Ka Nupepa Kuokoa, Volume XXXVIII, Number 34, 25 August 1899 — W. A. KIHA—UA HALA I KE ALA HOI OLE MAI. [ARTICLE]

W. A. KIHA—UA HALA I KE ALA HOI OLE MAI.

Ua loaa mai he lono ia makou mai Maui mai, e hoike ana, ua haalele nmi la i keia ola ana o William A. Kiha, kekahi o na Hawaii naauao o keia Pae Aina, ma kahi la o ka pule i haia aku ]a. Aole i poina ka hapa nul loa o ko Honolulu nei poe kahiko, ame kahi poe opio nohoi no William A. Kiha, kumukula o ke Kula Kuokoa ma ka Olelo Beritania ma ka luakinl o Kaumakapiii. Ma ia kula oia, i noho kumuao ai, me kona hoahanau, me Enoka Kalauao. He nul na poe i loaa ka makaukau Olelo Beritania mai na ao ana mai a William A. Kiha. 0 ka lunahooponopono o keia pepa i keia wa, ua noho imi ike Olelo Beritania malalo ona, ma ke kula o Kaumakapiii no kekahi mau manawa pokole. He nui na hana ike, a noiau a keia kanaka. He akamai himeni oia, he ike wehewehe baibala, he kanaka makaukau i ka haiolelo akea, a he loio ma ke kanawai. O kana wahine hope, a hala aku la ia, oia no ka luaul makuahine o Mrs. J. N. K. Keola, ka wahine a Mr. J. N. Keola, kakauolelo o ka Aha Kaapuni o Maui. He ahaaina luau Hawaii ke malama ia ana ma ke kulanakauhaie o Wasinetona, Amerika Huipula, no ka hoohialaai ana i na Senstoa o ka aoao Roialiti malaila. Pela ka wawa a kekahi poe. Ua olelo mal Ka Loea Kalaiaina e hoi laulau roialiti mai ana o lakou la ma e noho mai la i Wasinetona, a ke pakike aku nei lioi "Ka Makaainana," ma ka oielo ana, pala ka maia a kamalii. Ia olua wale mai no ia e ua mau Roialiti nei. Aia ka makou i ka Ahaolelo, ilaila kani hou ka "moa."