Ka Nupepa Kuokoa, Volume XXXVIII, Number 38, 22 September 1899 — Page 6
| This text was transcribed by: | Gloria Vlachos |
| This work is dedicated to: | na lei Hulu I Ka Wekiu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA. SEPATEMABA 22, 1899.
Hoolaha Mana Hooko
-----
I keia la i hookohuia aku ai o H. Blake, Esq., i Luna Nui no ka Oihana Wai o Koloa, ma kahi o George Goodacre i waiho mai.
J.A. KING,
Kuhina Kalaiaina
Keena Kalaiaina, Sept. 15, 1899
2773-3t.
-----
I keia la i hookohuia aku ai o E. E. Conant, Esq., i Lunahoomalu no ka Papa Alanui o Koloa, Mokupuni o Kawai, ma kahi o George Goodacre i waiho mai.
J.A. KING,
Kuhina Kalaiaina
Keena Kalaiaina, Sept. 19, 1899
2773-3t.
-----
I keia la i hookokuia aku ai o Geo. H. Bailey, Esq., i Komisina no na Ala Liilii ame na Pono Wai no ka Apana o Makawao, Makupuni o Maui, ma kahi o A. F. Tavares, i waiho mai.
J.A. KING,
Kuhina Kalaiaina
Keena Kalaiaina, Sept. 12, 1899
2773-3t.
-----
HOOLAHA AINA AUPUNI. OLAA, PUNA, HAWAII.
-----
Ma ka Poaono, Sepatemaba 2, ma ka hora 10 A.M., ma ka Hale Hookolokolo, Hilo, Hawaii, e kauiia aku ai ma ke Kudala Akea, malalo o na kumu aelike, no na hale noho ame ka hoomaemae ana, a he oluolu hoi ka hookaa ana iloko o ka manawa o umi makahiki.
Aneane 360 mau Apana, he 50 eka no ka Apana hookahi, ma ka Apana Aina Hou o Olaa, i ana ia iho nei.
Ua hiki no i ka mea e lilo ai kekahi apana ke koho no ka apana elua e pili pu ana me ka apana mua, koe nae ma na apana ma ke alanui nui.
O ka mea e kuai ana i apana ma ke alanui nui, ua hiki no ke koho i apana kaawale aku, mai ke alanui aku.
E kuaiia aku ana na Apana no ke kumukuai oi aku maluna o $1.00 ame @2.00 no ka eka, elike me ke ano o ka aina ame kahi i waiho ai.
O na hookaa piha no na kumu aelike apau no ke kuai ana, e loaa no ma ke noi kino ana ae, a ma ka palapala paha i ke Keena Aina Aupuni, a i ole, i kekahi Keena Aina ma ia wahi.
J.F. BROWN.
Agena o na Aina Aupuni.
Iulai 3, 1899.
-----
O ke kuai maluna ae, ma keia ua hoopaneeia a ka Poaono, Novemaba 4, 1899, ma ia wahi, a ma ia manawa hookahi no.
Ma ke kauoha a na Komisina o na Aina Aupuni.
E.S. BOYD.
Augate 26, 1899 Kakauolelo.
2770-9t
-----
HOOLAHA AINA AUPUNI.
-----
Ma ka Poakahi, Sepatemaba 25, 1899, ma ka hora 12 awakea, ma ke alo iho o ka Hale Hookolokolo, e kuai Kudala Akea ia aku ai---
He Apana Aina o 1/2 Eka ma Pouhala, Ewa, Oahu, oia hoi, kekahi hapa o ka lokoia kahiko o Pouhala, e waiho ana ma ka aoao mauka o ke Alahao o ka Hui Alahao me Aina o Oahu.
Kumukuai maluna aku o @200.00
Dala Gula o Amerika Huipuia.
No ke kii ame na mea aku i koe e ninau ma ke Keena Aina, Honolulu.
Ma ke kauoha a na Komisina Aina Aupuni.
E.S. BOYD.
Sept.6, 1899 Kakauolelo.
2771-3t.
-----
Ua hoopaneeia, ma keia ke kuai maluna ae a i Nov. 4, 1899, ma kahi a ma ka manawa i hoikeia.
