Ka Nupepa Kuokoa, Volume XXXVIII, Number 35, 1 September 1899 — Page 4
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
==========
Poaono, Sepatemaba 16, 1899, he La Kiulaia Aupuni ia, e paniia ana na Keena Aupuni apau a puni ka Pae Aina ma la la.
J.A. KING, Kuhina Kalaiaina
Keena Kalaiaina, Aug. 30, 1899 2770-3t
------------------
MA KA HANA O KA HOOPAU ANA I KA HUELO SUGAR MILL COMPANY, LIMITED
----------
I ka poe apau e ike mai ana i keia; Owau o James A. King, Kuhina Kalaiaina o ka Repubalika o Hawaii, Aloha:
Oiai, ma ka la 17 o Iune, A.D. 1899, na waiho ae ka “huelo Sugar Mill Company, Limited,” he Hui i hoouiia e ku ana malalo o na kanawai o ko Hawaii Pae Aina, he noi i ke Kuhina Kalaiaina, me kekahi palapala hooia e hoike ana ua kaheaia he halawai no kona poe paa mahele kuleana, a ua hooholoia, ma o ke koho kokahi ana o na poe paa mahele kuleana apau e hoopau a e wehe i ka nohona hui o ua Hui nei i Hoohuila; a ua kakauinoa hoi ua palapala hooia la e Chu Jem, ka Peresidena, ame C. Ming Hyum, Kakauoleio, ka luna peresidena a kakauolelo o ua halawai la, a ua waihoia mai hoi ua noi la ame ka palapaia hooia ma ke keena o ke Kuhina Kalaiaina i mea hoike; a
Oiai, mahope aku o ia wa, ua hoolhala ma na Olelo Hawaii ame Enelani, no na la he kanaono, maloko o ka “nupepa Kuokoa,” ame ka Hawaiian Gazette, puka hapaiua hebedoma, i hoolahaia ma ke Kulanakauhale o Honolulu, oia hoi, ma na la 23 ame 30 o Iune, la 7, 14, 21, ame 18 o Iulai, ame ka la 4, 11 ame 18 o Augate, 1899, maloko o ka “nupepe Kuoko,” a ma ka la 20 me 27 o Iune, la 5, 11, 18 ame 25 o Iulai, ame ka la 1, 8 ame 15 o Augate, maloko o ka Hawaiian Gazette, a o na afidevita no la mau hoolaha ana, ua waihoia mai ma keia keena, a ua hoopili pu ia ia ka palapala kumu o ke noi ame ka palapla hooia; a
Oiai hoi, ua maopopo ia’u o ke koho ana ma ia mea elike me ia i hooiaia mai, ua koho io ia no, a ua maopopo hoi ia’u, ua uku ia na koi apau maluna o Huelo Sugar Mill Company, Limited, a ua hookuuia hoi.
A molaila, e ike auanei oukou apau, no na kumu i hoikeia ae la, a, aole hoi i ikeia kekahi kumu kue, ma keia ke kukala aku nei au, ua hoopauia ka Huelo Sugar Mill Company, Limited, a ma keia, ua aeia ka haawiia ana mai o ka Aelike Hoohui i waihoia mai ai ma Novemaba 18, 1898, ma ka aoao o ke Aupuni o Hawaii.
Haawiia malalo o kuu lima ame ke Sila o ka Oihana Kalaiaina, ma keia la 25 o Augate, A.D. 1899.
(Sila) J.A. KING,
(Keena Kalaiaina) Kuhina Kalaiaina 2770-3t
---------------
I keia la, ua hookohuia aku o David Center, Esq., i hoa no ka Poapa Alanui no ka Mokupuni o Molokai, ma kahi o Geo. Trimble i waiho mai.
J.A. KING, Kuhina Kalaiaina
Keena Kalaiaina, Aug. 21, 1899 2769-3t
------------------------
I keia la i hookohuia aku ai o A.F. Tavares, Esq., i Komisina Aia Liilii me Pono Wai no ka Apana o Makawao Mokupuni o Maui, ma kahi o James Anderson i waiho mai.
