Ka Nupepa Kuokoa, Volume XXXVIII, Number 29, 21 July 1899 — KA AHA HOOKOLOKOLO UWAO O ROMA. [ARTICLE]

KA AHA HOOKOLOKOLO UWAO O ROMA.

Ma keia wahi o ka makou pepa o| keia la, ke hoopuka aku nei makou i keleahi mau pauku ano nui o loko o ke Kuikahi Hooponopono Maluhia o ke ao nei. elike me ia i hoolalaia mai nei e Ka "Ahaolelo Lahui o ke Ao nei" e noho mai .Ia ma ke kulanakauhale poo o ke Aupuni o Holani. Pauku 20.—Ua aelike na mana aupuni i kakauinoa maialo o keia kuikahi e hooponoponoia na kuee aupuni i hiki ole ke hooholo pono ia ma na kukakuka pili aupuni maoli ana, mawaena o na aūpuni hoopaapaa elua, e waiho aku i ua hoopaapaa la imua o kekahi Aha Uwao Kumau, a e alakaiia ana hoi na hana ame na lawelawe ana a ia Aha e na loina alakai i hōikeia ma keia kuikahi. Pauku 21.—Ua loaa ka mana piha, a akea i keia Aha ma na hihia apau, koe wale no ma ka wa e aelike ai na aoao hoopaapaa elua, e kaupaleia ka mana hookolokolo o ka Aha, a lilo i mana hooponopono kuikawa wale no. Pauku 22.—E hoonoho ia he Buro (Keena Oihana) ma Ka Hague (The Hague) a e malamaia ana hoi ua Buro la e kekahi Kakauolelo Nui, a oia no ke keena oihana o ka Aha. A na ka Aha e malama i na palapala ame na mea apau i pili i na hana i hanaia malaila. Pauku 23. —E kohoia e kela ame keia Mana Aupuni i kakauinoia malalo o keia kuikahi, iloko o ekolu mahina mahope iho o ke aponoia ana o keia kuikahi, i poe hilinaiia no ka makaukau ma na kanawai lahui, a kulana hoopono hoi, a he poe i makaukau e komo aku ē lawelawe i na hana lunakanawai koho. He eha ka nui oia poe. 0 ka poe i kohoia ma keia ano e hoopaaia no ko lakou mau inoa i mau hoa no ka Aha, a e hoikeia aku ana keia poe inoa e ka Buro imua o na Mana Aupuni apau i kakauinoa i keia-kuika-hi. Ua hiki no nae ke hoololiia keia papia-inoa. Ua hiki no ia elua aoi aku Mana Aupuni ke koho i hookahi a oi aku palia mau inoa, a ua hiki nohoi ke kohoia hookahi inoa e na Mana Aupuni apau. E noho ana keia poe hoa

ma ka oihana no ka manawa o eono makahiki. Ua hiki no ke hoonoho hou ia na hoa ma ka oihana. Ke hakahaka kekahi noho, e hoopihaia ana ia hakahaka elike me na rula i kohoia ai ka mea mua nona ka noho i hoohakahakaia. Pauku 24.—0 na aupuni i kakauinoa malalo o keia kuikahi, a i makemake e hooponopono kekahi kuee mawaena o liaua, ua <hiki oio ia laua ke wae i mau lunakanawai koho, mailoko ae o kapapa inoa holookaa. Ina e haina ole ia he nawai koho, mailoko ae o ka papa inoia holookoa. Ina e hana ole ia he aelike kuikawa mawaena o ua mau aupuni la, alaiia, e noho no ka Aha, elike me ka mea i hoikeia ma ka Pauku 31. 0 na lunakanawai i kohola ma ia ano, o lakou no ka Aha Uwao, nana e noonoo i kekahi kumuhana a ninau, e noonooia ana ma kekahi wa maopopo i hooholoia e na aoao paio eiua. Pauku 25. —O kahi e noho mau ai o keia Aha ma ke kulanakauhale no ia o

