Ka Nupepa Kuokoa, Volume XXXVIII, Number 38, 22 September 1899 — KE KULA KAIULANI. [ARTICLE]

KE KULA KAIULANI.

Ma ka hoomaka mua ana iho nei o keia kula i heaia ai ma ka inoa o ke! Kamaliiwahine i hala aku. a o ke kula Aupuni hoi e ku nei ma Kapalama, ua ikeia ua hiki akn ka nui o na haumana ika eha haneri a oi. oka hapa nui loa o keia poe haumana mai waena mai no ia o ka poe kulana kuonoono ole o loko j nei o ka aina. 0 ka hiohiona ame na ano apau o keia poe keiki kula i hoea j ae ma keia kula, a e hele nei nohoi ma- j laila. he maemae lakou apau, a he ku-1 lana hoi e haaheo ai na kumu ame na makua o ua poe keiki la. Aole no i lawa loa na pakaukau ame na noho i hoomakaukauia maloko o ka halekula e lawa pono loa ai ka nui o na hanmana i komo aku ilaila; nolaila, ua noho he hapa nui loa o lakou maluna 0 na papa hele. Ua hauoiī makou i ka hoomaopopo ana i ka nui o'na keiki Hawaii maoli i komo akn ma keia punawai o ka naauao. E mahalo nui ia na makua mea keiki i hoouna i ka lakou mau keiki no ka imi ana i ike a i naauao hoi no kn lakou mau keiki. A oīai hoi keia pee keiki e hele ana ma keia alahele huli a imi ana i ka ike. i makua no lakou no keia noho ana ma keia hope aku. ke makemake nei makou e hoike aku imua o ua poe makua keiki nei, aole i lawa ka hana hnli ike a imi naauao ana o na keiki a lakou ma keia hoouna wale ana no i ua poe keiki Ia i ke kula, aka. he mea pono ia lakou ke lilo i mau kumuao maikai ma ko lakou mau home ponoi iho no ua poe keiki la a lakou. E hoomake, a e kinai loa lakou i ke ao ana i na keiki a la&on i na hana hula kui ame ke mele ana ina hnla lapuwale. E ao ia lakon ika pule ohana ana. E hoomaa ia lakou e heluheln maloko o na buke maikai. E haawi ia lakou i wa e hele ai e hooluolu ia lakou iho ma ka paani ana no ka wa pokole. E hoomaamaa ia lakou i ka hana maloko o ka hale a mawaho paha o ka hale. E hoohele ia lakou i ka pule i na la Sabati apan. Ina he Ekalesia Hoole Pope kon, e hele no kau poe keiki ilaila; a. ina hoi he Ekalesia Katolika Roma, e hoohele no ike keiki ilaila. Pela kela ame keia makua mea keiki e hana ai 1 kana keiki. Ona hana ana elike me : keia, oia na mea kokua nui i ka holomua o ke keiki ma ka huli naauao ana. Ke lana nei ko makou manao, ina e hana ana na makua mea keiki elike me keia a makou e hoike aku nei, a i ole ia, i ka hana pahai oi aku i ka makou i hoike ae la, alaila, e hoohauoliia ana 1 no ko lakou mau naau no na keiki a lakou ke hoea mai ka wa e oo pono ai ka ike iloko o ua poe keiki la. E hoomanao i keia olelo: 0 ka ike ame ka naanao i oo iloko o ka Pono o ke Akua, oia ka makuahine ame ka makuakane o ua keiki la i ka wa makua ole. j