Ma ke kauoha a na Komisina Aina Aupuni.
E.S. BOYD.
Sept.6, 1899 Kakauolelo.
2771-3t.
-----
HOOLAHA AINA AUPUNI
-----
Ma ka Poaono, Sept. 16, 1899, ma ka hora 12 awakea, ma ke alo iho o ka Hale Hookolokolo, e kuai ia aku ai ma ke Kudala Akea, ka hoolimalima o 58 44-100 Eka ma Wailua-Nui, Koolau, Maui, he 45 Eka oia wahi, he aina waiwai nui no ke kanu raiki.
Manawa hoolimalima, he 15 makahiki.
Uku hoolimalima oi aku maluna o $675.00 no ka makahiki, e hookaa mua ia ana ma kela ame keia hapalua makahiki.
E paa ana maloko o ka palapala hoolimalima, e aeia no ka mea e hono nei malaila e ooki i kana mea ulu maluna o ka aina i keia wa, mamuli hoi o kona uku ana he uku hoolimalima no ka eka hookahi i ka mea i lilo aku ai ka hoolimalima, ma ka uku hoolimalima hoi i hoikeia ma ka hoolimalima hou.
No ke kii, a no na mea aku paha i koe, e ninau ma ke Keena Aina Aupuni, Honolulu, a i ole, ma ke Keena Oihana o W. O. Aiken, Paia.
Hanaia, Augate 14, 1899
J.F. BROWN.
2768-3t Agena o na Aina Aupuni
-----
Ua hoopanee loa ia ke kuai maluna ae.
Ma ke kauoha a na Kominina Aina Aupuni.
E.R. BOYD,
Kakauolelo.
Sept 6, 1899 2771-3t.
-----
HOOLAHA HUI I HOOHUIIA.
-----
Ma ka Hana Hoopau i ka Hui Kope o Kanekoa, i kaupalenaia.
Oiai ua waiho mai ka Hui Kope o Kanekoa, i kaupalenaia, he Hui i Hoohuiia, kukuluia a e ku ana malalo, a ma o ka mana la o na Kanawai o Ko Hawaii Pae Aina, elike me ke Kanawai no ia hana, ma ke Keena o ke Kuhina Kalaiaina, he noi no ka hoopau ana i ua Hui la, me ka palapala hooia i hoopili pu ia me ia mea, elike me ke Kanawai.
Nolaila, ke hoolahaia aku nei ma keia, i ka mea ame ka poe apau i loaa na kuleana ma kekahi ano oloko o ua Hui la i Hoohuiia, e pono e waiho mai i na kue no ka aeia ana o ua noi la, ma ke Keena o ke Kuhina Kalaiaina, ma ka Poalua, a mamua ae paha, oia ka la 26 o Sepatemaba, 1899, a o kela ame keia mea e makemake ana e loheia kona manao ma keia mea, e pono e hiki kino mai ma ke Keena Oihana o ka mea nona ka inoa malalo iho nei, ma ke Hale Oihana Hooko, Honolulu, ma ka hora 10 a.m. o ua la 'la, e hoike mai i kumu, nokeaha la e ae ole ia ai ua noi la.
J.A. KING,
Kuhina Kalaiaina
Keena Kalaiaina, Iulai 19, 1899
2764-9t.
------
Hala mai keia Ao aku
-----
Ua loaa mai ia makou ka lono kaumaha no ka make ana o Akeneki Nunehiwalani Kalua. kaikamahine a Lunakanawai J.W. Kalua ame Mrs. Kalua. Ua haalele mai keia opio i keia ola ana, ma ka hora 2 o ka wanaao Poalua o ka la 12 o keia mahina, ma kahi noho o kona mau makua, ma "Halaulani Home," Wailuku, Maui.
