanaka la i hele mai ai  mahope ona, ua kau ae la nohoi ia maluna o kekahi kaa.

Holo aku la keia a ku iho la kona kaa ma ka Haukipila o ke Aloha, alaila, lele iho la keia mailuna iho o ke kaa, a hele aku la ma ke alanui Locepede.

"E hele aku oe ma kela alanui," wahi a Kuini i pane aku ai i ke kalaiwa o kona kaa, iaia hoi i lele iho ai mailuna iho o kona kaa. "E haawi aku no au ia oe i uku kaulele ina oe e hoi mai ana a hai mai ia'u i ka helu o ka hale a kela kanaka i komo aku ai."

Poha aku la ka uwepa a kahi kahu kaa, a hoea aku la ia ma ka puka pahale a George i komo aku ai. I kana nana ana aku, ike aku la ia i ka inoa mawaho, "Madame Le Normand, Helu 22, Rue Lacepede."

La wa pelu hon mai la ua kahu kaa nei i hope, a holo mai la a huipu iho la me Kuini. Kau ae la hoi ua wahi Kuini nei maluna o ke kaa, a hookahi paha hora mahope iho, hoea aku la laua nei i ka hale o Kauna de Berene, a halawai pu aku la hoi me kahi kuene a ua Kauna la.

La po no, hoike aku la kahi i Laplace imua o ke Kauna, no kahi o George i ikeia ai e hele ana ma "Rue Locepede" e Kuini, ma ia po. Ia wa olelo mai la ke Kauna i kana kuene:

"E, o kahi kela o Madame Le Normand. He wahine kilokilo kela noloko nei o Parisa. Ua lohe nae au mai Italia mai ia. Manao au, aole ia o kahi o Alice i noho ai; a ina ua hele aku o George i kahi o keia wahine kilokilo, alalia, ua ua hoea aku oia ia wahi, ma ka hana e pili ana i ua wahine la, oia hoi, ka oihana kilokilo. Aka, aole nae he hewa ia kakon ke hoomakakiu pono i ua wahi la."

No aneane hookahi hora okoa ·a ka noho pu ana· o ua ·wahi kuene nei me kana haku. A i kona puka ana mai iwaho, na hoike mai ia kana ·hiehelena apau i ke kuoo. E ke Kiai, heaha ko ka po? MOKUNA XXIV

E kuu makamaka heluhelu, e haalele iki kaua i ke kamailio ana no ke Kauna de Berene ame kana kauwa, a e huli ae kaua a nana aku ia George ame Alice e noho ana ma ka hale helu 22, ma Rue Locepede.

Ma ka wa i komo aku ai o George iloko o ka hale, ua halawai aku la ia me Alice, oiai ia e noho mai ana maloko o ka rumi hookipa, me ka helehelena haikea. Mahope iho o ko ia nei noho ana iho maluna o ka noho, ia wa i pane mai ai o Alice:

"He wahi mea hou kaumaha ka'u e hai aku nei ia oe, a oia keia, ia nei nei o Kauna de Berene."

"I ka wa hea kona hoea ana mai ia nei nei?" wahi a George i ninau aku ai ia Alice.

"I ke ahiahi nei o nehinei."

"A pehea, heaha kana o ka hiki ana mai ia nei nei?" Ua hoike mai nae paha ia ia· oe?"

I kela wa nohoi i hoike mai ai o Alice i na mea apau i kamailio pu ia e ia ame ke Kauna Berene, elike me ka mea i hoikeia·ma ka hapa hope o ka mokuna i hala. Hai mai la no hoi o Alice, aole o Kauna Berene i ike iaia. Ua manaoio loa oia, o ka hoolaha e pili ana i ka hiki iaia ke haawi i na hoakaka no na ouli hanau o ke kanaka ame na hoike kupaianaha e ae pili ana i na kanaka, oia ke kumu i hoea mai ai ua Kauna la, elike me kana i hoolala ai maloko o ka nupepa.

Ua kamailio iho la laua no laua iho, a hiki i ko laua hoomaopopo pono ana, he mea makehewa ia laua ka noho pee hou ana aku.

"Ina pela," wahi a Alice i pane mai

 

ai, "oi loa ka pono e hoi aku no au me ko'u mau makua?"

