Ka Nupepa Kuokoa, Volume XXXVIII, Number 29, 21 July 1899 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXXVIII.  HELU 29.  HONOLULU  POALIMA, IULAI 21, 1899 

NA HELU APAU 2764

 

HOOLAHA KUMAU.     

 

T. MITAMURA M.D.

 

Alanui Beritania, mawaena o na Alanui Emma a me Papu. 

Telepona 277; Pahu Leta 843.  Na hora nana:

9 o a ka 12 a.m., a mai ka hora 7 a 8 p.m.;

a ma na la Sabati mai ka hora 9 a 12 a.m.        2756-1m.

 

DR. I. MORI,

 

Keena Oihana, helu 427 Alanui Nuuanu, Pahu Leta 842.  Telepona 132.

Hale Noho 534 Alanui Nuuanu.  Na hora: 9 a 12 a.m., a mai ka hora 6 a 8 p.m.

Na la Sabati, hora 2 a 6 p.m.      2756-1m.

 

W.C. Aoha               Enoch Johnson

ACHI & JOHNSON

 

LOIO!     LOIO!    LOIO!

 

Keena Hana, Helu 10 aoao Komohana

Alanui Moi.

 

W. R. KAKELA

oio a he kokua ma ke Kanawai

 

HE LUNA HOOIAIO PALAAPLA.

@

 

LYLE A DICKEY

Loio a he Kokua ma ke Kanawai.

 

Notari no ka Lehulehu.

 

E hookoia na hana pili kanawai apau mai na Mokupuni mai.

Kihi o Alanui Betela me Moi.  Pahu Leta 786.  Telepona 806.

 

Papa!  Papa!

Aia ma kahi o

 

LEWERS & COOKE

(Lui Ma.)

 

Ma ke Kahua Hema o na Alanui Papu me Moi.

 

E LOAA NO NA

Papa Nouaiki

O kela a me keia ano.

 

Na Pani Puka . . .

Na Puka Aniani . . .

Na Olepelepe. . .

Na Pou . . .

Na O # a . . .

Na Papa Hele . . .

Na Papa Ku . . .

Na Papa Moe . . .

 

Na Pili Hale

O na Ano apau.

 

A me na Wai Hoohinuhinu Nani

O Na Ano Apau.

 

Na Palaki o na Ano he Nui Wale.

 

Ke haaia aku nei oukou o na makamaka a pau, na makaukau keia mau makamaka o oukou e hoolawa aku ma na mea a pau e pili ana ma ka laua Oihana me ka Uku Haahaa Loa.  E like me ka mea e holo ana mawaena o L@ a me ka Mea Kuai.

 

I Holo Mai o Wae no Oukou Iho.

 

      E hoike ana kekahi mea kakau mai Kau mai, ma ka la 12 o keia mahina. penei:

      Ua Haalele iho kekahi poe makaikai Pele ia Pahala, ma ka hora 4 o ke kakahiaka Poalima, Iulai 7, malalo o ke alakai ana o kekahi mau kamaaina, a mawaena oia poe o ka mea kakau kuikawa kekahi o ka nupepa haole P. C. Advertisier.

      He umi paha ko lakou nui, a ke huiia me na alakai, hiki ko lakou nui i ka 12, a ua oi aku no paha.  Maluna o na lio keia poe i hele aku ai.  Hora 7 oia kakahiaka hoea aku la lakou ma kekahi wahi, he mau mile wale no ke kaawale mai kahi e a ana ka “Pele,” iluna o Mauna Loa.

      I keia wahi haalele na lio o na kamahele, a hele wawae aku la lakou, a pii aku la i ke kuahiwi o Mauna Loa.  Me he mea la 13,000 kapuai paha ke kiekie i piiia aku e lakou, a oioina iho la.  Kukulu iho la lakou i ko lakou mau hale lole, a hoaumoe iho la malaila ia po.

      I kekahi la ae, hora 6 o ke kakahiaka, haalele iho la kekahi poe o lakou i ke kahua hoomoana e hele aku la iluna o ka pahoehoe, ma ke alahele e hoea aku ai i kahi a ka Pele e a ana.  Me ka homanawanui keia hele ana o ua poe nei.  Pau ae la na kamaa o lakou i ka pukapuka i ka ai ia e ka pahoehoe.  Ina paha i ao mua ia lakou e hana i mau kamaa la-ki, ina la ua malahi maikai ka hele ana.  He ekolu paha mile ka loa o keia hele ana a ua poe la, a hoea aku la i ka lua Pele i luna loa o ke kuahiwi.