Oloko no o ka ma'i oia i waiho ai, mai ka malama mai o Mei aku nei, a hala wale akua la. Ua hooikaikaia na lawelawe lapaau ana a na Kauka, aka, ua pahu'a ia mau lawelawe hoola ana i ka nui no o ka ma'i i paa iho iloko o ke kino o ka mea i hala aku la ma kela aoao. O Kauka Armitage kai haawi i kana mau hooikaika ana e pakele ae ke ola o ua wahine opio nei, aka, ua nele na manaolana, a ua ha'iha'iia na noonoo maikai, oiai, ua lalau mai ka Anela o ka make i kana, a ua lawe aku la.
Ma ke kakahiaka Poakolu mai malamaia ka anaina haipule hoolewa maloko o ka luakini "Kaahumanu." O na Rev. A. Pali me Beckwith ma ka awai haiolelo. He ku na himeni i meleia i ka maikai ame ke aloha. Ua nui na waimaka i hoohaniniia. Aloha, aloha ia opio ou. e Hawaii! e Hawaii!
Ma ka huakai hoolewa, ua komo mai na haumana o na kula Aupuni o Waihee, Waikapu ame Wailuku iho nohoi; o na keiki kula kekahi o ka Misiona Pake; a o na keiki nohoi o ke kula o Sana Anatoni (Kula Katolika). Na haumana e alakaiia ana e ka lakou poe kumu.
O na poe hapai pahu, oia o Senatoa A.N. Kepoikai, Konela Keoni Likikini, Konela W. H. Cornwell, Makai Nui L.M. Baldwin, na Lunakanawai W. A. McKay ame S.E. Kaleikau. Sam Kalama, E.H. Rodgers, Henry Robinson, Geo. Hons, Kalei Kahaulelio ame John T. Aluli.
Ua hanauia o Akaneki Nunehiwalani ma Wailuku, ma ka la 27 o Maraki, 1875, a nolaila, ua haalele mai la oia i keia ola ana i ka 24 a oi o kona mau makahiki. Ua hoonaauaoia oia ma ke Kula Kaikamahine o Maunaolu; a ua noho i hookahi paha makahiki ma ke Kula Kaikamahine o Kamehameha. Ma ka hapa hope o ka makahiki i hala, waiho oia i ke kula no ke onawaliwali o ke ola, a hoi no Wailuku.
-----
Ke Komite o ka La Heihei.
-----
Ua hoohauoli loa ia ke Komite Ohi Dala no ka la heihei waapa i malamaia ai ma ka Poaono o ka pule i hala, mamuli o ka loaa ana ia lakou he $1200 mai waena mai o na hale oihana o loko nei o Honolulu. O keia huina dala mai ka poe malama oihana wale mai no ia, aole mai ka lehulehu mai.
He hoike ana keia no ke ohohia o ko Honolulu nei poe kuonoono no na hana o ka "La Hiuwai" Aupuni o Hawaii nei.
-----
HOOPUKA NA PILIPINO I NA DALA PEPA.
-----
MANILA, Sept. 6, hora 5:50 p.m. - O ka huina nui o na dala pepa i hoopukaia iho nei e na Pilipino i keia waiho nei, ua hiki aku no ia i ka $3,000,000. Ua kauoha paa ia e lawe na kanaka o ka aina i keia mau dala pepa, a e ukuia ana hoi ia mau kala pepa e ke aupuni i ka pau ana o ekolu makahiki.
Ua hoopuka ae nei nohoi ka poe kipi, e hoolako mai na poe mahiai o ka aina i na pualikoa kipi apau i ka ai ame na mea e pono ai ko lakou ola ana. Pela pu hoi me ona lio, pipi, ame na kaa hali ukana.
-----
PERESIDENA HOU O PERU.
-----
LIMA, PERU, Sept. 8. - I keia la i hoonohoia ai o Senor Eduardo Romana, he Senatoa mua ia, iPeresidena no ka Repubalika o Peru. no ka manawa o eha makahiki, a oia hoi kai pani aku i ka hakahaka i Senor Nicholas Pierola.
-----
O ka helu hope keia o ka puka ana o ka Liona o ka Akau. Aia a loaa ka wa pono, alaila, hoopukaia aku ka moolelo e pili wale ana no ia "Makamu."
LEIA AO, KELA AO
KE-KAMAHAO O NA KAMAHAO
Unuhiia @ Hooulumahiehie no KE KILOHANA
POOKELA NO KA LAHUI HAWAII.
