Ka Nupepa Kuokoa, Volume XXXVIII, Number 36, 8 Kepakemapa 1899 — E HOOMAHUAHUA HOUIA AKU ANA KE KUOKOA. [ARTICLE]

E HOOMAHUAHUA HOUIA AKU ANA KE KUOKOA.

Ma k;i puka ana aku o ke "Kuokoa" ma ka Poalima o keia pule ae, e haawi hou ia iho ai he elua mau aoao heluhelu hou, a ua: like ia me eono aoao apau oka pepa e puka aku ai. E hoomauia aku ana keia kulana o ka puka ana o ka pepa, a hiki i ka wa e hoopii hou ia ae al a hiki i ka ewalu aoao. Mamuli o keia hoomahuahua hou ia ae o na aoao # heluhelu o ka pepa, e haawi aku ana makou he mau pomaikai heluhelu hou f ko makou poe lawe pepa; a he hoike nohoi keia, eiake"Kilohana Pookela no ka Lahui Hawaii," ke nee nei ma ke kulana holomua. 3 mea hoomaopopo aku imua o ko makou poe heluhelu, ua hiki ia makou ke hoike aku, aole i emi iho malalo o ka 300 pepa i pau i ka lilo iloko nei o Honolulu, ma ke kuai maoli ia, ma ka Poaono i hala, rae ka helu ole ia o na pepa a na poe lawe i kii mai 'ma ke Keena nei. E hoopuka aku ana makou he mau moolelo hoonanea hou i wae ia mai e makou mailoko mai o na moolelo maikai i maalo ae imua o ko makou mau hoomanao ana. 0 kela moolelo a makou i hoike aku ai ma kekahi wa i hala ae nei, e hoopukaia aku anama keia malama nei o Sepatemaba, oia hoi kekahi mooieio maikai loa i kakauia e Bylvanus Cobh, Jr.; e puka aku ana ia ma keia helu ae. He moolelo hoonanea hou ae no kekahi a makou e panee aku ai imua o ko makou poe heluhelu, a peia nohoi me na manao waiwai nui e ae he manuunuu wale. Na ko makou helu mua o eono aoao e puka aku ana ma keia puie ae, e hooia aku i ka makou e hoike aku nei.