Ka Nupepa Kuokoa, Volume XXXVIII, Number 29, 21 Iulai 1899 — Nuhou o na Aina E [ARTICLE]

Nuhou o na Aina E

Ua makaukau loa o Enelani e hooana aku i Aferika Hema i 40,000 a hoea i ke 50,000 poe koa no ka malama ana i ko Beritania mau poi>o ma Transvaal.

Hoole o Generala Alger, ke Kuhina Kaua o Amerika Huipuia, aole oia e holo balota pu ana me Kiaaina Pingree o Mikikana no ka oihana Senatoa mai ia mokuaina mai.

Ua hapaiia mai nei e kekahi poe Repuhalika o Neberaska he aoao kalailiiua no ke kue ana ia Peresidena Ma~ Kinile, ma na kumuhana""e""pili""ana i ka hoomahuahua ana i ko Amerika Huipuia mana mawaho ae o Amerika, ka lioomoamoaia ana o na hui "trusts" ame ka hanaia ana ona kuikahi kokua like i khi me kahi, mawaena o Amerika ame Enelani.

O ka ninau koho balota akea oia ka ninau e hoonioni nei i ka nolioalii o Belegiuma. Ke koi ikaika la na Sosialiki ame ka poe Rodikala e loaa ia pono mai ka nohoalii mai, a ke ae ole ia, alaila, e ulu ana he kaua kivila. Ua ulu nui na haunaele mawaena o kekahi mau kulanakauhale, a ua hiki ole i na maka'i ke- hoomalu aku i keia mau haunaele.

Aia maloko o ke kulanakauhale o Parisa ka wahine ui loa o ke ao nei, nona ka inoa o Jeanne Dortzal, a he keaka kana hana. O kona inoa i kapaia ai "Ka ui ona ui." Ua loaa iaia keia inoa mamuli o ka hooholo ana a kekahi papa kiure i waeia mai waena mai o ka poe pena kii ame kekahi ano hana e ae.

O Rev. Father George D. Heldmann ka inoa o ke kahuna Katolika Roma e holo balota ana no ka Ahaolelo Nui o Amerika Huipuia mai ka Apana Koho Balota Elua mai o Ilinoi. He kanaka kue loa keia i ka hanaia ana o na kuikahi kokua like, mawaena o AmeHka Huipuia ame Enelani.

Ke hoohanaia mai nei ka oihana makai o ke kulanakauhale b Parisa, ka ohe nana hoonui ike o ke kulana X Rays. Ma ka wa e hele ae ai kekahi wahine a kane paha e paa ana i kekahi puolo a paiki paha ma ka lima, oia ka wa e hoohuliio aku ai keia ohe nana ma ua puolo la, a ua oleloia e hiki ana ke ikeia aku na mea o loko o ka puolo.

Ua koi aku nei ke Aupuni o Amerika Huipuia i ke Aupuni o Guatemala e hoihoi hou xnai i ka waiwai o kekahi kanaka Amerika i laweia e ke Aupuni, me ka uku poho ana mai i $25,000, ame ka mihi mai o ke Aupuni Guatemala imua o Amerika Huipuia. Ua manao loa ia mamuli o ka holo pono ole ana o na kukakuka ame na noonoo ana mawaena o ke Kuhina Noho o Amerika Huipuia ame ke Kuhina Nui o Enelani, no ka palena aina o Alaska, ua hopo ia e na poe he nui e komo aku paha auanei o Amerika ame Enelani iloko o na lawelawe lima maoli ana. Ua koi o Enelani e waiho ia keia ninau iloko o kekahi Aha Uwao, a ua hooie o merika. Ua hookuuia mai no o Adimarala Cevera o ke aumoku kaua Sepania i ulupaia ai ma na kai o Sanatiago e na mokukaua Amerika, e ka Aha Hookolokolo Koa i malamaia ai ma Maderidsu Pela pu me na 'lii ame na kapena o na mokukaua e ae.