Ka Nupepa Kuokoa, Volume XXXVIII, Number 33, 18 ʻAukake 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXVIII. HELU 33. HONOLULU, POALIMA, AUGATE 18, 1899 NA HELU APAU 2768

 

HOOLAHA KUMAU.

 

DR. T. MITAMURA.

Keena Oihana, 427 Alanui Nuuanu; Pahu Leta 842; Telepono 132; wahi noho 542 Alanui Nuuanu. Hora: 9 a 12 a.m. ame hora 7 a 9 p.m. Na La Sabati, 2 a 6 p.m. 2766

 

DR. I. MORI,

Keena Oihana, helu 427 Alanui Nuuanu, Pahu Leta 842. Telepona 132. Hale Noho 524 Alanui Nuuanu. Halemai, 530 Alanui Nuuanu. Na hora: 9 a 12 a.m., a mai ka hora 6 a 8 p.m. Na la Sabati, hora 2 a 6 p.m. 2756-1m.

 

W.C. Achi. Enoch Johnson.

ACHI & JOHNSON,

LOIO! LOIO! LOIO!

Keena Hana, Helu 10 aoao Komohana

Alanui Moi.

 

W.R. KAKELA

Loio a he Kokua ma ke Kanawai

HE LUNA HOOIAIO PALAPALA.

2870

 

LYLE A DICKEY

Loio a he Kokua ma ke

Kanawai.

Notari no ka Lehulehu.

            E hookoia na hana pili kanawai apau ma na Mokupuni mai.

Kihi o Alanui Betela me Moi. Pahu Leta 786. Telepona 806.

 

Papa! Papa!

Aia ma kahi o

LEWERS & COOKE

(Lui Ma.)

Ma ke Kahua Hema o na Alanui

Papu me Moi.

 

E LOAA NO NA

Papa Nouaiki

O kela a me keia ano.

 

Na Pani Puka.

Na Puka Aniani.

Na Olepelepe.

Na Pou.

            Na O'a

            Na Papa Hele.

            Na Papa Ku.

            Na Papa Moe.

 

Na Pili Hale

O na Ano apau.

A me na

Wai Hoohinuhinu Nani

O Na Ano Apau.

 

Na Palaki o na Ano he Nui Wale.

            Ke haiia aku nei oukou e na makamaka a pau, ua makaukau keia mau makamaka o oukou e hoolawe aku ma na mea a pau e pili ana ma ka laua Oihana no ka

Uku Haahaa Loa

A like me ka mea e hele ana mawaena o

Laua a me ka Mea Kuai.

 

I Hele Mai o Wae no Oukou iho.

 

Ke Aloha o kuu Makuahine

KE ALOHA O KA'U MEA I ALOHA AI.

Ka Mana o ke Aloha.

 

He Moolelo Walohia

            Ano, e kuu makamaka heluhelu, e huli ae kaua a nana ia Alice, mahope iho o kona haalele ana'ku i kona makuahine.

            Ma ka wa i hoea mai ai oia ma ka puka pa, ua halawai mai la oia me kona luaui makuakane, ame kana kane, oia hoi o Kauna de Berene. Ma kona wai i ike mai ai ia laua, ua lele ano e ae la kona hauli no laua. Ua pihoihoi loa iho la kona noonoo e ike mai paha auanei laua iaia, nolaila, me ke kunou awiwi ana imua o laua, kaha mai la no keia hele ana me ka awiwi nui.

            O ko ia@ hele mai la ia a loaa kekahi kaa, @ ae la keia maluna o na kaa loa, holo aku la ia, a hoea ma ke alanui La Mer, lele iho la ia, a hele wawe aku la, a i kona ike ana ae i kekahi hale humu lole o na wahine, komo ae la ia maloko oia hale. Hui aku la ia me ke noo nui o ua hale tela nei, a ninau aku la iaia, ina paha he mau paa lole kekahi o loko o kona hale hana no na wahine Virigine o ka papa Virigine Karamela.

