Ka Nupepa Kuokoa, Volume XXXVIII, Number 34, 25 ʻAukake 1899 — Page 3
| This text was transcribed by: | Joan Yamada |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
E 102
G. Dietz.
V Hana Wati Akamai A Piha Noeau Loa,
@ Nuuanu, Helu 417.
@ ke Alanui Nuuanu, mauka @ Halekuai Pipi “Central Meat @
Ka Hai Alahao me Aina o Oahu
Wai A Mahope Aku O June 13, 1898
Manawa Holo
@@@ Waianae, kaa huikao, Waialua, kaa Ohua, Waianae, kaa ohua, Wili o Ewa, kaa
@@@ na la apau koe ke na la apau. na la apau. ohua na la apau.
Sabati.
A.M. A.M. P.M. P.M.
Ha@ 7:10 9:15 3:10 5:10
M@ 8:07 9:48 3:48 5:50
A@ Ewa . . . 8:37 10:08 4:08 6:10
@ 9:27 10:53 4:43 . . . . .
Kaa@ . . . . . . . . . 12:00 5:38 . . . . .
Wahi Hoohulu Wili o Ewa, Waialua, kaa ohua, Waianae, kaa hui- Waialua, kaa Wili o Ewa,
Mai waho mai kaa ohua, na la apau. kau, na la apau, ohua, na la kaa ohua,
aa Honolulu.) koe ke koe ke Sabati. apau, Sabati
Sabati. wale no.
A.M. A.M. A.M. P.M. P.M.
Waialua . . . . . . . . . . 6:12 . . . . 2:39 . . . .
Waianae. . . . . . . . . . 7:12 10:09 3:55 . . . .
Wili o Ewa. . . . 5:50 7:17 10:59 4:32 12:45
Vanana . . . . . . 6:15 8:07 11:34 4:52 1:10
Honolulu . . . . . 6:50 8:40 12:15 5:26 1:45
G.P. Denison,
Luna, F.C. Smith,
Luna Kuai Palapala Holo
NU HOU HAWAII
He hoolaha ka na Keikialii ma ko kakou pepa o keia la.
E nana ae i ka makou mau hoolaha @aka aku nei ma ko makou pepa o @ la.
Haale hou no i ka lau o ka hau ka @ aloha a kakou. Mea ia mai, he ui @ho o Aliee!
Ua loheia mai ua ano mama iki ke mawaliwali o ka ma’i o Loio J.A. Magoon.
He keaka ia e uleleia nei maloko o ka Hale Mele Hou i keia mau po. O “Mag. Moore” ka hoku kaulana oia poai.
E nana ae i ka hoolaha a “Keoni Kaimana” (John McGuire) ka Luna@ooponopono waiwai o Luka McGuire, @make.
He hihia kuai waiwai me ka laikini @ ka Lunakanawai Hookano o Ewa @ nei i hoolohe ai ma ka la i nehinei, a pela no hoi i keia la.
Ke manao nei na hoahanau o ka Ekalesia o Iesu Karisto no na Poe Hoano o na La Hope i Hoonohonoho Hoa ia e kuai i ogana hou noloko o ko kakou hale halawai.
O na meeau he mau mea hoopoino i na keiki liilii a i ka poe nunui pu no@ kekahi. O ka aila hamo a DOAN @ loa ia e pahua. He hoopakele po@ a he hoola hikiwawe. E loaa no @ na halekuai laau apau no ke 50 @neta.
Ke houpuupu ae nei ko makou hoa @ka papa-pai o ka “manai-ula” hoo@hi, he mea pono ke loaa ona luna@nawai kaapuni hou i holopono ai na @a o ka Aha. Pehea ana la?
O ka ono ame ka oluolu o ka inu ana @ Laau Kunu a Kamalena, oia ke @ i loaa ai ke ola hikiwawe, a lilo @ laau punahele loa ia e na kanaka @ in hoea aku ai ia. E kuaiia ana @ poe kuai laau lapaau apau. O Benson Smith & Co., na agena no ko Hawaii Pae Aina.
NA AHAHUI IMI PONO KARISTIANO.
Hoke Hui o na Kula Ahahui Opiopio Imi Pono Karistiano.
