Ka Nupepa Kuokoa, Volume XXXVIII, Number 28, 14 Iulai 1899 — HE HAWAII PEPEHI KANAKA MA NA AINA E. Ua loaa mai nei ia nei kekahi lono [ARTICLE]

HE HAWAII PEPEHI KANAKA MA NA AINA E. Ua loaa mai nei ia nei kekahi lono

weliweli mai Sacramento mai e pili ana i kekahi hana pepehi kanaka i hanaia e kekahi kanaka Hawaii nona ka iaoa o Ben. Kaluha, a penei ka hoike ana a keia lono: SACRAMENTO, lune 17—Ma ke awakea ponoi o keia la, ua kipu aku la o Ben. Kaluha, he kanaka Hawaii lawaia a luu hoi iloko o lee kki a make loa aku la kekahi wahine o kona lahui ponoi, i oleloia he wahine oia nana. Alaila, h'uli ae la ia a kipu aku la i ka hoahanau o ua wa'hine la, oia hoi o Mrs. George Wimmer, a ku aku la keia wahine ma kona u-ha. Lalau iho la oia i kana wahi keiki o elua makahiki ka nui a paki iho la maluna o ka papahele, me ka manao e make loa. O kana liana hope loa i hana ai, oia kona ki ana iaia iho i ka pu, a make loa oia.

Ua lawelawe hana oia malūna o ka moku aupuni Seizer ma ke ano he kanaka luu-kai, aka, no ka liana ole oia ano ma ua raoku la, ua hoopauia aku la oia mai iea moku aku, a lawelawe hana aku la oia ma ke ano lawaia, a o kona wahi i noho ai, ma Vernon no ia, ma ka mahele aina o Sutter. O ka wahine i noho pu ai oia, ua hoea mai la oia mai Vernon mai i kahi mau la i kaahope ae nei no ka ike ana i kona hoahanau, kekahi mea poino ma keia hana limakoko. Ua uhaiaholo iho la o Kaluha i ua wahine la ma ka la inehinei. Aole oia i inu waiona. me 'he mea la ua nele ia i kahi dala ole, a oia ke kumu o keia uahia ana i ka wahine. Ua noi hoohua aku la oia i ka wahine i dala, aka, aole nae i manaoia o keia ke kumu o keia hana weliweli. Ua manao loa ia he lili ke'kumu o keia pepehi kanaka i hanaia e Kaluha. Ua manao oia, aia kana wahine ke noho nei ma ke ano kapae. Ua manaoia e loaa ana no ke ola ia Mrs. Wimmer ame kahi keiki uuku.