            Ua ae koke mai la ka luna nui o ua hale tela nei, a lawe aku la iaia nei, a komo iloko o ke keena hookuku lole. Malaila, lawe mai la ua wahine nei i kekahi paa lolo i hanaia no kekahi Virigine Karamela, aka, no ke ku ole ana nana, ua haaleleia ia paa lole; a wahi a ua wahine humu lolo nei i pane mai ai imua o Alice Virigine o ke aloha:

            "Ma ko'u hoomaopopo e ka makuahine maikai e kupono ana keia paa lole ia oe. Aka, o ka'u nae e haohao nei, pehea la oe i makemake ai i paa lole o keia ano, oiai, aole keia o ke ano lole o na Virigine o kou papa. Ke hoomaopopo nei au, ma ke ano o kou aahu, he Virgine oe o ke aloha."

            "E kuu hoaloha," wahi a Alice i pane aku ai me ka pale ana ae i kona uhi maka, a waiho molaelae aku la kona mau maka i hele a puia ia e ka nani ame ka maemae, oiai hoi ia i mino ana iho ai me ka mahiehie, "ina ua minamina oe i ke kuai ana mai ia'u i keia paa lole a'u e manaoio nei, e kupono ana ia i ka mea nona ka makemake, alaila, e hai mai oe ia mea me ka maopoo ia'u, a, e hele aku hoi au i kahi hale okoa aku e loaa ai he lole o keia ano. Aka, e kuu hoaloha, ua makemake au i keia paa lole; heaha la kona kumukuai?"

            "E ka makuahine maikai," wahi a ka wahine humu lole i pane mai ai me ka leo oluolu loa, ame ka houpo i hoopihaia e ke pahaohao no kekahi wahine ui opio, elike me Alice ana e ike mai ana, i komo iloko o ka oihana Virigine, "e kala mai oe no ka'u mau olelo i kamailio aku nei ia oe, a, e hai aku au ia oe he 100 hapaha farani ke kumukuai o keia paa lole, o kona kumukuai nae i kinohi, he 200 hapaha farani.

            I kela wa nanao iho la o Alice iloko o kona ekeeke a haawi aku la ma ke dala gula i ka huina o 200 hapaha farani. Ua hoole mai la hoi ka wahine humu lole i ka lawe ana aku i ka 100 hapaha farani oi aku i ko kana i nonoi mua mai ai, eia nae, ua hoopaakiki aku la no o Alice, e lawe oia i keia haneri hapaha farani.

            Ua piha hauoli loa ua wahine humu lole la no ka loaa ana o keia haawina pomaikai iaia, ame ke ohoia e pukalaki ana iloko o kona haupo, pane mai la ia imua o Alice:

            "E ka makuahine hemolele a maikai, ke haawi aku nei au ia oe i ka'u mau hoomaikai ana no keia lokomaikai piha ou; a ke hooia nei au imua ou, e hana no au i kau mau kauoha apau e haawi mai ai ia'u, ma keia hope aku, ma ka maikai ame ka holopono, no ka uku haahaa. Ua aie nui au i kou lokomaikai."

            "E madame, aole anei he mea pono ia oe, ke ae mai ia'u, e hookuku au i keia paa lole maloko nei o keia wahi, me kou kokua pu ana mai i ka hookomo ana mai i keia lole ia'u, nokamea, ke ku keia paa lole ia'u nei, alaila, o ke ku ana no ia o keia lole i ka mea nona keia lole a'u i kuai iho la."

            Ua ae mai la ka wahine kela. Ua wehewehe ae la o Alice i kona paa lole e komo ana, oia ka aahu Virigine o ke aloha, a komo iho la oia i ka paa lole hou ana i kuai iho la.