Ma ka luakini o Koolau, Kauai, i ka @ o Augate, 1899, ua malamaia keia Hoike Hui o na Kula Ahahui Opiopio. Na Kula i hiki mai: Kapaa, Anehola, Koolau, Kilauea. Ua hoomakaia na hana me ka himeni aoao 107 “Lei Alii,” ma ke alakai ana a ke kula o Kapaa, me ka pule a Rev. I.K. Kaauwai. I ka imama ana ae o keia pule, ua ha’iolelo mai ka Peresidena G.M.Huddy, no ka makahiki i pau, a na panai mai ke Komite Hoeueu a hope Peresidena J. K. Apolo. Mahope o keia mau ha’iolelo na olelo hoolaha. Mai ke Komite
____________
Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i ikeia ma na wahi kuai kaa apau.
Kalivilana Cleveland
Honolulu Bicycle Company.
209 Alanui Hotele. Telepona 909.
2753-1m.
____________
Ekalesia mai Rev. Z.M. Kaahumakua no ka Edalesia, ke kahu Kula Sabati Geo. W. Mahikoa no na Kula Sabati o Koolau, ka Peresidena mai o Kapaa I. Cumming, no ka Ahahui Opiopio o Kapaa, Rev. I.K. Kaauwai no ka Ekalesia o Kapaa.
Ma ka pau ana ae o keia mau olelo hoolaha ua hapai ia ke koho ana i na Lunanui o ka Ahahui Opiopio o Koolau. Ma ke noi a Geo. W. Mahikoa, e hoomau ia no na Lunanui o ka makahiki i hala, no keia makahiki ua hooholoia. Mele hou ia ka aoao 82 “Lei Alii,” e alakai ia ana e ke Kula o Koolau, i ke kuu ana iho, ua malamaia ka lulu dala. Kula o Kapa, $2.00; Anehola, $2.55; Koolau, $4.60; Kilauea, $1.50; na makaikai $4.25. Ma ka pau ana o keia hana, ua mele hou ia mai ka aoao 75 “Lei Alii,” e alakai ia ana e ke Kula o Anehola. I ka pau ana ae o keia mele ua ikeia aku ia ke ku ana mai, a naue ae ana I ke kahua o ka hana ke Kula o Anehola. I ka pau ana ae o keia mele ua ikeia aku la ke ku ana mai, a naue ae ana i ke kahua o ka hana ke Kula o Koolau, e alakai ia ana e J.K. Apolo. Huina haumana 50, na pokii ame na opio. Ka helu nui o keia papa i kokua ia mai e na makua, lulu kamakani i keia Kula. Pahee na haawina Baibala i kui lima ia mai e na himeni me ka nanahe. Nani no na hana a ka Haku. Manawa i hana ia e lakou 37 minute. I ka hoi ana a kuu pono iho i luna o na noho, ua mele ia mai ka aoao 3 “Lei Alii” e alakai ia ana e ke Kula o Kilauea. I ka meha ana iho o keia mele, ua ikeia aku ke Kula o Kapaa e niau ae ana i ke kahua he makua ame na opio ko keia papa, e alakaiia ana e Z. Kakina. Ua eleu ia mai na ninau o na haawina Baibala me na himeni me ka moakaka. Ka huina o keia papa 7. Manawa i pau ia lakou eono minute. I ka meha ana iho, ua mele ia mai ka aoao 51 “Lei Alii,” e alakaiia ana e ke Kula o Aneloa. I ka hoolai ana iho, ua ike ia aku na koa aulii o Kilauea e naue ae ana i ke kahua. Ma keia Kula he pokii ame na opio. Ua wehewehe ia mai na ninau Baibala me ke aheahe malie, pela hoi na mele me ka maikai. Maikai wale! E alakai ia ana keia papa e Mr. Makani. Ko lakou nui 12. Manawa i uleleia e lakou 8 minute. Eleu no! Mele hou ia mai ka aoao 56 “Lei Alii,” e alakai ia ana e ke Kula o Kapaa. I ka nanahe ana iho, ua oili mai la ke Kula o Keahi o Kalalea Anehola a hoolai ana i ke kahua. Maikai na haawina me na himeni, e wae ole ai ka makemake. Pokii, opio, makua, ko keia papa, e alakaiia ana e P. Miggle, ka huina o keia papa 23 haumana. Manawa i paahanaia e lakou 13 minute. I ka maalili ana iho o ka hauoli, ua meleia mai ka aoao 13 “Lei Alii,” e alakaiia ana e ke Kula o Koolau. Keia ka panina o na hana hoike. Ua konoia aku o Rev. I.K. Kaauwai, i mau mapuna wai hoohauoli i na haumana, no na hana i hanaia e lakou ik eia la. O Mr. James H.K. Kaiwi mai e paipai ana, i mua i na hana nani a ka Haku, na pokii, na opio, a pela hoi na makua. D. Puhi i kana limu kahakanaka o Naahumakua o Manuakepa, e hoopahee ana. O Rev. Z.M. Naahumakua nana i kuu mai na mapuna olelo o ke ola e pahola ana i ke anaina, i ka hookumu ia o keia hana Ahahui Opiopio e Kristo i kinohi a ua uwehe ia mai keia mea huna o ka Baibala.