-----
Me ko'u hoomaopopo ole ana aku i kana mea i olelo mai ai ia'u, ua ninau aku la au iaia:
"A o kela anela hoi o ka Make, he kii anei o ke kanaka ola kau kumu hoohalike o ka hana ana ia kii?"
Ma ia wa ike aku la au i ka olino ana mai o ka helehelena hauoli maluna ona. Mohala maikai mai la kona mau ano apau, ame ka leo e hoike mai ana i ka maikai o kona noonoo ame kona manao pane mai la ia: "Aole. A he mea kino ola i hooliloia e a'u i kumu alakai no keia kii a'u i hana ai. Mai loko ponoi ae no keia kii o ko'u noonoo. Owau no ka makuakane ame ka makuahine o keia kii. Ua oleloia ua hana ke Akua i na mea apau mailoko mai o ka ole. Ua hana hoi au i keia hiohiona noloko mai o ka ole. Ke ninau nei ka poe akeakamai o keia ao. Pehea la i hiki ai i ke Akua ke hana i na mea apau i ike ia, a i ike ole ia e kakou nei mailoko mai o ka ole? Ua hiki nae ia'u ka mea i hanaia e ke Akua ke hana i kekahi mea i ku i ka ikeia e na maka o ke kanaka, mailoko mai o ka ole.
Ua piha loa iho la ko'u uhane i ka mahalo no ka naauao o na pane a ua kanaka opio kahikii nei.
"Ina ua mahalo kou uhane i ka nani o keia kii i hoohanaia ai e ko'u noonoo mailoko mai o ka ole i kiaohi, alaila, e olelo aku au ia oe, e aloha mai oe ia'u, oia hoi, mai haawi oe i ka mahalo ana i ka hemahema i hoikeia e a'u ma keia kii. E mahalo oe i nei mau hiohiona me ke ano, he hana noeau ia i hana ia e ka noonoo ame ka makaukau o ke kanaka. E hai hou aku nohoi au ia oe, o ka noho malie, oia wale no ka hana pono a kakou e hana ai no kekahi mea i hanaia me ka noiau o ka lima o na keiki a kanaka."
No keia mau olelo a ua kanaka la i pane mai ai, ua huli aku la au a nana aku la iaia me na onohi maka piha opahaohao loa, a o ko'u hoa hoi keia, oia o Mrs. Everard, nana aku la iaia, a pane aku la:
"Heaha hoi kou ano? Ke houluuluia ae ka welau mua o kau mau olelo i pane mai nei. me kona welau hope, me he mea la e olelo okoa maoli mai ana no oe i kuu hoaloha nei ame a'u pu nohoi, e pani maua i ko maua mau waha, aole ka maua e hoopuka aku i mau olelo mahalo no kekahi mea i ikeia e maua he mea ku hoi ia i ka maikai. Ua like loa kau mau olelo me na olelo a na kanaka lauoho loloa, i hoolilo ia lakou iho i poe kahuna kiekie no ke Akua. Aole loa au i halawai me kekahi kanaka o ka oihana kaha kii, a pena kii nohoi elike la me oe ke ano, i hoopuka mai i na olelo elike me kaa i hoopuka mai nei imua o maua. O na poe kaha kii kaulana apau i halawai ai au, ua puni loa nohoi lakou i ka hauoli ke haawiia aku na mahalo ana e na wahine elike la hoi me maua nei ke ano, aka, aole nae pela oe, e pakike mai oe ia maua, e paa ko maua mau waha, oia hoi, e kulikuli maua. Aole anei hoi o ke ano maoli ia o kau olelo kupaianaha ia maua? Heaha hoi kou ano?"
"E Mademoasela, e ae anei oe, e hele mai oe ia nei no ko'u kaha ana aku i kou kii?"
