Ka Nupepa Kuokoa, Volume XXXVIII, Number 27, 7 July 1899 — Ke Aloha o kuu Makuahine KE ALOHA O KA'U MEA I ALOHA AI Ka Mana o ke Aloha. He Moolelo Walohia [ARTICLE]

Ke Aloha o kuu Makuahine

KE ALOHA O KA'U MEA I ALOHA AI

Ka Mana o ke Aloha.

He Moolelo Walohia

KA PAIO KAKA PAHI AKAMAI LUA OLE. HOIKEIA KA MEA HUNA MA KA 01 O KA MAKAKI^A. I ko George hoomaopopo ana i keia kuia pu ana ona me kekahi o na liana ahele akamai loa a ke Kauna Berene i hoolala ai, elike me ka mea i hoikeia ma ka mokuna i hala ae nel, ua pelu hou mai la ia i hope a helē hou aku la no ka Banako, no ka halawai ana me kona hoaloha, a e hoike aku hoi imua ona no k'ona ae ana e paio kakapahi me Monsiu Burebona. I kona hoea ana aku i ka Banako/ e noho man ana nohoi kona hoaloha; a ua haohao loa oia no keia hoea koke a£a aku o George, oiai ua manao 2oa oia aia oia i ka hale o kona mau makua kahi i noho ai. "Ea, heaha keia au i hoi hou mai nei Ua halawai anei oe me kekahi Wana ano nui loa i pelu hou mai nei oe i hope nei? Manao loa iho nei au aia oe i ka hale kahi i noho ai. E kuu hoaloha, ke ike nei au ma ka hoike a kou mau helehelena, ua halawai oe me )iekahi mea ano nui loa. E hai mai oe ia'u?" "Ae, e kuu Robata maikai, ua halawai au me kekahi mea ano nui loa, a e hoike aku ana au ia oe i ua mea la i halawai pu aku nei au. Ua haawi aku nei au i ka'u ae no ke komo ana aku e paio kakapahi me Burebona, kekahi o

