Ka Nupepa Kuokoa, Volume XXXVIII, Number 36, 8 September 1899 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

            KA

NUPEPA KUOKOA

No ka Makahik           $2.00

No Eono Mahina         $1.00

Kuiko ka Rula.

Puka                   1                2                3                1                2                3                1

asa                   Pule           Pule           Pule           Mal            Mal            Mal            Mak

 

Iniha                $1.50         $2,00         $2.50         $3.00         $5.00         $6.75         $12.00

2 Iniha             2.00           2.75           3.50           4.00           7.00           9.00           15.00

3 Iniha             2.50           3.50           4.50           5.00           9.00           12.00         18.00

4 Iniha             3.00           4.00           5.00           6.00           11.00         13.50         21.00

5 Iniha             3.50           4.75           6.00           7.00           12.00         15.00         24.00

6 Iniha             4.00           @.50         7.00           8.00           13.00         16.50         27.00

 

            O na olelo hooiana a pau e noouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, @oho hookomo ia.

 

HOOP@KAIA E KA

HAWAIIAN GAZETTE CO

A. W. PEARSON, Luna Nui.

JOSEPH M. POEPOE, Lunahooponopono

Honolulu , Oahu

POALIMA - - SEPATEMABA 8, 1899

 

E hoomahuahua houia aku ana ke kuokoa .

            Ma ka puka ana aku o ke “Kuokoa” ma ka Poalima o keia pule ae, e haawi hou ia iho ai he elua mau aoao heluhelu hou, a ua like ia me aono aoao apau o ka pepa e puka aku ai.  E hoomauia aku ana keia kulana o ka puka ana o ka pepa, a hiki i ka wa e hoopii hou ia ae ia a kihi i ka ewalu aoao.

            Mamuli o keia hoomahuahua hou ia ana ea o na aoao heluhelu o ka pepe, e haawi aku ana makou he mau pomaikai heluhelu hou i ko makou poe lawe pepa; a he hoike nohoi keia, eia ke “Kilohana Pookela no ka Lahui Hawaii,” ke nee ne i ma ke kulana holomua.

            I mea hoomaopopo aku imua o ko makou peo heluhelu, ua hiki ia mokou ke hoike aku, aole i emi iho malalo oo ka 300 pepa i pau i ka lilo iloko nei o Honolulu, ma ke kuai maoli ia, ma ka Poaono i hala, me ka helu ole ia o no pepa a na poe lawe i kii mai ma ke Keena nei.

            E hoopuka aku ana makou he mau moolelo hoonanea hou i wae ia mai e makou mailoko mai o na moolelo maikai i maalo ae imua o ka makou mau hoomanao ana.  O kela moolelo a makou i hoike aku ai ma kekahi wa i hala ae nei, e hoopukaia aku ana ma keia malama nei o Sepatemaba, oia hoi kekahi moolelo maikai loa i kakauia e Sylvanus Cobb, Jr.; e puka aku ana ia ma keia helu ae.

            He moolelo hoonanea hou ae no kekahi a makou e panee aku ai imua o ko makou poe heluhelu, a peia  no hoi me na manao waiwai nui e ae he manuunuu wale.  Na ko makou helu mua e enono aoao e puka aku ana ma keia pule ae, e hooia aku i ka makou e hoike aku nei.

 

KA OIHANA LAPAAU KAUKA AUPUNI

            O ka olelo hooholo a ke Jure Koronero i hoopuka ai no ka make ana o Ane (w) ma ka la 28 o Augate, 1899, aku nei no ka ma’I numonia (pneumonia) a au hoohemahema hoi ke Kauka Aupuni i ka lawelawe lapaau ana maiuna o ua wahine la, he olelo hooholo ia e kau ana i kekahi ahewa ikaika maluna o ke Kauka o ka Papa Ola.

            Aole nae i maopopo ia makou, heaha la ke kumu i make ai kela wahine, wahi a ka ike ame ka noeau o ke Jure Koronero?  Ua make anei kela wahine, mamuli o ka ma’I numonia; a i ole, ua make paha kela wahine no ka hiki ole ana o ke Kauka i haki o ua wahine la iweiho ana i ka ma’i, a haawi ole i laau e ola ai ka numonia o kela wahine?  Ua manao anei kela Jure Koronero, he ma’i ola no kela ma’i numonia o kela wahine ke loaa ka laau kupono mai ke Kauka aku; aka, mamuli o ka loaa ole ana o ka paau kupono mai ke Kauka aku, no kona hele ole ana i kahi o ka mea ma’i, make aku la ua mea ma’i la?