"Pehea?" wahi a'u i pane aku ai imua ona me ka piha pahaohao loa o ko'u noonoo no kona noi ana mai ia'u e ae aku au e pena mai oia i ko'u kii, a ia wa nohoi i pane aku ai au iaia: "E Senioa Cellini, aole au i ike, peha la oe i makemake ai o ko'u kii kau e pena ai? Manao loa au ua kuhihewa oe i kou manao ana pela. Heaha auanei kahi waiwai e loaa ana ia oe maluna o ko'u mau hiohiona, oiai he koena au na ka ma'i?"
"E kala mai oe ia'u e Mademoasela," wahi ana i pane mai ai imua o'u, me ka hoomau ana nohoi i ke kamailio ana mai, "ke ha'i aku nei au ia oe, aole i like kou noonoo me ko'u. Mai manao nohoi oe, he manao paani wale no keia a'u i olelo aku la ia oe. Ua makemake io maoli no au e kaha i kou kii, a e hoaahu aku i ua kii la ou me na hooluu i ku i kou ano. Ua ike no au he nanaina ano e kou ia keia wa. E hai aku au ia oe, he wahine oe i hookaumahaia e kekahi haawe koikoi e pili ana i kou ola. O kou helehelena apau, aole io no ia ma ke kulana e makemakeia ai e ke kanaka pena kii i ake wale no ma ka ui o ka helehelena oia e oniu ai i kana hulu pena. Aole au oia ano kanaka pena kii. Aohe o'u makemake i na helehelena ui o ke kulana hoohei a hooha'ihapa. Makemake au i ka helehelena i piha i ka mihi ame ka naau walohia o ke aloha. O ka uhane iloko o ke kanaka ka'u i makemake ai. Aia ma kou helehelena, ke ike aku nei au i kekahi uhane e kiei mai ana me ka ulumahiehie o kona @au ano apau. O kou kino, ua like ia me na puukiuki ao kaalelewa au e ike nei ma kela kii e kiei mai la kela hiohiona i haawi ai kou uhane i na hoohihi ana. Aka, o ka uhane iloko ou, ua like loa ia me kela anela o ke ola, e kiei ulumahiehie mai la mailoko mai o kela puukiuki mai o na ao kaalelewa pioo. Ke pioo nei na lalapa ana o kou ola maluna o kou kino, a maloko nohoi o kou kino. Ua ike au ia mea. O ka uhane maemae nae, a nani hoi iloko ou, he anela ia no ka hauoli. Nolaila, no kou pono, no kou hauoli, no ka hauoli o kou mau hoaloha, a no ko'u olioli nohoi, i nonoi aku au ia oe, e Mademoasela, e haawi mai eo ia'u i wahi lihi uuku o kou manawa kaawale. E hai aku au ia oe, o ka la au e hoea mai ai ia nei, no ko'u hana ana aku i kou kii, he la auanei ia nou e kanikau ole ai."
Nana aku la au ma na hiohiona o ua kanaka pena kii nei, ike aku la au i na hiohiona o ke kuoo. Me he mea la, ke ike pu aku la au i kekahi mau mea olinolino e hooholo poai puni ana ma ka poepoe o kona mau onohi maka.
Oiai hoi kona maka e haka pono mai ana maluna o'u, ua o mai la kekahi kukuna o ka hauoli iloko o'u me ke ano e loa, a ike iho la au i ka naholo ana aku o na manao naluea apau mai loko aku o ko'u noonoo, a poaihele iho la ka hauoli, ka maha ame ka maikai molaelae iloko o kou kino apau. Me ka hauoli, pane aku la au kiuya ona:
"Apopo e hoea mai ai au ia nei nei."
"Ke haawi aku nei au i ka'u mau hoomaikai ana he nui no kou ae ana mai la. E hiki ana anei ia oe ke hele mai i ka hora umikumamalua o ka la apopo?"
I keia wa, huli ae la au a nana aku la i ko'u kokoolua, oia hoi o Mrs. Everard, oiai hoi ia i puliki ae ai i kona mau lima, a paa ae la mamua o kona alo me ka nana ana mai hoi i'au me ka maikai o kona mau helehelena.
"Ua hiki no ia'u ke hele mai i na wa apau au e olelo mai ai ia'u. Aka, e hooponopono nae hoi maua no ka maua papahana o kela ame keia la, a ke holopono ia mea, alaila, o ko'u hiki mai no ia ma ka manawa au i olelo mai la."