na kanaka akamai loa o Parisa nei ma j ia hana. Ua maopopo ia'u, mamuli o j kona olelo ana mai ia'u, ma ka wa al maua i kamailio pu ai, mahope iho o kona Uookui pu ana mai me au ma ke alanui, o Barona Limera ka mea nana e kamailio me ko'u kokua, ina he kokua kekahi o'u, no na mea apau e pili ana i ke ano o ko maua kakapahl ana, he hana keia i hoouluia mai e Berene. Mai ae ole no au e ana pahikaua pu me ia, ina mamuli wale iho no o ko'u hookui pu ana aku me ia ke kumu i ulu mai ai o kana aa paio me au, aka, o kona hoike ana mai i ka inoa o Barona Limera, ike iho la au o kela Berene puuwai eleele ma ke kumu o keia hana, a no ia mea, ua makemake loa au e hoike aku i ua Kauna Diabolo nei, ua 'hiki ia'u i kona enemi ke hoopuhili aku i kana mau hoolala manaoino ana 0 keiaano; a i mea hoiehoomaamaama aku ai i kona noonoo eleele, ua ae au e hoomaka i ka paio ana me ia ma na ano apau ana i makemake ai. Nolaila, 1 hoi 'hou mai la au e hoike aku ia oe, e kuu hoaloha maikai, o oe ko'u hope ma keia hana. E hana aku oe i ka aelike hakaka pahikaua mawaena o'u ame Burehona, me he mea la nau ponoi iho ia aelike. Malia, aole e liuliu ana mahope iho o ko'u haalele ana ia oe, a hoea mai no ka Barona Limera ia nei. A o kekahi, e hai aku au ia oe, mai hopohopo oe no ka hiki ole ana ia'u ke ana pahikaua pu me keia kanaka kaulana loa o loko o ka puali Imepei'iela ma ke kakapahi. Manao au, aole i poina ia'u na oniu pahi makaukau loa a kela kanaka Tureke i noho ai i Parisa nei i kekahi mau makahiki loihi i 'hala ae nei. oua kanaka Tureke la ka mea nana i hoohaahaa ke kanaka kakapahi kaulana o Sepania i hoea mai ai i Parisa nei ma ka wa nohoi e noho ana ua kanaka Tureke la ia nei. Manao au e hoike koke ae ana oe i ka hopena o ka olua mea i hooholo ai, nolaila, e haalele ana au ia oe." "Aole au i manao penei iho la ka , hikiwawe loa o ka hoea ana mai o ka hookoia ana o na mea a Dnrana i hai mai nei ia kaua ma kana wahi palapala. He mea oiaio loa, he hoaloha pili paa o Barona Limera no ke Kauna Bei'ene, a o keia Burebona hoi, ua hoolimallma ia oia e laua e hana i keia hana, aka, ke paulele loa nei au maluna o kou makaukau oniu pahikaua, e kuu hoaloha," wahi a Robata i pane mai ai i kona hoaloha. I kela wa ku ae la o George iluna haawi aku ia i kona lima no ke aloha ana i kona hoa, a huli hoi mai la ia no ka home o kona mau makua. I kona wa nohoi i hala mai ai, hoea aku la o Barona Limera i ka hale Banako. Huipu iho la laua a kamailio iho la no na mea apau e pili ana i ke ano o ke kaka pahi ana mawaena o na moho a laua, a ua holo na mea apau. Ua hooholoia ma kahi ululaau mahope iho o ka luakini o Notre Dame du e malamaia ai ka hakaka—pau ke olā oia lea hopena o ka hakaka ana, koe wale no nae ka manao ana o kekahi o na hoa paio, oia hoi ka mea i loaa iaia ka lanakila, e kapae i keia hopena maluna o kona hoa paio i hoonawaliwaliia, a hoeha wale ia no paha. Hora 5 oia ahiahi e malamaia ai ia hana. I Ua hoike mai la ka Barona Limera i kona manao minamina loa no ka ili ana inaluna iho o kona hokua ke koikoi o ka hoolala ana i kekahi hana e komo aku ai ko George ola iloko o ka poino am6 ka pilikia, oiai ua hoomaopopo oia mamuli o lia loiio i hoea aku imua ona mai na alii moku aku o ka mokukaua ana i holo atf i Kone Kina, he kanaka opio oia i piha me ka haawina o ka maemae ame ka maikai, a, aia hoi mamua ona he alahele malaelae o ka hehi ana aku ma kekahi kulaha kieleie loa maloko o na koa moana, a aina paha. Ua pane aku la hoi o Robata imua o ua Barona la: "Owau nohoi kekahi i hookaumaha ioa ia no keia komo ana aku o George ma keia hana, oiaii ua oi loa aku ka poino e loaa ana ma kona aoao, ina oia e pilikia ana ma keia hana, mamua o ka pilikia e loaa ana i kona hoa paio. Ua hoomaopopo au, he kanaka ohana ole o Monsiu Burebona, a he kanaka nohoi ia i loaa ole ke kuonoono, a o kona poino ana, aole ia he mea e kau ai he pilikia a kaumaha maluna o ka ohana, a maluna paha o ka waiwai, elike la me ka poino ana o George. Eia nohoi kekahi, aole hiki iki ia'u ke ike, pehea la i loaa ai ,he kumu nui ma ka aoao o Burebona e aa e paio me George, ina o kela wahi hookui wale ana no ia George ke kumu e hoea mai ai he aa paio nona ka hopena he make. He kanaka o Burebona i kamaaina ia'u. He nui no kona mau wa a'u i ike ai e hookui pu ana me kekahi poe e ae, elike iho la no me keia hookui ana iho la ona me George, aole nae oia i haawi i ka aa paio ana elike iho la me keia. Ma ko'u manao, aia he mea okoa aku ma ke kua o keia hana ke kumu oiaio maoli o ka ulu ana mai o keia aa paio kakapahi ana. Ke lana nei nae ko'u mnao, e hoikeia mai ana keia e ka oi o na makakila a na moho a kaua."