 

"Ina oe e hoi ana me ou man makua, e kauoha mai ana kou makuakane ia oe, e hoi hou oe me kau kane. Aole loa au e ae e hoi hou aku oe me kou mau makua," wahi a George i pane aku ai.

 

"E hoopii aku ana au imua o ka aha e hookaawale ia ko maua noho kane a wahine ana. Ke loaa·mai ia mea ia'u, alaila, ke hala he mau makahiki hou aku o ko maua noho kaawale ana, aohe o'u kanalua e loaa ana no ia'u ka pono o ke oki mare."

"Aka, e lilo ana ia i mea no kaua e hookaawale ia ai, kaawale oe a kaawale hoi au. Aole au e luana pu hou me oe, elike me ia a'u e noho pu nei me oe i keia wa."

"E George, aole anei hoi i ku kou aloha no'u nei, a pela hoi ko'u aloha nou, iloko o na makahiki lehulehu loa i kaahope ae nei, aohe mea hiki ke mawehe ae ia aloha ana on ia'u, a pela hoi au ia oe?"

"Pela no, aka, ua ike no oe, elike la nohoi me ko'u ike ana, e lilo ana kela mau makahiki i mau wa e hoehaehaia ai oe ame a'u, no kahi ame kekahi. E Alice, ina e kaawale loa aku oe mai a'u aku, he mea maopopo e make ana au. Aole hiki ia'u ke hoomanawanui."

I ka hele ana a aumoe, haalele aku la

o George ia Alice, oia hoi ia i pane mai ai:

"Aumoe maoli ka hoi kau hoi ana. Aole i kana mai ka pouli. Manao au, aole oe e pono e hoi, e moe no kaua ia nei a kakahiaka, alaila, hoi oe. George do sleep here tonight. (E moe oe ia nei i keia po.)"

Ua akaaka aku ia nae o George i keia mau olelo a Alice i pane mai ai iaia, a puka mai la ia a hoi mai la. Iaia i hoea mai ai i ka puka pa, oili mai la ia a puka loa mai la iwaho nei, huli ae la ia a nana ae la ma o a maanei o ke alanui, aohe oia i ike aku i kekahi mea ano e. Hoolonolono ae la hoi kona mau pepeiao, aohe no oia i lohe ae i kekahi mea, koe wale no ka owe nakeke a kekahi mau huila kaa.

Hele aku la ia a hoea i ke kihi o ke alanui, ike aku la ia i ka holo paukiki ana mai o kekahi kaa lio me na ipukukui olenalena. I ke kaalo ana ae o ua kaa la ma ka ia nei wahi e hele aku ana, kahea mai la ke kahu kaa:

"Ina e hele ana oe ma ke alahele e hoea aku ai i Montmartre, alaila, na'u oe e lawe a laila, a o ka uku, oia no ka uku o ke ao, aole hoi o ka uku o ka po, oiai hoi o ko'u alahele nohoi ia e hele aku nei."

"Aole," wahi a George i pane aku ai me ke ano pakike, "aole ia o ko'u alanui e hele aku nei. O kekahi nohoi, ua malemake ioa au e hele wawae."

Hala aku la ke kaa, a hoomau aku la no o George i ka hele ana. I ko ia nei hiki ana aku ma ke kihi o ke Alanui SanaVikoa, kaalo ae la keia mamua o kahi a kekahi man kanaka e hakaka ana. Aole oia nei nana aku i ka laua hana.

Aole hoi i liuliu ka ia nei uele ana aku, aia hoi ike aku la keia i ka maalo ana ae a kekahi kanaka mamua pono aku o kahi ana e hele aku ana, a ia wa oia i manao iho ai i kana pu panapana. Oiai ia e nana pono ana i kahi o ka mea kino kanaka ana i ike aku ai e nee ana mamua ona, oia kona i wa i puiwa ae ai i kona lohe ana ae i kekahi mea e kapalulu mai ana mahope ona, a mamua, o ka hiki ana iaia ke huli ae ihope, aia hoi, ua loaa mai la ia i kekahi hauna laau oolea loa ma kona kua, a hina aku la ia ilalo.

Kani ae la he ulili ia wa, a halo mai la he elua mau kanaka nou, a lele iho la maluna o ke kino o George.