      He loko ahi maoli no keia aneane 100 kapuai ke ana waena.  E haki nu # a ana ka a ana a ke ahi, me he wili ana la na kekahi mimilo wai nui, alaila, puka ae la na ale ahi, a luai ae la iluna i na papaa pahoehoe nunui i hele e enaena, elike me ka hao i pahikuia kona enaena iloko o ka imu ahi.  He 300 kapuai ke kiekie e lele ae ai keia mau luai Pele weliweli, a i ko lakou haule ana iho ilalo, ua kahe aku la, ma ka auwai Pele e iho ana i kai o Hilo.  Aia ma ke kumu ponoi o keia puoa luai Pele, kahi i hoomaka aku ai ka auwai ahi e kamoe ana ma ka hula ma Hilo.  He 40 paha kapuai ke akea o keia wahi o ka auwai ahi, a e kahe ana ka “Pele” me he wai la e hakinua ana me ka aiwaiwa nui, ma kona alahele, ma ke 30 mile i ka hora hookahi.  He memele ia o ke ahi, ke ike aku oe ma keia auwaha.  He ekolu paha mile ka loihi o kahi o keia auwai ahi weliweli i hiki ia makou ke ike aku i kana kahe ana, a hiki ole ia makou ke ike aku i kahi aku i koe, mamuli o ka paa ana i ka ohu ame ka uwahi.  E hoomanaoia, o keia ka “pele” e kahe ana ma ka huli ma Hilo.

     Ua olelo ae ke alakai o keia poe, aia kekahi auwai Pele e kahe ana ma ka huli o Waimea, mai keia puoa “pele” aku, eia nae, aole i ikeia aku ia auwai ahi.

      O ka nunulu ame halulu o ka lele ana ae o ka “pele” iluna, pela hoi me ke pohapoha paapaaina kohu hekili o ka “pele,” he ku no i ka weliweli.  O kekahi, e ikeia aku ana ka opuopu hanupanupa hulei lua mai o ka wai ahi, e oni ana me ka ikaika, me he mea la e puko puehu liilii ae ana iwaho o ka lua, aka, ua hiki ole, a kuolo puhoho iho la ilalo me ka haalulu nui, a lele liilii ae la na okooko ahi kohu kao lele, e holo pioo ana ma ka poai lewa.

      Aia mawaho ae o keia puoa “pele” nui, he mau “puoa” ahi hou ae no kekahi i hiki aku ko lakou nui i ka umi, a e puhi like ana me keia mau puo # a i na mamala ahi pele iloko o ka lewa, me ka punohu ana nohoi o ka uwahi aole i kana mai.  Aia ma ka wa e haule iho ai keia mau mamala ahi Pele ilalo, oia ka wa e kahe aku ai iloko o ka auwai ahi pele e kahe ana i kai o Hilo.  Aia ma ke kumu o keia puoa nui ma ka aoao hema, he mau paia pali luai pele; a he ku i ka nani ke nana aku.

      Aia ma kahi paha he elua mile, malalo aku o keia puoa luai pele, ma ka huli akau hikina paha, mai keia puoa nui aku, he wahi lua pele okoa, a oia ke kumu o ka pele e kahe ana i kai o Kau.

      E ike ana ko makou poe heluhelu ma kekahi o na kii elua maluna ae nei, i ka auwai ahi e kahe ana i Hilo, a pela hoi ka auwai ahi e kahe ana i kai o Kau, mamuli o ka ike ana iho ia na huahelu “1899.”

      O ka mamao o keia puoa pele nana e hanai aku nei i ka auwai ahi e kahe nana i Kau, mai kahi aku a keia poe e makaikai nei i ka puoa pele nui, he aneane elua mile, a ma ka lakou hoomaopopo aku me he mea la he puoa pele nui ae ia, mamua o ka puoa pele i lilo i kumu no ka pele e kahe la ma ka huli o Hilo.

      Aole i ikeia aku ka oni ino ana o keia loko ahi, aka, o kona hooluai ana aku i na nalu ahi ma kona auwaha hoomaha he ku no i ke aiwaiwa.  E puhi ae ana nohoi ia i na maawe ahi mai kona waha ae, a haule iho la ma kona kae, a lilo aku la i wai ahi.