Ka Hague, aka, ua hiki no nae ke nowahi e ae, ke aelikeia e na Mana Aupuni i komo iloko o ka hoopaapaa. Pauku 26. —O na Mana Aupuni i kakaīiinoa ole malalo o keia kuikahi, e hiki no ke nonoi aku i ka Aha malalo o na kumu alakai i hooholoia ma keia kuikahi. Pauku 27— E hiki no i na Mana Aupuni ke hai aku i ka lohe i ko lakou mau hoa aupuni. no ke ku ana o keia Aha. ina hoi ua ulu mai he paonioni mawaena oia mau aupuni. a e manaoia he hana aloha a makamaka ia i mana ia aku. Pauku 28. —E noho ana he Aha Kuka niau, oia nohoi na luna aupuni o na Mana Aupuni i kakauinoa ma keia aelike, e noho ana ma Ka Hague, a o ke Knhina o ko na Aina E o ke Aupuni o Ho»ani, oia ka Peresidena, a e kukuluia ana ia Aha ma ka wa pono mua loa e loaa ana, mahope aku o ka aponola ana o keia kuikahi. E haawiia ana ka mana i keia Aha kuka e kukulu i ka Buro Lahui, a e kaa ana ia Buro malalo o ka hooponopono ana o keia Aha. E hoike aku keia Aha i na Mana Aupuni i paa maloko o keia kuikahi i ke kumukanawai o ka Aha Hookolokolo. ame na mla hooponopono e pili ana ina hana aia Aha. He mana ko ia Aha e hoopau i na limahana, a hoonoho paha i na limahana, ame ka hooponopono ana i na lilo o ia Aha. O ka noho kino ana o elima hoa o ia Aha, ma kekahi halawai ana ona, ua mana no ia, a oia poe elima ke koramu (qnorum) oia Aha. O ke koho ana a ka hapamii o na hoa ka mea e loaa ai ka olelo holookoa. E hoike makahiki ana keia Aha i na Aupuni apau i kakauinoa malalo o keia kuikahi no ka hana a ka Aha Hookolokolo; na hana ponoi iho o ka Aha ame na lilo. Pauku 29. —E ili ka hookaa ana i na lilo o ka Baro maluna o na Aupuni i kakauinoa i ke kuikahi. ma ka ratio i hooholoia e ka Buro Lahui o ka Oihana Leta Lahui. (International Postal l'nion.) Paukn 30.—0 na Aupuni e.ae ana e komo ka laua mau hooponopono ana iloko o keia Aha Uwao e kakauinoa no laua la o iakou paha) ma kekahi aelike maopopo, e homaopopo pono ana i ke knmnhana i makemakeia e noonoo. O ka na Aupuni hana ana pela. he apono ana ia i na hana ana a na aoao elua, ma ka manao maikai no ka hoopono-

pono Aha Uwao ana. Pauku 31. —Ua hiki no ke haawīia keia mana hookolokolo maluna o ka lunakanawai koho hookahi. a maluna paha o na lunakanawai koho he nui i kohoia e na aoao hoopaapaa, a i ole, mawaena mai paha o na hoa o ka Aha Uwao kumau e kukuluia aku ana e keia kanawai, oia hoi: Ke ole e hanaia ma kekahi ano okoa i ae, alaila, e koho kela ame keia aoao hoopaapaa i elua lunakanawai kolio, a na laua hoi e koho aku i lunakanawai nui. A ina e paakiki keia koho ana i lunakanawai nui, alaila, e haawi ke kohoia ana o keia lunakanawai i kekahi Mana Aupuni e ae e aponoia ana e na aoao elua. A ina no e loaa ole ka aelike ma o na aoao' elua ma keia hana ana, alaila, e koho kela ame keia Mana Aupuni i makemake ai nana e koho i lunakanawai nui, a na ia mau mana Aupuni i kohoia pela e wae i Lunakanawai Nui. Pauku 32. —Ina o ka lunakanawai nui he Moi a he Poo no kekahi Aupuni (State) alaila, e alakaiia ana na lawelawe hana ana maluna iho o kana olelo hooholo.

Pauku 33. —O ka Lunakanawai Nui (Chief Arbitrator). oia no ka Peresidena de jura o ka Alia. Ina aole e noho ia ka Aha Hookolokolo e kekahi Lunakanawai Nui, alaila, ua hiki no i ka Aha ke koho i Peresidena nona, mai waena mai o kona mau hoa. Ua hiki no ke waeia keia kanaka e na aoao hoopaapaa elua, a i ole, e ka Aha. O na Pauku 34 a 50, pili no ke kohoi'a ana o na Hoa Kuka, ke ano o ka olelo e kamailio ai ma ka wa e noho ai ka Aha, ame na rula o ka Aha, a he malu loa na hana a ka Aha. Pauku 51.—E palapalaia ka olelo liooholo i aelikeia ma ke koho ana o ka hapa nui, me ka hoike ana i na kumu oia ihooholo a,na, a e kakauinoaia hoi « kela ame keia hoa, a e hoike nohoi ka hapa uuku. i ko lakou mainao, a e kaikauinoa nohoi. O ka wa i hooholoia ai e ka Ahaolelo no ka noonooia ana o keia mau pauku ae Ja, oia ka Poakahi iho la o keia pule (lulai 17.) | Oka inoa nui o keia kuikahi, oia no keia: Ke Kuikahi no ka Hooponopono Oluolu ana i na Kuee Pili Aupuni."