Ka Nupepa Kuokoa, Volume XXXVIII, Number 25, 23 June 1899 — KA MOKUPUNI O "MOKUUMEUME." [ARTICLE]

KA MOKUPUNI O "MOKUUMEUME."

Ua lohe mai makou e eli ia aku ana e na Hoahanau McCandless. ka papa umauma o ka mokupuni o Mokuumeume ma keia mua koke iho, i mea e loaa ai ona wai aniani. no ka hooulu ana i na mea ulu ma ia mokupuni, elike me ka raiki, ame ke ko paha.. Aia na mea paahana eli wai aniani ma ia wahi kahi i ku ai me ka makaukau loa.

Nolaila, ina e loaa ana ka wai o keia wahi mokupuni, alaila, e lilo ana ia i wahi waiwai loa ma keia mua aku. Ua lohe makou, he 400 paha eka a oi ka nui o kalii kupono o keia mokupuni no ka oihana mahiai. , Ua loaa mai he kaakupapau hou ame na lako no ia oihana no H. H. Wiiliams o ke ano keokeo. Ano hou keia. He makamaka maikai no keia. Ua loaa mai nei i ke Aupuni kekahi leta mai ia W. W. Umsted mai o ka Hoikeike o Omaha no ke noi hou ana mai i ka hana Aupuni no |1,800. Ua hoole ia aku no mamūa aku nei. Aole e holo ana ka hana Aupuni. Ua lilo ka inoa Moho Kiiikui o ke Ao ia Jim Jefferies o Los Angeles, Kalemai ia Robert Fitzsimons mai o Australia, iloko o umikumamakahi puni a laua i ulele puupuu ai, a oia ka moho kuikui puupuu kaulana o ke ao i keia wa.