Huli ae la ua kanaka opio la a ninau e la i kuu hoaloha: "Pehea la, o oe anei kekahi e hele mai ana ma ko ia nei wa e hele mai ai?"
"Ua makemake loa au e ike i ke ano o kau kaha ana i ke kii o kuu hoaloha nei, nolaila, e hele mai ana no au ma ko ia nei wa e hele mai ai. Oia mea maikai okoa aku nohoi ia o ka loaa ona mea nana e mahalo aku ke ano o ka olua kii e hana ai a paa iluna o ka lole."
I keia wa ku ae la maua iluna no ko maua hoi ana aku i ko makou rumi. Aka, mamua o ko kaua haalele ana aku, ninau aku la o Mrs. Everard iaia:
"Owai la auanei ka inoa kupono o ko ia nei kii ke hana aku oe
-----
Hoao ana i ka Hoomanawanui.
E ikeia ana no ka Uluhua o ka poe Hoomanawanui loa e Mauha ana i kekahi wa.
Aohe mea e ae e awahua ai ka noonoo maikai.
Aohe hoi he mea e ae e mauha ai ka hoomanawanui.
E like me ka ili meeau.
E lilo ana oi i mea pupule i ka uha maneo.
Mai ke kakahiaka a po e maikai ole ana kjou ola.
E ala ana no hoi oe a ao ka po.
Maneo, maneo, maneo, aole i kana mai ka maneo.
Pela iho la no ka Eczema.
Aole wa hookoo i ka noke i ka wa'uwa'u.
He makemake oe e wauwau, aka, he oi loa aku nae ia o ke ino.
Aka, oia mau poino nae o keia wa, ke emi liilii aku nei hoi i kela ame kala la.
Ke hoomaopopo nei na kanaka i keia wa, e hiki ana no ke hoolaia keia ano ma'i.
Ua ike lakou i keia wa i ka waiwai o ka Aila Hamo a Doan ke hoola i ka Eczema, a o kekahi meeau paha o ka ili.
E heluhelu iho i ka olelo hoike a kekahi kanaka kamaaina o Sana Albans, Amerika Huipuia.
Olelo mai o Mr. De Forest D. Judd o Georgia St.: "Ua hiki no ia oe ke hoopaa iho i ko'u inoa ma ke ano o wau kekahi mea paulele loa i ka Laau Hamo a Doan, ma na ma'i o ka uha hemo. Ua loohiaia au i keia ma'i iloko o na makahiki he iwakalua, a ua hana nohoi au i na laau hamo apau a'u i lohe ai, eia nae, aole loaa iki ia'u ke ola loa ana. Iloko o ke kau hooilo o ka makahiki 1896, ua eha loa iho la au, a hiki ole ia'u ke lawelawe wahi hana, a nui nohoi na hora hiamoe i hiaa ia e a'u no ka nui launa ole mai o ka eha. I keia wa i ike ai au i ka hoolahaia ana ae o ka Laau Hamo o Doan. a kii aku la au a kuai iho la i poho. I ke kau ana no' o'u i ua laau nei, o ka loaa koke no ia ia'u he wahi oluolu. Aole nohoi o'u wahi manao iki ia wa e loaa ana ia'u he ola loa ana, aka nae, aole au i ike i ka waiwai io o ka Laau Hamo a Doan ia wa. O ke pookela loa keia o na laau a'u i hamo ai, a e noke mau aku ana au i ka haawi i na mahalo ana no ua laau la. O ka Laau Hamo a Doan oia ka laau pookela loa o na Laau Hamo apau a'u i ike ai.
E kuaiia ana ka Laau Hamo a Doan e na poe kuai laau lapaau apau. He 50 keneta ke kumukuai. E hoounaia aku ana maloko o ke Eke Leta e Hollister Drug Co., na agena no ko Hawaii Pae Aina.
E hoomanao i ka inoa DOAN'S, a mai noho a lawe i laau e ae.