"Ua make loa anei oia? wahi a kekahi kanaka i ninau mai ai.

"Aole Ua maule wale no ia," wahi a Kuini i pane aku ai me ka paa ana i ka pauku laau ana i uhau aku ai ma ke kua o George.

"Alaila, o ka wa pono keia a kakou e hoopau loa ae ai i ko ia nei ola," wahi a ke kanaka i kamailio mua mai ai ia Kuini.

"E hou iho oe i ko pahi ma ka puuwai o nei kanaka," i pane ae ai kekahi.

"Aole, aole," wahi a Laplace i pane ae ai," aole pono e hana pela. Malia e lilo aku no ka maka pahi a kakou e hou iho ai ma kona umauma i mea kumakaia mai ia kakou. E kiola kakau i ko ia nei kino iloko a ka muliwai Seine, a ma ka wa e loaa ai ke kino ma keia hope aku, aole e moali ana he maka pahi, a e manaoia ko ia nei make, he make maoli no mamuli o kona haule ana iloko o ka muliwai.

"Ina pela aohe o kakou manawa e kaulua ai," wahi a Kuini. "E iawe koke aku kakou iaia nei, o loaa mai auanei kakou i ka poe makai. E, aia kahi kaa o kakou!"

Hoea mai la kahi kaa ipukukui olenalena i halawai ai me George. Holo mai la ua wahi kaa nei, a hoea mai la ma kahi a lakou nei e ku ana. Hemo ae la kona mau pani puka, a oili mai la na kanaka elua a George i ike ai e hakaka ana ma Rue St. Victor (Alanui Sana Vikori.)

Ua hapaiia aku la o George a kau iluna o ke kaa. Kau aku la nohoi o Laplace ame Kuini iluna o ua kaa la, a o ke kolu o lakou, kau ae la mamua me kahi kalaiwa. Holo aku la ua kaa la ma ke alahele e hoea aku ai i Gare d'Orleans.

"O na wai haaleale hanupanupa o ka muliwai ko ia nei wahi e hiamoe ai i keia po," wahi a Laplace i pane ae ai.

"He keu paha ko kakou laki i ko ia nei loaa ana ia kakou i keia po. Ina e kali kakou a ka la apopo, ina ua hoka maoli kakou," wahi a Kuini.

Ia wa huli ae la ke kaa ma ka uwapo o Austerlitz, a i ka hoea ana i ka hapalua like o ua uwapo la, ua ku iho la ke kaa. O ke kanaka mahope o ke kaa, lele iho la ia ilalo a wehe ae la i ke pani o ke kaa, me ka hawanawana ana aku:

"He wa mehameha loa keia."

I kela wa ua kaualupeia mai la o George e Kuini ame kekahi mau kanaka e ae elua, a kaikai ia aku la ia, a ma ke kae o ka uwapo, alalia, me ka ikaika apau i loaa ia Kuini ame kona mau kokua elua, ua kiolaia aku la o George iloko o ka muliwai Seine. He kuoho ana, he owe ana o ka wai, nalo aku la o George iloko o ka muliwai. Auwe! Aloha wale no ka hoi!

A ma ia wa no, ma ka wa i kau aku ai o Kuini ma iluna o ke kaa, a anehe ae la e holo aku, oia ka wa i loheia aku ai kekahi leo kahea e wawalo ana i ka lewa e poi pu ia ana e ka pouli:

"E kokua! E kokua!"

Ikeia aku la ka holo mai o kekahi kanaka me ka mama loa, a lele ae la iloko o ka miluwai, ma kahi hoi i kiolaia aku ai o George.

(Aole i pau.)

 

 

He Olai Weliweli ma Alaska Hoopalahaia na Kuahiwi.

 

Hoopuhaluia ka aina - Hoee ke Kai kupikio.

 

JUNEAU, Alaska, Sept. 14 -- ma ke alahele o Seattle, Wasinetona Sepatemaba 20. -- Ua hoea mai ka mokuahi Dora o ka Hui Mokuahi o Alaska (Commercial Company) mai ke komohana mai, ma ka po nei, me ka nuhou e pili ana i kekahi olai nui a weliweli i ikeia ma ke kaikuono o Bituya he anenae 150 mile malalo aku o Yakutat, a he 500 mile ma ka akau aku o ka aina o Cook Inlet.