            O ke kuhikuhi pono ana o ke Jure Koromero i ke kumu o ka make an ao Ane (w) oia ka mea maikai e hoopuka ai ke Jure; a ke ole makou e kuhihewa, ua manao maoli no ke Jure Koronero, u amake kela wahine i ka ma’i numonia.  Oia ke kumu o kona make.  Aka, ke ahewa nei nae lakou i ke Kauka, no kona hele ole ana i ike i kela wahine i make aku la i maopopo pono ai kana mea e hana ai, a i ole ia, no kona malama pono ole ana i na moolelo no ka poe kii laau mai ma ka hale haawi laau o ke Aupuni.

            Ua olelo ke Kauka, ma kana olelo pane i hoolahaia maloko o ka nupepa “Advertiser” o ka Poaono aku nei, aia ka nui o na ma’i e nanaia ana e ia i kela ame keia la ma ke keena haawi laau o ka Papa Ola, mawaena o ka iwakalua ame ke kanalima ka nui, me ka nana ole ana hoi i na Pake puhi opiuma, me na hele ana e ike i na ma’i noho kauhale

            Ua hoomaopopo makou i ka nui maoli o na poe ma’i e hoea ana ilaila i kela ame keia la, a nolaila, ua hiki no ke manaoia e loaa i ke kauka na kalaia ana ma kona hiki ole ana i kahi o kekahi ma’i, ma ka wa i makemakeia ai oia, ina nae he pono ke hana pela.

            Aka, o ko makou manano, oia keia, ma kela wa a ma keia wa i kaheaia ai kekahi Kauka Aupuni e hele oia e ike i hekahi mea ma’i  i ikeia kona pilikia loa, he mea pono i kela kauka ke kapae iki i na hana o ke keena, a e hele pia no ka mea pilikia loa.  O keia ka hana a na Kauka makee ola kanaka.

            Ua noho ka lunakooponopono o keia pepa i keia wa me kekahi kauka aupuni ma ka Apana o Kohala Akau, Hawaii, oia hoi o Dr. L. S. Thompson, a ua ike kumaka maoli i na Hawaii pilikia i nei mea he kii i ke ola i ke Kaula; a ua hooko nohoi keia Kauka i kana hana elike me ka hiki iaia ke hana, mamuli o kona hele kino ana i ka hale o ka mea ma’i e ike ai i ka mea i loohia i ka pilikia nui.

            Ke haawi nei makou i mahalo i na Kiure Koronero no ke kuokoa a hoopilimeaai ole o ka lakou olelo hooholo e ahewa ana i ke kauwa hana a ka lehulehu e hoopalaleha naa i kana hana i hoolimalimaia ai oia me ke kala a ka lehulehu.  He hoale ke Kauka i ahewaia, a he haole nohoi na Kiure, a o ka mea i make, he wahine Hawaii ia.  Aole ke Aupuni i kahea i poe Kiure Hawaii maoli, o puka paha auanei he olelo hooholo ahewa i ke kauka, a hiki ke oleloia, he kahua manaoino ke kumu i puka ai ka olelo hooholo a na Kiure Hawaii.

            O Kauka Henry W. Howard, e noho nei i Kauka no ka Hale Haawi Laau o ke Aupuni, oia kekahi o na Kauka makaukau loa o loko o keia kulanakauhale, a he kanaka piha oluolu nohoi oia.

 

KA HOOMAHUAHUA HOU ANA I NA LUAN KANWAI O HONOLULU NEI

            He olelo hooholo ano nui lo aka Loio t. McCants Stewart, kela loio “Nu Ioka” e noho nei mawaena o kakou i keia wa, no ka mea e pili ana i ko kakou Oihana Hookolokolo e ku nei i keia wa, elike hoi me i ai waihoia ae ai e ua Keonimana Loio la imua o ka halawai a ka Papa Loio o Honolulu nei ma kela pule aku nei, a e puka aku nei nohoi ma ko makou pepa o keia la.