            Ma ka wa a ka wahine tela e hookomo ana i ka lole, aia he manao hoohuoi ano e loa e poluluhi ana iloko o kona noonoo, a oia kana i hoopuka iho ai ia Alice:

            "E ka makuahine hemolele, o kou oiwi kino a'u e ike nei i keia wa, ma kona mau ano apau, ua like loa ia me ke kulana oiwi kono o Kauna@ de Berene, ka mea nona ka aahu mare a'u i hana ai, ma ka wa i mare ai oia me Kauna Berene. A pela nohoi me na aahu e ae o ua Kauna-wahine nei mamua o kona make ana, na ko'u hale nei no i hana ia mau aahu apau. Ke ike nei hoi au, o keia ana ma keia paa lole au e komo nei, ua like loa no ia me ke ana o na lole apau o ua Kauna-wahine ai. He mea haohao keia ia'u. Ma ka wa mua loa i laweia mai ai o kekahi kauoha e hana au i kekahi mau lole wahine malalo o ke kauoha a kekahi keonimana o George Lamabeta kona inoa, ua ano like no ke ana elike me keia."

            I keia wa i pau ae ai ke kamailio ana a ua wahine humu lole nei, a ua ili pono loa iho la hoi na mea apau maluna o ka oiwi kino o Alice, me ka maikai; a ma ka nana aku iaia i keia wa, ua like loa ia me kekahi Virigine o ka papa o na wahine hoohiki o na Virgine Karamela. Alaila, kamailio aku la o Alice i ua wahine humu lole nei:

            "Ea, e kuu hoaloha maikai, ke ole au e kuhihewa, he mau mea oiaio kau i kamailio mai nei ia'u; aole hiki ia'u ke hoole aku la mau mea, oiai, aole no i maopopo ia'u kahi i hanaia ai o na lole o Kauna-wahine de Berene. O ka'u mea i makemake ai ia oe e kokua mai ia'u, oia keia, e ae oe e huna aku i keia mau wahi lole o'u, ma kahi e ike ole ia ai e kekahi mau maka e ae, mawaho ae ou, mahope iho o ko'u haalele ana iho ia oe. A e hele ana au me keia paa lole a'u i komo iho la, a na'u auanei e hooponopono no keia lole me ka mea a'u i makemake ai e haawi aku. Oia ninau, aole me oe ka noonoo ana. A eia kekahi, ina e hoea mai kekahi ninau ia nei, mahope iho o ko'u haalele ana iho ia oe, ina paha na hoea mai ia nei kekahi Virigine leo-paa, noloko o ka papa Virigine o ke aloha, e ae aku oe, me ka olelo ana, he kaikuahine o ke aloha kai kipa mai i kou hale hana nei, aka, he wahine ia i hiki ke kamailio, aka hoi, ina e-"

            Aole i pau pono keia mau huaolelo a Alice i ka hoopuka aku aia hoi, komo mai ana kekahi o na kaikamahine lawelawe o ka wahine tela lole, a olelo mai ana, ua makemake ia oia ma ke keena kuai lole.

            Ma keia wa, i haawi mai ai ka wahine humu lole i kana noi ia Alice e kala aku iaia, no kekahi wa pokole, a olelo mai la nae ia:

            "E ka makuahine maikai, e noho oe maanei a hiki i ko'u hoi hou ana mai. Aole liuliu hoi mai au."

            I ka puka ana aku o ka wahine humu lole iwaho, ua hele aku la o Alice a ma kekahi wahi puka aniani e huli pono ana ma ka rumi kuai o loko o ua hale la, kiei iki aku la ia iwaho, mai ka rumi aku ana e noho ana, aia hoi, ike aku la ia i kekahi kanaka malihini loa o kona mau helehelena iaia, ma kana hoomaopopo iho no ke ano o kela kanaka ana e ike aku nei, me he mea la, he makaikiu kana oihana.

            Aole i kana mai kona maka'u ame ka lelele o kona oili ia wa. Ua uhi pono iho la ia i ka uhi maka e kuuwelu iho ana mamua pono ona, a hoao iho la ia e hoomalielie i na okaikai pioloke ana o kona noonoo. Noho iho la ia maluna o kekahi noho, me ke kali pihoihoi ana no ka hopena o na kuka kamailio ana mawaena o ke kanaka i komo mai ai, mae ka wahine humu lole.