 

Mahope iho o kekahi wa pokole o ka pouli ana, ua pohalu aku la ka aina, a nalowale maoli iloko o ke kai, a puka mai la he poe mokupuni hou ami na anemoku hou mai loko mai o ka nohonu, e like me ka lana ana ae a na moo pilikua o loko o ke kai, a ku-ku ana kokala a ko lakou mau hokua mawaho o ka ili-kai Ua hooluliluli maoli ia na mauna, a helelei aku la ko lakou mau welau luna ilalo iloko o ka moana. E ukaliia ana keia mau hoonaue olai ana e na kai hoee weliweli. Hookahi kai hoee, ua hiki aku kona hohonu o ka nee ana i ka umikumamalima kapuai. E ike mau ia ana nohoi na hoonaue olai ana i kela ame keia la o ka pule, mai ka la "Sabati" mai, la 3, a ka la "Sabati," ia 10, a ua ikeia keia hoonaue olai ana ma Juneaau nei, ma ka la Sabati aku la i hala.

 

He ekolu mau hoonaue olai oolea loa i ikeia maanei nei. Hookahi ma ke kakahiaka nui loa, a o kekahi aneane i ka hora 2 o ka auwina la, a o ke kolu ma ka hora 5 o ka auwina la. Ua hoonaueia na hale me ka ikaika loa, a puhee aku la na kanaka me ka makau, mailoko aku o na hale, a ku aku la ma na alanui. He mau hoonaue olai liilii e ae no kekahi ia la. O na hale nunui keia elike me ka Occidental Hotel, ka i Halemai Stannis ame ka halepule, ua hoonioni ia ae la lakou, a nakeke ae la ko lakou mau aoao apau, a ua like lakou me na moku i loaa i ka makani he "gale wind." Laki nae, aohe poino i ikeia maanei. Me he mea la e nee hema ana ka hounaue ana a ke olai.

 

O na wahi i ikeia ai ka ikaika o na hoonaue ana a ke olai, oia no o Yakutat ami Kayak. Aia ma Yakutat he kulanakauhale no na ilikini, a malaila he lehulehu loa na halekuai. O kahi hoolulu nui keia no ka poe eli gula e maau hele mei ma ia wahi o Alaska, a hala iuka o ka muliwai Alsek. E ku ana ma ke alo aku o Lae Moana (Ocean Cape) ma ka nuku o ke kaikuono o Yakutat, he wahi mokupuni o Kanak, ka inoa. Ua emi iho la keia mokupuni ilalo o ke kai, a he iwakalua kapuai ka hohonu o ke kai maluna ae. Ma ka wa e kai piha mai ai, alaila, o ka wekiu wale no o na kumu laau ke ikeia aku ana e luli mai ana iluna o ka ilikai. Eia hoi mauka nei o ka aina, ua ikeia kakahi mau nakaka ouhoho nunui o ka honua, a e puka mai ana ka mahu mai lalo mai. Ua hoike mai o kapena Johansen o ka mokuahi Dora, iloko o elua minute ua pii ae la ka moana a he iwakalua kapuai ke kiekie maluna ae o ka hohonu maa mau o ka wa kai piha, a iloko no oia wa emi koko iho la.

 

Ua holo aku la na kanaka a pii aku la iluna o na puu me ka piha i ka maka'u, a haule iho la maluna o ko lakou mau kuli, a pule aku la i ka Makua Nui e hoopakele ia lakou ame ko lakou kauhale. ua loaa aku la i ke kai hoee na waa o na kanaka, na pauku laau a pela aku, a hoolana hele ia aku la i o a@ ia nei, elike ma kahi a ke kai e hele aku ai, ma o a maanei o ke kaikuoono. Ua hoolele na ilikini i na hale o lakou e kokoke ana i kahakai a ua noho lakou maloko o na hale ili maluna o na puu.

 

He kanakolu ka nui o na ilikini ma Yakutat eia ma Juneau nei, us haalele aku la lakou i ko lakou mau hale ame ka lakou mau waiwai.