-----
Ma ka Poakahi nei i ninini mai ai ka Mana Hooko o ke Aupuni i wai dala nona ka huina waiwai io o $100,000 no na hana hou oloko nei o ka aina. He $50,000 no ka ohe hoomaemae kulanakauhale, a he $50,000 no ke awa ae nei.
-----
Ma ka Poalima o kela pule aku nei i haawi ae ai o Makai Nui Coney o Lihue, Kauai, he papa ahaaina momona a ono nohoi no ka pomaikai o na lunakanawai o ka Aha ame na loio i hoea aku malaila, mai Honolulu aku nei.
HUNAHUNA MEA HOU O PAHALA, KAU, HAWAII.
-----
E oluolu mai e kuu Kuokoa no'u kau wahi o kou home, ina he mea oluolu ia i kou hanohano. Welina pu kaua:
Hora 10 o ke kakahiaka Sabati, Sepatemaba 17. ua hemo mai he ko'e mai loko mai o Bine, he hookahi kapuai ka loa, a he hookahi iniha ke anapuni. He ku maoli i ka weliweli ke nana iho.
Ma Punaluu, i ke kai kauhaa, ua akoakoa ae he lehulehu ma ka Luakini, no na hana Kula Sabati, a ua lulu ia he mau "okeni" mahina hou, a ua piha he elima dala. Nui kela. A ua lulu hou ia a loaa he eono dala no ke kokua ana i ka Luakini o Paia, Maui. Penei: No Punaluu he $3.50. no Pahala mai ke Kapena Makai mai he $2.50. Mahalo no na hana maikai. Imua aku kakou ma na hana pono.
He nui ka la o makou nei, nana aku ia la owela ka nahele, kohu Pele ai honua.
Ke nome hala ole nei no ka nau o Pahala i na mala ko i oo. Lake no lakou.
Ke hoomaemae ia mai nei na alanui o makou nei e ke Aupuni. Mahalo, ina i ka wa o na Moi a kaua, aole e hiki ke kaa mai Kau aku nei a na Kona.
O ka mahiai no ka hana nui a na kamaaina o makou nei. He ola hoi paha ia. Ka ole no ka hoomahui i ka inu Suaipa (bia), he make ia.
Huliamahi na Kepani i ka mahi ko, a o na kanaka hoi ke ku nana nei ma keia aoao aku o ka muliwai o ka Molowa. He ma'u mau wahi mea hou keia, he oki hoi ka nele loa, no ka mea, o P.B. Puaikeao ma hoi ke hoomolowa loa mai nei hoi. He molowa mai hoi kau, mea ka hoi, ka hoonuu i ka ipu, pu.
Ua lawa au maanei me na keiki oniu huila ko'u anoai. a i na keiki o ka papa pa'i ko'u. Welina.
Owau no me ka haahaa.
J. JOHN AHU.
Pahala, Kau, Sept. 17, 1799.
-----
PAPA HOIKE MANAWA.
-----
Poaono, Sept. 16. - Heihei moku me waapa ma ke awa ae nei o Honolulu. Make hou no ka moku o Peresidena Dole "Bonnie Dundee" i kahi moku o Mr. Hobron, ia "Gladys."
Poaono, Sept. 16. - Make ka "Matala" i ka "Healani" i ka heihei ana ma keia la.
La Pupe (Sabati), Sept. 17. - Hoolaaia ka halepule Katolika hou mauka ae nei o Ka@@hi e Spikopo Gulekana.
Poakahi, Sept. 18. - Noho ka Aha Banako no ke kau oia Aha no Sepatemaba nei.
Poakolu, Sept. 20. - Hoopaiia o W. H. Marshall, lunahooponopono a lunahoopuka o ka nupepa "Luaipele" (Volcano) imua o ka Aha Apana o Honolulu nei, no ka hewa "laibila" i ka Lunakanawai Kiekie o ka Aha Kiekie o Hawaii nei. He 6 mahina hoopaahao ma ka hana oolea.
Poakolu, Sept. 20. - Koi mua loa ia ka Aha Apana o Honolulu nei e kekahi loio o ka papa loio o Honolulu nei, e noho ia Aha, me kekahi papa kiure.
-----
Eia mai no ke Aloha a kaua.
