Ka Nupepa Kuokoa, Volume XXXVIII, Number 29, 21 Iulai 1899 — Page 4
| This text was transcribed by: | Rosemary Mccune |
| This work is dedicated to: | Kumu Shawna Alapa'i |
Ka Nupepa Kuokoa
KE KILOHANA POOKELA NO KA LAHUI HAWAII.
-----
Hoolaha Mana Hooko
---
HOOLAHA HUI I HOOHUIIA.
-
Ma ka Hana Hoopau i ka Hui Kope o Kanekoa, i kanpalenaia.
Oiai ua waiho mai ka Hui Kope o Kanekoa, i kaupalenaia, he Hui i Hoohuiia, kukuluia a e ku ana malalo, a ma o ka mana ia o na Kanawai o Ko Hawaii Pae Aina, elike me ke Kanawai no ia hana, ma ka Keena o ke Kuhina Kalalaina, he noi no ka hoopau ana i na Hui la, me ka palapala hooia i hoopili pu ia me ia mea, elike me ke Kanawai.
Nolaila, ke hoolahaia aku nei ma keia, i ka mea ame ka poe apau i loaa na kuleana ma kekeahi ana iloko o ua Hui la i Hoohuiia e pono e waiho mai i na kue no ka aeia ana o ua noi la, ma ke Keena o ke Kuhina Kalaiaina, ma ka Poalua, a mamua ae paha, oia ka la 26 o Sepatemaba, 1899, a o kela ame keia mea a makemake ana e loheia kona manao ma keia mea, e pono e hiki kino mai ma ke Keena Oihana o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 a.m. o ua la @la, e hoike mai i kumu, nokeaha la e ae ole ia ai ua noi la.
J. A. KING, Kuhina Kalaiaina.
Keena Kalaiaina, Iulai 19, 1899.
2764-9t.
-----
HOOLAHA AINA AUPUNI. - KONA AKAU, HAWAII
-
Ma ka Poakolu, Augate 23, ma ka hora 10 a.m., ma ke Keena o J. Kaelemakule, Kailua, e kuai ia aku ai ma ke kudala akea:
Apana aina he 304 Eka, oi aku a emi iki mai paha, ma Ooma, aneane 5 1/2
mile ma ka Akau o Kailua, ma kahakai. He aina kula @a.
Dala kuike, Dala Gula o Amerika.
Kumukuai oi aku maluna o $152.00.
No ke kii a no na olelo akyu paha i koe e ninau ma ke Keena o J. Kaelemakule, Kauilua, a i ole, ma ke Keena Aina Aupuni Honolulu.
J. F. BROWN, Agena o na Aina Aupuni
Iulai 20, 1899. 2764-4t.
-----
HOOLAHA AINA AUPUNI.
-
Ma ka Poakahi, Augate 21, ma ka hora 12 awakea, ma ke alo iho o ka Hale Hookolokolo, Honolulu, e kuai ia aku ui ma ke kudala akea keia mau Apana Aina Aupuni mahope ae nei:
Waiumalu, Ewa.
1. Apana o 6 25-100 Eka ma ka Ili o Pohakupu, Awawa o Waimalu, uneune hookahi mile mauka o ke Alanui Aupuni.
Kumukuai oi aku maluna o $150.00.
2. Apana o 2 8-10 Eka ma Kahikiea, Awawa o Waimalu, aneane 1/2 mile mauka o ke Alanui Aupuni.
Kumukuai oi aku maluna o $75.00.
Aiea, Ewa.
Apana, he 212 o ka Eka, he aina kula a wai nohoi, makai o ke Alanui Aupuni.
Kumukuai oi aku maluna o $10.00.
He kuike ke dala o keia mau kuai ae la maluna. Ma ke Dala Gula o Amerika Huipuia.
No ke kii, ame na mea i koe e ninau me ke Keena Aina Aupuni, Honolulu.
J. F. BROWN, Agena Aina Aupuni.
Iulai 20, 1899. 2764-4t.
-----
KUAI O NA HOOLIMALIMA O NA APANA AINA AUPUNI MA ALANUI MULiWAI. HONOLULU, OAHU.