J.A. KING, Kuhina Kalaiaina
Keena Kalaiaina, Iulai 17, 1899 2768-3t
--------------
I keia la i hookohuia aku ai o A.F. Tavares, Esq.,i Notare no ka Lehulehu, no ka Apana Hookolokolo Kaapuni Elua o ko Hawaii Pae Aina.
J.A. KING, Kuhina Kalaiaina
Keena Kalaiaina, Iulai 26, 1899 2768-3t
----------
HOOLAHA AINA AUPUNI, OLAA, PUNA, HAWAII
------------
Ma ka Poaono, Sepatemaba 2, ma ka hora 10 A.M., ma ka Hale Hookoiokolo, Hilo, Hawaii, e kuaiia aku ai ma ke Kudala Akea, malalo o na kumu aelike, no na hale noho ame ka hoomaemae ana, a he oluolu hoi ka hookaa ana iloko o ka manawa o umi kakahiki.
Anaeane 360 mau Apana, he 50 eka no ka Apana hookahi, ma ka Apana Aina Hou o Olaa, i ana ia iho nei.
Ua hiki no i ka mea e lilo ai kekahi apana ke koho no ka apana elua e pili pu ana me ka apana mua, koe nae ma na apana ma ke alanui nui.
O ka mea e kuai ana i apana ma ke alanui nui,ua hiki no ke koho i apana kaawale aku, mai ke alanui aku.
E kualia aku ana na Apana no ke kumukuai oi aku maluna o $1.00 ame $2.00 no ka eka, elike me ke ano o ka aina ame kahi i waiho ai.
O na hookaa piha no na kumu aelike apau no ke kuai ana, e loaa no ma ke noi kino ana ae, a ma ka palapala paha i ke Keena Aina Aupuni, a i ole, i kekahi Keena Aina ma ia wahi.
J.F. BROWN, Agena o na Aina Aupuni
Iulai 3, 1899
----------------
O ke kuai maluna ae, ma keia ua hoopaneeia a ka Poaono, Novembaba 4, 1899, ma ia wahi, a ma ia manawa hookahi no.
Ma ke kauoha a na Komisina o na Aina Aupuni.
E.S.BOYD,
Augate 26, 1899 Kakauolelo 2770-9t
----------
HOOLAHA AINA AUPUNI
------------
Ma ka Poakahi, Sepatemaba 25, 1899, ma ka hora 12 awakea, ma ke alo iho o ka Hale Hookolokolo, e kuai ia aku ai ma ke Kudala Akea, ka hoolimalima o 58 44-100 Eka ma Wailua-Nui, Koolau Maui, he 45 Eda oia wahi, he aina waiwai nui no ke kanu raiki.
Uku hoolimalima oi aku maluna o $675.00 no ka makahiki, e hookaa mua ia ana ma kela ame keia hapalua makahiki.
E paa ana maloko o ka palapala hoolimalima, e aeia no ka mea e noho nei malaila e ooki i kana mea ulu maluna o ka aina i keia wa, mamuli hoi o kona uku ana he uku hoolimalima no ka eka hookahi i ka mea i lilo aku ai ka hoolimalima, ma ka uku hoolimalima hoi i hoikeia ma ka hoolimalima hou.
No ke kii, a no na mea aku paha i koe, e ninau ma ke Keena Aina Aupuni, Honolulu, a i ole, ma ke Keena Oihana o W.O. Aiken, Paia.
Hanaia Augate 14, 1899
J.F.BROWN, Agena o na Aina Aupuni
2768-3t
-----------
HOOLAHA HUI I HOOHUIIA
-------------
Ma ka Hana Hoopau i ka Hui Kope o Kanekoa, i kaupalenaia.
Oiai ua waiho mai ka Hui Kope o Kanekoa, i kaupalenaia, he Hui Kope o Kanekoa, i kaupalenaia, he Hui i Hoohuiia, kukuluia a e ku ana malolo, a ma o ka mana la o na Kanawai o Ko Hawaii Pae Aina, elike me ke Kanawai no ia hana, ma ke Keena o ke Kuhina Kalaiaina, he noi no ka hoopau ana i ua Hui la, me ka palapala hooia i hoopili pu ia me ia mea, elike me ke Kanawai.