Ma ka wa i haalele iho ai ka Barona Limera ia Robata o ka hora ekolu ia ia wa. Ku ae la o Robata, a liele aku la 110 ka hale o kona hoaloha, E kuu makamaka heluhelu, maanei e huli ae kaua a nana aku ia George ma kona wa i hoea aku ai i ka hale. Aolē oia i hele aku e ilee i kona makuahine elike me ka mea maa mau iaia ma na wa apau ana e hiki āku 'ai i ka hale, aka, ua komo koke aku la ia iloko o kona keena kakau palapala, a kakau iho la ia i kekahi palapala ma ka inoa o kona makuahine. O ke ano nul o ua palapala la, oia no kona hoike ana i na mea apau e pili ana i kona hoopakele ana ia Aliee mailoko mai o ka luakupapau, ko laua. hui pu ana me ka makuahine bapatema o Aliee, ko laua holo ana i Italia, ame na mea no apau e pili ana ia laua ame ko laua noho huna •ana ia laua iho, a e hoike ana nohoi, o kekahi kanaka kiaiokapailina mamua, nona ka inoa o Rikeke, ame kekahi wahine opio e noho ana ma kahi kauhale o Brunoy, a o Susāna ka inoa o ua wahlne la; o laua na mea kino ola uhane mawaho ae ona i ike ia Aliee, a pela nohoi kona hoaloha o Robata,

{ oiai, ua hoike oi& iaia i n» mea apau | e pili ana ia Aliee. Aole nohoi oia i poina i ka hoike ana ae no Loio DuI rana, oia kekahi mea i hoomaopopo ua ola hou o Aliee, Ua kakau iho la nohoi oia he palapala kauoha e hooili ana i kona mau waiwai apau maiuna o kona makuahine ina oia e poino ana ma ka huakal ana e hele aku ana ma ia mua kokoke iho, a e hoonoho ana hoi i kona hoaloha, ia Robata i lunahooponopono waiwai no kona mau waiwai apau. Mahope iho o ka paa ana o keia mau palapala, hookomo iho la ia iloko o kekahi wahi i hana maiau ia, a hoo iho la iloko o ka pakeke o kona kuka. 1 kela wa i komo aku al kona hoaloha 0 Robata. Noho iho la laua a kamailio iho la no na mea e pili ana i ka aellke 1 hanaia e ia ame ka Barona Limera. Aia ma ka hora 5 e malamaia ai ka paio mawaena o laua. Nana ae la o George i ka wati, a ike ae la o ka hora 4 ponoi ia ma ia wa. O ko lau« wa no ia i hoomakaukau iho ai no Ka heie aku.