Ka huina haumana i akoakoa mai i keia la he 92; na makaikai he 29; na luna nui o keia hana, Kahu Ekalesia, hiki aku ka huina i ka 131.
Ua hookuuia na hana ma ke mele ana i ka aoao 23 “Hoku Ao Nani” me ka pule o Rev. Z.M. Naahumakua.
WILLIAM HUDDY.
HOIKE O NA AHAHUI OPIOPIO IMI PONO KARISTIANO.
Ua malamaia ka Hoike Hui o na Ahahui Opiopio Imi Pono Karistiano mai Kilauea a hiki i Kapaa nei, maloko o ka Luakini o Moikeha nei ma ka la 13 o Augate, M.H. 1899. Hoomakaia na hana me ka Himeni Hui H.A.N. 128, ame ka pule a Rev. Z.M. Naahumaa. Himeni Hui H.A.N. 110. Malamaia ka lulu dala o na Aha mai Kilauea a hiki i Kapaa. Kilauea, $1.00; Koolau, $4.25; Kapaa, $12.50; Anehola, $3.00; na makaikai, $1.70. Huina i lulu ie he $22.45. Himeni Hui H.A.N. 73. Hoike o ke Kula o Kilauea, a nona na haumana he 9, a o ka manawa i hanaia eia papa he 12 minute ame 25 sekona. Himeni Hui H.A.N. 150. Hoike o ke Kula o Koolau, a nona na haumana he
S.E. LUCAS, Ka Mea Lapaau Maka mai Parisa mai.
Ke lewela we nei au i na Maka Aniani kaulana i kapaia
“Isometropes Lenses.”
Mai Parisa pololei mai ka’u mau waiwai apau.
E nana wale ia ana na maka me ka Kaki ole ia.
9-12 A.M.
Na Hora Hana ------- 2 – 5 P.M. LA PULE ---- 8 a 10.
TESTING FREE 2758
44, a o ka manawa i hanaia eia papa he 31 minute. Himeni Hui H.A.N. 172. Hoike o ke Kula o Kapaa, a nona na haumana he 26, a o ka manawa I hanaia eia papa he 13 minute ame 24 sekona. Himeni Hui H.A.N. 127. Hoike o ke Kula a Anehola, a nona na haumana he 33, a o ka manawa i hanaia eia papa he 12 minute ame 10 sekona. Himeni Hui H.A.N. 251. Ka huina nui o na koa ma keia kahua kaua o ka hookahakaha he 112, a o na makaikai i akoakoa mai, o ko lakou huina he 55. Ka hina a pau he 167. Ka manawa i hanaia e na koa ma keia hookahakaha ana he 1 hora, 14 minute ame 19 sekona.
Haiolelo makahiki a na Luna Nui, John Cummings, Peresidena; C.K. Haae, hope-peresidena; J. Opio, puuku; ame Z. Kakina, kakauolelo. Kohoia ke Kahu I.K. Kaauwai i lunahoomalu no keia Aha. Ma ka ninau ana a ka lunahoomalu, ua hooholo lokahi ia na luna mua e hoomau aku no i ko lakou kulana. Mai ka pres. J. Cummings, hope-pres. C.K. Haae, puuku J. Opio, kakauolelo Z. Kakina, Wm. Huddy, Rev. Z.M. Naahumakua, Mr. Pukalo, J.K. Apolo, Joe Cummings, G.W. Mahikoa, Wm Meheula, ame Rev. I.K. Kaauwai. He mau olelo paipai maikai e pili ana i na hana hooholomua a keia Ahahui ma ka makahiki i hala. Mahope iho o kela ua heluheluia ka moolelo o ka la. Noi mai o G.W. Mahikoa e hookomoia keia moolelo ma na Nupepa Kuokoa ame Aloha Aina. Hookuuia na hana me ka Himeni H.A.N. 225 ame ka pule a Rev. I.K. Kaauwai. Mahope iho o keia ua malamaia he paina. Apau ka paina ana, ua malamaia he pule nui e Rev. Z.M. Haahumakua, ua malama hou ia he lulu e na lala o ka Ahahui Opiopio mai Kilauea a hiki i Kapaa a ua loaa ka huina o $6.10. He makana hoi na keia Ahahui holookoa ia Rev. Z.M. Naahumakua, ka mea haiolelo. O keia ka palena o na hana, ua hookuuia me ka maikai ma ka auina la hora 4 p.m.