      O na pahoehoe e luaiia ae ana iluna mailoko ae o ka lua, he hauli eleele no ia i ka nana aku, aka, he ano nononoula ke ahi ke ikeia aku.  O kekahi mau mamala pahoehoe o keia ano, me he mea la ua hiki aku ke kaumaha i ka 100, 200 a oi aku paona.

      O ke kae e hoopuni ana i ka nuku o ka puoa pele nui, ma ka nana aku, he paia pohaku pahoehoe no ia o ke ano lahilahi loa; a me he mea la o ka aoao hikina ka aoao lahilahi loa.  Ina e haki ana, a nana paha keia wahi, alaila, e iho ana ko onei pele a hui me ka pele e kahe ana i Kau.  A o ka oi aku keia o ka auwai pele nui o ke kahe ana.

      Ma ka nana aku i ke ano o ke kahe ana o ka pele, ma ka huli ma Kau, he ikaika maoli no i ka ikaika.  E kahe aku ana keia pele, me he mea la, ma he kukulu pololei e kaulike ana me ka Hale Hookipa o ka Lua-o-Pele.  Ina e mau ke kahe ana o keia auwai, alaila, e kaa ana makai o ke alanui aupuni, ma kahi he 10 mile mai ka Hale Hookipa mai.

      Ua oleloia hoi, ua pii aku kekahi poe mai Kona aku no luna o Mauna Loa, a na olelo lakou, ua pau ka a maoli ana o ka pele o luna o Mokuaweoweo, koe wale no ka punohou o ka uwahi.  A ina pela, alaila, ua pau ke kahe ana o ka pele ma ka huli ma Hilo.

      O ka pele i kahe mailuna mai o Mauna Loa, ua hoea mai la ia i kekahi wahi mawaena o Mauna Loa ame Mauna Kea, me ka hookikee iki ana ae nae a kaulike me ko ke kahe ana ma ka makahiki 1855.  A eia ia ke kamoe aku nei no ka hoea aku i ka palena aina o ka Aina Hanai Hipa o Humuula.  Aia no ke kahe ana o keia “pele” ma ke kulana like loa me ko ka pele o 1855, a ina e mau ana kona kahe ana, alaila, e nui ana kahi o Hilo e pau iaia i ka ai ia.  He mea kanalua loa ka hiki o keia pele i kai o Hilo.  Ina e kahe kaupea ao ana keia pele iluna o ka pahoehoe o ka pele o 1855, alaila, e paa ana paha oia ilaila.

      O ka puka mua ana o ka pele, mai ka aoao mai o ka mauna, he aneane hookahi mile ame ke hapa maluna iki aku o kahi i poha ai ka pele ma ka makahiki 1855, e hula iki ana nae i ka akau.  Hookahi paha la ia koe, ua paa pu loa kahi i poha mua ai ka pele i ka uwahi, aole ikeia aku.

      O kahi i poha elua ai o ka pele, he wahi ia i kulike ai he elua mau puoa ahi, aneane 50 kapuai ke kaawale mawaena o laua.  O kahi puoa malalo iki mai, ua pau ka oni ana o kona ahi.  O kahi puoa maluna mai, oia ke poo nana e hoolue nei i ke ahi i kai.  O waenakonu ponoi o ka puoa pele, he aneane hapalua oia wahi i piha i ke ahi luai pele, e ale ana me he kai la no ka moana.  A e kiola ae ana keia pele i na welowelo ahi kiekie.  A mai keia puoa aku i kahe aku ai kekahi auwai ahi he 50 kapuai ke kaea.  Kahe aku la keia auwai a loaa ka puoa malalo aku, ua huli kapakahi ae la ke kahe ana a ke ahi.  Ina aole keia puoa, ina no ua like ke kahe ana a keia pele me na kahe ana ma na makahiki 1800 ame 1855.  Ua like me ka wai lele e kahe ana me ka ikaika, pela iho la ke kahe ana a keia pele.  Aole ikeia aku ka haale apiipii a mokumoku, aia wale no ka ikeia ana aku oia mau ale e hakinua ana, aia ma ka hoea ana aku o ke kahe ana ilalo.  Me he mea la, e mee ana keia auwai ahi ma kahi o 50 a 60 mile i ka hora hookahi.

      E kahe ana keia ahi mai luna aku o ke kuahiwi, ma ka laina pololei, no eha a elima paha mile, maloko aku o kekahi auwaha he 50 kapuai ke akea.