            Ma ka wa i halawai aku ai ka wahine humu lole me ua kanaka la, ua panaiia ae la na hoolauna aloha ana mawaena o laua, a hoomaka iho la na kamailio ana mawaena o laua.

            Hoike mai la ke keonimana i komo mai ai iloko o ua hale tela la imua o ka hakuwahine nona ia hale, he makai kiu oia, a ua makemake oia e ike, ina paha ua hoea mai ilaila kekahi Virigine o ke aloha, he wahine hoi ia i hiki ole ke olelo, aka, o ka lohe nae, he lohe no ia wahine.

            Ua pane aku la ka lede nona ka hale tela.

            "Ua hoea mai nei ia nei kekahi wahine Virigine, aka, he wahine nae ia no ka papa o na Vierigine Karamela; a ina makemake oe, e ike i ka oiaio o ka'u me i hai aku ai oe, alaila, ua hiki no ia oe ke komo pu me a'u maloko o kuu keena hookuku kapa, a e ike no oe i ka makuahine hemolele a'u i hai aku la. A ua hiki no oe ke kamailio pu me ia, mahope iho o ko'u hoolauna ana@ ona."

            Pehea: "He wahine hiki kela ke kamailio, elike me oe e kamailio mai nei ia'u? E ha'i aku ia oe, e Madama, he wahine hiki ole loa i ke kamailio ka'u i huli mai nei. Ina o kela wahine au i hoike mai la ia'u, i aahuia me ka lole Virigine Karamela, a he hiki ole ia i ke kamailio, alaila, o ua wahine la no ia a'u i huli mai nei; a ina hoi, he wahine hiki ia i ke kamailio, elike me ka hiki ia oe, e kamailio pu mai nei me a'u, alaila, aole ia o ka'u wahine i huli mai nei, ina no he aahu kona o ka Virigine o ke aloha. Aka, i mea e hoopauia ai ko'u pohihihi, e oluolu oe, e alakai aku ia'u e ike aku au i ka lede hemolele au i kamailio mai nei ia'u," wahi a ka makaikiu i pane mai ai i ka wahine humuhumu lole.

            I kela wa i komo aku ai laua no ka rumi o Alice e noho ana, a, ia wa hoi i hookahi no, huli ae la ia (Alice) a pane aku la imua o ka makaikiu:

            "Me ka hauoli au e apo aku nei i kou ike ana mai ia'u; a e oluolu anei oe, e hai mai ia'u i kou makemake?"

            Aole i kana mai ka piha pioloke o na noonoo ana o ua makaikiu nei, ma kona wa i lohe ai i ke kamailio maoli ana aku o ka wahine ana i manao ai, oia ka wahine Virigine leo paa i hoea ai ma ka hale o Barona de Maraceli, ma ia kakahiaka, elike me kana i lohe ai mai a Kauna de Berene mai, me ka pupuahulu, ma ka wa he aneane kamailio mai ai ka wahine tela ia Alice.

            "E ka makuahine hemolele, e oluolu anei oe e hoolauna aku au i keia keonimana imua ou?"

            "Aole au i ike, heaha la ke kumu e hiki ole ai ia'u ke ae aku i kau noi, e ke kaikamahine maikai, oiai hoi, o oe ka haku ame ka ona o kahi a'u ame keia keonimana maikai e ku nei," wahi a Alice Virigine i pane aku ai i kona hoaloha, me ka noiau nui, a ma ia wa ha hapalua hora wale no mamua iho o kona hoea ana mai i ka hale tela lole, a hui iho la me ka Virigine o ka aahu Karamela.

            No ke ano kaulua loa o ka pane ana mai o ua makikiu nei no ka Alice ninau i ui aku ai imua ona, ua kamailio aku la o Alice iaia:

            "E kuu hoaloha maikai, ke ole au e kuhihewa, he makaikiu kau oihana? A me he mea la, aia iloko o kekahi wahine o ka aahu hoano, elike la paha me ko'u e aahu nei, a he aahu e ae paha no kekahi mahele hoano e ae, he mea huna pohihihi i koiia ai oe, a i ole, i hookauwaia ai oe e huli aku? Aole anei pela?"