-
Ma ka POAKAHI, Augate 14, 1899, ma ka hora 12 o ke awakea, ma ke alo iho o ka Hale Mana Hooko, e kuai kudala akea ia aku ai ua Hoolimalima o keia mau Apana Aina Aupuni mahope ae nei, e waiho la ma Alanui Muliwai, Oahu:
Apana 1. Manawa 21 makahiki. Uku hoolimalima oi aku maluna o $180 no ka makahiki.
Apana 2. Manawa 21 makahiki. Uku hoolimalima oi aku maluna o $110 no ka makahiki.
Apana 3. Manawa 21 makahiki. Uku hoolimalima oi aku maluna o $80 no ka makahiki.
Apana 4. Manawa 21 makahiki. Uku hoolimalima oi aku maluna o $100 no ka makahiki.
Apana 5. Manawa 21 makahiki. Uku hoolimalima oi aku maluna o $120 no ka makahiki.
E hoolaaia ana keia mau hoolimalima maluna ae ma ka hookaa mua i kela ame keia hapalua makahiki.
E kuaiia aku ana keia mau hoolimalima me ka hoomaopopo pono ia o keia mau kumu aelike, oia hoi e hoopiha pono ana na poe e lilo aku ai keia mau Apana a loaa ka iliwai o ke alanui (street grade) a e hoomaemae pono i ua mau Apana la a kupono i ke kulana ola maikai, mamua ae e ke kukulu ana i kekahi hale a mea e ae paha maluna iho.
A ma ia manawa a ma ia wahi nohoi e kuai kudala akea ia aku ai ka hoolimilima o kekahi wahi Apana Aina nuku ma Alanui Muliwai, e pili pu ana me ka Halepule Metodita Epikopale o na Iapana.
Manawa 20 makahiki. Uku hoolimalima oi aku maluna o $60 no ka makahiki.
E hookaa mua ia ana i keia ame keia hapalua makahiki.
O ke kauiia ana aku hoi o keia Apana, aia no ia ma ke kumu aelike penei:
O ka mea e lilo aku ai ua Apana la, aole oia e hana i na mea ino wale e hoopilikiaia ai ka aina o Halepule Metodita Epikopale o na Iapana e pili pu ana.
E ikeia ana no ka palapala aina o keia mau Apana Aina ma ke Keena Kalaiaina.
J. A. KING. Kuhina Kalaaina.
Keena Kalaiaina, Iulai 10, 1899. 2763-3t
-----
HOOLAHA I NA POE HOLOMOKU
-
Ma ka la 1 o Iulai, 1899, a mahope aku hoi, e kukuluia ana he ipukukui Homalamalama ma Leahi (Kaimana Hila), ma ka aoao hema o Oahu, Ko Hawaii Pae Aine, Latitu 21[degrees] 15' 8" Ak., Lonitu 157[degrees] 48' 44"Kom.
O ke kiekie a ka Ipukukui maluna ae o ka ilikai 145 kapuai.
Ka mamao i ikeia mai ai ka malamalama 15 mile.
Puoa pohaku he 40 kapuai ke kiekie. Palaina puna ia.
Kumu o ka puoa, maluna ae o ka ilikai 92 kapuai.
O na aniani hoonui ike (lens) he mau aniani "dioptric" ia o ka papa helu ekolu, e hoike ana he malamalama aiai kapalili ole, ma kekahi pi'o (arc) o 186[degrees] 45' me kekahi poai peahi ulaula (red sector) ma ka aoao komohana e uhi ana i ka ili o 11 1/2[degrees]. Ua pakuiia ka malamalama ma ka aoao Hikina a i ka laina e holo ana i hookahi hapalua mile mawaho aku o ka Lae o Koko (Koko Head). Mai keia laina aku, nee aku la ka lele ana o ka malamalama i ka Ak. 87[degrees] 20' Kom. oiaio. Mai ka lihi waho aku hoi o ka poai peahi ulaula ma ka aoao komohana mohala aku la ka malamalama i ka Hem. 81[degrees] 10' Hik. oiaio. Mai ka lini aoao maloko aku o ka poai peani ulaula ma ka laina kupono i na ipukukui o ke kowa (channel lights) mohala aku la ka malamalama i ka Hem. 69[degrees] 40' Hik. oiaio. Aohe ipukukui e ae e ikeia ana maloko o keia laina. O ka mamao o keia laina mai ka Boe Bele mai, ma ka laina e holo hema ana (maganeti) he 3100 kapuai. Ma ka laina hoi o na ipukukui o ke kowa, o ka mamao o ka lihi kuwaho o ka poai peahi ulaula ai ka Boe waena mai ma ka nuku o ke Awa he 1 3/4 mile.