            O na manao nui o ka olelo hooholo, oia ka hoonoho ana i hookahi Aha Hoomalu (Police Court) ma Honolulu nei, a o na hihia hewa wale no ka ia Aha e hoolohe ai; ka hoonohe ana i Aha Apana, a o na hihia waiwai wale no ka ia Aha e hoolohe ai, me ka loaa pu ana he mana hookolokolo jure.  O kekahi oia ka hooponopono hou ana i na hana o ka Aha Kaapuni, e mahele ana ma na kau kuikawa elua (Mahele I ame Mahele II).  Hookahi o keia mau mahela oia kau kuikawa, oia hoi, ka Mahele I, no ka hoolohe ana i na noi kumu a pela aku.  A o kalua o ka mahele, no no hana hooponopono waiwai, na hana ma ke kaulike, ke oki mare ame na hihia i kapaeia ai ke jure.  A o kekahi e hooponopono ana i na wa e noho ai na Kau Hookolokolo Jure o ka Aha Kaapuni no ka hoolohe ana i na hihia e hoolohe a e hookilokoloia ana e na jure.

            O keia wawahi ana, a mahelehele ana i na hana a ko kakou Aha Apana e ku nei i keia wa, a pela hoi me ka Aha Kaapuni, manao no makou, he alahele maikai no ia.  Ma keia ano, ua kaawale ke kino Lunakanawai o ka Aha Apana mai ke kino Lunakanawai mai o ka Aha Hoomalu.  Aole hoi e mana e kekahi i kekahi, a he mea no hoi ia, e holo pono ai na hana i hoea aku imua o ka Aha.

            Aka, o ka ninau e pili ana i keia mahele wawahi Aha Apana ana, oia keia:  Ua pilikia anei na hookoia ana o na hana i komo iloko o ka Aha Apana e ke kino Lunakanawai oia Aha e noho nei i keia wa?  Aole makou i ike ia mea.  Aole no i loaa mai na leo hoohalahala no ka holo lea oie o na lawelawe hana kivila ana maloko oia Aha i keia wa.

            O ka makou mea i hoomaopopo, o na loio ka poe hoololohe ma ka hapa nui o na wa e kaheaia ai ka papa hihia e ka Lunakanawai o ka Aha Hoomalu; a no ka hoea ole mai o na loio na lakou na hihia i kaheaia, ua panee aku la ia mau hihia no kahi wa aku.

            He oiaio paha, e hele aku ana no na hana Karaima o ka Aha Apana o Honolulu nei a hoea i ka nui loa ana, e kupno ai ka hoolilo holookoaia ana o ka Aha ma ia mau hana wale no; a oia hoi ka wa e aponoia ai ke kukulu ana i Aha Hoomalu.   O keia no ke ano hookahi e loaa ana ma ka mahele Kivila o na hihia, a, e kupono ai hoi, e loaa he Aha e hoolilo i kona manawa apau ma ka hoolohe ana ia mau hihia.

            No keia wa, manao makou hemea pono ke hooponopono hou ia na hoohanaia ana o na hana o ka Aha Kaapuni; a me he mea la, o ke kulana hana i hoikeia ma ka lolelo hooholo a Loio T. McCants Stewart oia ke alahele maikai loa.

            Ke manao nei makou, o ke kali a holo ka Bila Kanawai hoonoho kulana Aupuni a ke Komisina e waiho mai la i ka Ahaolelo Nui, oia ka wa maikai loa e hoohuihui ai i keia hana.  Ua lawa no ko kakou Ahaolelo Kuioko e hooponopono i keia mau hemahema apau.

 

HE OLELO HOOHOLO ANO NUI.

            Ma ka noho ana  o ka halawai mahina o ka Papa Loio o Honolulu nei, ma ka pule i hala, ua heluhelu mai o Loio T. McCants Stewart, he olelo hooholo ano nui loa imua o ua halwai la; a penei ke ano nui o ua olelo hooholola:

            “Oiai, ua pii mahuahua loa ka oihana kanawai o Honolulu nei, iloko o elima makahiki i kaahope ae nei, a ua hiki ole ke hoopau hikiwaweia e ka Aha Apana, a e ka Aha Kaapuni hoi, alike me ia e ku nei I keia wa, nolaila,

            “E Hooholoia:  Ma keia ke hoomanaia nei ka Peresidena ame ke Kakauolelo ame kekahi komite o elima lala e kohoia e ka Peresidena, a me keia e hoomanaia lakou, e hoomakaukau, a e waiho aku i Bila Kanawai i ka Ahaolelo o Amerika Huipuia, a i ole, i ka Ahaolelo o Hawaii, e hoomaopopo ana no ka hoomahuahua ana ae i ka heluna o na Lunakanawai maloko o keia Aha Apana ame ka Aha Kaapuni, a e hoonui aku ana i ka mana o ka Aha Apana ma na hihia Kivila, i mea e loaa ai i na poe mea hihia maia Aha, ka pomaikai o ka hookolokolo jure ana, a e hoomaopopo ana hoi i keia mau kumu alakai mahope ae nei, a i ole ia, i na kumu alakai e ae paha a ke komite i ike ai he pono:

            “Ka mua. @ Aha Hoo@a@@, me ka mana kookolokolo, ma na hihia Karaima wale no.

