Ka Nupepa Kuokoa, Volume XXXVIII, Number 26, 30 Iune 1899 — KA HUI O NA LOIO. [ARTICLE]

KA HUI O NA LOIO.

| Ke kukuluia ana o kekahi Hui no na Loio o Honolulu nei, elike rae ia i kukuluia ma ke ahiahi o ka Poakolu nei, oia kekahi hana maamaama i hanaia e na Loio o loko o keia kulanakauhale, maliope iho o ko lakou noho hoomaopopo ole ana no ia mea iloko ona wa loihi i hala ae nēi. Aole paha e hiki ke hoahewaia mai makou ma ka olelo ana ae, o keia hana i hanaia iho la e ua poe hoa hanohano nei o ka poai lani o ka oihana Kanawai, he hana maamaama ia, a me he mea la, o ko lakou kukulu ole ana, a hana ole ana i hui eiike me keia iho la iloko o na wa i hala ae nei, he hana poeleele ia. I hooia aku makou, me ka moakaka lea, o ka noonoo ole ia ana o keia hana maikai, i na wa i hal ae nei, a kukulu io ia hoi, he hoikena maopopo ia o ka manao nui ole ia ana o ka waiwai o ua hana la, i ikeia i keia wa, he mea maikai ka ia. Ua olepeia mailoko aku o keia hui (no keia manawa paha) ka Pauku e hoomaopopo ana, aole e komo aku ua Hui la 4 iloko o na hana pili ka,laiaina, a Aupuni hoi. Nolaila, ua maopopo loa, oiai e ku kaawale aku ana ia mahele hana waiwai nui o ka noho aupuni ana o Hawaii nei, mailoko aku o ke Kumukanawai o ua Hui la, e punuku loa ia ana na ekemu ana a na hoa o ka Hui ma na ninau kalai Aupuni, i kela wa ame keia wa e halawai ai ia. | Ua maopopo loa, ua ku keia Ahahui ma ke kulana elike me ka hui kokua e ae o loko nei o ke kulanakauhale, a e motio pololei ana kana liele ana ma na hana hoonaauao pili kanawai wale iho no. Ua akaka nohoi, ua kuokoa keia ame keia hoa o ka Hui nona iho ma na mea pili kalaiaina apau e komohia aku 1 ana na ko ia ana o ka aina nei. Ua ; hiki' i kela ame keia lala, ke komo ma ka poai kalaiaina Repubalika, a i ole ia, Demokarata, a i ole ia, Aloha Aina, a i ole ia, Kalaiaina paha. No makou iho, ke minamina loa nei makou i ka ike ana.ua kapae kua ia kela kahua ano nui loa, oia hoi ka oihana kalai aupuni, mailoko aku o ka Ahahui. Manao makou, aole he wa kupono e ae, a na poe ike kanawai o loko nei o ka aina, mawaena 6 na Haole ame na Hawaii, e lawelawe ai i keia hana, no ka pono nui o na kan&ka Hawaii, eliV;e la me keia wa. Oka wa keia o ke ku ana o ke aupuni ma ke kulana ike hapopoia e na kanaka Hawaii, a ke paa nei maluna o ka hapanui loa o lakou na ao ana ame na alakai ana a ka poe ike kanawai ole, ka naau ao hookahi e loaa ai ka palekana pili nohona aupuni i na ohua noho halau hale Aupuni. Aka ke lana nei no nae ko makou e hoea mai ana no ka la e kolo malie hou mai ai kela kumu alakai i kapae kua ia aku la i keia wa. He mea maa mau i na huina houluulu o na mea kino i puuluulu ia me na haawina ike o ke kanawai, e oni ana no ia iloko o na maawe a ke kanawai e kolo aku ai.