IPUKUKUI O PAUKAA.
O ka Ipukukui ma Paukaa, Hilo, ua hoololiia ae a i Ipukukui omaomao.
UWAPO WAAPA, HILO
Ua kauia aku he Ipukukui ulaula ma ka Uwapo Waapa ma Waiakea, Hilo.
JAMES A. KING, Kuhina Kalaiaina.
Oihana Kalaiaina. Honolulu, H. I.
Iulai 1, 1899. 2762-3t.
-----
HOOLAHA AINA AUPUNI
---
OLAA, PUNA, HAWAII.
-
Ma ka Poaono, Sepatemaba 2, ma ka hora 10 a. m., ma ka Hale Hookolokolo, Hilo, Hawaii, e kuai ia aku ai ma ke Kudala Akea, malalo o na kumu aelike no kahi noho ame na hana hou, a ma na hookaa oluolu ana iloko o ka manawa o Umi makahiki.
Aneane 360 mau Apana Aina o 50 Eka o ka Apana hookahi ma Olaa Hou, i ana hou loa ia iho nei.
E hiki ana i ka me a kuai ana i kekahi Apana ke koho mai i ka lua o ka Apana e pili pu ana me ka Apana mua, koe nae ma Apana ma ke alanui nui.
O ka mea e kuai ana i Apana Aina ma ke alanui nui, ua hiki no ke koho i apana kaawale aku, aole hoi e waiho ana ma ua alanui la.
E kualia aku ana na Apana Aina no ke kumukuai e oi aku ana mai ka $1.00 aku a ka $20.00 no ka Eke, elike me ke ano ame kahi i waiho ka aina.
E loaa no na hoakaka piha no ka mea e pili ana i na kumu aelike no ke kuai ana ma ke noi kino ana mai, a i ole ai, ma ka Eke Leta paha i ke Keena Aina Aupuni, a i ole i kekahi o na Keena Aina maloko o ka Apana.
J. F. BROWN, Agena o na Aina Aupuni.
HOOLAHA AINA AUPUNI.
Iulai 3, 1899. 2762-8t.
-----
HOOLAHA AINA AUPUNI
-
Ma ka la 28 o Iulai, ma ka hora 12 awakea, ma ke alo iho o ka Hale Hookolokolo, Honolulu, e kuai kudala akea ia aku ai, ka hoolimalima o ka hapa mauka o na aina o Aliomanu, Papaa ame Moloaa, ma Kauai.
Ili he 2600 Eka, oi aku a emi mai paha.
Uku oi aku maluna o $500 no ka makahiki, e hookaa mua ia i kela ame keia hapaha makahiki.
E kaa ana ka hoolimalima malalo o na kumu aelike e pili ana i ka malama ana i na ululaau, ame na hookaawale aina ana no ka nohona hookuonoono.
No ua mea i koe e ninau ma ke Keena Aina, Honolulu.
J. F. BROWN, Agena o na Aina Aupuni.
Iune 28, 1899. 2761-td.
-----
HOOLAHA HUI I HOOHUIIA.
-
Ma ka Hana Hoopau i ka hui Huelo Sugar Mill Company, i kaupalenaia.
Oiai ua waiho mai ka Huelo Sugar Mill Company, i kaupalenaia, he Hui i Hoohuliia, kukuluia a e ku ana malalo, a ma o ka mana la o na Kanawai o Ko Hawaii Pae Aina, elike me ke Kanawai no ia hana,m ma ke Keena o ke Kuhina Kalaiaina, he noi no ka hoopau ana i ua Hui la, me ka palapala hooia i hoopili pu ia me ia mea, elike me ke Kanawai.
Nolaila, ke holahaia aku nei ma keia, i ka mea ame ka poe apau i loaa na kuleana ma kekahi ano ilokjo o ua Hui la i Hoohuiia, e pono e waiho mai i na kue no ka aeia ana o ua noi la ma ke Keena o ke Kuhbina Kalaiainam ma ka Poaham a mamua ae paha, oia ka la 24 o Augate, 1899, a o kela ame keia mea a makemake ana e loneia kona manao ma keia mea, e pono i iki kino mai ma ke Keena Oihana o ka mea nona ka inoa malalo iho nei, ma ka Hale Oihana Hooko, Honolulu, ma ka hora 10 a. m, o ua la 'lam e hoike mai i kumu, nokeaha la e ae ole ia ai ua noi la.