            Ka lua.  I Aha Apana, ma, ma na hihia Kivila wale no.

            Ke kolu.  I kau kuikawa (Mahele I) no ka Aha Kaapuni no ka hoolohe ana i na noi kumu (motions) ame na noi ex-parte apau o kela ame keia ano, a e malamaia kela kau i kela ame keia la, mai ka hora 10 a.m. aku, a ka hora 4 p.m.  Koe na la Sabati ame na la kiulaia ame na mahina o Iulai ame Augate.

            “Ka Ha.  Kau kuikawa (Mahele II) o ka Aha Kaapuni, no ka hooolhe ana i na hana hooponopono waiwai, ame na hana ma ke kaulike, ke oki mare ame na hihia e kapaeia ai ke jure, e noho ana ia kau i kela amekeia hapalua mahina, e hoomak ana ma ka Poakahi mua, mai ka hora 10 a.m. a i ka hora 4 p.m. koe na la Sabati ame na la kiulaia, ame na mahina o Iulai ame Augate;

            “Ka Lima.  Elua mau Kau Hookolokolo (Mahele I ame Mahele II) o ka Aha Kaapuni, no ka hookolokolo ana i na hihia jure, e noho ana keia mau kau i keia ame keia hapalua mahina, e hoomaka ana ma ka Poakahi mua, mai ka hora 10 a.m. aku, a i ka hora 4 p.m., koe na la Sabati ame na la kiulaia ame na mahina o Iulia ame Augate;

            “Ka eono.  E hoike ana hoi, ua Bila Kanawai la, ma na mahina o Iune ame Feberuari e hoike mai ia na Lunakanawai Kaapuni i na Lunakanawai Peresidena no ua mau kau hookolokolo la, a ma ka wa e kuikahi like ole ai laua, alaila, na ka Aha Kiekie e hoike mai i na inoa, mamuli o ke noi ana aku a kekahi Lunakanawai Kaapuni;

            Ka hiku.  O na hihia apau e hooloheia an ae ka Aha, aia no ia mamuli o ka papa hihia, e hoomakaukauia ana e ka Kakau@lelo o ka Aha, a e hoopaaia ana na hana apau maluna o na papa hihia, elike me ka wa i hookomoia aku ai ka hihia e hooloheia hoi lakou elike me ka  helu i hoonohonolioia ai lakou, me ka hoopilimeaai ole (without preference) koe nae na hana hooponopono waiwai, a oia hoi na hana i hoikeia mai he mea pono ke loaa koke ka hooholo hikiwawe ana a ka Aha, i ole ai e poino, e pono wale, a kakae wale ia hoi ka pono io maoli.

            :Ka ewalu.  A eia hou, e paa mau ona papa hoike hihia i na la apua, a maloko o laila e kakauia ai na hihia elike ka nui me ka mea a ka Lunakanawai peresidena i manao ai he pono, a e heluheluia na papa hihia la i keia ame keia la, ma ka weheia ana o ka Aha.”

 

E HULIIA ANA KA OIAIO.

            Ma ka noho ana o ka Papa Ola ma ka Poakolu nei, ua hoohoio ia Papa e huli hou ia ka mea e pili ana i ka make ana o kela wahine o Ane, ke kumu i ahewa ai ke Kiure Koronero i ke Kauka o ka Hale Haawi Laau o ke Aupuni.  Ua Hooholoia ma keia Poakolu ae e noho hou ai ka Papa, a nana hou i na olelo hoike. Ua aeia ka Ilamuku ame Dr. Howard e lawe mai i mau olelo hoike hou.

 

HOOKUUIA NA PAAHANA GALICIAN MAILOKO MAI O KA HALE PAAHAO O KAWA

            Ma ka Poaono o kela pule aku nei I hookuuia ai na haole Galician he kanakolukumamaono ko lakou nui mailoko mai o ka hale paahao o Kawa ae mei, kahi o lakou i hoopaaia ai no ka hewa hoole hana, ma ka mahiko o Oahu ae nei, kahi o lakou i hoohanaia ai.  Ua hoopau ia ko lakou mau aelike.

