Ka Nupepa Kuokoa, Volume XXXVIII, Number 39, 29 September 1899 — WAI HOEE MA AUSETURIA AME GEREMANIA. [ARTICLE]

WAI HOEE MA AUSETURIA AME GEREMANIA.

MUNICH, Sept. 14.—Ua hiolo ka uwapo hou o keia wahi, ma keia auwina la, mamuli o ka ikaika o ka waikahe oka muliwai Isar. Aohe nae poino. SALZBURG, (Austria), Sept. 14.— Ua holo-a-ia ia mai la kekahi mau wahi o keia kulanakauhale ame na wahi e.ikokoke mai ,ana mawaho aku nei e ka wai hoee. Ua kauohaia na koa e hele mai e kokua i ka poe pilikia. Ke hoomaka nei nae ka wai e emi liilii aku.

BERELINA, Sept. 14. —Ua nui ka poino i hanaia e ka wai hoee ma Geremania Hema ame Auseturia. 0 ka apana akau loa keia oZuickau ua halana pu ia e ka wai. Mamuli o ka poonao ia ana e ka wai malalo aku o ka uwapo e a'e ana maiuna o ka muliwai Isar, ma kahi mawaena o Muldorf ame Rohrbach, ua haule iho la kekahi kaa ahi iloko o ka muliwai, a make iho la he elima poe kanaka. O na wahi okana aina keia apau e kokoke ana i ke Danube, ua halana holookoaia e ka wai. Ua hanee iho la he uwapo ma Swarza, ma Payerbach, a haule iho la he umi poe kanaka, a lilo aku la i ka wai. LADANA, Sept. 15. —Ua hoolaha ae ka nupepa "Standard" i keia lono i loaa mai Viena mai: "He nui ka poino i ikeia no ka wai hoee a wai kahe ikaika ma Auseturia. He mea maopopo loa, aole paha i hoea aku i ka akahi hapaumi o ka poino holookoa kai ikeia i keia wa. Aole i ikeia ka nui o ka poino ma Ischaia. He nui na kulanakauhale i holo-a-ia ia e ka wai. Ua loaa mai ka lohe ia nei, ua poino ia ke kahua hoululu wai aupuni o Viena ma Semmering Pass.