Z. KAKINA, Kakauolelo.
HAAWINA KULA SABATI NO KE KULA SABATI O KELANI, KONA, HAWAII.
Mamuli o kekahi ulia, ua haule ka haawina kula i manaoia ai e Mr. David Alawa, Kahu Kuia Sabati o Hawaii Komohana, no ke Kula o Helani, mai ka papa hoike aku i hoolahaia ai e makou ma ko makou pepa o ka la 11 aku nei, a nolaila, o ka haawina hana a ia Kula no ua la Hoike Hui la, oia no ka Haawina Kula Sabati o ka malama o Augate nei.
AHAHUI EUANELIO O KA MOKUPUNI O HAWAII.
E noho ana ka Ahahui Euanelio o ka Mokupuni o Hawaii maloko o ka Luakini o Pukaana, ma Hookena, South Kona, ke hiki aku i ka Poaha, Sepatemaba 14 th , 1899. E hoike ae na lala apau o keia Aha me ka makaukau.
S.M. KAMAKAWIWOOLE,
Kakauolelo o ka Ahahui.
HOIKE O NA KULA SABATI O MAUI HIKINA.
E malamaia ana ka Hoike o na Kula Sabati o Maui Hikina no ka hapaha e hoea mai ana, elike me ia malolo iho nei:
Kula Sabati o Hana, Nahiku ame Keanae, e malamaia ana ko lakou hoike ma ka luakini o Nahiku, Koolau, ma ke Sabati hope o Sepatemaba, 1899.
Kula Sabati o Kaupo ame Kipahulu, e malamaia ana ko laua hoike ma ka luakini ma Kipahulu, ma ke Sabati mua o Okatoba, 1899.
Ke kauohaia nei na Kahu Kula Sabati e hoomakaukau i ko lakou mau Kula Sabati i hooholo pono ia na hana. A e hoomakaukau pu i na haawina dala no ka Buke “Ka Hoahana.”
Me ke aloha ia oukou.
JAS. H.S. KALEO,
Kahu Kula Sabati Nui o Maui Hikina.
Hana, Augate 18, 1899.
AOHE MEA IKE I KE KOIKOI O KA HAAWE A KEKAHI.
Na Huaale a Doan no ke Kikala Hanenenee ame na Puupaa HONOLULU.
E ike ana no oe i ka wa au e auamo ai i kekahi haawe.
E ike ana no oe i kahi o kou kino e kauia iho ai e keia haawe.
E ike ana no oe i ka nui o ka pilikia e loaa ana ia oe.
Aka, ua ike anei oe i ke ano e kiola aku ai a kaawale ia haawe mai a oe aku?
O ke kua, kahi oi loa aku o ke kino, no ka hoounaunaia ana i keia hana, mamua o na wahi e ae o ke kino.
E eha ana ia wahi, e hu’i ana, e nawaliwali ana, a e hanenenee ana hoi.
Nolaila, e kaa ana no ka pilikia maluna ponoi iho ou ina e hoohemahema ana oe.
Malia nae paha, aole oe i ike i ka hana e palekana ai oe, mai hai aku nohoi makou ia oe, eia nae e komo iho ana no paha ka hoohuoi iloko ou no ka makou olelo. Aka, e hookuu aku nae makou i kanaka no Honolulu nei e hai aku ia mea ia oe.
