Ka Nupepa Kuokoa, Volume XXXVIII, Number 37, 15 September 1899 — MAU NO KO KA PAPA OLA HILINAI IA DR. HOWARD. [ARTICLE]

MAU NO KO KA PAPA OLA HILINAI IA DR. HOWARD.

Afa ka hora 3 o ka auina la Poakolu nei, i noho ai ka halawai a na lala o ka Papa Ola, no ka noonoo ana i ka mea e pili ana ia Dr. Howard, kauka o ka Hale Haawi Laau Lapaau Aupuni o Honolulu nei, a o ka hopena i ioaa mai ma ia noonoo ana, oia ko ka Papa hoomau ana i ka hilinai maluna o ke kauka, ame ko ka Papa hoike pili Aupuni maoli ana, i ke ku ole ana o ke kauka malalo o na ahewa ana a ke Kiure Koronero, eiike me ia a makou i hoolaha aku ai ma ko makou pepa o ka pule i hala. Ma keia hana ana a ka Papa, ua hookahuaia kana olelo hooholo mamuli o ka nana ame ka noonoo akahele ia ana 0 na olelo hoike i laweia imua o ka Aha Koronero, a ua ninaninauia hoi na hoike, ma ka aoao hoohuahualau aku a pela nohol ma ka aoao kakoo 1 ka olelo hooholo a ke Koronero. 0 ke kauka ma kona aoao, a o ka hope Ilamuku hoi ma ka aoao o ka olelo hooholo a ke Koronero, a ma kahi olelo ana ae paha, ma ka aoao o ke Aupuni. Mahope iho o ka noonoo akahele ana o na hoa o ka Papa, no na mea i hoikeia aku imua o lakou, ua puka mai la keia olelo hooholo: " * * * Mahope iho o ka nana akahele ana i na mea hoike apau i laweia mai, a i loaa mai hoi no ka mea e pili ana i ka lawelawe lapaau ia ana 0 Ane, he wahine Hawaii maoli, 1 make, ua ikeia, aole hiki ke ahewaia o Dr. Howard, no ka hewa hoohemahema a hoopalaleha, ma kona aoao; he maopopo, ua ku maoli i ka ewaewa ka mea i hanaia maluna o Dr. Howard, e ke Kiure Koronero i noho ai e nana i ka mea e pili ana i ka make ana o Ane, mamuli hoi o ko ke Kiure Koronero nana ole ana i na pilikia ame na koikoi pili oihana i kau iho maluna o ke kauka o ka Hale Haawi Laau, a ua huikala piha aku ka Papa ia Dr. Howard, mai ke ahewaia ana e ke Kiure Koronero."