Nolaila, ke hoolahaia aku nei ma keia, i ka mea ame ka poe apau i loaa na kuleana ma kekahi ano iloko o ua Hui la i Hoohuiia, e pono e waiho mai i na kue no ka aeia ana o ua noi la, @a ke Keena o ke Kuhina Kalaiaina, ma ka Poalua, a mamua ae paha, oia ka la 26 o Sepatemaba, 1899, a o kela ame keia mea e makemake ana e loheia kona manao ma keia mea, e pono e hiki kino mai ma ke Keena Oihana o ka mea nona ka inoa malalo Iho nei, ma ka Hale Oihana Hooko, Honolulu, ma ka hora 10 a.m. o ua la ‘la, e hoike mai i kumu, nokeaha la e ae ole ia ai ua noi la.
J.A.KING
Kuhina Kalaiaina
Keena Kalaiaina, Iulai 19, 1899.
2764-9t
=====
HOIKE HUI NUI
-----
E malamaia ana ka Hoike Hui Nui o na Kula Sabati o Hawaii Komohana ma ka luakini o Pukaana, Hookena, S.Kona, Hawaii, ke hiki aku i ka hora 10 A.M. o ke Sabati, la 17 o Sepatemaba e hiki mai ana. A ua hai mua ia aku hoi na Haawina ame na Himeni Hui ma ka Helu 32 o Ke Kilohana Pookela o ka Lahui Hawaii. E ala! E ala!! E na Kula Sabati o Hawaii Komohana i Kalaimalino a Ehu, a e hapai ae i ke Kea Hoola o ko kakou Haku Aloha i mau ka hanohano maluna o ko kakou aina aloha, a kau mai hoi k lei mae ole no ka Edena e mau loa ana.
Me ka mahalo,
DAVID ALAWA,
Holualoa, N. Kona, Hawaii, Augate
-----------
KA HUI O NA POE MAHIAI
----------
Ma ka auina la o ka Poalua nei, hora 3 paha ia, i noho ai he halawai na kekahi poe ilikeokeo o loko nei o ke kulanakauhale, maloko o ka halekula Olelo Enelani ma Kaakopua ae nei, oia hoi ka hale o Keelikolani, no ka noonoo ana no ke kupono a kupono ole hoi o ka hoala ana ae i ahahui no ka hoohoihoi ana i ka oihana mahiai. Mahope iho o na kukakuka ana o na poe i akoakoa ae malaila, ua kohoia o Sedywick, Davis ame Herbert i Komite no ka hookumu ana i ka Ahahui. O ka inoa i hooholoia no keia Ahahui, oia no Ka Hui a na Poe Mahiai. Aia ma ka wa e kahea hou ia aku ai e ke Komite, e noho hou ai ka halawai.
Ka Liona o ka Akau
------
He Mooolelo no ke Au Manawa
-0-
Gustavus Adolphus
----
Kakauia e G.A. Henty a unuhiia e kekahi me a unuhi mooleloo ke Kuokoa.
MOKUNA XIII
-----
Ma ka hui hou ana o Makamu me kona pualikoa, ua nui loa ka hauli o kona poe koa. A ma ka wa i halawai pu ai oia me Nikela Gerema, ua pane mai la kona alii iaia, penei:
“Aole loa e lele hou ana ko’u oili nou, e Makamu, ke lohe au ma keia hope aku, ua nalowale oe mai loko aku nei o ka pualikoa. O ka ekolu iho la paha keia o na manawa, a i ole, o ka eha paha o na manawa a’u i manao ai, ua make oe, eia nae, elike me ka hana a ke Akua lapu, ku ana no oe me he mea la mailoko mai oe o ka luakupapau. Nolaila, o kou nalowale ana mailoko aku nei o ka pualikoa ma keia mua aku, e nana aku ana au ia nalowale ana ou ma ke ano he hana hoomah ia nau no kekahi manawa mai kou puali aku, a e hiki mai ana no ka manawa e hoea hou mai ai oe iloko o kou mahele koa, me ka palekana ame ka maikai. He oiaio, ua paa na makia ana a ke au o ka manawa no ka mea o kaua e waiho ana na iwi i Geremania nei, aka, aole nae o kou mau iwi ke waiho ana i keia aina malihini a kaua i hele mai nei. O ka mea i maopopo ia’u, owau o kaua ke haule e iho ana ma na lepo o Geremania nei. Ma ka’u hoomaopopo, eia oe ke kialia nei e kekahi akua wahine kupua i makahehi ia oe.”
