Ka Nupepa Kuokoa, Volume XXXVIII, Number 31, 4 August 1899 — HE MAU NINAU KALAI AUPUNI. [ARTICLE]

HE MAU NINAU KALAI AUPUNI.

Ua ike iho makou maloko o ka nupepa puka-la "The Hawaiian Star" o ka la 23 aku nei o kela mahina he mau ninau, he ewalu ko lakou nui, mai ka mea kakau mai o ka nupepa "Call" o Kapalakiko, ma Honolulu nei. E uka!i ana i keia mau ninau na haina a Ka mea nana i pane ae i ua mau ninau la, elike ine kana i manao ai o kana mau haina ia oia mau ninau. Aka, ma keia wahi o ka makou pepa, ke hoolaha aku nei makou i na ninau wale no, a koe na haina, a ke makemake nei lioi makou e Joaa mai na haina mai waena mai o ko makou poe heluhelu. E hoomanaoia, o keia nupepa "Call" o Kapalakiko, oia ka nupepa kue loa i ka 'hoohui aupuni mawaena o Hawaii nei ame Amerika Huipuia, a he nupepa kue nohoi ia i ka oihana kepa kanaka ma Hawaii nei. E hauoli ana makou ke loaa mai na pane a. na makamaka no keia mau ninau. E *hoouna mai i na pane me na inoa oiaio o ka poe na lakou i kakau mai. 1. Heaha la ke ano (kulana) aupuni a kou noonoo i manao ai, ua kupono ia no Ko Hawaii nei Pae Aina? 2. E pono anei ke koho balota la, na hoa o ka Aha Kiekie ame na Aha Kaapuni, a i ole, o na hoa wale no paha o kekahi o laua ke koho l>alota ia, a i ole, e hookohu maoli ia paha lakou ma ka oihana, ma na Aha elua, a ma ka Aha hookahi wale no paha; a e noho anei lakou ma ka oihana apau ke ola, a i ole, no kekahi mau makahikipaha? 3. Kokua anei oe ika hoomauia ana aku o na hoa o ka oihana hookolokolo, e noho nei i keia wa; a oia manao ou, mamuli ia o kou hoopilimeaai ole ia lakou, aka, mamuli ia o kou manao maoli ana, he hana pono ia e hana ia ai? 4. Manao anei oe, ua oi aku ka pono no kakou nei, e koihoia ko kakou mau luna aupuni e ka Peresidena o Amerika Huipuia, ina e ku ana kakou ma ke Kulana Aupuni Teritori, a e waeia hoi ia poe mai waena mai o na kanaka noho ana maloko nei o ke Teritori, a i ole, mai Amerika Huipuia mai paha? 5. Manao anei oe, ua oi aku ka pono e hookohu maoli ia mai na luna aupuni e ae e ke Teritori nei e ke Kiaaina, a i ole, e koho ia paha lakou e na kanaka ma ka balota? 6. Aia anei oe ma ka aoao e hoopaa ana i ke kanawai e kau ana i hoopai paahao, maloko o na aelike kepa kanaka? Ina aole, alaila, he manao hoakaka anei kou, no ka mea e pili ana i mau kanawai i mea e pulamaia ai ka pono o na poe haku hana, a palekana hoi ka lakou dala? 7. He manao hoakaka anei kekahi au e pili ana i kahi e loaa ai na limahana lawa pono. i lawa ai na Uemahema o ko kakou mau mahiko, ame na oihana mikiala e ae? 8. 'Heaha la kou manao no ka pono koho balota? E haawi lauiahaia anei ia pono, a i ole, e hoohaikiia paha? Pehea hoi kou manao no ka poe i hanauia ma Hawaii nei, no ka mea e pili ana i keia pono, ina he poe kanaka maoli, a i ole, noloko mai paha o na lahui Asia? 0 keia mau ninau ae la, oia na ninau kalai aupuni a makou i hoike ai ma ke poo o keia manao; a nolaila, o na pane e loaa mai ana ia makou, he mau haina lakou no keia mau ninau kalai aupuni. Mai poina i na Huaale Akala a Kauka Williams. Pela nohoi me na Huaale a Doan.