 

RUMATIKA

            He ma’i ia iloko o ke  koko.  E loaa ana no paha ka oluolu ma ka hamo ana i na laau mawaho iho, aka, o ke ola maoli ana o ka ma’i, he mea pono ke lawelaweia ma o ke koko la.

            O ka Locomotor Ataxiz, he ma’i ia o na aa0lolo.  O ke kulana hoola maikai loa no keia ano ma’i, oia ka laau e hiki ana e hoihoi hou mai i ka ikaika o na aa-lolo.  A o keia laau, oia no na Huaale Akala a Dr. Williams no na Kanaka Nananakea.  He mau Huaale keia i kupono no ka Rumatika, Locomotor Ataxia, Paralysis, ame na ma’i e ae o ke koko ame na aa-lolo.  Ma keia ano iho la i hiki ai i keia mau Huaale ke hoola i na ma’i kulana like ole.

            Penei ka olelo a Frank Long e noho ana ma kahi kokoke i Lemon, Mich.: “Loaa mua au i ka eha ma kuu kua.  Olelo ke kauka, o ke ano o ko’u ma’i he rumatika iloko o ka i’o, a i akaliia hoi e ka lumbago.. Ua ikaika loa mai la ka pii ana mai o keia ma’i, a manao iho la au, e aho ko’u make ana.

            “Mahope nae, ua konoia au e ai i na Huaale Akala a Dr. Williams no na Kanaka Nananakea.  Mamua o ka pau ana o na Huaale o ke poho mua ia’u, ua hiki ia’u ke hele ma o a maanei o ka hale, a mahope iho hoi o ka pau ana o na Huaale o na poho elima i ka ai ia e a’u, ua ola loa au.  Mai ia manawa mai aole au i ike hou i ka hoi hou ana mai o na eha rumatika.  Ua maopopo loa ia’u, i pakele ko’u ola i na Huaale Akala a Dr. Williams.

                        FRANK LONG.

                        Hoohikiia imua o’u ma Venice, Mich., I keia la 15, o Aperila, 1898

                        G. B. GOLDSMITH, Lunakanawai Hoomalu.

 

            Olelo o Edwin r. Tripp, ka Luna Leta nui o Middlefield Centre, N. Y.:

            “Ua loohia au i ka ma’i, a’u i hoomaopopo ai i kona inoa mahope mai, na ke ano he locomotor ataxia.  Ua hoao elua kauka akamai maluna o’u elike me ka hiki ia laua, aole wahi mea a oluolu.  Ua oi loa aku la ko’u pilikia.  Aole o’u manao iki, e loihi aku ana ko’u mau la e ola ai.

            “Aka, ua loli ae ia nae ke au o ka manawa, a mamuli keia o kekahi mea i puka maloko o ka nupepa.  E hoike ana keia mano i ke ola ana o kekahi kanaka, i like loa kona ma’i me ko’u i na Huaale Akala a Dr. Williams no na Kanaka Nananakea.  Ua ai iho la au i na Huaale o na poho elua; alaila, na huaale o na poho hou eha.  Ke ike la au i ka mahuahua mai o ko’u maikai; a ua hauoli au i ko’u ike ana i ko’u ola ana.  He umikumamawalu ka nui o na poho huaale i pau ia’u i ka ai ia, mamua ae o ko’u ola loa ana.  Ua loaa ia’u ke ola no ko’u ai ana i na Huaale Akala a Dr. Williams no na Kanaka Nananakea.”

                        Kakauinoaia a hoohikiia imua o’u,

                        HOMER HANNA,  Notare no ka lehulehu

            Aia ka inoa piha ma kela ame keia ope.  E kuaiia ana e na poe kuai laau apau, a i ole, e hoounaia aku no ma ke eke leta e Dr. Williams Medicine Co. Schenectady, N. Y., ke loaa maike kumukuai.  Kumukuai, he 50 keneta no ke poho, a he 6 poho no $2.50.

 

HALAWAI A NA KAUKA O HONOLULU NEI

            Ma ke ahiahi o kela Poaono aku nei, i malamaia ai ka halawai mahina a na Kauka o Honolulu nei, a ma ia halawai ana i heluheluia ia he kumumanao e Dr. Day, no ka mea e pili ana i ka ma’i luku bubonika.  Ua olelo oia o ka o ia na o ke kanaka i loohia i keia ma’i me kekahi palahehe, elike la no me  ka o maoli ana, oia kekahi mea e loaa ai ka palekana i ka mea i loohia i keia ma’i.

 

HE WAHI HUAOLELO I NA MAKUAHINE.