“Aka,” wahi a Konela Munero i pane mai ai me ka hoomakeaka ia Gerema, me ka olelo ana mai, “He mea pono loa nae o Lutanela Makamu e makaalaloa ma keia hope aku, i ole ai ia e hihia i ka palekoko o na wahine. Me he mea la, aia malaiia ko ia nei wahi e pilikia ai. Ina oia nei e hiamoe hou ana me ka noonoo ole, alaila, pau ana na owili lauoho oia nei i ka akoia e kekahi Delila, elike la me ka akoia ana o na owili lauoho o Samekona.”
Ua hu ae la hoi ka lakou nei aka no keia mau olelo hoomakeaka a Konela Munero i hoopuka mai ai.
Ua ninau aku la hoi o Makamu ia Konela Munero no ke kulana hoonee kaua o na aoao elua ia wa, a ua hoakaka mai la o Konela Munero iaia penei:
“He kulana ikaika loa ko Makimiliana, a ua hoomalu maikai ia hoi kona kulana e na pu o Ingolstadt. Aole hoi o kona pualikoa wale no ke ku nei ma ke ano akeakea mai ia kakou mai ko kakou hoea ana aku i Viena; aka, mahope iho o ka make ana aku o Kenerala Tile, ua ala mai la kekahi alihikaua kaulana loa o Europa nei, nona ka inoa o Wallenstein. O keia ke kanaka e ku kanalua iki nei ko kakou nee ana aku imua.
Ma keia noho ana o na koa ma Munoch, ua noho iho la na koa Sekotia maloko o ka halealii i kapaia ka “Electoral Palace.” Ua hoonohoia o Sir John Hepburn i Kiaaina oihana koa no Munich. No ekolu pule okoa i noho ai na koa o Gustavus ma Munich me ke kali ana o ka ike aku i ke alahele hoonee kaua a Wallenstein e hoolale mai ai. Ua komo aku la o Wallenstein me kona mau koa i Bohemia, a kiehu aku ia mailoko aku oia wahi ia Arenaheima ame na koa Sakona, a hoohui aku la i kona mau koa me na koa Imeperiela i hoopuehuia aku ai ma ka hoouka kaua ana ma ke kulanakauhale a Lech; a mahope iho o kona hoonoho ana i kekahi pualikoa ikaika no ke kiai ana ia Bohemia ma Ratisbon, ua hele loa mai la ia me 60,000 koa.
O kana hana i hana ai, oia kona nee ana ma kekahi wahi e kupono ana mawaena o kahi a Gustavus e hoomoana ana ame Geremania Akau, a o ua wahi la ana i manao ai, malaila ia e oioina iho ai, oia no ke kulanakauhale o Nuremberg.
I ka ike ana o Gustavus o ke alahele keia a ua Kenerala Imperiela la i manao ai e hana, ua haalele koke iho la ia me ka awiwi nui ia Munich, a holo mai la ia e kokua i ke kulanakauhale nana ia i hookipa me ka maikai.
Ma keia nee ana o ua Liona nei o ka Akau, he 17,000 wale no ka nui o kona poe koa, oiai ua hala aku kekahi poe koa ona malao o Ilamuku Horn no Palatinate Lalo. Me keia mau wahi koa kakaikahi i hele aku ai ua Liona nei o ka Akau e halawai me Wallenstein me kona mau koa he 60,000, Ma ia wa hookahi nohoi, ua hoouna aku la oia i na kauoha no na koa malalo o Kenerala Banner, Keikialii Wiliama o Weimar, ame Kenerala Ruthven, e huipu mai me ia ma Nuremberg, ina e hiki ana.
Me ka awiwi nui o keia hele-ana o ua Lionia nei o ka Akau me kona poe koa, ua hoea e aku la ia i ke kulanakauhale o Nuremberg, a hoopono pono koke iho la i kona kulana. Ua hoomoana iho la ia mamua ponoi o ke kulanakauhale, a ua lilo hoi ke kulanakauhale i mea holako mai iaia ame kona mau koa i ka ai ame ka i’a.