J. A. KING, Kuhina Kalaiaina.
Keena Kalaiaina, Iune 19, 1899.
2560-9t
-----
Ka Liona o ka Akau
-
He Mooolelo no ke Au Manawa
-:o:-
Gustavus Adolphus.
--
Kakauia e G. A. Henty a unuhiia e kekahi mea unuhi mooleloo ke Kuokoa.
-
MOKUNA XIII.
Huli ae la keia a kamailio aku la i kona mau hoa: "Ua ike ia kakou. Hookahi wale no a kakou hana pono ma ka wa a'u e kauoha aku ai ia oukou, oia ko kakou hakaka ana no ko kakou mau ola. O ka mea maopopo ia'u i keia wa, ale i maopopo i kela poe, he poe enemi pana kakou no lakou, a i ole, he hoaloha paha kakou no lakou. Aole o'u wahi kanalua iki, e hoea mai ana ka wa e mahuahua loa mai ai ka nui ame ke lehulehu loa ana mai o keia poe."
"E kakiana, e lawe aku oe i hookahi kanaka o lakou nei, a iho pu aku olua ilalo, a hoonoho aku oe iaia e ku kiai ma ka puka o lalo, a e kauoha oe iaia aole pono ia e kamailio i kekahi huaolelo hookahi ma ka wa a na kanaka e hoao ai e wehe mai i ka puka - e paa loa kona waha."
Ua hooko koke aku la ua wahi kakiana nei elike me ke kauoha a Makamu. Mahope koke iho no o ka hoonohoia ana aku o kahi koa kiai ma ka puka, o ka wa no ia i loheia aku ai o ke kikeke ana mai o na kanaka ma ke pani puka.
Ia wa haawi ae la o Makamu i ke kauoha i kekahi wahi kanaka ona, a he kakiana la noloko o kona puali.
Lohe ia aku la ka uwauwa ana mai o kekahi poe mawaho mai o ka puka, me ke kahea ana mei hoi i ka poe maloko aku nei, e puka aku iwaho, ina he poe hoaloha lakou. Aka, aole nae he pane i loaa mai a Makamu ma aku.
I nei wa, huli ae la o Makamu a kamailio ae la i kona mau wahi hoa:
"Ea, e ai kakou i ko kakou wahi aina kakahiaka. Ke ike nei au e lilo aku ana kakou i poe hoopaa pio ia ana iloko nei o keia wahi e kela poe Bavaria puuwai omo koko. E paa kakou i keia wahi i puuhonua a i wahi malumalu hoi no kakou a hiki i ko kakou wa e lohe aku ai i ka lei o ka pahu mai kekahi pualikoa mai a kakou, ina hoi e maalo wale mai ana maanei nei, o ko kakou wa ia e haalele iho ai i keia wahi. Manao au e hiki ana no ia kakou ke paa iho i keia wahi, a kue aku i keia poe Bavaria. He mea pono nae ia kakou ke ai akahele loa i ko kakou mau wahi apana palaoa i koe, i loaa ai nohoi he wahi ai na kakou e kamau iki aku ai iloko o na hora e noho ai kakou iloko nei. Ua maopopo ia'u, o ka wai e inu ana ko kakou mea pilikia, aka, ke manao nei au e pau ana ia pilikia o kakou, mamuli o ko kakou kii ana aku i ka hau (snow) i haule iho maluna ae nei o kakou. Ua lawa no ia no ka hoomaha ana iho i ko kakou makewai."
Ke lohe aku la no lakou nei i na poluku ana mai a na kanaka malalo, aole nae i liuliu pau mai ia ka poluku ana mai a ua poe la.
Ua ike iho la ua poe Bavaris nei me ka maopopo loa, aohe keia poe kanaka e noho nei iloko o ka hale bele, he poe hoaloha no lakou, aka, wahi a lakou i noonoo wale iho ai, o keia no na kanaka a lakou i noke ai i ka huli i ka po mamua iho.
Nolaila, haalele iho la ua poe kanaka nei i ka halepule, a nee aku la lakou a kaawale iki aku mai ia wahi aku. Hoounaia aku la he ekolu poe o lakou no ke kii ana aku i kekaai poe hou o lakou.