            Aole pono i na makuahine o na keiki i loaa i kunu kalea, a i ke anu nui hoi, ke hookaulua i ka haawi ana ia lakou i ka Laau Ola a Kamalena no ke Kunu.  Aole loaa he huna opiuma maloko o keia laau, aole nohoi he laau make e ae, a ua hiki loa kela laau ke haawi ia me ka maalahi i ka bebe, elike la me ka hiki e haawiia i ke kanaka makua.  Mamuli o ka hololea loa o kana hoola ana i ke anu ame ke Kunu Kalea, ua mahalo loa ia ia ma na wahi apau o Amerika Huipuia, a ma na aina nohoi he hui, ma naaina e.  E Kuaiia ana e na poe kuai laau apau.  O Benson Smith & Co., Kaupalenaia, na agena no ko Hawaii Pae Aina.

 

            He la heihei moku ka la 13 o keia mahina.

 

            Ma ka Poakahi nei i hoomakaia ai ke kapipiia ana o na alanui o Honolulu nei me ka wai kai.  Maikai kela!  Eliu ana.

 

            Ma ka Poakahi nei, Sepatemaba 4, i hoomaha ai ka Bana Aupuni, a e hoomaka hou ana ka lakou hana ana ma ka la 2 o Okatoba ae nei.

 

            Ke hoomaka nei na Iudaio o Honolulu nei i ka malama ana i na anaina hoomana pili Iudaio.  Ma ke ahiahi Poakahi nei i ulele mua ai ka lakou hana, a pela no ma ka Poalua mai.

 

            Ua haawi makana ae o Mrs. Fannie M. Irwin no ka pomaikai o ka Hui Manawalea Beritania he $500 mamua o kona hala ana aku la no Kapalakiko.

 

            Ma ka auina la Poalua nei i piholo ai kekahi keiki Pake nona na makahiki he 5 iloko o ka wai ma Pawaa ae nei.  E paani ana ua keiki Pake nei me na ka-ka, a piholo ai.

 

            Ua Hoopuka ae nei ka nupepa “Advertiser” o ka Poaha nei i na holo ame na kokuna ame na palena o na Aina Lei Alii o Kahauiki ame kahi i ikeia o Leilehua, i laweia e ke Aupuni o Amerika Huipuia.

 

            Ua loaa mai ka lono, e lilo ana ka papa Pa’i Press i kekahi hui hoolaha nupepa hou.  O na inoa i lohe wale ia o keia hui hou, oia o Tom May, B. F. Dillingham, W. G. Irwin, F. A. Schaefer, T. R Walker, M. P. Robinson, J. F. Hackfeld ame T. G.Thrum.

 

            Eia no kekahi poe o kakou nei ke noke nei no i ka hoopaapaa no ka inoa “Pauahi” i heaia ai ma Alanui Kamika.  Olelo kekahi poe, mamuli o ka pauahi nui ana ma ia wahi, i heaia ai o Alanui Pauahi;  a olelo hoi kekahi poe, he inoa keia i hea ia mamuli o ke Alii Pauahi i make.

 

KA LIONA O KA AKAU.

(Mai ka aoao 4 mai)

lakou mau hoaloha, ame na koa Imeperiela.  Ua lanakila no keia poe koa Suedena ma na wahi apau, koe o Westphalia ame Sakoni lalo, kahi i paa ia ai e Kenerala Papenaheima, ma ka aoao Imeperiela, a o ka mea hoi e kue ana ia Kenerala Bandissen, ka alihikaua malalo o Gustavus.  Oiai hoi i loaa ai he ikaika kaohi a hookaulua ia Wallenstein, no ka hiki ana ia Gustavus ke nee holomua hou aku me ka hikiwawe, aole nae i loaa i na Kenerala Imeperiela la he lanakila ana maluna o Gustavus, aole hoi he kulanakauhale i liko i na koa Suedena i hoi hou aku i ua Kenerala la.

            I keia wa, aia no o Gustavus ma Bavaria, ma kahi kokoke i Munich, a e paa ana nohoi kona mau pualikoa i na kulanakauhale o Ulm, Nordlingen ame Denauworth.