O Mr. J.D. Conn o-----------, noloko nohoi o keia kulanakauhale, he kamana oia ma kana oihana, a aia kana hana ma ke Alahao o Oahu. “Ua loohia au,” wahi a Mr. Conn, “i ka hu’i ma ke kua. E hoea mau mai ana keia eha ma na wa maopopo no kekahi mau makahiki a o ka wa oi loa aku nae, ma ko’u wa e loaa ai i ke anu. He mau ouli hoike e ae nohoi kekahi e maopopo loa ai, ua pilikia ia ko’u mau puupaa. He wa pokole i hala ae nei, lohe iho la au no na Huaale a Doan no ke Kikala Hanenenee ame na Puupaa, a pela pu hoi me na hana kupaianaha a ia mau huaale e hana ana. Hele koke aku la au i ka Halekuai Laau Lapaau o Hollisater Co., a loaa mai la ia’u kekahi mau huaale. Mahope mai o ka wa a’u i ai ai i keia mau huaale, ua hoomaka mai la ka maikai o ko’u ola. E malama mau ana nohoi au i mau huaale i loaa ai ia’u he laau lapaau kupono ma ka wa e hoi hou mai ai ka eha maluna o’u. He mea maopopo loa ia’u, ina ua loohia kekahi mea i ka ma’i elike me ko’u, e olelo ana au iaia e ai ia i na Huaale a Doan no ke Kikala Hanenenee ame na Puupaa, a o ka ai ana me ka hoomau aku no kekahi wa loihi, oia ka mea e ikeia ai ka waiwai o ka laau.”
E kuaiia ana na Huaale a Doan no ke Kikala Hanenenee ame na Puupaa e na poe kawili laau lapaau apau, ame ka poe malama halekuai. He 50 keneta no ke poho (he eono poho no $2.50), a e hoounaia aku nohoi maloko o ka eke leta ke loaa mai ke kumukuai ia Hollister Drug Co., Honolulu, na agena kuai nui no Ko Hawaii Pae Aina.
HELA AME KEIA.
Hoolaha I Na Poe Aie.
Ua hookohuia mai na mea no laua na inoa malalo iho nei i mau Lunahooponopono Waiwai no ka Waiwai o ka Moiwahine-Kanemake Kapiolani, i make, ma keia, ke hoolaha aku nei i ka poe apau a ua Moiwahine-Kanemake Kapiolani nei i aie aku ai e waiho mai i ka lakou mau koi i hooiaio pono ia, ame na hooia kupono, ke loaa (ina no ua hoopaaia ma ka moraki maluna o ka waiwai paa) i na mea no laua na inoa malalo iho nei, ma ke Keena Oihana o Ka Waiwai o Kapiolani, i kaupalenaia, (Kapiolani Estate, Limited) ma Alanui Kaahumanu, Honolulu, iloko o Eono Mahina mai keia la aku, a i ole, e hoole mau loa ia aku no.
Honolulu, Augate 25, 1899.
Kavid Kawananakoa, J. Kalanianaole.
Na Lunahooponopono Waiwai o ka Waiwai o ka Moiwahine-Kanemake Kapiolani, i make.
2769-4 wks.
Hoolaha Komohewa.
Ma keia, ke papaia aku nei ka poe apau e komohewa ana maluna o kahi wahi o kuu aina, oia o Kahauloa-nui, ma Kona Hema, a e hoopiiia ana lakou ma ke kanawai, ma ke ano kivila, a hoopii karaima nohoi.
Kahauloa, Kona Hema, Hawaii, Augate 22, 1899.
John Gaspar.
2769-1m (Gaspar.)
Hoolaha A Ka Luna Hookokauoha O Ka Palapala Kauoha A Hakuole, (k.) O Honolulu, Oahu,
1 Make.
Mamuli o ka mana i loaa ia’u ma o ka Palapala Kauoha a Makemake Hope Loa o Hakuole (k) o Kakaako, Honolulu, Mokupuni o Oahu, Ko Hawaii Pae Aina, i aponoia imua o Lunakanawai Antonio Perry, ka Lunakanawai Mua o ka Aha Kaapuni, Apana Ekahi, ma ka Hooko Kauoha. Nolaila, ke hoike ia aku nei ka lohe i na poe apau i aie ia aku e Hakuole (k), ka mea i make i oleloia, e waiho koke mai i ka lakou mau Bila Koi i hooiaioia iloko o Eono Mahina mai keia manawa aku, a i ole pela, e hoole mau loa ia aku no. Ame na poe apau i aie ia Hakuole (k) i oleloia e hookaa mai i ka mea nona ka inoa malalo ae, i ole pela, e hoopii koke ia no imua o na Aha Kanawai.
E waiho i na Bila Koi ame ka hookaa ana ia J.K. Kahookano, ka Loio o ka Waiwai o ka mea i make, ma kona keena oihana, ma Alanui Kaahumanu, Helu 15, Honolulu.
2769-5t.