Ua eli iho la ia a puni ke kulanakau hale i kekahi auwaha eli, aneane 300 iwilei ka mamao mai ke kulanakauhale mai. O ke akea o ua auwaha la, he umikumamalua kapuai, a he ewalu kapuai ka hohonu; a ma kahi i manaoia ai, oia kahi i ikaika loa ai ka na enemi lele kaua ana mai, ua hanaia ae la ke akea o ka auwaha a he 18 kapuai ka hohonu; a ma kahi i manaoia ai, oia kahi i ikaika loa ai ka na enemi lele kaua ana mai, ua hanaia ae la ke akea o ka auwaha eli, kukulu ae la ia he ewalu mau papu nunui, a hoohuiia ae la lakou e na auoio hale lepo i hanaia a paa loa.
Maluna iho o ua mau papu la, he 300 ka nui o na pukuniahi i loaa mai ke kulanakauhale mai o Nuremberg.
Ma ka la 19 o Iune i hoea ai o Gustavus me kona poe koa i keia wahi, a ma ka la 30 iho, hoea mai la o Wallenstein ame Maximilian o Bavaria, me ka manao e lele kaua koke maluna o Nuremberg. Aka i kona ike ana mai i ka pualikaua o Gustavus ame na mea i hanaia, ua kuha’u iho la kona manao hoolale kaua. A hooholo iho la ia, e lawe pio oia i ke kulanakauhale ma ke paniku ana i na wahi apau e loaa ai ia lakou ka ai.
Hoomoana iho la ua Kenerala Imeperiela nei ma kahi he ekolu mile ka mamao mai ke kulanakauhale aku, a mailaila oia i h ana iho ai i kon kulana pale kaua. He wahi puu keia i ulu paa pu ia e ka ululaau. Ua eliia he auwaha a puni keia wahi puu, a ua hoonohoia na mea akeakea ikaika apau a puni keia auwaha. A maloko aku o keia auwaha i hoonoho iho ai oia i kona poe koa ma na mahele ewalu, aneane 7,000 koa no ka mahele hookahi, a he elua hoi mau pualikaua nui ona i hoonohoia aku ma Bamberg ame Palatinate Luna no ke pale a kue ana aku hoi i na koa e hele mai ana e kokua ia Nuremberg, a o na koa Koratia hoi keia, maluna o na lio a helewawae nohoi, ua lilo ae la lakou i poe kiai e holo papa ana ma na aina mawaho. O keia iho la ke kulana i paniku ai ua Kenerala Imeperiela nei i ke kulanakauhale o Nuremberg.
MOKUNA XVI
Ua lilo9 na la i panikuia ai ke kulanakauhale o Nuremberg e Wallenstein i mau la palaualelo no na koa o Gustavus.
A ma keia wa noho hana ole o na koa Sekotia me Denemaka, hookahi hana nui a ka hapa nui loa oia poe, o na hana uhaai wale ana, ua komo iho la o Makamu i ka oihana ao hana wati me kekahi o na kanaka akamai loa o ke kulanakauhale o Nuremberg. He ekolu mahina i noho ai na koa o na aoao elua me ka nana ana aku o kahi i kekahi, pela ka loihi o ko Makamu ao ana i ka oihna hana wati. Ua hoomaka mai la ka pilikia e ikeia iloko o ke kulanakauhale, mamuli o ka nele i ka ai ame na mea e ae e pono ai ke ola. Ua puka ae la ka ma’i fiva mawaena o na kanaka o ke kulanakauhale ame na koa. U ikeia ka pilikia o keia noho ana peia.
Ke kali aku nei o Gustavus o ka hoeu mai o Wallenstein i ke kaua, a ke kali mai la nohoi kela alihikaua o ko Gustavus lele kaua aku maluna ona.
Aia ka Liona o ka Akau ke hakilo makala loa la e ike aku i kekahi keehina hoonee kaua kuhihewa a kona enemi e hoonee mai ai; aka, aole oia i ike aku i kekahi hana oia ano, oiai he kanaka puniu laelae no o Wallenstin ma ia hana. He oialo na , e noke ana na Kenerala malalo iho o ua Wallenstein ne i ke koi iaia e lele kaua aku lakou maluna o na wahi koa kakaikahi o Gustavus, aka, aole nae ona hoolohe mai ia mau koi ana.