I ka makaukau pono ana o George no kana misiona oia ahiahi, a hoomaka mal Ia laua e puka iwaho, ia wa i olelo ae ai o George i kona hoaloha i ka i ana: "Aole au e hele aku anft e ike i kuu mama aloha i keia wa. E lilo auanei kona mau helehelena oluoiu i mea e hoanoeia ai ko'u mau aa koko. Aka, e kuu Robata maikai, ina nae e haule pio ana au malalo o ka makakila a Monsiu Barebona, alaila, e oluolu oe e lalau iho i kekahi palapala maloko o kuu eke nei, a oia kau e lawe mai ai i kuu makuahine. Aia maloko o keia palapala ka hoike ana o kekahi mea huna pohihihi loa, a oia mea huna hoi ka mea nana pu, kou hoaloha nel, e onou aku nei iloko o ka poino. He oiaio, o ka paio pahikaua ka'u e lawelawe nei no ke pale ana ia'u iho, a he manaolana ko'u e loaa ana la'u ka lunakila ma keia paio ana." Haalele iho la laua i ka hale. Hele aku la laua a hiki i ke alanui, a kau aku la maluna o kekahi kaa, a holo aku la no kahi ululaau o Notre Dame, elike me ka mea i aelike ia mawaena 0 n& paa lalo o kela ame keia moho. He hapaha hora paha koe hiki ae i ka hora 5, hoea aku la laua nei ma ke kahwa hakoko. Ua hiki ae malaila o Burebona ame kona paa-lalo, aka. o ka mea kupaianaha nae ma ka Robata homaopopo ana aku la Barona Limera, oia kona alawa pinepine ana aku raa kekahi wahi o ka ululaau, a lele e waU» iho la no kona hauli no ke ano o keia hana a kona hoa. Manao wale iho la no ia, aia he poe kanaka e ae l hoakoakoa ia ma ia wahi o ka ululaau i poe paha e lele powa mai maluna o laua, ina e lanakila ana kona hoa maluna o kona hoa paio. I kela wa ua hoomakaukauia ilio la ka rina e hoouka ai na moho kakapahi oia aliiahi. Mahopefiho o ka makaukau ana o na mea apau, ua kokoke loa ae la i ka manawa i hooholola no ko laua wa e ulele ai. Ua ku ae la ua mau moho nei o na makakila ma ko iaua mau kulana pakahi iho. Ma ka nana ana aku ia laua, ua ano like loa ko laua mau oiwi kino i kahi ame kahi. Ko laua mau kulana kakele pahlkaua ana, ma ke ano o ka laua paa ana i ka laua mau pahi, he loa no, me he mea la, hookahi no a īaua kumu kakapahi. I kela wa i hoomaka ae ai laua i ka hoopa ana i ka laua mau pahikaua, a lilo ae }a na Burebona ke kiina pahi mua. He mea olaio, ua akamai maoli kana mau kiina pahi apau i hoolele mai maluna o kona hoa paio, oia hoi o George, a me ke akamai no hoi o George i pale aku ai i na hauna pahi a pau a kona hoa i hahau mai ai maluna ona. He oolea loa kana mau hauna pahi, aka, oia oolea nae i loaa mai i na pale pahi akamai ana a George ua lilo ae la ia mau mea i mau mea ole wale no ia George. Ua ike iho la o Burebona ia wa, aole kona hoa paio he kanaka makaukau ole ma ia hana elike me kana i manao mua ai, a no ia mea ua kakele hou mai la ia i kana pahi maluna o George, me ka oi aku o ka elau ame ke akamai i ko ka wa mamua, aka, ua hoopahua hou ia no oia e na pale akamai lua ole a George i hoike aku ai imua ona. Ua ike mai la ka Barona Limera i keia akamai e hoikeikeia aku ana e George. A o Robata hoi ia wa, ua hoomaalili loa ia ke kapalili hopohopo o kona houpo no kona hoa, oiai, ua manao loa oia nie ka makau nui, e lilo ana kona hoa 1 mea ole loa imua o na hauna pahi akamai loa a Burebona, ke pookela loa o na kanaka akamai o loko o ke kulanakauhale o Parisa i lohe ai oia. I kela wa, hoomaha iho \a ua mau moho nei, a hala kekahi mau minute elima, ia wa hoala hou ae la laua i ka hoonee ana i ka laua hana 1 aelike ai. I keia wa hoi i 1110 ae ai ia George ka hahau ana. Ua ikeia aku la ia, e oi pono ae ana i kona kulana palo imua o kona hoa me ka maikai, a ma ia wa i kakele aku ai oia i kana pahi maluna o kona hoa paio me ke akamai. U huila ae Ia kana pahi maloko o kona lima elike me ka oni ana a na kukuna la iluna o ka ili o ka wai. Ikeia aku la hoi ka lele ana o Burebona i o a ia nei i mea e hiki ai iaia ke alo ae i kekahi mau hauna pahi pololei a George i hoolele aku ai maluna ona, a ia wa i loheia aku ai o George e olelQ ae ana: ™"E ke kanaka i hoolimalimaia e Kauna Berene no ka lawe ana i kuu ola. ano ka wa e liaawi aku al au ia oe i hoopai nou, a koe nae kou ola ma ka poho o kuu lima." Me kq. hikiwawe loa i hoopukaia ae ai keia mau huaolelo, ame ka hikiwawe nohoi i- uhau aku ai o George i kana pahikaua maluna o kona hoa, a oia hoi kekahi o na hauna pahi akamai j loa a kana kumu Tureke i paka ai iaia a ailolo. | (Aole i pau.) !