Ka Nupepa Kuokoa, Volume XXXVIII, Number 38, 22 September 1899 — Hoao ana i ka Hoomanawanui. [ARTICLE]

Hoao ana i ka Hoomanawanui.

E ikeia ana no ka Uluhua o ka poe Hoomanawanui loa e Mauha ana i kekahi wa. Aohe mea e ae e awahua ai ka noonoo maikai. Aohe hoi he mea e ae e mauha ai ka hoomanawanui. E like me ka ili meeau. E lilo ana oe i mea pupule i ka uha maneo. Mai ke kakahiaka a po e maikai ole ana kou ola. E ala ana no hoi oe a ao ka po. Maneo, maneo, maneo, aole i kana mai ka maneo. Pela ihō la no ka Eczema. Aole wa hoōkoo i ka noke i ka wa'uwa'u. He makemake oe e wauwau, aka, he oi loa aku nae ia o ke ino. Aka, oia mau poino nae o keia wa, ke emi liilii aku nei hoi i kela ame keia la. Ke hoomaopopo nei na kanaka i keia wa, e hiki ana no ke hoolaia keia ano ma'i. Ua ike lakou i keia wa i ka waiwai o ka Aila Hamo a Doan ke hoola i ka Eczema, a o kekahi meeau paha o ka ili. E heluhelu iho i ka oleio hoike a kekahi kanaka kamaaina o Sana Albans, Amerika Huipuia. Olelo mai o Mr. De Forest D. Judd o Georgia St.: "Ua hiki no ia oe ke hoopaa iho i ko'u inoa ma ke ano o wau kekahi mea paulele loa i ka Laau Hamo a Doan, ma na ma'i o ka uha hemo. Ua loohiaia au i keia ma'i iloko o na makahiki he iwakalua, a ua hana nohoi au i na laau hamo apau a'u i lohe ai, eia nae, aole loaa iki ia'u ke ola loa ana. Iloko o ke kau hooilo 0 ka makahiki 1896, ua eha loa iho la au, a hiki ole ia'u ke lawelawe wahi hana, a nui nohoi na hora hiamoe i hiaa ia e a'u no ka nui launa ole mai o ka eha/ I keia wa i ike ai au i ka hoolahaia ana ae o ka Laau Hamo a Doan. a kii aku la au a kuai iho la_i poho. I ke kau ana no o'u i ua laau nei, o ka loaa koke no ia ia'u he wahi oluolu. Aole nohoi o'u wahi manao iki ia wa e loaa ana ia'u he ola loa ana, aka nae, aole au i ike i ka waiwai io o ka Laau Hamo a Doan ia wa. Oke pookela loa keia o na laau a'u i hamo ai, a e noke mau aku ana au i ka haawi i na mahalo ana no ua laau la. oka Laau Hamo a Doan oia ka laau pookela loa o na Laau Hamo apau a'u i ike ai. E kuaiia ana ka Laau Hamo a Doan e na poe kuai laau lapaau apau. • He 50 kenela ke kumukuai. E hoounaia aku ana maloko o kQ Eke Leta e Hollister Drug Co., na agena no ko Hawaii Pae Aina. E hoomanao i ka inoa DOAN'S, a mai noho a lawe i laau e ae. Ma ka Poakahi nei i ninini mai ai ka Mana Hooko o ke Aupuni i wai dala nona ka huina waiwai io o $100,000 no na hana hou oloko nei o ka aina. He $50,000 no ka ohe hoomaemae kulanakauhale, a he $50,000 no ke awa ae nei. Ma ka Poalima o kela pule aku nei 1 haawi ae ai o Makai Nui Coney o Lihue, Kauai, he papa ahaaina momona a ono nohoi no ka pomaikai o na lunakanawai o ka Aha ame na loio i hoea aku malaila, mai Honolulu aku nei.