I ko Makamu ike ana i keia haaa a ua poe Bavaria nei, hoomaopopo iho la ia, he mea makehewa wale no ia lakoa ke pee iho, me ka hoike ole ana ia lakou iho imua o ko lakou poe enemi, a e hoomakaukau hoi no ke paue ana ia lakou iho.
O ka hana mua ana ihana ai, oia kona pii ana aku iluna o kaupoku o ka hale bele, me ka manao e loaa ana la iaia ka hau (snow) aka, ike iho la ia ua hehee ka hapa nui o ka hau, mamuli o ka ikaika o ka wela o ke ahi hoopumehana a lakou i hana ai.
Ua loaa ino la no nae, he mau wahi popo hau ma na kipoopoo pohaku o ua puo'a nei
Kahea iho la ia i ke kakiana o kona wahi pualikoa uuku e pii ae iluna no ke kokua ana iaia ma ka hoiliili ame ka hoakoakoa ana i na wahi koena hau (snow) ano ponopono iki, i loaa ai ona wai e inu no lakou.
Olai o Makamu e ku ana maluna o ke kuea o ka hale bele pohaku, ua ike ia mai la ia e na Bavaria, a noke mai la lakou i ka uwauwa iaia nei me na leo ahiu launa ole. Ua mahuahua no na popo hau i holliiliia e Makamu me kona wahi kakiana, a e lawa ana lakou i kahi mea e hiki ai ke hoopau ae i ko lakou makewai iloko oia la holokoa.
Nana pono iho ia o Makamu i na opuupuu pohaku i hanaia iho ma ka pae humu e hoopuni ana i ke kuea o ka hale-bele, ike ino la ia ua ano nakaka ka puna. Ma kekahi mau wahi, ua helelei maoli aku ka puna, nolaila, hooholo iho la keia e wehewehe keia i na pohaku o ua poe humu la. Hoao aku la keia e hoonaueue i kahi mau pohaku, a he oiaio, ua hemo mai la. Ua noke ae la keia i ka wehewehe i ua mau pohaku nei a pau i ka hemo, a lawe aku la keia ame kona wahi kakiana i ua mau pohaku la ma ka nuu aleo e hoopuni ana i kahi o ka hale bele i lilo ai i wahi no lakou nei e noho ai. Ua ku ke ahua o ka pohaku ma keia wa.
Ke ike aku la lakou nei i ka lehulehu loa ana mai o na kanaka Bavaria. E hele mai ana lakou me na pahi ooki mauu ame na mea eha e ae he nui. He kanaha paha ka nui o keia poe a lakou nei i ike aku ai. Aka, no lakou nei iho, aohe a lakou mea e hopohopo ai. He ahi pumehana e a ana iloko o ka upoho o ka bele, a noho ino la lakou nei ai i na wahi apana palaoa a lakou, a inu mai la kahi wai hau, puipui aku la o loko.
Hoouna ae la o Makamu i kekahi kanaka ona e pii aku iluna o ke towera, no ke kiai ame ka nana ana i ka naooli nomea a ko lakou mau enemi e hana mai ana.
"Ina he pu kaupoohiwi kekahi a kakou, e aho la hoi ia, " wahi a Makamu i kamailio ae ai i kona mau hoa. "Na ia wahi pu la hoi e hooko-o aku i ka hookokohe ana mai a keia poe kanaka i ke pani puka o lalo loa. He iwakalua wale no ka nui o na owili poka e hiki ai ke hoomauia aku ka paahanaia aha o ka'u mau wahi pu panapana nei. Aka, aole hiki ia'u ke hookuu pau loa aku i keia mau piha pu apau, oiai o ke alapii mai lalo mai a hoea mai ia nei, oia kekahi wahi e pono e malama loa ia e kakou i ole ai kela poe e pinana maalahi mai ma keia alapii a loaa mai kakou, nolaila, e malama ana au i kekahi mau piha pu a u no keia wahi."
Ia wa poha ana ka leo kahea o kahi kiai mai luna iho o ka puo'a, aia na kanaka Bavaria ke nee mai la no ka hale bele.