E Hoomaka Ana Ke Kula Kaikamahine O Kohala
Ma ka Poakahi, la 4 o Sepatemaba. O Miss M.L. Gardener ke kumu poo. E ao ia ana ka helehele me ka hookuku lole wahine, ame na hana i ao mua ia, oia hoi ka humuhumu lole, kuke, hana lima akamai, ame ke kula ana, elike no me ka mea mau. He kauohaia aku nei na mea apau e manao ana e hookomo mai i ka lakou mau kaikamahine i hele mua, a i ole ia, i mau kaikamahine hou paha, e hoakaka koke mai i ko lakou manao me ka hoopanee ole, a e hookaa koke mai nohoi i ke koena aie a ka makahiki mua.
E kau leta mai no ia Mr. E.C. Bond, a hiki i ka wa e hoomaka ai ke kula.
Kohala, Iulai 28, 1899
Aha Kaapuni Ekahi, Ko Hawaii Pae Aina.
Ma o ka Waiwai o Mahoe (w), i make.
Ka Hoike o na Lunahooponopono Waiwai i na Poe i Aie Ia.
O ka mea nona ka inoa malalo nei, a mamuli hoi o ka hookohoponoia ana hoi e Hon. H.E. Cooper, ke kokua elua o ka Aha i hai ia ae la maluna, i Lunahooponopono no ka waiwai o Mahoe (w), i make, no Honolulu, Oahu, nolaila ke hoike aku nei au imua o na poe apau i aie ia e ka mea i make, e hoike mai i ko lakou kuleana i aponoia, a me na Palapala e ae ina hoe ua paa ua mau kuleana ala ma ka moraki, a i ole, i ka mea nona ka inoa mialo, ma ka hale hana o J.A. Magoon ame Silliman, e pili ana me ka Hale Leta, ma Honolulu, iloko o eono mahina mai ka la mua i hoikeia ai keia hoolaha, a i ole, e pale ia ana ia no ka wa mau loa.
F.Wundenberg.
Lunahooponopono Waiwai.
August 4, 1899. 2766-3t
Hoolaha I Ka Poe Aie.
Oiai, ua hookohu pono ia mai ka mea nona ka inoa maialo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.
Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.
Robert Parker Waipa.
Lunahooponopono Waiwai o ka Waiwai o Hana Keoki.
Hanaia Honolulu, Oahu, Maraki 10, M.H. 1899.
5174-6m
HOOLAHA HOOKO MORAKI
Hoolaha Hooko Moraki.
Ke hoolahaia aku nei ma keia, ua makemake ka mea nona ka inoa malalo iho nei, ka mea moraki mai (mortgagee) maloko o kekahi moraki mai a Ahuna mai, a ia Akau & Co. o Kailua, Kona Akau, Mokupuni o Hawaii, no ehiku haneri ($700) Dala, i hanaia ma Sepatemaba 26, 1896. a i kopeia maloko o ke Keena o ka Luna Kakau Kope, Oahu, maloko o na Buke 163, ma na aoao 428 me 429, ma o ka mana kuai la i paa maloko o ua moraki la, e hooko aku i ua moraki la, no ka uhakiia ana o na kumu aelike, oia hoi: ka hookaa oie ia ana o ke kumupaa ame ka uku panee ma ka wa e hookaaia ai.
O ka waiwai i hoakakaia maloko o ka moraki i oleloia, penei no ia:
1. O kela apana aina, oia hoi, na mahele o Kenao ame Nakaula, maloko o ka aina o Kupono i make, e waiho la ma Kalaoa, Kona Akau, Mokupuni o Hawaii, i oleloia, he Iwakaluakumamahiku ame ekolu-hapaha (27-3/4) Eka, oi aku a emi mai paha, i kuaiia mai e Paiwa ame Pae, kana wahine ia Ahuna i oleloia, ma ka Palapala Kuai, i hanaia ma Iune 18, 1892, a i kopeia ma Honolulu maloko o ka Buke 146, ma na aoao 165 ame 166.
2. Ka hoolimalima o kekahi apana aina e waiho la ma Hamanamana, Kona Akau, Mokupuni o Hawaii, mai a Kaimu mai, a ia Ahuna i oleloia, i hanaia Feberuari 25, 1896, a i kopeia ma ka Buke 161, aoao 259.
I kulike ai me ka hoolaha maluna ae, e kuai kudala akea ia aku no na waiwai i hoikeia ae la ma ke Keena Kudala o James F. Morgan, Alanui Moiwahine, Honolulu, ma ka Poaono, Septemaba 9, A.D. 1899, ma ka hora 12 awakea.