      He ku i ka eehia na hana a ke ahi.  He ikena keia i hiki ole ke hoopoinaia.  Pili pu ka hanu i ka ua mea o ka weliweli o na hana @ ke ahi.

      Aia ma kela puoa i oleloia ae nei, e ikeia aku ana no na auwai ahi lehulehu e ae he nui, a hookahi o keia mau auwai ua kahe loa aku i kai o Kau.

      Ma ka po, e ikeia ai kekahi hiohiona lua ole o ka nani ame ke kupaianaha nohoi.  O ka puoa holookoa, he ahi wale no ia a puni.  E ikekia aku ana na pu-ko ahi okooko ana ae ma keia wahi alaila, kamoe welowelo mai la ka auwai nonoulu i ke ahi, mailuna mai o ke kuahiwi, a hoea ilalo.  E lohe aku ana i ka nunulu ame ka owe mai o ka puoa ahi, me he mea la he nalu e poi ana i ke kumu o ka pali.  E nee ana keia halulu mai ka liilii mai a hiki i ka nui ana, alaila, mai ka nunui hou mai a hoea i ka liilii ana.

 

NA HUNAHUNA PILI IA PELE.

 

      Ua oleloia o Kapena Elena o ka mokuahi “Mauna Loa” ka mea mua i oleia, e puak hou ana ka “pele” i kahi wa kokoke i hala ae nei, mamuli o kona ike ana na hua kekahi kumu niu ekolu i koe iho ma kahi i anaiia ai e ke kai mimiki o 1868 ma Kau.  A hoopuka ae la ua Kapena nei:

      “E!  Puka hou hoi ka pele, ke hua nei ka niu.  Hao wale ka hoi nei niu o ka hua ana.  Mai ka makahiki 1868 mai a hoea mai i keia makahiki, akahi no a hua kela niu.  Heaha la ka hana a ke ahi?”

      He ahi ai alii keia C he ahi ma # i luku keia C he ahi olepe aupuni keia.  O ka kekahi poe hoi keia.

      Hai mai kekahi hoa kula o makou, ma na pali hauliuli o Koolau ae nei, i ka uka anoano o Ahuimanu, ua pau kona hoomaloka i nei mea he pele.  Wahi ana i kekahi wa i kaa hope ae nei, ua pii aku oia me kekahi puulu haole makaikai pele mai Hilo aku no ka lua-o-pele, malalo o ke alakai ana a kekahi kanaka elemakula, i oleioia, he “kahupele.”  Ai ka hiki ana i ka lua, ua hahao keia kanaka i kona ipu-baka i ka baka a piha, a ma ke olioli ana, ua kapio mai la he ua-ahi pele mai ka lua mai a komo i kona ipu-baka, a pela i a ai kona baka.  Ua lohe oia i ke olioli ana o keia kanaka i na mele o na # lii i hala e aku, a ua ikeia aku ka haa mai o ka pele, me he mea la e hula na.  Ea, he keu no ka mea eepa nui wale he pele, ina he oiaio keia ae la.  Aka, he kanalu no nae.

 

NUHOU HOPE LOA O KA PELE.

 

      Ma ke ku ana mai o ka “Malulani” (W. G. Hall) ma ke kakahiaka Poalua nei, mai Hawaii mai, ua loaa mai la ka nuhou hope loa e pili ana i ka pele.

      Oia mau no ka a ana o ka pele, a ke ke hoomau la no kona kahe ana mai Mauna Loa aku ma ke alahele e hoea aku ai i ka aina hanai hipa o Humuula.

      Ua ikeia he ewalu ka nui o na puoa e a la ka “pele.”  Ua hoea aku la ka a ana a ke ahi i ka ulunahele a ululaau e kokoke ana i Mauna Kea.  Aohe mau hiohiona o ka emi mai o ka ikaika o ka a ana o ka pele.

      Me he mea la, o ka a ia ana o ka ululaau e ke ahi o ke kumu ia o ka pouli uwahi e ikeia nei ma Honolulu nei.

      He nui no ka pioo o na kanaka ma na apana aina a ka pele e hoomahui aku la.

 

NA WA I PUKA AI KA PELE.