Huli ae la o Makamu a kamailio ae lai kahi kakiana:
"E, e nakiikii ae oe i kuu wahi kaei amaomao nei ma kela wahi apana papa e waiho mai la, a kau aku oe iwaho, i lilo ai ia i wahi hoe alakai no kakou. Nolaila, e pii kakou i ka nuu helu elua maluna ae nei o kakou, kahi hai a kaua, e Mr. Kakiana ihoahu ai i na pohaku."
Ia lakou nei i pii aku ai a hoea i ka nuu elua maluna ae o kahi a lakou nei i noho ai, a hoomaka mai la lakou e nana mai ilalo, no na Bavaria, oia ka wa i kani mai ai o na pu a ua poe la, a hu ana ga magani o na poka a ua poe la ma kahi kokoke ole mai i ko lakou nei mau pepelao. Alaila, holo mai la ua poe kanaka nei me na koi a lokou a noke mai la i ka peluku i ka puka o lalo.
I keia wa hoi, lalau ino la o Makamu, a pela nohoi kekahi mau hoa e ae ona, i mau pohaku, mailoko mai o ke ahu pohaku i hoahu mua ia ai e ia (Makamu) ame kahi kakiana. He mau pohaku nunui no keia. Paki iho lo o Makamu i kana pohaku maluna o ka pulu kanaka e noke ana i ka wawahi i ka puka olalo. Pa ponoiho la ke poo o kekahi kanaka, a make iho la. Pa iho la nohoi na pohaku a kona mau hoa maluna o elua kanaka Bavaria, a hina aku la laua ilalo.
I ka ike ana o ua poe Bavaria nei i keia poino i loaa i kekahi poe o lakou, ua haalele koke iho la lakou me ka awiwi nui i ke pani puka, a nee aku la ma kahi e aku. Ikela aku la kekahi poe o lakou e holo ana ma kahi e ulu mai ana kekahi wahi kumulaau, a hoomaopopo iho la o Makamu, e kii ana lakou i ua kumulaau la, i mea wawahi i ke pani puka o lalo.
I ke kuaia ana o ua kumulaau la a hina ilalo, okiokiia iho la hoi koua mu lala apau, ia wa i kaikai mai ai ua poe kanaka la ia mea, e hookokoke hou mai la i ka hale bele, me ka hoopololei ana hoi i ka welau o ua kumulaau ia i ke pani puka, aka, mamua o ka hiki ana ia lakou ke poluku mai i ke pani puka, me ua laau ia, aia hoi, loaa hou aku la kekahi pow o lakou i kekahi mau oniu pohaku oolea a Makamu ma. Ike iho la ua poe Bavaria nei i ka waiwai ole o nei hana a lakou i ke kumulaau, a neenee loa aku la a ma kahi e. Ma keia wahi i puuluulu ae ai na mea apau, a akoakoa ma kahi hookahi. Mahope iho, ike aku la o Makamu i ua poe la e lula wale mai ana no.
"Manao au," wahi a kahi kakiana i kamailio mai ai, "e manao ana kela poe e hoomaka ia kakou mamuli o ko kakou mele ana i ka ai ame ka wai. Ua ike lakou, aohe wahi e loaa ai ka kakou ai."
Pela io paha, a i ole, e kali ana paha lakou a hoea i ka poeleele ana, oia ko lakou wa e lele hou mai ai maluna o kakou. He mea maopopo nae ia'u no keia wa, ua palekana kakou: a ina nohoi i keia po i manao ai kela poe e lele mai maluna o kakou, alaila, e noho no kakou me ka makaala. Nalaila, eia ko'u manao, i keia po, makemake au i kekahi o oukou e lawe aku i ka lohe i ko kakou mau hoa ma ke kulanakauhale o Lech. Ua hiki no ia kakou ke hookuukuu aku i ka mea o oukou e hele aku ana ma keia misiona, ma ke kaula nei o ka bele, ma ka aoao hikina o ka hale bele nei, a hoea ilalo. Alaila, e kolo hele aku nohoi ia ma ia huli aku o ka luakini me ke akahele loa, a hiki i kona komo ana aku iloko o ka ululaau. Manao au, mamua o ka hea ana mai o ka la o ke kakahiaka o ka la apopo, e hiki aku no ia i ke kahua hoomoana o ko kakou mai kea."
"Nolaila," wahi a kahi kakiana i pane mai ai, "ma'u ponoi no e lawe aku i keia lono."
(Aole i pau.)