C. Akau & Co., Na Mea Moraki mai (Mortgagees.)
Kinney, Ballou & McClanahan, Na Loio o na Mea Moraki mai (Mortgees.)
2768-3t.
Hoolaha Hooko Moraki Ame Kuai Aku A Ka Mea Paa Moraki.
Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la Iwakaluakumamawalu o Maraka, A.D. 1892, i hanaia e Miliama Kepe Kahulu (w), Kahikina (k), ame Kahahana (w) o Honolulu, Mokupuni o Oahu, ia H. Dimond o Honolulu, i oleloia, i kopeia maloko o ke Keena o ka Luna Kope Palapala maloko o ka Buke 139, ma na aoao 2 me 3, a ua hooliloia mai hoi ia moraki ia’u, ia Henry Waterhouse, Jr., kahu waiwai, ma ka Palapala Kuai a Henry Waterhouse ame Julia H. Waterhouse, na lunahooko o ka Palapala Kauoha a H. Dimond, i make, i hanaia ma Augate umikumamawalu, A.D. 1896, a i kopeia ma ke Keena o ka Luna Kope Palapala, maloko o ka Buke 163, ma na aoao 275, a ke makemake neo au, o Henry Waterhouse, Jr., kahu waiwai, e hooko aku i ua Moraki la, no ka uhakiia ana o na kumu aelike maloko o ua Moraki la, oia hoi: ka uku ole ia ana o ke kumupaa ame ka uku panee ma ka wa e hookaa ai.
Ke hoolahaia aku nei nohoi ma keia, e kuaiia aku ana ma ke kudaia akea, na aina apau, na pono me na pomaikai i paa maloko o ua moraki la, ma ke Keena Kudaia o James F. Morgan, ma Alanui Moiwahine, ma Honolulu i oleloia, ma ka Poakahi, ma ka la iwakalukumamawalu o Augate, A.D. 1899, ma ka hora 12 awakea o ua la ‘la.
Eia na aina i paa maloko o ua Moraki la, penei:
1. O kela mau apana aina apau e waiho la ma Haleaha, Koolauloa, Mokupuni o Oahu, i hoakakaia na palena ame na mokuna maloko o ka Palapala Sila Nui (Grant) 1310 ia Kaailaau, maloko o laila he Ili o aneane 9.1 Eka.
2. O kela apana aina apau e waiho ana ma Haleaha i oleloia, a i hoakaka ia na palena ame na mokuna maloko o ka Palapala Sila Nui (Grant) 1311-1/2 ia Naihe, maloko o laila he ili o aneane 3.77 Eka.
3. O kela mau apana aina apau ekolu e waiho ana ma Haleaha i oleloia, a i hoakakaia maloko o ka Palapala Sila Nui 7816, Kuleana 5853 ia Kamano, a i hoikela nohoi na palena ame na mokuna malaila, a he ili o aneane 3.77 Eka.
Kuike ke Dala. O ka lilo palapala me ka mea e lilo ai ka aina. No na mea i koe e ninau i ka mea nona ka inoa maialo iho nei.
Henry Waterhouse, Jr., Kahu Waiwai, Mea Paa Moraki.
Honolulu, Augate 4, 1899. 2766-4t.
HOOLAHA MANA HOOKOLOKOLO.
Aha Kaapuni, Mahele Kaapuni Ekolu O Ko Hawaii Pae Aina.
Ma ka Hooponopono Waiwai, ma ka hana o ka Waiwai o Luka Maguire (w) o Huehue, Kona Akau, Hawaii, i make.
Ua waihoia mai ke Noi ame ka moohelu waiwai a ka Lunahooponopono Waiwai o ka Waiwai o ka mea make i oleloia, a malaila oia i nonoi mai ai e nanaia kana moohelu waiwai a e aponoia, a e hoololoia ona kauoha hope loa no ka mahelehele ana i ka waiwai e waiho nei ma kona lima, a e hookuu ana iaia mai na koikoi mai apau o ka noho lunahooponopono ana.
Ua kauohaia, o ka Poalua, la 16 o Okatoba, A.D. 1899, ma ka hora 10 A.M., ma ke Keena, maloko o ka Hale Hookolokolo, ma Kohala Akau, Hawaii, oia ka wa ame kahi i kauohaia ai no ka hoolohe ana i ua noi la ame ka moohelu waiwai; a malaila, a ma ia wa e hale ae ai ka poe apau i kuleana ma ia hana, a hoike mai i kumu, ina he kumu ka lakou, nokeaha la e ae ole ia ai ke noi.