 

      1823. C Ekolu makahiki mahope mai o ka hiki ana mai o na Mikanele.  O ka Pele keia o Kilauea.

      1832. C Puka ka Pele ma Mokuaweoweo.  Elua e ekolu paha pule o ka a ana.

      1838. C Ma Kilauea keia o ka a ana.

      1840. C Puka ka Pele makai aku o Olaa, a kahe ma Puna a hoea i Nanawali.

      1843. C Puak ka Pele ma ka aoao akau o Mauna Loa, a kahe aku mawaena o Mauna Kea me Mauna Loa, ma ka huli o Hilo.  He 30 mile ka loa o kahi ikaheia.

      1851. C Augate 8. C Puka ka Pele mai kahi kokoke mai i ka piko o Mauna Loa.  He eha la o ke kahe ana a ka Pele ma ka aoao komohana o ke kuahiwi.

      1852. C Puka ka Pele ma Mauna Loa aoao akau.  Hookahi mahina o ke kahe ana a pau.

      1855. C Puka hou ka Pele ma Mauna Loa, ma ka aoao hikina akau, ma @ahi he 12,000 kapuai ke kiekie, a kahe loa i kai o Hilo.  He 13 malama o ke kahe ana o keia Pele.  He 8 mile a hoea aku i ke kulanakauhale pau e ke kahe ana.

      1859. C Ma ka aoao akau komohana keia o Mauna Loa, a kahe i kai o Kiholo.

      1865. C A hou ka Pele, aole nae i kahe aku.

      1868. C Maraki 27. C Kahe hou ka Pele mai Mauna Loa aku, a hoea i ke kai makai o Kau.

      1873. C Poha hou ka Pele a ikaika ka a ana no 18 malama.  Aole nae i kahe.

      1875. C Puka hou no ka Pele ma Mokuaweoweo.  Hookahi mahina o ka a ana.

      1877. C Feb. 14. C Puka ka Pele makai o Kealakekua:  oia ka puka ana i kai o Keei.

      1880. C A hou ka Pele i Mokuaweoweo.  He uuku ka a mua ana; aka, ma Novemaba, na poha maoli ka Pele, ua kahe no 9 mahina.

      1884. C Puka ka Pele i kahi o Puna.

      1886. C Puka ka Pele ma Mokuaweoweo, a he uuku no nae.

      1887. C Puka hou ka Pele ma Mokuaweoweo.  Elua pule a pio.

      1896, Aperila. C Puka hou ka Pele ma Mokuaweoweo.

      1899, Iulai. C O keia Pele ia e kahe mai nei.

      Ua oleloia, ua a ka Pele iluna o Hualalai i ka makahiki 1801.

 

OLA KONA KUNU.

       Ua loohia au i kekahi kunu no na makahiki he lehulehu, a ma ke kau haule lau i hala aku nei loaa no au i ke kunu i oi loa aku ke ikaika i ko ka wa mamua.  Ua lehulehu nohoi ka # u mau laau e lawelawe ai, aole nae he loaa o ka oluolu, a ua hai mai la kekahi hoaloha ia # u e hoao au i ka Laau Kunu a Kamalena, a ua haawi mai keia hoaloha ia # u i omole o keia laau, oiai ua ike oia he wahinekanemake ilihune au.  Ua hoao iho la au i ua laau la, a ua ike au i ka loaa ana o ka maha ia # u.  I ka omole mua loaa no ia # u ka maha, a i ka lua o ka omole, o ko # u oia loa no ia.  Aole i loaa ia # u he ola kino maikai iloko o 20 makahiki i kaa hope ae nei elike me keia.  Ke haawi nei au i keia hooia ana me ke kono oleia ana mai, aka, mamuli wale no o ko # u makee ana no ke ola i loaa mai ia # u.  Me ka mahalo.  Mrs. Mary A. Beard, Claremore, N. K.  E kuaiia ana e BENSON SMITH & CO., na Agena Kuai Kukaa o ko Hawaii Pae Aina, ame na poe hana laau apau, a kuai laau nohoi.

 

       Ua lohe mai makou, ina aole he mea akeakea, alaila, e lilo ana na ka “Pupu Kanioe” o Hawaii nei e hookani i ka piano, ma ka wa e himeni ai o Miss Cecelia Kealoha Poepoe ma ke ahiahi o ka la apopo, maloko o ka hale halawai o ka luakini o Kaumakapili.  E ikeia ana ka Papa Hoike o na Himeni o na Aha mele la ma ko makou pepa o keia la.