O ke kumu nui o ko Gustavus lele kaua ole ana aku maluna o Wallenstein, no kona ike ana i ka uuku haalele loa o kona mau wahi koa, ke hoohalikeia aku me 60,000 koa o kona hoa paio.
O ko Wallenstein kumu hoi i aa ole ai e lele kaua mai maluna o kona hoa hakaka, oia no kona ike ana he k ulana maikai loa ko Gustavus e noho ana ia manawa.
(Aole i pau.)
--------------------
HOIKE KEKAHI MAKUAHINE I KE ANO I PAKELE AI IAIA KE OLA O KANA KAIKAMAHINE
---------------------
Owai ka makuahine o ewalu keiki liilii, a ua hele au a kamaaina me nei me he laau lapaau. I kela kau makalii aku nei, loaa iho la kuu wahi kaikamahine uuku i kekahi ma’i hi o ke ano ino loa. Kuh au e make ana la ia. Noke nohoi au i ka hoao iaia i na ano laau lapaau apau a’u i hiki we ike, aohe nae hookahi laau i loaa ai he wahi pono iaia. Ike iho la nae au he hoolaha malorko o ka makou nupepa no ka Kamalena Laau no ke nahu kolera ame na hi, a he laau keia i mahalo nui ia, a nolaila, hoouna aku la au i hookahi omole. He oiaio, o kekahi keia o na laau Iapaau maikai loa, i loaa ia maua iloko o ko maua hale. Pakele he oia o kuu wah kaikamahine i keia laau. Makemake loa au e ike na makuahine apau no keia laau lapaau maikai loa. Aohe one lu. Ina mohoi pha i loaa mua ia’u keia laau, ina nohoi, aohe au e pihoiohi a hopohopo nui wale no ka’u keiki, a , aole nohoi ka’u keiki e komohia iloko o ka pilikia nui. Kou oiaio, Mrs. George F. Burdich, Library, R.I. E kuaiia ana e na Poe Kuai Laau Lapaau apau, o Benson Smith & Co., na agena no ko Hawaii Pae Aina.
(Mai ka aoao 1 mai.)
----------
NA AE AME NA HOOLE
Pauku 21. O na Ae ame na Hoole o na lala ma kekahi ninau, e hiki no e hookomoia ma ka moolelo, ke makemake ka akahi hapalima o na hoa i hiki ae.
KE HAPANUI
Pauku 22. O ka hapanui o na hoa i kohoia o kela ame keia hale ua lawaia he hapanui oia hale no ka hana ana o na hana i hiki e hanaia e ka poe e koho ana ma ka hapanui. Aka, ma ka hooholo loa ana i kekahi kanawai ma kela ame keia hale e hanaia mamuli o ke koho ana o ka hapanui o na lala i kohoia apau loa oia hale.
Pauku 23. Ua hiki no i kekahi poe malalo iho o ka hapanui e hoopanee mai kahi la a kahi la, a e koi aku e hele mai ka poe i noho aku, ma ke ano a malalo o na hoopai a kela ame keia hale e hoohoio ai.
Pauku 24. I mea e maopopo ai ka loaa o ka hapanui, na ka Lunahoomalu e helu i ka nui o ka pie i hiki ae.
HOOPAI O KA POE AOLE HE MAU LALA
Pauku 25. Ua hiki i kela ame keia hale e hoopai ma ka uku dala, a i ole la, ma ka hoopaahao no ka manawa aole e oi aku mamua o kanakolu la, i kekahi mea aole he lala no kekahi o na hale, i hana i kekahi o na hana hoohaahaa imua o ia hale mamuli o ka hoohaunaele, a hana e ae oia ano imua o ia hale; a i ole ia.
Mamuli o ka lawelawe ana i kekahi o na hana pili i ka Hale Ahaolelo ua olelo e hoopoino i ke kino, a i ole ia, i ka waiwai paha o kekahi o na hoa oia hale; a i ole ia.
Nana i hoeha, hoopaa a kaohi paha i kekahi hoike, a mea e ae paha i kauoKUOKOA—Galley 2. Makauhune haia e hele ae imua o ia hale, ma kona hele ana; a i ole ia, ma kona hoi ana mai laila mai; a i ole ia
Ua hoopakele i kekahi mea i hopuia ma ke kauoha oia hale.
