Ka Nupepa Kuokoa, Volume XXXVIII, Number 39, 29 September 1899 — HAUA HOUIA NO KO KAKOU POO. [ARTICLE]

HAUA HOUIA NO KO KAKOU POO.

Aole no i nalowale ka ulaula o ka lepo o kela kaa laau ia ana mai nei o ko kakou mau "Kiai Loko" ma ka mea e balota e Peresidena MaKinile, aia hoi kauiu hou ia mai la no na puniu o ua mau Kiai lae oo oo nei o kakou e na kaa laau hou ana a ua Peresidena "Makualii" nei o Hawaii. Papaia mai la ko kakou Mana Hooko, aole e lawelawe hou aku i na hana hoopaa kakauinoa i na moku o ko na aina e. He hoailona keia o ka "pu ihu" ia ana o ko Hooko. Ma na lono nohoi i loaa mai nei ia makou, aia no ua "Makualii" (Patriarch) MaKinile nei, ke hoomakaukau hou la i kana laau palau no ka uhau hou mai i na lae o na hookele waa o kakou, ma'ka mea e pili ana i na aina Aupuni. E kauohaia mai ana ka. ko kakou Aha Kuhina e hoopau loa i ko lakou kuai hou ana aku i ua mau aina ia; a e kauoha hookikinaia mai ana paha lakou, e hoihoi hou aku i na dala o na Aina Aupuni a lakou i lawe.mai ai mai kekahi poe mai i kuai i kekahi mau aina Aupuni, mahope mai nei o ka wa i hookoia ai ka hoohui ana o na Aupuni elua. Ina pela, e hiki aku ana na kaniu oolea ia ana o na.lae o ko kakou mau "Kahuna Hookele Waa" i ka helu ekolu, mai a "Moi" MaKinile mai. Alaila, i ekolu anei hoohokaia ana 0 ko kakou Aha'Kuhina? A heaha iho la ka puana a ka moe no keia kani pakolu ana a ka moa? He mea maopopo, aole i nele ko ke ao nei moolelo hemolele i ke kahoaka hoike no ke kani ana o ka moa, a wahi a ka moolelo, "Mamua o ke kani ana o ka moa, ekolu au hoole ana mai ia'u." Ma na Aupuni nui o ka honua nei, ua lawa loa na keehi pukani ana elua, a he hoomanawanui maoli hoi ke hoea 1 ke kolu o na hehi ana, elike ae la paha me keia e loheia mai nei, no ka opeope ana ae o kekahi Aha Kuhina i ko lakou mau opeope a waiho aku i ka Aha Kuhina iloko o ke kapilipili ia ana me ona mau apana hou elike me ka manao o ka Peresidena o Amerika. Ua akaka loa, ka hilinai ole o* MaKinile i na hana a ko kakou Aha Kuhina. A ma keia hana hope hoi a ko kakou Aha Kuhina i hana iho la, a kaohi lima maoli .ia mai la e MaKinile, ua ikeia ko lakou nei hana ana, me ka hookolo mua ole ana i ka mea nana e paa nei ka hanu ola o ko lakou noho oihana ana. Ke kali nei makou i ka mea i oi ae i ko keia ae la.