            Na keia mau ninau a Alice i ninau aku ai, ame ko Alice ha'i e ana aku he makaikiu kana hana, ua hooi loa ia aku kona pahaohao. Akahi no keia wahine a ike iaia, a, aole hoi he mau mea maluna ona, e hiki ai ke ikeia, he makaikiu ola, eia nae, ua hiki ka i keia Virigine malihini loa iaia, ke hoike pololei aku imua ona, he makaikiu oia.

            I nei wa i pane mai ai ua makaikiu la:

            "E ka makuahine maikai he mea oiaio he mea huna pohihihi ka'u e huli nei. Pehea la oe i ike mai nei o ka'u huakai ia o ka hoea ana mai nei ia nei? Aole hiki ia'u ke ike i kahi i loaa mai ai oia malamalama ia oe. Pehea ia oe i ike mai nei, ua hoolimalima ia au no ka huli ana i ua mea huna pohihihi la? Aole no i maopopo ia'u. Pehea hoi oe, e ke kaikuahine hemolele, i ike mai nei aia iloko o ka wahine i aahuia me ka aahu Virigine, kahi e loaa ai ia'u ka mea huna pohihihi a'u i imi nei? He mea pohihihi no ia. Aka, hookahi mea maopopo ia'u, he wahine Virigine ka'u i imi mai nei-he wahine Virigine leopaa kela-a o Alice hoi kona inoa. O ua mea huna pohihihi la a'u i imi mai la, aole ia e loaa iloko ou, e ka makuahine maikai, nolaila, e kala mai oe ia'u, a e hookuu mai hoi ia'u."

            Ma ka wa a ua makai kiu nei e noke mai ana i ke kamailio, ua ulu ae la he ulia laki no kona kamailio ole ana imua o kona makuahine, ma Mareceli Hale, a he mea pono hoi iaia ke hoopalupalu loa i na noonoo hanu mea huna pohihihi o nei wahi makaikiu, ma kona kipapa ana aku maluna ona (makaikiu) i ka manao, aia me ia nei-(me Alice) ko ke Akua lokomaikai no ka ike ana i na mea huna pohihihi apau e pili ana i ka hana a ua wahi makaikiu la i hoounaunaia ai e huli, nolaila, kuhikuhi ae la o Alice i ka hoailona o ke kea ma kona lae, ka umauma ame na kipoohiwi, a pane aku la imua o ka makaikiu:

            "Manao au, e oluolu mai oe, e pane mai oe i kekahi mau ninau a'u e ninau aku ai ia oe, a oia keia:

            "Aole anei o Kauna de Berene kou mea nana i hoolimalima mai nei e hana i keia hana?

            "Ae, oia no."

            "Ua pono. Oia ka hoike a na leo melodia o na Anela e hawanawana nei ma ko'u mau pepeiao. Aole anei i hoolimalimaia oe e imi a loaa ka wahine a ua Kauna nei i kanu ola ai iloko o ka luakupapau, a i ikeia hoi e ua Kauna la; eia ua wahine la ana ke ola nei no i keia wa?"

            "Oiaio no."

            "Ae, Aole anei oe i lohe, aia ka wahine a ua Kauna la, nona ka inoa o Alice, malalo o ka malama ana a kekahi kanaka opio o George Lamabeta kona inoa?"

            "Oia no."

            "Aole anei oe i lohe, eia kela wahine iloko nei o ke kulanakauhale a Parisa?"

            "Ua lohe au pela."

            "E hai aku au ia oe, ma na inoa o na anela hemolele apau o ke Akua, hora 7 o keia ahiahi e loaa no ua wahine la ia oe ma ka hotele Dubona. A penei e loaa ai ia oe. Hora ehiku ponoi e hiki ai oe ma ua hotele la, a ina e loihi iki oe i hookahi minute mahope iho, aole loa e loaa ua wahine la ia oe. Nolaila, e hoomanao, ua kuhikuhi aku la na anela hemolele i kahi e loaa ai ua wahine la ia oe. Ua waiwai kau huakai, e kuu hoaloha, ua hoikeia kahi e loaa ai ka mea huna pohihihi au e huli nei. Dominus vobiscum."