Aka, e hoikeia aku i ka mea i hoopilia ma ke kakau i na kumu hopii e kue ana iaia, a e loaa no iaia he manawa e lawe mai ai i kana mau hoike, a e hooloheia no ia ma kona pale ana iaia iho.
KA UKU O NA LAAL
Pauku 26. E loaa i na lala o ka Ahaolelo no ko lakou hana, mawaho ae o ka uku mile, he umi keneta no ka mile hookahi, no ka hele ana mai ame ka hoi ana, he eha haneri dala no kela ame keia kau mau, o ka Ahaoleio, e ukuia iloko o ekolu mahele like, ma ka la mua, ke la kanakolu ame ke kanaono o na la o ke kau; ame elua haneri dala no kela ame keia kau kuikawa o ka Ahaolelo.
HOOPAI ANA O NA LALA
Pauku 27. Ua hiki no i kela ame keia hale e hoopai i kona mau lala iho no na hana hoohaunaele, a i ole ia, no ka hana pono ole ana i ka hana ma ke ao ana, kapae ana, a i ole ia, kipaku ana.
NA HOOKUU AN
Pauku 28. Aole e hoopaaia kekahi lala o ka Ahaolelo e pane no kekahi ma huaolelo i oleloia ma ka hooko ana i kana mau hana kau kanawai imua o kela ame keia hale, a imua paha o kekahi Aha e ae.
HOOKUUIA MAI KA HOPUIA ANA
Pauku 29. Aole e hopuia na lala o ka Ahaolelo ma na wa apau, koe wale no no ke kipi, hana ana i ka feloni, a kue paha i ka maluhia, oiai lakou e noho ana ma na kau o na Hale Ahaolelo ame ka hele ana aku ame ka hoi ana mai laila mai. Eia nae, oia pono e pili ana i ka hele ana ame ka hoi ana, aole, e oi aku mamua o umi la no ka hele ana ame ka hoi ana.
KE SENATE
KA NUI O NA LALA
Pauku 30. He umikumamalima lala o ka Aha Senate, a e noho ma ia oihana no na makahiki eha. Peneia nae; O na Senatoa i kohoia ma ke koho balota mua, elua mai ka apana ekahi mai; hookahi mai ka apana elua mai; ekolu mai ka apana ekolu mai; a hookahi mai ka apana eha mai; e noho lakou ma ka hana no elua makahiki wale no , a na ka Ahaolelo e hoakaka i ke ano o ia hoonohonoho ana.
NA HAKAHAKA
Pauku 31. O na hakahaka i loaa mamuli o ka make, haalele ana, e no kekahi kumu e ae paha, e hoopihala no ma na koho balota kuikawa no ka manawa i koe.
NA APANA SENATE
Pauku 32. O ka mahele ana iloko o ka Senate a hiki i ka manawa e hoakakaia ai ma kekahi ano okoa e ke kanawai, e maheleia ka Panalaau iloko o na Apana Senate mahopeiho nei, oia hoi:
Apana Ekahi, ka Mokupuni o Hwaii;
Apana Elua, na Mokupuni o Maui, Molokai, Lanai ame Kahoolawe;
Apana Ekolu, ka Mokupuni o Oahu;
Apana Eha, na Mokupuni o Kauai ame Nihau.
(Aole i pau)
----------------
HOIKE KEKAHI KANAKA O HONOLULU NO NA
HUAALE A DOAN NO KE KIKALA HANENENE AME NA PUUPAA
----------------------
Aole e ninauia ana ke kumu o ka manaoio ana, ke ole e huli mua ia ia mea. O ka mea oiaio no nae, e kolia ana no ia mea he huli mua ana. Elike me ka nui o ke kanalua, pela auanei ka nui o ka mea hooia lawa loa e pono ai ke ikeia. E loaa auanei ia mea, ami na manao hoakaka aku a Mr. James Auld o “Marshfield,” o Alanui Waikiki, iloko o keia kulanakauhale, a he kanaka pai palapala keia ma kana oihana. Penei kana olelo:
“He mea au i loohia no na makahiki he nui me kekahi eha a hu’i ikaika loa ma ke kua, a ua hoao iho la au e ai i na Huaale a Doan no ke Kikala Hanenenee ame na Puupaa, a ua hele aku la au a kuai iho la ma ka halekuai o Hollister & Co. Ai iho la au i ua mau huaale la, a o ka hopena i ikeia, ua loaa ia’u ke ola. O ka mea e makemake ana i mau hoakaka hou no keia@hea, ua hauoli loa au e hoakaka aku iaia, ke hele mai ia e ike ia’u ma kahi i hoikeia ae la.”