-----
Ke Aloha o kuu Makuahine
-
KE ALOHA O KA'U MEA I ALOHA AI.
-
Ka Mana o ke Aloha.
-
He Moolelo Walohia
-
Mahope iho o ka laua nei kamailio ana no ko laua manao ino ia ana e Kauna Berene ame Barone Limera, ua hooholo iho la laua e kauoha aku i kekahi makai kui i mea nana e hoomakakiu i ka poe e hoohalua powa ana i ko laua mau ola.
Ua hiki mai ua makai kui la, a ua hoike aku laua nei imua ona i ko laua nei mau mea apau i makemake ai e hanaia e ia. Hoike mai la nohoi ua makai kui la he nui ka poe malalo ona, a e hoonoho aku ana oia ia lakou no ke kiai makaala loa ana no ka Barona Limera ame Kauna Berene, a pela pu hoi me ka poe a laua e hookauwa aku ai.
Haalele iho la laua nei i ka hale banako, a hoihoi aku la o Robata i kona heo a hoea i kona hale, a hoi loa aku la ia (Robata) no kona home.
I kekahi kakahiaka ae, hoea mai la i ka hale o George, he kanaka me kekahi palapala, a e hoike ana ua palapala ne penei:
"He nui launa ole ka pilikia. E makaala e pono ai. Ko olua mau enemi ma ko olua mau kapuai. Aka, e lanakila no ka P@no. KIAI."
"Eia hou no ua wahi inoa kupaianaha nei," wahi a George i pane ae ai." Owai la hoi keia wahi kanaka? I hele nohoi oe, e nei wahi kanaka, a o kuu wahi Rikeke hoomanawanui no oe, alaila, e hoolilo no au ia oe i mea nui mawaena o ko'u ohana ponoi."
Ma ka wa i loaa mai ai o kela palapala ia George, ua loaa aku la nohoi ma i manawa hookahi no, he palapala oia ano olelo hookahi no ia Robata de Malatere. I kona ike ana nohoi i na olelo apau o ua palapala la mai ka mua a ka hope, pane ae la nohoi ia.
"He keu ka mea kupaiauaha. Owai la hoi keia wahi kanaka e olelo nei iaia iho o Kiai? O ka inoa no keia o ka mea nana kahi palapala i loaa ai ia maua me George, ma kahi ululaau o Nortre Dame. Aole anei keia o oe, e Durana maikai, ka mea e lilo aku a@@ i makua no'u ma keia hope uku."
Elike nohoi me ko George piha pahaohao no ka mea nana mai ka le@a iaia ma ia kakahiaka, pela no hoi o Robata.
Ma ka hora 10 a oi oia la hele aku la o George e halawai pu me kona hoa ma ka Banako. I kona hoea ana aka ilaila, e noho mai ana o Robata, kona hoaloha, me Loio Durana, a manao iho la kela, he hana nui ka kona hoa i makemake ai e hana ma ia la. Hoomanao wale ai la no nae ia, no ke koi ana aku i ka ale o Kauna Berene.
Mahope ino hoi o na lulu lima aloha ana mawaena o lakou apau, ua hoakaka mai la o Robata imua o George no k hana i makemake ai ia e hana ma ia la, oia hoi, kona waiho ana i na mea apau e pili ana i ka ale o Kauna B@ koi aku iaia no ka hookaa ana mai, me ke kali hou ole aku. Ua ae aku la hoi o George i keia manao o kona hoaloha, me ka olelo ana aku @
"He mea pono loa no @ hoolilo ia Durana nei i lo@ ma ka kaua oihana e lawe @
Ua hooholoia inho la @ kou apau, a lilo @e la o Durana o na loio kaulana loa o @
no ka hui Banako o George.
Mahope iho o ka pau @ ame na kamailio ana nana bata ame George, no @ ia laua, ua haalele iho @ Parisa no ka hele ana @ noho o Alice.
I ko George hoea ana @ Alice, ua kipapa mai @ huaolelo aloha maluna @ kona manao ana ua hoop@ po@o maoli @ paha kona ua hauoli mae la, ua @ me ka palekaaa.
Haha'i aku la hoi o George apau e pili ana i kana @ kona komo ana iloko o ka phi ana elike me ka m@ makamaka heluhelu, a@ hope ae nei. Ua hun@ iho na hakaka ana, oiai @ make e hoopuka aku @ o Alice, o lilo auanei @ pilikia loa ia ai kona n@@n@@
Mahope iho i ko Alice loh@ mea apau a George i hoike @ imua ona, ua pane mai la ia.