            I keia wa i ku ae ai ua makaikiu la iluna me ke ano e loa o kona helehelena, ame ka haohao ninau mai la ia:

            "O oe anei o Kaikuahine Berepetua o ha Hale Hoohiki o na Virigine Karamela, ka mea a'u i lohe ai, he wahine hemolele loa ia; a ua loaa hoi iaia na garatia hemolele o ka ike ana i na hihio, na akaku ame na mea huna pohihihi?"

            "E kuu keiki," wahi a Alice i pane aku ai i ua makaikiu la, "aole au oia Kaikuahine maemae a hemolele, ka ipu a ko ke Akua garatia i waiho ai; aka, o Kaikuahine Alice au o loko o ka poai o na wahine i alana i ko lakou mau ola ana no ke aloha i ka makuahine, ka makuakane, no hoakanaka apau, a maluna ae o na mea apau o ke aloha i ke Akua. Pax Dominis vobiscum." (O ka malu o ka Haku me oe.)

            Ua haalele iho la ka makaikiu la loko o ka rumi i kamailio pu ai oia me ka wahine mana i hoopahaohao loa i kona mau noonoo apau, ka mea hoi ana i manaoio loa ai i kinohi o ka mea no ia ana i hookauwaia ai e huli. Hookahi mea nui ana i hoopaanaau loa ai, oia na olelo a keia wahine Virigine, o kahi e loaa ai kana mea e huli ana, ma ka hotele Dubona no ia, ma ka hora 7 no ia oia ahiahi, aole nae e hala hookahi minute. Nolaila, ua hooholo paa iho la oia iloko ona, e hele ana ia i ua hotele la e noho ai ma ka wa i 15 minute mamua ae o ke kani ana o ka hora 7 oia ahiahi.

            O ka wahine humu lole kekahi i hoopahaohao loa ia no na hana a kona hoaloha Virigine, a manaoio loa iho la no ia, he Virigine io maoli no kona hoaloha maikai, a he wahine hemolele hoi la, a oia ke kumu o kona ike ana i na mea huna pohihihi, elike me kana i ninau hoohuahualau ai i ka makaikiu.

            I keia wa i ku ae ai o Alice iluna me ka hoomakaukau ana e haalele iho i kona hoaloha humu lole, aka, ia wa i komo mai ai kekahi kanaka ma ka rumi mawaho, a kii mai la kekahi kauwa lawelawe i ka haku hale, e hele aku e hui me ua keonimana la.

            "He keu ka hoi ka hao o ke komo mau ana mai o na kane iloko nei o ko'u hale. He mea hou keia."

            Elike nohoi me ka hana a ke kanaka mua pela no ka keia kanaka hou i hoea mai la, nolaila, ua lawe mai la ka wahine o ua hale la i ua kanaka la, a hoolauna mai la ia Alice.

            Ike koke aku la no o Alice, ma na ano apau o keia kanaka, he makaikiu no oia, a lele e wale ae la no ka hauli hauoli iloko ona, he hoaloha paha nei makaikiu no kana mea i aloha ai.

            Oiai e opuopu ana na manao mahiehie aloha iloko ona no George, aia hoi, pane ma la ka wahine humu lole.

            "E ke Kaikuahine hemolele, e ae mai oe e hoolauna aku au ia oe me keia keonimana. Ua ha'i mai nei oia ia'u i kona inoa o Piere?"

            "O oe anei ka makuahine hemolele i halawai pu iho nei me Batona, kekahi makaikiu kaulana loa o Parisa nei?"

            "Ae," wahi a Alice i pane aku ai.

            He oiaio anei, ua hai ae nei oe iaia, he kanaka ia i hookauwaia malalo o Kauna de Berene?"

            "Ae."