-----
Hookahi no ia e au ae nei i na kuono eono o ka luhi a kakou. I ahona keia i ke kawewe o na hua o ka mikini kakaulima. Mai poina oe ia'u. Kuokoa o Eono aoao.
-----
Lamalama maikai no na papalina o ko makou hoa o ke kaunu hookahi e uheuhene nei i ka papa uwila o ka makou nei halepa'i. E o mai oe e "Ka Makaainana." he mamo na uwila.
-----
Kuai aka Mea Moraki Mai
-----
Ke hoolahaia aku nei ma keia, mamuli o ke kauoha a na MEA MORAKI MAI, e kuai aku ana au ma ke KUAI KUDALA AKEA, me ke Dala Gula o Amerika Huipuia, i ka waiwai i hoike la mahope ae nei,
MA KA HORA 12 AWAKEA.
Poakahi, Sepatemaba 25, 1899
Ma ka "BOAT LANDING" e kokoke ana i ka UWAPO O BURUA MA, oia ka
Mokukuna "Norma,"
NONA NA TONA O 50.
Kona loa he 61 kapuai; laula 18 kapuai; hohonu 7 kapuai. Hoopaaia kona inoa me ke Aupuni Hawaii. E kuai pu ia aku ana ia me kona mau laau moku ame na lako apau ona, na kaulahao ame kona mau pono e ae apau maluna ona.
-----
WILL E. FISHER,
LUNA KUDALA.
2773-1t. Kihi o alanui Papu me Kalepa.
-----
HOOLAHA KUMAU.
-----
DR. T. MITAMURA.
Keena Oihana, 427 Alanui Nuuanu. Pahu Leta 842; Telepona @@@ noho 542 Alanui Nuuanu. Hora 12 a.m. ame hora 7 a 9 p.m. Sabati, 2 a 6 p.m.
-----
DR. I. MORI.
Keena Oihana, helu 427 Alanui Nuuanu. Pahu Leta 842. Tehepona @@@ Hale Noho 524 Alanui Nuuanu. Halemai, 530 Alanui Nuuanu. hora: 9 a 12 a.m., a ma@@@@ 6 a 8 p.m. Na la Sabati @@@ 6 p.m.
-----
W. C. Achi. @@@@ Johnson
ACHI & JOHNSON,
LOIO! LOIO! LOIO!
Keena Ha@@, Helu 10 aoao K@@@ Alanui Moi
-----
W. R. KAKELA
@@@ a he Kokua @@@@
HE LUNA HOO@@@ PALA@@@@
@@@@
-----
LYLE A. DICKEY
Loio a he Kokua ma ke Kanawai.
Noturi no ka Lehulehu
@ hookeia na @@@ mai na Mokupuni mai.
Kihi o Alanui Betala me Moi@@@ Leta 786. Telephon 806.
-----
Papa! Papa!
Aia ma kahi
LEWERS & COOKE
(Lui Ma)
Ma ke Kahua Hema o na Alanui Papu me Moi.
-----
E LOAA NO NA
Papa Nouaiki
O kela a me keia @@
-----
Na Pani Puka...... _____
Na Puka Aniani....... _____
Na Olepalepa..... _____
Na Po@..... _____
_____ Na O'a......................
_____ Na Papa H@l@.......
_____ Na Papa Ku.............
_____ Na Papa Moe..........
-----
Na Pili Hale
O na Ano Apau.
A me na
Wai Hoohinuhinu Nan@
O Na Ano Apau.
-----
@@ Palaki @ na Ano he Nui Wala.
-----
@@@@@@@@@@@@
Uku Haahaa loa
@@@@@@@@@@@
-----
@@@@@@
-----
S.E. LUCAS, Ka Mea Lapaau Maka mai Par@@ mai.
Ke lawelawe nei au i na Maka Aniani kaulana i kapaia "Isometropes Lenses."
Mai Parisa pololei mai ka'u mau waiwai apau.
E nana wale ia ana na maka me ke Kaki ole ia.
Na Hora Hana - 9-12 a.m. 2-5 p.m. La Pule - 8 a 10.
2758-tf