Hilo, Augate 17, A.D. 1899.
Daniel Porter.
2769-3t Kakauolelo.
Aha Kaapuni, Mahele Kaapuni Ekahi O Ko Hawaii Pae Aina.
Ma ka hana o ka Waiwai o Edward Vivian, Thomas Everest ame Lucy Kawaialohia Richardson, poe keiki oo ole.
Ma ka heluhelu ana ame ka waihoia ana mai o ke noi a William O. Smith, Kahu, e nonoi ana i kauoha a ka Aha, no ke kuai ana i kekahi waiwai paa o na keiki oo ole i oleloia, a e hoakaka pu ana i kekahi mau kumu ma ke kanawai e hiki ai e kuaiia aku ua waiwai paa la.
Ke kauohaia aku nei ma keia, o na poe apau i kuleana ma ua waiwai paa la, e hele mai imua o keia Aha ma ka Poakolu, la 30 o Augate, A.D. 1899, ma ka hora 10 a.m., ma ka Hale Hookolokolo o keia. Aha, ma Honolulu, Oahu, ma ia wa a malaila e hoike mai ai i kumu, nokeaha la e ae ole ia ai kela noi.
Na ka Aha:
Goerge Lucas, Kakauolelo.
Honolulu, K.H.P. Aina, Augate 10, 1899. 2767-3t.
Iloko O Ka Aha Kaapuni, Apana Hookolokolo Ekahi O Hawaii Pae Aina.
Annie Lackland, mea hopii, kue ia William O. Lackland, mea hoopiiia, Hoopii Oki Mare.
Ka Repubalika o Hawaii: I ka Ilamuku o ko Hawaii Pae Aina, a i kona hope paha – Me ka mahalo.
Ke kauohaia aku nei oe e kii aku ia William O. Lackland, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae la ma ke kau o Augate o ua Aha la, e weheia ana ma Honolulu, Mokupuni o Oahu, i ka Poakahi, la 7 o Augate ae nei, ma ka hora 10 kakahiaka, e hoike mai i kekahi kumu no keaha la e ae ole ia’i ke noi a Annie Lackland, ka mea hoopii, e like me ka mea i hoakakaia maloko o kana palapala hoopii e pili pu nei me keia. A e hoihoi mai oe i kela palapala kii me kau mau hoike piha e pili ana no ia mea. Ikeia ka Mea Hanohano A. Perry, Lunakanawai Ekahi o ua Aha Kaapuni la ma Honolulu, Oahu, i keia ia 10 o lulai, 1899.
(Inoa) J.A. Thompson
(L.S.) Kakauolelo.
Ke hoike ia’ku nei o ka mea maluna ae he kope oiaio no ia o ka palapala kii ma ia hihia, a ua kauoha ua Aha ia e hoopaneeia ka hihia a ke kau o Novemaba, 1899, e hiki mai ana.
Henry Smith, Kakauolelo Oihana Hookolokolo.
Honolulu, K.H.P., Agate 8, 1899.
2767-6t.
Iloko O Ka Aha Kaapuni, Apana Hookolokolo Ekahi O Hawaii Pae Aina.
Ma ka hana o ka Waiwai o Maggie, William ame Annie Widdifield, he mau keiki oo ole.
No ka mea ua waihoia mai he palapala hoopii e ke Kahu Malama Waiwai, William W. Widdifield, e nonoi ana e kuai kudala ia na aina o na keiki oo ole e waiho ‘la ma Kalawahine, a ma kahi kokole i ke kahawai o Nuuanu, a mauka aku o ke Alanui Vineyard, iloko o ka Apana o Honolulu, a me kekahi kuleana mahele oleia, iloko o kekahi apana pa-hale uuku, ma ke Alanui Vineyard i oleloia, i mea e hookaa ai i ka auhau o ua aina ‘la.
Nolaila, ma keia ke haiia aku nei ka lono i na poe apau i kuleana o ka Poalima, la 8 o Sepatemaba, 1899, hora 10 kakahiaka, ma Aliiolani Hale, Honolulu, Oahu, oia kahi ame ka manawa e hoolohe ia ai o ua palapala hoopii la, a e hoike mai lakou no ke aha la e ae ole ia ai ke noi o ka ke Kabu Malama Waiwai.
No ka Aha:
P.D. Kellett, Jr., Kakauolelo
Honolulu, Augate 3, 1899. 2767-3t.