            "Alaila, e ke Kaikuahine maikai, e ae mai, e hoike aku au ia oe, he makaikiu ka'u oihana, aole nae au mai a Kauna de Berene mai, aka, ke hana nei au no'u iho, a no ka pono o ko'u mau haku, oia o Alice ame kekahi mea e ae. He oiaio anei, ua hai ae nei oe, e ka makuahine maikai, ia Monosiu Batona e hiki ae oia i ka hotele Batona e hiki hora 7 o keia ahiahi, a malaila e loaa iaia kana mea i huli mai ai?"

            "Ae."

            "Aole anei o Kaikuahine Alice kou inoa?"

            "Oia no."

            I keia wa i huli ae ai ua makaikiu nei a olelo aku la i ka wahine haku o ka hale humu lole:

            "E Madama, e oluolu oe, e haalele mai ia loko nei o keia keena no kekahi wa pokole loa?"

            Ma ka wa i puka aku ai ka wahinehumu lole iwaho,ia wa ke kanaka makaikiu i kamailio mai ai imua o Alice me ka leo aloha:

            "Alice, Alice, e kuu haku wahine, ka mea a'u i hoopakele ai mai na lima mai o ka make. Alice ka haku a'u i noho ai me ka maikai. Owau no nei o Rikeke, ka olua kauwa hoolohe. Ua lalo loa au, ua loaa mai nei oe ia'u me ka palekana. Aole oe i paa i kela kanaka i hala aku la. Ke hoomaikai nei au i ke Akua lokomaikai no Kona hoopakele ana ia oe mai na lima mai o kela kanaka kauwa kuapaa a Kauna de Berene."

            Ma keia wa i wehewehe ae ai ua wahi Rikeke nei i kona mau aahu huna apau i aahu hoanoe ai iaia iho; a koe iho la kona mau wahi aahu maoli. Hemohemo ae la na wahi umiumi hookui, a waiho maopopo mai la kona mau ano apau imua o Alice, a he mea oiaio, o kahi Rikeke hoopono no ia.

            "E hai aku au ia oe, e kuu hakuwahine, o ka mea nona keia hale, o ke kaikamahine ia a ko'u wahi pokii kaikuahine i make; nolaila, he pilikoko ponoi loa keia no'u, a ina oia e ike mai ana ia'u i keia wa, e lilo ana ia i mea hoopuiwa loa aku iaia. Mamua o ko'u kahea ana aku iaia, e ae mai oe, e ninau aku au ia oe:

            "Ua hoike iho nei anei oe i kou ano oiaio maoli ia Madam Blanche?"

            "Aole," wahi a Alice i pane aku ai, me ka hoomau i ka olelo ana aku, "Ua hauoli loa au i kou hoea ana mai nei, e Rikeke, am ka wa pono. Aole no au i manaoi iki o oe keia i komo mai nei, aka, ua hoike e mai la no nae kekahi hauli lele iloko o'u, aia maloko aku o ka aahu huna au i wehewehe ae nei, he opu no ke aloha no ka'u mea i aloha ai; a e Rikeke, ua ike no oe i ka'u mea i aloha ai.

            "Ma ka la iho la no inehinei, i hoea mai ai maua i Parisa nei. O ke kumu nui o ko'u hoea ana mai la ia nei, mamuli no ia o ko'u manao hoopaakiki e hele mai i Parisa nei, no ko'u ake loa e ike ia Mama Maraceli ame Papa nohoi, eia nae, eia au ke ike nei, ke komo aku nei au iloko o ka pilikia nui. Ua loaa nae ia'u ka maha, ua hoea mai nei oe.

            "No kau mea i ninau mai nei ia'u, ina paha ua hoike iho nei au i ko'u, ano oiaio maoli i ka lede o keia hale, e ha'i aku au ia oe, aole. Eia nae, ua ha'i aku nei no au iaia o Kaikuahine Alice ko'u inoa, a oia inoa hookahi no ka'u i hai aku nei i kela makaikiu i hoi aku nei."

            (Aole i pau.)