Ua nana anei oe i kou ipu kanana wai i hoohanaia ai no kekahi manawa aole anei oe i ike i na koana maemae ole he nui e pipili ana ilaila? Oia @ la no ke ano o na Puupaa i loohia i @ ma’i. O na Puupaa o lakou no na k@ nana o ke koko, a ma ka wa e p@ puia ai na puupaa oka wa iho la ia @ ma’i ai na puupaa, elike me ke kanai @ wai. He mea ponoke lawela aku k@ mau mea hoohihia, a ina aole e @ aole loa e hiki ana ke kananaia ke @ ko, a inoino iho la ke koko. O k@ mu keia o na ma’i he nui. Mai @ hoola i na ouli o ka ma’i, aka, i ke @ mu i loaa mai ai ia mau ouii e h@ ai. O na Huaale a Doan no ke K@ Hanenenee ame na Puupaa ka laa@ pono ai keia hana ana.
E kuaia ana na Huaale a Doan @ ke Kikala Hanenenee ame na Puu@ e na poe kuai laau apau. He 50 k@ no ke poho, a he 6 poho no $2.50 @ hoounaia aku no ma ke eke leta e Holister Drug Co., Honolulu, ke loaa @ ke kumukuai. O lakou na poe i@ ma ko Hawaii Pae Aina.
=======================
HOOLAHA KUMAU
============================
DR. T. MITAMURA
Keena Oihana, 427 Alanui Nuua@ Pahu Leta 842; Telepona 132; @ noho 543 Alanui Nuuanu. Hora @ 12 a.m. amehora 7 a 9 p.m. Na @ Sabati, 2 a 6 p.m.
--------------------
DR. I MORI
Keena Oihona, helu 427 Alanui Na@anu, Pahu Leta 842. Telepona 13@ Hale Noho 524 Alanui Nuuan@ Halemai, 530 Alanui Nuuanu. N@ hora: 9 a 12 a.m. a mai ka hora 6 a 8 p.m. Na la Sabati, hora 2 @ 6 p.m. 2756-@a
--------------------
W.C. Achi Enoch Johnson
ACHI & JOHNSON
LOIO! LOIO! LOIO!
Keena Hana, Helu 10 aoao Komoha@ Alanui Moi.
-----------------------
W.R. KAKELA
Loio a he Kokua ma ke Kanaw@
HE LUNA HOOIAIO PALAAPLA
@@70
---------------------------
LYLE A. DICKEY
Loio a he Kukuo@ma ke Kanawai
Notari no ka Lahu@chu
E hookoia na hana pili kanawai apau mai na Mokupuni mai.
Kihi o Alanui Betela me Moi. Pahu Leta 786. Telepona 806.
------------
Papa! Papa!
Aia ma kahi
LEWERS & COOKE
(Lui Ma.)
Ma ke Kahua Hema o na Alanui Papa me Moi.
---------------------------
E LOAA NO N
Papa Nouaiki
O kela a me keia ano.
--------------------
Na Pani Puka -----------
Na Puka Aniani -----------
Na Olepelepe -----------
Na Pou -----------
--------- Na O’a
--------- Na Papa Hele
--------- Na Papa Ku
--------- Na Papa Moe
--------
Na Pili Hale
O na Ano apau
A me na
Wai Hoohinuhinu Nani
O Na Ano Apau
----
@a Palakio na Ano he Nei Wale
Ke @@ aku nei oukou e na makemake a pau, ua makaukau kela mau @@ # oukou e hoolawa aku ma @ a pau e pili ana ma ka @@ Oiha@ no ka
Uku Haahaa Loa
@@@
----
E @ @ai e W@ @ Oukou @