Ka Nupepa Kuokoa, Volume XXXVIII, Number 32, 11 August 1899 — KA HUI A NA KAUKA. [ARTICLE]

KA HUI A NA KAUKA.

Ma ke ahiahi Poakahi nei i malama ia ai ka halawai mahina a ka Hui a na Kuka o Honolulu nei. Ua akoakoa ae kekahi poe kauka kamaaina, elike me Hoffman, Alvarez, C. B. Wood, Myers, Humphries, Sloggett, Garvin, Howard, Cleveland ame Cooper, ame kekahi mau kauka malihini. Ua lilo ka noho lunahoomalu ana ia Dr. C. B. Cooper, a ia Dr. Garvin ka oihana kakauolelo. Mamuli o ka hiki ole ana mai o Dr. Wood, a pela hoi o Dr. Day, na mea i manaoia, na laua e heluhelu mai ana i kekahi mau hoakaka e pili ana i ka ma'i "bubonika," nolaila, ua hoopanee ia ka noonooia ana oia kumuhana a ka wa e makaukau ai. Ua kamaiiio mai hoi o Dr. Brewer o Kikako (Chicago) no ka mea e pili ana i ka ma'i pupule. Ua paipai mai oia i na kauka e hoolilo i kahi hapa o ko lakou manawa, ma ka huli ana ame ka hakilo pono i keia ano ma'i, i hiki ai ke kokuaia ka pono o ka noho maluhia ana mawaena o na kanaka. He mea pono nohoi e malamaia ai na keiki liilii a ka poe ona rama mau ame ka poe pupule. A e haawiia ko lakou malama ia ana i ke aupuni.