"E Georie, ua manao loa a@ hou aku oe i Parisa o ka kaua @ hele pu ai. E hele nohoi au ma iloko iho ona i na mea e pili an@ huna. E hele au ma ke ano @gine no ke aloha. A ma keia @ na au e hele aku ai e ike i ku@ aloha. E George, ua ike no @ alohh o nei mea he makuan@ hiki ke laweia aku mai loko @ puuwai o na keiki i aloha @ makuahine. Eia au, ke ka@k@ ko'u makuahine, ua make au, a hou mai hoi: a nolaila, he m@ ia'u ke ike aku i na maka o @ kua. Eia oe, e George ke ike @ i na maka o kou mau makua, @ la hoi au? No@ e kuu @ maikai, man@oio no au, aole no hoole mai ana i ka'u noi e noi @ ia oe. Ina he aloha io k@ George, alaila, e ae mai @ owau pu kekahi e hele aku me@ risa, ke hele hou aka oe nolaila.
Hookahi wale no mea a'u @ hopo nui ai no kou hele ana @ Parisa, elike me kau @ makem@ e Alice, ikeia wa, oia kou ikeia @ ma ia ano, e kaawale aku ai @ a'u aku nei, a lilo au i kuewa @ maluna o ka ili o ka honua. @ kuu Alice, heaha la hoi - e ae @ au i kou manao. He mea ono @ ke hele aku e ike ia Madame M@ Aka nae, e Alice, e makaaia @ iho."
"George," wahi a Alice i pau ai, "mai hopohopo ae @o'u nei. E makaala loa ana au ia'u iho: a kuu George, ina no e kailiia aka kino mai a oe mai, alaila, e hoi no kuu konowailua me oe."
No keia mau huaolelo hope a @ i hoopuka ae ai, ua mino aka iho @ Eia nae, ua nana pono aku la o George iaia ma na onohi maki piha paha@ a pane aku la:
"Alice, eia hou no keia olelo k@ anaha au. Ke i mai nei oe ina e @ wale aku kou kino mai a'u aku @ alaila, o kou kinowailua ke hoi @ noho pu me a'u. Aole o@ ma@ i kou konowailua. He kea @ hine kupaianaha @ wale. E @ ana no ka paha oe, e ha@lel@ m@ ina pela, alaila he @ ha ole ia'u."
Ike aku la o George ka pu@ o ka ula ohelohelo ma aa pa@ Alice, a haloi ae la hoi @ wai@ kona mau maka, a @ la ka leo haalulu.
"E kuu dear George @ nou, aole ia e pau ana @ hou ana aku o kuu kino @ opu o ka honua, kahi hoi au @ ai ia'u. He a@ nui ko'u e iloko @ oe, a, o oe ame a@ ua mea @ ike i ka @ e hookaaia ai @ O ka'u i olelo hoomakeaka @ oe, eia no ko'u manao maoli @ ma keia hele pu ana o kaua @ halawai au @ kekahi @ ole ai ia'u ke alo ae a @ ke ola mai a'u aku, alaila, o @ au ke ha'i aku @ oe o k@ k@ lua ke hoi aku a @aho pu @ o@
paha e hoea @ a'u e haupu wale ae @ aku @ he mea hewa ke hoike aku @ oe."
"E hoopau ko kaua @ keia mea, e Alice a @ kaua no ka wa p@ ana maluna o kaua, @ k@k eiho."
Elua ia mahope @ o George ame Alice no @ hale o Parisa. E hele @ ma ke ano Virigine.
(Aole i pau)
-----
HOOKAHI NO HAMO AKA A @ OLUOLU NO IA O KA E@.
-
Olelo o Mr. P. Ketcham o @ kauale o Pike, Kaleponi @ "M@ i ma'i ai kuu hoaha@ i make @ a he rumatika kona, o ka L@ a Kamakena,oia wale no ka @ ai iaia ka oluolu." He lehulehu @ ka poe i hoike mai no ka loaa ke o@a hikewawe loa ana o ka @ keia laau @mo mai, E k@ BENSON SMITH & CO. ha @ Kuai Kukaa o ko Hawaii Pae @ amae na poe hana laau @ laau nohoi.