 

He moolelo akaaka kekahi i ikeia no kekahi mau misionari Suedena elua ma Yakutat, oia o Rev. Mr. Johnson ame Rev. Mr. Hendrickson. Ua makemake iho la keia mau misionari, a laua kekahi e haalele iho i ke kulanakauhale, aka, aole nae ae na ilikini ia laua e haalele iho i ke kulanakauhale. Olelo aku la na ilikini ia laua, ua hoohuli ae la ka mea nana i hana i ka lani ame ka honua i kona kua iluna, a ua huhu hoi oia, a nolaila, he mea pono ia laua ke noho, a e pule "Shookum Wah Wah! Shookum Wah Wah!" E pule laua e hoolamielie a e hoo malielie i ka huhu o ke Akua. Nolaila ua noho iho la no keia mau kahunapule.

 

Make i Aloha Nui ia

 

Ma ka la Sabati nei, Okatoba 1 ua make iho la o leremia Hanaike i ka umikumamaono o kona mau makahiki. Ua make oia maloko o ka "haukipila" o ka halekula, ma ka hora 11 o ke awakea o ua la Sabati nei. He keiki hanai keia na ka Rev. J. B. Hanaike o Kauai.

 

O ke kumu o kona make ana, mamuli ia o kona komohia ana aku iloko o na umii ana a ke ma'i "ulalii"@ iloko o ka makahiki holookoa i hala ae nei, ua hoonawaliwali nui ia oia e ka ma'i fiva@, a na ia mea i hoopalupalu loa i ka ika iak o loko o kona wahi kino@ i mea e hiki ai hoi ke hoolana ae iaia iloko o na poipu@ ana hoi a ka ma'i

 

Ua hoolewaia mai kona "kinowailua" ma ka auwina la o ka Poalua nei ma ka hora 2:30, mai ka Halepule mai o ke Kula Kamehameha, oia hoi ka "Bishop's Memorial Chapel." Ua lawelaweia ke anaina haipule e Rev. S. P. Perry.

 

S. E. LUCAS, Ka Mea@ Lapaau@ Maka@ mai Parisa@ mai.

 

Ke lawelawe nei au i na Maka Aniani laulana i kapaia@ "Isometropes Lenses."

Mai Parisa pololei mai ka'u mau waiwai apau. E nana wale ia ana na maka me ke Kaki ole ia.

 

Na Hora Hana @ 9-12 a.m. 2-5 p.m. La Pule@ @ 10.

 

 

HOOLAHA KUMAU.

 

Dr. T. MITAMURA

Keena Oihana, 427 Alanui Nuaan@ Pahu Leta 842; Telepona 132 @ noho 542 Alanui Nuuana. Hora 9 @ 12a.m. ame hora 7 a 9 p.m. Na L@ Sabati, 2 a 6 p.m.

 

DR. I. MORI,

Keena Oihana, helu 426 Alanui Nu@ anu, Pahu Leta 842. Telepona @ Hale Noho 524 Alanui Nauana@ hora: 9 a 12 am a mai ka hora 6 a 8 pm Na la Sabati, hora 2 a 6 pm

 

W. C. Achi      Enoch Johnson

ACHI & JOHNSON,

LOIO! LOIO! LOIO!

Keena Hana, Helu 10 aoao Komohana@ Alanui Moi.

 

W. R. KAKELA

@oio a he Kokua ma ke Kanawe@

HE LUNA HOOLALO PALAAPLA@

 

LYLE A. DICKEY

Loio a he Kokua ma ke Kanawai.

Notari no ka Lehulehu

E hookoia na hana pili kanawai apu@ nai na Mokupuni mai. Kihi a Alanui Betala@ me Moi. Paho@ Leta 786. Telepona 804.

 

Papa! Papa!

Aia ma kahi o@

LEWER & COOKE

(Lui Ma)

Ma ke Kahua Hema o na Alanui Papu me Moi.

 

E LOAA NO NA

o@ Papa Nouaiki

O kela a me kela ana@

 

No Pani Puka@

Na Puka Aniani@

Na Olepelepe@

Na Poa@

            Na O'a

            Na Papa Hale@

            Na Papa Ku

            Na Papa Moe@

 

Na Pili Hale

O na Ano apau

A me na

Wai Hoohinuhinu Nani@

O na Ana Apau@

 

@Na Palaki o na Ano ka @Wela@

@

 

@Uku Haahaa Loa@

@