            Ua ike o Wallenstein, aole hiki ia Gustavus ke hookuene loihi loa i ka pualikaua nui ana e alakai ana, a e hoomoana ana hoi ma Windsheim.  A o kekahi, ua hoomaopopo no ia, o ka lehulehu loa o na wahi o ka aina e pono ai ia Gustavus ke haawi i na hoomalu ana, oia kekahi mea e wawahi a e hoonahahaia ai kona pualikoa, a he mea pono iaia (Wallenstein) ke kali malie a hiki i ka wa a Gustavus e wawahi ai i kona pualikoa, a o kona wa ia e lele kaua ai ma Geremania Akua;  nolaila, o kekahi hana maikai ana i manao ai, oia kona hoao ana e hooweliweli aku ia Gustavus, a malia e haalele iho oia ia Bavaria.  Aole hiki iaia ke lele kaua aku maluna o Gustavus i keia wa, oiai, ua hoouna aku oia he 4000 poe koa e hoouipui ia Holk, ka mea ana i hoouna pu ai me na koa he 10,000 e hoopio ia Dresden.  O na koa Bavaria hoi he 13,000, malalo o Maximilian, ua kaawale aku ia poe mai iaia aku, a ua koe iho he 17,000 wale no ka nui o na koa me Gustavus ma Windsheim.

            O Gustavue hoi, oiai ia e hookaulua ana ma Windsheim, ua makamake ia e hooko aku i na mea i hoolalaia e ia, oia koi kona nee ana aku i Ingolstadt, a lawe pio mai ia wahi, alaila komo loa aku i Auseturia Luna.  Aka, mamuli nae o kona hopohopo o  lilo kona kaawale ana aku i kahi a i mea no Wallenstein e kaawale ai mai iaia aku, a lele kaua ae hoi oia ma na papu ma Franconia i lilo pio mai ai iaia (Gustavus), nolaila, hoouna aku la ia i ka hapalua o kona mau koa malalo o Duke Bernhard, no ke akeakea ana i ka a’e ana mai o Wallenstein me kona mau koa ma keia aoao o ka muliwai Rine.  Ina e hololea ana keia hoonee ana, alaila, e komo ana ia i Viena, a malaila oia e hana aelike ai me ka emepera.

            Ma ka la 12 o Okatoba, hoea aku la ia i Neuberg, ma ka muliwai Danuba, a malaila oia i hoomoana ai me ke kali ana o ka hoea mai o ke kaa lawe mea kaua mai Donuworth mai.  A oiai ia e hoomakaukau ana me ka ikaika no na mea e pono ai kana huakai hele no ke kulanakauhale o Viena, aia hoi, loaa mai la iaia kekahi kauoha ikaika loa mai Sakoni mai.  O ka lono i loaa mai iaia, ua hoea ae la o Wallenstein maloko oia mahele aina, a aia oia ke koi la i ke alii oia wahi e haalele oia i kona kokua ana i ka aoao o na Hoolepope, a e huli oia e kakaoo i na Katolika.

            I ka loaa ana mai o keia kauoha ia Gustavus, ua haalele koke iho la ia ia Neugerg, a ae aku la ma kela aoao o ka muliwaiDanube, a ma ia wa nohoi ua nee aku la o Wallenstein i Schweinfurt, a nee aku la ia i Colberg, a lawe pio ae la ia wahi, koe nae kekahi halekakela i noho ia ai e kekahi alliikoa Sekotia me kona poe koa.  Ua hoao o Wallenstein e lawe;io i keia wahi aole nae he lilo iki oiai ua ikaika loa ka paio ana a na koa Sekotia o loko o ua hale-kakela la.  Ia wa i loaa aku ai ka lohe i ua Kenerala Imeperiela nei, no ka nee ana aku o Duke Bernhard me kona mau koa, he 20 wale no mile i koe a hoea aku oia ilaila, nolaila, haalele iho la ua Wallenstein nei ia wahi, a nee aku la ia i Merseburg, a malaila i hui mai ai me ia na koa malalo a Papenaheima.  Ua loaa ae la iaia he pualikaua nui kupono e hiki ai iaia ke lawe pio i ka aina holookoa o Sakoni.

            Ua koi ikaika loa ia i ke Alii o keia wahi e haalele oia i ke kokua ana ia Gustavus, a ua kokuaia hoi keia mau koi ana a ua Alihikaua Imperiela nei e Ilamuku Von Arnheim, ke kuhikuhi puuone i hilinai nui ia e ua Alii nei o Sakoni, a he hoaloha nohoi ia no na Imeperiela.

            Nolaila, mamuli o keia kulana, aole hiki ia Gustavus ke hoomau aku i kona nee ana no Viena elike me kana i manao mua ai; aka, ua hooholo iho la ia e pelu hou ia i hope no ke kokua ana i ke alii Gustavus.                 (Aole i pau)

            E nana ae i ka hoolaha a George Carter ma ko makou pepa o keia la, ma ka mea e pili ana i ka waiwai o Edward Dowsett i make.

 

            Mamuli o ka holomua loa o na hoola ana a ka Laau Ola a Kamalena no ke Nahu, Kolera ame ka Hi, i na ma’i o ka opu, ua lilo ia i laau laulaha akea loa mawaena o ka hapa nui o na lahui naauao.  E kuaiia ana e na poe kuai laau apau.  O Bensen Smith & Co., Kaupalenaia, na agena no ko Hawaii Pae Aina.

            Imua o ka Aha Apana o Honolulu nei, ma ka Poakolu nei I hoopaiia a o George Houghtailing no ke kuai waiona me ka laikini ole.  He $100 ka hoa pai.  Ua hoohalahala kona loio imua @ ka Aha Kaapuni o Novemaba ae @@.

 

            O na meeau he mau mea hoopioao @ na keiki liilii a I ka poe nunui pu @@ hoi kekahi.  O ka aila hamo a @@@@  aole loa ia e pahua.  He hoopakeie p@kole a he hoola hikiwawe.  E loaa ua ma na halekuai laau apau no ke @@ keneta.

 

HOOLAHA KUMAU.

KA AYER LAAU KUNU

            No ke Anu, kunu, Ma’i ma ka Pua Puu Eha, anu ame ka Ma’i Ai Ake hoe@naka hou.  Aohe lua e loaa ai ka Laau Kunu a Ayer.  O keia ka laau kunu kaulana loa i ikeia ka hololea e na lapaau ana maloko o ka Oihana Lapaau, a ua apono loa na Kauka lapaau ma kela ame keia wahi.  E hoomahani ana ia i ka aai ana i ka pale lahilahi i pili aku ai ka ma’i. wawahi i ka ma@@ paakiki e kunukunu a e maneo ai ka puu. Hoopau i ke kunu ana, a loaa hoi ka oluolu.  Ma ke ano laau pale pilikia kokoke loa noioko o ka ohana o ka AYER LAAU KUNU ka helu ekahi.  Aohe lua o keia laau no ka hoola ana i ke Kunu Ho, Kunu Kalea, Puu Eha, ame na ma’i apau o ke Ake-mama i loohia mau ai ka poe opiopio.  Aohe ohana i palekana, ke ole e loaa ia la kou.

 

KA AYER LAAU KUNU

-- OIA  HOI  --

KA AYER CHERRY PECTORAL,

I homakaukauia e

DR. J. C. AYER & CO.,

Lowell , Mass., U. S. A.

            E makaala loa no na laau hoohalikelike kumukuai emi.  Ka inoa o ke@a laau, oia ka AYER CHERRY PECTORAL.  E ikeia ana keia inoa mawaho o ka wa-hi, a maloko nohoi o ke kino o kela ame keia omole.

 

            Ke pookela o na laau no ka malama ana, ka hooulu ana me ka hoonani ana i ka lauoho, aia ka

 

AYER LAAU HOOULU LAUOHO

            Aole e kepia ke poo, ola na ma’i puupuu, aole hoi helelei ka lauoho.  I@@ maloohaha mai ka lauoho. hinaw@ nawe a ano hina mai, alaila, na keia laau e hoi’ho’i hou ae a kona ano mua a hooulu lupalupa ae la i ka lauhoa Ma na wahi apau, o keia Laau Hooul@ Lauoho a Ayer ke pookela, a ua lilo ia i punahele a i hoapili no na le@@ ame na keonimana.

 

 

AYER’S HAIR VIGOR

I homakaukauia e

Dr. J. C. AYER, Lowell, Mass., U. S. A.

Na Medala Gula mai na Hoikeike Nai o ke Ae

 

 

HOLLISTER DRUG CO. LT.

Na Agena ma ka Paeaina Hawaii.

 

 

KAKELA ME KUKE

(Kaupalenaia.)

 

 

Poe Kalepa ma ke Komisina,

A He

Poe Lawelawe Kopaa.

Agena.  2736-t

 

 

METROPOLITAN MEAT CO

(Hui Kuai Pipi I @@@ropolitan.)

 

G. J. WALLER, (Waia) – Luna Nui

108 Alanui Moi

 

 

Poe Kuai a Hoolako i na Moku

Me

Na Io Pipi, Hipa a pela’ku.

E loaa mau ana na Manu ame na kemano i hoohu’ihu;’iia @oko o ka Hau.

Makepono ke Kuai i na i’o Pipi maanei

TELEPONA HELU         @